Hans Hagenbach
Köferlin - 1 °Hans Hagenbach Die Herren Eerichter haben in lossen inn gfenckniss legen, und umb 20 lb so dann sin jungfrow umb 10 lb gestrofft, so er ouch für sy bezalen müssen, von wegen das er mit derselben siner jungfrowen, Elssbeth Wassermannj von Stein, ein lange zyt inn sinem huss, noch abgang siner vordrigen eefrowen unküschheit getryben, und als er sich wider verhürrathet iren ein somma gelts verheyssen, sy solle schwygen, als aber die sach für das eegericht kommen, hatt sy im under ougen anzeigt, er habe iren die ee verheyssen, und als die richter sich der sach zuobedencken gnommen, hatt man sy darzwüschen zuor statt uss hinweg gefertiget. Ist also uff Frytag den 28 Septembris ditz 65 jors , mit gmeyner urphet wider ledig glossen. Niklaus Im Hoff Notarius subscripsit
Bestechung
iren ein somma gelts verheyssen, sy solle schwygen