Von viererley speyß soltu nuetzen oder essenn vnd du solt auch wissenn yssest du hitzige speyß als pfefferr (pepper) czwifelnn (onion) vnd knoblauch (garlic) die verrprennenn dir dein plut auch krebs (crayfish) Issestu aber dinck die serr kuelenn als lattich (lettuce) vnd wurtzelnn (herbaceous plant) vnd die dem geleich sein an kelten die toettenn dir dein plut vnd machenn es gerynnenn Sein aber die ding zu wesserig an in selbs die du issest Als kurbiß (calabash) dy machenn dir faul plut in dem leib Sein sie aber vergifftig als swamenn so toetten sie dich machenn sie aber zu vil feuchtigkeit in dem menschenn so wirt faul materig in im Als czwifell (onion) pfirsing (peach) vnd dem geleich Item derrent aber die dinck zu serr Als pfefferr (pepper) peterlein (parsley) vnd encian (great yellow gentian) vnd ysopp (hyssop) wiewol dise ding gut sein so man sie vermischent mit anndernn guttenn dingenn die feuchtigkeit bescheidenlich bringenn doch der sie vil vermischt so krencken sie des menschen krafft vnd speyßen auch nit Ist es aberr dastu issest zu feiste ding es sej visch (fish) oder fleysch (meat) so swymbt es dir oben in dem magenn vnd macht das sich die speyß nit verdewt [68r] Issestu aber die speyß serr gesaltzenn (table salt) so speist sie dir nit vnd verprennt dir dein plut vnd verderbt dir den magenn vnd die speyß darInnen vnd krenckt dir dein gesicht Ist sie aber zu suß so beschliessenn sie dir dein leib vnd andere gelider do von vil grosser schedenn kummenn Sein aber die ding pitter die du issest noch speissen sie dich nit vnd machen dir weder fleysch noch plut vnd kumbt dir zu schadenn Item Eßigt aber die speyß zu serr das zu vil essigs (vinegar) darInnen ist oder ser schmeckt als essig (vinegar) so macht sie dich alt vnd schier sterbenn Item Stopffet dich aberr die speyß zu sere die du issest vnd ist das nit seuerlet als kuetenn (quince) so ist es dir schad Dar von spricht ein grosser meyster die speyß die dem menschenn wol kummenn das ist eins lemleins fleysch (lamb meat) das ein Iars alt ist oder darvnderr zigen fleysch (goat meat) vnd kalb fleisch (veal) vnd einß saugendenn kelbleins (veal) vnd huner (chicken) die etwas groß sein vnder einem Iarr vnd die keine eyer gelegt habenn vnd koppawn (capon) Rephuner (partridge) vnd weiche eyerr (chicken egg) vnd schueppet fisch (fish) die in fließendenn wassernn sein ganngenn vnd all clein vogel (small poultry) die man gemeinglich isset vnd weitzen brot (white bread) das mit roßinenn (raisin) ist gemacht vnd das czweijer oder dreyer tag alt sind vnd ein wenig gesaltzenn (table salt) ist