Steck - 1 ° Gertrudt Karstin, Vyt Stehelj des Messerschmidts eefrouw Demnoch und sy einem von Tüllicken vier soum wyns abkoufft, denselben nit bezalt, sonder in, unsren gnedigen herren nochlouffen lossen, diewyl sy auch Heinrichen Luterburger für nün gulden tuoch abgnommen, dasselb den juden zuo Wyl procht, von dem ers hatt lösen müssen, und bemeltem juden iren und ander lüthen hussrath hinuss tragen, ist sy inn gfenkniss gleyt und uff mittwoch den 20. januarii ditz 63. jors, mit gmeiner urphet gnediglichen wider ussglossen, hatt dorby ouch geschworen, das sy by morndriger tagzyt, sich dry myl wegs schyben wyss von statt und landt Basell hinweg thuon, so lang und vyl biss sy den von Tüllicken bezalt hatt. Niclaus Im Hoff Notarius subscripsit

Datum: 1563-01-20

Entschädigung, Rückzahlung

biss sy den von Tüllicken bezalt hatt

Heinrich Brucker - 1 °Martin Schnyder der metzger von Basell Lienhart Lützler der metzger zuo Plotzheim, sin meister hatt in zuo Michelfelden gfencklichen lossen annemmen, ettliches gelts halben so er im schuldig, und nochdem er sich erpotten, das er im ein kuo zuohanden stellen und in bezalen wolle, ist er uff Donstag den 29 Brochmonats ditz 64 jars, mit gmeyner urphet gnediglichen wider ledig glossen. Niclauss Im Hoff Notarius subscripsit

Datum: 1564-06-29

Entschädigung, Rückzahlung

nochdem er sich erpotten, das er im ein kuo zuohanden stellen und in bezalen wolle

Köferlj - 1 °Claus Fry von Watt, der müller, Züricher piethClaus Fry kommt in einem anderen Urfehdeverfahren vor, siehe Urfehdeeintrag Regula Meygerj von Rodloff ein halb myl ob Baden glegen (fol 19 recto) für anderes Urfehdeverfahren, Demnach und im mündtlichen durch den obersten knecht anzeigt, das er sich mit Regula MeygerjRegula Meygerj kommt in einem anderen Urfehdeverfahren vor, siehe Urfehdeeintrag Regula Meygerj von Rodloff ein halb myl ob Baden glegen (fol. 19 recto) für anderes Urfehdeverfahren (die er zuor ee gnommen, und aber iren kein bywonung thuon will, darum sy ouch sich selbs lyblos thun wellen, wie sollichs ir urphet, so hieensyt, geschriben stot, usswysst.) von statt und landt Basel hinweg thuon solle, hatt er demselben beuelch nit statt thuon wellen, desshalben er inn gfenckniss gleyt, und uff Sambstag den letsten Herpstmonats ditz 64 jars mit gmeyner urphet gnediglichen wider ledig glossen, hatt darby ouch geschworen, das er dem spittal vier pfundt und vier schilling für das man sin frowen sechs wochen im spittal erhalten und geartznet, ussrichten solle, und denmoch sich mit siner frowen, hinweg von statt und landt Basel thuon, und sy selbs oder durch yemants anders, es sige wybs oder mans person, + inn ir heymat oder zuo sinen fründen geleyten, doselbst möge er das recht mit iren pruchen, oder underlossen, wie es inn für guot ansechen wirt, dann diewyl sy beyde unsren Gnedigen Herren, mit eydtspflichten nit verbunden, werde man sich iren nützit beladen. Niclauss Im Hoff Notarius subscripsit

Datum: 1564-09-30

Entschädigung, Rückzahlung

das er dem spittal vier pfundt und vier schilling für das man sin frowen sechs wochen im spittal erhalten und geartznet, ussrichten solle

° Cuonrat Müller von Zofingen zuo Grossen Hüningen sesshafft. Demnach und er vor ettlichen jaren, Gladj Falkysen selig, dem schmidt bym spittal, ysen procht, die er Bernharten Stehelin ab den redern gschlagen, und syderhar sich gantz argwenig ge halten, das die von Hüningen und Merckt sich erclagen, das sy ir holtz verlieren, das diser ander lüthen zekouffen gebe, wie er dann ouch den würt Zuor Cronen zwey thusent wellen, die nit sin, sonder Jocoben Byrloffs zuo Hüningen gsin, zekouffen geben, doruff diser 14 lb vom würt entpfangen doran im aber nit mer dann 2c wellen worden, wiewol ers seltzam verstrychen hatt wellen. Desshalben er inn gfenck niss gleyt, und uff Mittwochen den 25 Octobris ditz 64 jars noch dem er durch die Syben Herren verhört worden, gnediglichen + wider ussglossen, hatt den innhalt gmeyner urphet, dorby ouch geschworen, das er den würt Zuor Cronen zuo friden stellen, welle, und wann man im wyther biethen wirt, das er gehorsamlich erschynen solle. Niclauss Im Hoff Notarius subscripsit

Datum: 1564-10-25

Entschädigung, Rückzahlung

würt Zuor Cronen zuo friden stellen, welle

Uolj - 1 ° Ruprecht Eichlj der stattknecht. Alsdann er von Hanssen Lamparter dem rebman, ein huss inn Sant Albans vorstat, ab, entpfangen, hatt er dermassen liederlichen und unsorgsam hussgehalten, das sollich huss verwarloset und verbrennt worden, dess halben er inn gfenckniss gleyt und uff Sontag den 10 des Decembris ditz 64 jors gnediglichen wider ussglossen, hatt den innhalt gmeyner urphet darby ouch geschworen, das er sich onerloubt von der statt nit hinweg thun, sonder mit werckhen sich dermassen halten und tragen, das er sin frow und kindt dardurch erhalten werdenn, das er ouch die stroff des brandts, unssren Gnedigen Herren bezalen solle. Niclauss Im Hoff Notarius subscripsit ✤die nüwe zal 1565

Datum: 1564-12-10

Entschädigung, Rückzahlung

das er ouch die stroff des brandts, unssren Gnedigen Herren bezalen solle

Brucker - 1 Köferlj - 1 ° Peter Bunder und Anthonj Bunder von Pressmell ° gebrüder die steinmetzen Alsdann sy mit ettlichen landslüthen zoben zert, und sy Meister Daniel Hëntz den steinmetzen inn Eschamer Vorstat antroffen, haben sy mit im angfangen zewörtlen, biss sy hinden Zuom Lufft kommen, sindt sy über inn geroten, und innsonderheit als Peter Bunder, ein zollstecken inn henden tragen und die andren werloss gsin, hatt er den zollstecken uff im zerschlagen, und bemelten Daniel ein loch inn kopff gschlagen, desshalben sy beydt inn ge fenckniss gleyt, und uff Mittwochen den 10 des Jenners ditz 65 jars, mit gmeyner urphet gnediglichen wider ussglossen, habent darby ouch sampt und sonders geschworen, das sy bemelten Daniel Hentz den costen schaden und schmertzen abtragen sollen, und so sy vermeynen das er sy mit worten ongebürlichen antastet habe, mögen sy mit im das recht pruchen, innsonderheit diewyl Anthonj Bunder, mit siner eefrowen übellept, und wann Meister Hanss der werkmeister mit sinen gsellen, für inn anhin zücht, vermupfft und veracht er sy, mit spetzwörtlinen und sagt, do gondt die steinmetzen, ist im anzeigt, das er mit siner eefrowen anderst dann bisshar leben und das Meister Hanssen den werkmeister, onveracht solle lossen, sich der spetzwörtlinen müssigen und abthun solle. Niclauss Im Hoff Notarius subscripsit

Datum: 1565-01-10

Entschädigung, Rückzahlung

das sy bemelten Daniel Hentz den costen schaden und schmertzen abtragen sollen

Köferlj - 1 ° Lorentz Luoderer von Derringen, uss einem dorff by Brëtten glegen, der küffer Lorentz Luoderer kommt in anderen Urfehdeverfahren vor, siehe Urfehdeeinträge Lorentz Luoderer der küfer inn mindren Basell (fol. 24 recto) und Mathys Kienlj der seyler von Pfortzheim, bürger inn mindren Basell, und Ursula Brunschwylerj von Basel sin eefrow (fol. 29 recto) für andere Urfehdeverfahren Demnach und im ein frömbder crämer, so by Fryburg inn Üchtlandt doheymen gsin, vor einem jar, ein cronen gelychen der nochmalen zuo im kranck kommen und in gepetten, er solte im das best thuon, komme er uff, welle er im die gelychne cronen schenken, und ettwas mer darzuo geben, wie nun derselb mit tod wellen abgon, und diesem ein seckell geben, hatt er in siner frowen inn trog zetragen befolchen. Als aber der schult heiss und die amptlüth beschriben wellen, hatt er sollichen seckell und gellt verhalten , biss das er mit sinem nochburen Mathiss Kienlj Matthiss Kienlj kommt in einem anderen Urfehdeverfahren vor, siehe Urfehdeeintrag Mathys Kienlj der seyler von Pfortzheim, bürger inn mindren Basell, und Ursula Brunschwylerj von Basell sin eefrow (fol. 29 recto) für anderes Urfehdeverfahren oneins worden und mit im inn rechtsfertigung kommen, und als die kuntschafft verhört und die sach zuo recht gsetzt, haben die richter kein urtell geben wollen, sonder die sach der Hochen Oberkeit zuo erkant . Desshalben er inn gfenckniss gleyt , und uff Sambstag den 24 Mertzens ditz 65 jars, gnediglichen wider ussglossen. Hatt den innhallt gmeyner urphet, darby ouch geschworen, das er das verhalten gellt so im seckell gsin nemblich zwentzig dick pfennig und syben schilling, hinder herrn schultheissen inn mindren Basell erlegen , der dann solich gellt behalten wirt, biss des crämers frow oder sine erben dasselb reichen, das er ouch sich von statt und landt Basell hinweg thuon, und onerloupt nit wider harin kommen solle, sonst wurde im ettwas uff den hals wachssen, das im zeschwer wurde sin. Niclauss Im Hoff Notarius subscripsit

Datum: 1565-03-24

Entschädigung, Rückzahlung

das er das verhalten gellt so im seckell gsin nemblich zwentzig dick pfennig und syben schilling, hinder herrn schultheissen inn mindren Basell erlegen

Köferlj – 1 ° Ich Claus Spechten verschribne urphet Ich Claus Specht burger zuo Basell , bekhenn hiemit diserm brieff, demnoch und ire mich leyder so hoch und schwerlich ubersechen, das ich offtermals an den Sontagen wann ich das almuosen inn Sant Lienharts kilchen uffghept, etwan zwen schilling, etwan minder, als ein oder zwen tholchen, ab dem brättlin, oder ab dem täfelin genommen, die inn min taschen gestossen, dasselbig gellt inn min selbs nutz geprucht, verthon, sollichs by zweyen jaren getryben, und also das all muosen veruntruwt, abgetragen und entwert hab, der ursachen die edlen, gestrengen, fromen vesten, fürsichtigen wysen herren Burgermeister undRath, der stattBasell, min Gnedig Herren, mich gfencklichen haben annemmen unnd inlegen lossen. Unnd wiewol ir streng, ersam wysheit, guot fuog, macht und gwallt gehept, mich uff min wolverdienen, noch scherpffe des rechtens zestroffen,so haben sy doch uff min underthenigestes gnod begeren, mich der strenge des rechtens erlosen, ir ange borne gnod und barmhertzigkeit, richlich an mir erzeigt, unnd mich sollicher gfangenschafft, mit geding, das ir streng ersamen wysheit, gemeinen guot, ich zuo einer stroff, zechen gulden und dem almuosen zuo einer ergetzlichkeit obgemelten abtrags, zwentzig gulden lantleüffiger Basler werung erlegen, und demnoch von stundt, ouch glich tagens, von dem Thurn der gfangenschafft von und uss der statt Basell und dero gepiett gon, dieselbigen zechen myl wegs, schyben wyss myden, und niemergwer darin komen, ouch volgendts und zuo künfftigen zyten, mir die widerrucken zuoerlouben kein pitt thuon, noch für mich zuo geschechen, anrichten, gestatten noch verkenngen solle, in kein wyss noch weg, widerrucken ledig gelassen, wellicher hoch bewysene gnaden, ir streng, ersamen, wysheit, ich gantz underthenigen dannckh sagen, das ich uff sollichs fryg und ledig aller bannden und gfangenschafft, wol bedocht, einen gelerten eydt mit uffgehepten fingern, und vorgesprochen worten, zuo Gott dem herren geschworen, dise gfangenschafft, sampt allen dem so sich mit mir, darinn und darunder, worten oder werchen halb verloffen, gegen den obgedochten meinen gnedigen herrenBurger meister und Rath der statt Basell, allen iren verwanthen, zuogehörigen, nach denen, so hierunder verdocht, nit zuo rächen, zuo äfferen noch zuo anden, weder mit noch one recht, ouch hierwider nit zethuondt, zereden, noch gethon werden verschaffen, oder gestatten inn kein wyse, sonnders hierüber ein gestrackt uffrecht urphet unverbrochenlich zuohalten. Unnd innsonnders, das ich die obgemelten fürwort unnd puncten, sampt und sonnders trüwlich halten, vollnziechen und erstatten, solle und wölle, ouch wider disen meinen gethonen eydt und urphet, kein appellation noch dispensation, werder von Bapsten,Keysern noch Königen, zuoerlangen, zuoerwerben noch mich deren zuogebruchen, ob mir die glich von und uss eigner bewegung, gegeben, sonnder by disem meinem eydt, und urphet, gestragts, one mittell zepliben, Unnd ob sich dheniest zuotragen, das ich (davon mich Gott behut) so unthür an mir selbs, das ich als disen minen gethonen eydt und urphet, über kurtz oder lang, inn einem oder mer der obgemelten puncten, und articklen, überfaren, verprechen, nit hallten, und übertretten wurde, wie sich das worten oder werckhen halb, begeben möchte. Das ich alsdann noch sollichen ubertretten, von stunden an, ein meineydig mann, + der vyl nützer und wegen, von der wellt gethon, dann dorby gelossen geheysen und sin. Bund one alles wyther berechtigen, oder beclagen wo ich uff wasser oder uff landt betretten, alls ein meyneidige person noch vermög der rechten, an meinem lyb und leben gestrofft und vo leben zum todt gerichtet werden solle, hievor mich Claus Spechten, min lyb haab und guot, gantz nützit frygen fristen, noch schirmen soll, kein gericht noch recht, geistlichs noch weltlichs, weder der herren, stetten noch des landes kein fryheit, frygericht, Gnod, sytt noch gewonnheit usszug fund, list, sachen noch gefärd, so hierwider für und erdocht werden mochten. Dann, ich mich der aller, zuosampt dem rechten so gemeiner verzichung, da nit ein sonndere vorgodt, wider spricht, verzigen hab, verzich mich ouch deren, inn und mitt crafft ditz brieffs. Unnd des zu warenn verkundt so hab ich Claus Specht, mit vlyss ernstlich gepetten und erpetten, die erwürdigen, edlen, vesten herren Sigmundten vonn Pfirdt Thuomprost zuo Basell und JunkherNiclausen von Wendelstorff, das sy ire eigen insigell, mich obgenanter dingen, zuoverbinden und zuoübersagendet gehenckt haben an disem brieff, wellches wir die vorgenanten, Sigmundt von Pfirdt und Niclaus von Wendelstorff uff pitt, wie ange zeigt, doch uns und unnseren erben one schaden gethon haben bekhenen. Geben und beschechen, uff Mentag den acht und zwantzigsten tag Meygmonats, noch Christj gepurt gezellt thusent fünffhundert sechstzig und fünff jar. Diewyl dann obgenanter Claus Specht, umb besyglung diss brieffs gepetten, und dissen eydt inmassen abstot, vor mir notarien geschworen. So hab ich Niclauss Im Hoff uss bäpst lichem und keyserlichem gwallt, ein offner und der statt Basell geschworner notarius, disen brieff, mit eigner Hand under schriben.

Datum: 1565-05-28

Entschädigung, Rückzahlung

dem almuosen zuo einer ergetzlichkeit obgemelten abtrags, zwentzig gulden lantleüffiger Basler werung erlegen

Uolin - 1 Köferlj – 1 ° Andres Bya von Yverdon und Ludj Meyger ° von Burtolff sin schweher, beydt crämer Demnoch und sy zuo Laussen gfencklichen angnommen, von wegen das by inen ein guoter theyl sylbers, so von monstrantzen kompt, ge funden worden, so den Herren von Zug, uss der kylchen gestolen, sindt sy, nochdem sy, durch die Sybenherren verhört, und ge melten Andres Bya, wie ers ettlichen crëmeren zuo Sant Bollenoris und Knöringen, gegen gewürtz, abtuschet, bericht geben, wiewol im sollichs gedochter sin schweher gewert, gnediglichen wider ussglossen, uff Mittwochen den 13 des Brochmonats ditz 65 jors, habent sampt und sonders, den innhalt gmeyner urphet, dorby ouch geschworen, das sy inn acht oder zechen tagen, den costen so uff sy und ire wyber hie und zuo zuo Liestal gangen, der sich by 20 gulden trifft, erlegen, und dannenthin statt und landt Basell myden, und dorin onerlaupt nit kommen sollen, by einer schweren lybsstroff. Niklaus Im Hoff Notarius subscripsit

Datum: 1565-06-13

Entschädigung, Rückzahlung

das sy inn acht oder zechen tagen, den costen so uff sy und ire wyber hie und zuo zuo Liestal gangen, der sich by 20 gulden trifft, erlegen

Köferlj – 1 ° Claus Steimer von Riechen Demnoch und er am heyligen Uffart tag, sich mit wyn überladen mit einem genant Hanss Brantz zuo unfriden kommen über in zuckt und als man in gfencklichen angnommen, hatt er sich ze wer gstelt, den weybel ins mul gschlagen. und als man in schon an ysen gleyt, hatt er tobet und gwütet, Und übel gschworen, sich nit ab der sach bessert, als er vormalen vor einem ersamen Rhat gstanden, von wegen, her Christoffell Schilling des predicanten und einer mëtzenhalb, so im ongestrofft hingangen. Desshalben er yetzt ingleyt und umb 20 lb gestrofft. Ist uff Mittwochen den 13 des Brochmonats ditz 65 jors, mit gmeyner urphet gnedig lichen wider ussglossen, hatt dorby ouch geschworen, das er die bemellt stroff, dem obervogt erlegen und darob sinen willen behallten solle, auch hinfürter sich bass und wol halten solle, damit im nit schwerers uff den hals wachsse. Niclaus Im Hoff Notarius subscripsit

Datum: 1565-06-13

Entschädigung, Rückzahlung

bemellt stroff, dem obervogt erlegen

Köferlj - 1 °Cuonrat Lehmüller von Vyssliss uss Pfirter ampt Ist nëchten gegen oben under dem inneren Spalen thor, an der gassen glegen, mit wyn überladen gsin. Desshalben er inn gfenckniss gleyt und uff Donstag den 14 Brochmonats ditz 65 jors, mit gmeiner urphet gnediglichen wider ussglossen, hatt dorby auch geschworen, das er den costen diser thurnlösj biss Sant Johans tag nechstkoment erlegen, und wan man in wyther der unzuchthalb manen werde, das er gehorsamlich erschynen und das so im uffgleyt wirt, erstatten welle. Niclaus Im Hoff Notarius subscripsit

Datum: 1565-06-14

Entschädigung, Rückzahlung

er den costen diser thurnlösj biss Sant Johans tag nechstkoment erlegen

Uolin - 1 ° Bastian Schmidt der küffer inn Eschamer vorstatt Wiewol er vormals inn siner urphet, die würtz, wyn und kochshüser, zünfft und gsellschafften zemyden, ouch von sinem tuschen und mërckten abzeston, geschworen, so hatt doch er den selben eydt wenig ghalten, sonder hatt einem von Plouwen ein ross, zwen stier und ein kuo abkoufft, und als derselb mann von wegen der bezalung sich vor unsren gnedigen herren er clagt, und im für rath gepotten, ist er nit erschynen, dess halben er inn gfenckniss gleit, und uff Mittwochen den vierdten tag Höwmonats ditz 65 jars, mit gmeyner urphet gnediglichen wider ussglossen, hatt darby ouch geschworen, das er den mann von Plouwen zuo friden stellen und bezalen solle, das kein wytere clag von im komme, und hinfürt solches tuschens und kouffens abston, alle zünfft und gsellschafften, würtz, wyn und kochshüser myden, allein doheimen inn sinem huss und uff siner zunfft, essen und trinken solle. Uuch kein gwer weder tags noch nachts, dann allein ein abbrochen brotmesser, by noch an im tragen, sonder sin vordrige urphet, stet und vest halten solle. Niclauss Im Hoff Notarius subscripsit

Datum: 1565-07-04

Entschädigung, Rückzahlung

das er den mann von Plouwen zuo friden stellen und bezalen solle

Köferlj - 1 ° Marx Eschli der zymmerman Wiewol er vormals, inn siner urphet gschworen, wann er buwholtz uff dem Rhyn kouffen welle, das ers denen die darzuo verordnet abkouffen solle, so hatt doch er denselben eydt nye gehalten, sonder ettwan dryssig oder fünfftzig flötz koufft, also das die andren zymmerlüth, vor im nützit koufen haben können, die er nochmalen uff merschatz verkoufft. Ist er desshalben inn gfenckniss glegt und uff Sambstag den 14 Höwmonats ditz 65 jors mit gmeyner urphet gnediglichen wider ussglossen, hatt dorby auch geschworen, das er hinfürt kein buwholtz uff dem Rhyn mit sich füren, noch uff dem Rhyn zymmeren, sonder sich wie ein anderer zymmerman behelffen solle, und diewyl er yetzt by fünffundzwantzig flötz am Rhyn hangen hatt, die er wider sin vordrige urphet koufft, ist im anzeigt, das unser Gnedig Herren die handt über sollich holtz schlachen und dasselb zuo iren handen nemmen werden. Niclaus Im Hoff Notarius subscripsit

Datum: 1565-07-14

Entschädigung, Rückzahlung

die handt über sollich holtz schlachen und dasselb zuo iren handen nemmen werden

Köferlj - 1 ° Heinrich Boütj von Stetten Demnach und er mit Hanss Lincken zuo Riehen im würtz huss zu unfriden kommen, von leder zuckt und in über alles fridbieten verwundet, sich nit wellen stillen lossen, übell ge schworen, dermossen tobet und gewütet, das man in an yssen müssen legen, ist er inn gfenckniss kommen, und wiewol unser Gnedig Herren guot fuog und recht ghept, in sinem verdienen noch hertenglichen zestroffen, haben sy doch Junckher Melchior von Schönauws und Junckher Hans Albrecht von Anwyls pitt angesechen, in umb 10 lb. gestrofft, und uff Mittwochen den 18 des tag Höwmonats ditz 65 jors, mit gmeyner urphet gnedig lichen wider ussglossen, hatt dorby ouch geschworen, das er mit Hans Lincken umb sinen schmertzen und erlittnen costenn überkommen, und zuo friden stellen, ouch den scherer ussrichten und vermigen solle. Niclaus Im Hoff Notarius subscripsit

Datum: 1565-07-18

Entschädigung, Rückzahlung

das er mit Hans Lincken umb sinen schmertzen und erlittnen costenn überkommen, und zuo friden stellen, ouch den scherer ussrichten und vermigen solle

Uolj - 1 °Hans Brombach der ballierer Als dann dem jungen Schwarzzyssen inn mindren Basell sin huss angangen und verbrunnen, und in der Sagenmüller angesprochen, er solle im helffen die leyteren anstellen und uff richten, sonst müssen die im huss verderben, dann sy vor hitz nit mer plyben mögen, hatt diser im dorab gemupffet und mit sinem mordäplj gegen richthuss fürzogen, also das der Meister oben zuom laden harus springen müssen, und im die frow, das kindt herab geworffen, und sy naher gesprungen, desshalben er inn gfenckniss gleyt umb 5 lb gestrofft und uff Mittwochen den 15 des Augstmonats ditz 65 jars , mit gmeyner urphet gnediglichen wider ussglossen, hatt dorby ouch geschworen, das er die bemelte stroff biss Sambstag nechst komment ans brett erlegen solle, und hinfürter onerloupt kein gwer, weder tags noch nachts, dann allein ein abbrochen brotmesser by noch an im tragen, dorzuo all zünfft und ge sellschafften, würtz, wyn und kochshüser, ouch all gassen würt myden, nienen andersswo dann allein doheimen, und uff siner zunfft zuo jors malen, essen noch trincken solle , dessglichen das er sine schuldt vorderer abzalen, und nit also wie bisshar umbher ziechen, sonder sich inn eestandt schicken solle. Niklaus Im Hoff Notarius subscripsit

Datum: 1565-08-15

Entschädigung, Rückzahlung

sine schuldt vorderer abzalen

Brucker - 1 °Johannes Spies von Gundelfingen, ein student. Ist uss bevelch, herren Rector und der vier Decanen der universitet zuo Basell, inn gfenckniss gleyt , von wegen siner ongehorsamj, das er uff anrüffen siner schuldt vorderen gar nie erschynen, über das im bym jurament gebottenn worden, hatt uff Fritag den letsten Augstmonats ditz 65 jors den innhallt gmeyner urphet, darby ouch geschworen das er sinen schuldtvorderen, wann sy im für recht pitten lossen, red und antwort geben, und gehorsamlichen erschynen, was ouch mit recht im erkant und uffgleyt, das er demselben statt thuon und nochkommen solle. Hiemit hatt er ouch die 16 ß contumatien erlegt und bezalt. Niklaus Im Hoff Notarius subscripsit

Datum: 1565-08-31

Entschädigung, Rückzahlung

Hiemit hatt er ouch die 16 ß contumatien erlegt und bezalt

Köferlj °Cristen Dornacher von Muttentz. Demnach und er unserer Gnedigen Herren Hardtvogt zuo Muttentz gsin, und unser Gnedig Herren vermeint, er hette trüwlichen und wol sorg ghan. So hatt sich befunden, das er übel ge hütet, und dem spittal ein groser schad widerfaren, das durch das veech abgeetzt worden, das buwholtz hätte mögen geben desshalben er inn gfenckniss gleyt und uff Sambstag den 6 Octobris ditz 65 jars mit gmeynder urphet gnediglichen wider ussglossen, und hiemit sines diensts geurloubt, hatt dorby ouch ge schworen das er den Dryer Herren rechnung geben und sy was er schuldig plybt ussrichten, und bezalen solle, ouch sich des abge houwnen holtzes nützit annemmen, sonder der Hardt sich müssigen solle. Niklaus Im Hoff Notarius subscripsit

Datum: 1565-10-06

Entschädigung, Rückzahlung

das er den Dryer Herren rechnung geben und sy was er schuldig plybt ussrichten, und bezalen solle, ouch sich des abge houwnen holtzes nützit annemmen

Eselthurn - 1 °Jerg Vollmer von Schaffhussen dess nochrichters knecht. HerAugustin Steck der vogtAugustin Steck kommt in anderen Urfehdeverfahren vor, siehe Urfehdeeinträge Heinrich Grof von Keyserstuol und Michel Mërckell von Pfortzheim, hatt nummen ein arm (fol. 18 recto), Peter Mayer von Orsny ein halb myl von Fryburg inn Üchtlandt glegen ein lackey (fol. 49 recto), Anthonj Jacote von Schërlin Fryburger und Berner herschafft, ein kessler (fol. 58 recto) und Jocob Keller der vollterer (fol. 59 recto) für andere Urfehdeverfahren hat in lossen inn Eselthurn legen, und umb 5 lb gestrofft, von wegen das er Hanssen Zügers dienstmagdt zuor ee gnommen, mit derselben umbher zogen, iren ettliche cleyder vertëmpfft, und sy nit zekilchen gfürt. Als aber er sich begeben das er sy zoukilchen füren woele, ist er uff Mentag den 15 des Octobris ditz 65 jors , mit gmeynder urphet gnedig lichen wider ussglossen, hatt dorby ouch geschworen , das er dem statt thuon wie er sich erpotten, sy fürderlichen zekilchen füren, und sinem meister so für in versprochen die stroff zeerlegen, dasselb gelt wider ab verdienen und in schadloss halten solle. Niklaus Im Hoff Notarius subscripsit

Datum: 1565-10-15

Entschädigung, Rückzahlung

sinem meister so für in versprochen die stroff zeerlegen, dasselb gelt wider ab verdienen

Köferlj - 1 ° Johannes Fry von Rorenfelss by Nüwenburg an der Thonow glegen Die universitet hatt in 7 tag uff Spalen thor lossen in gfenckniss legen, von wegen das er nachts mit ettlichen studenten uff der gassen umbher zogen, muotwillen getryben, den lüthen anclopfft und befrogt wo er mit züchten zehören, hin hofieren solle, ist uff Donstag + den ersten Novembris ditz 65 jars, mit gmeyner urphet gnedig lichen wider ussglossen, hatt darby ouch geschworen das er, wann man in beschicken wirt erschynen und alles da so im wyther uffgleyt wirt, erstatten welle. Niclaus Im Hoff Notarius subscripsit

Datum: 1565-11-01

Entschädigung, Rückzahlung

ouch geschworen das er, wann man in beschicken wirt erschynen und alles da so im wyther uffgleyt wirt, erstatten welle

Heinrich Brucker – 1 ° Daniel Këmpff von Rynouw under Schaffhussen, ein küffer Demnach der würt Zuor Cronen von Sënnhein sich vor unsren Gnedigen Herren erclagt, wie das im hundert gulden, minder dry dick pfenning entwert worden, und das diser und sin frow, zuo Sennhein, Müllhusen und Basell ytel dick pfennig ussgeben, und ein groser argwon uff in gfallen. Ist er und sin frow, inn mindren Basell Zuom Wysen Crütz gfenck lichen angnommen durch die Sybenherren verhört, und nochdem an die ort und endt, do er anzeigt, das er solche dick pfennig gewichslet und vor und ee, ob der wirt sin gelt verloren, ghept, geschriben und sich erfunden wie er fürgeben, hatt man in uff Sambstag den 24 Novembris ditz 65 jors, mit gmeyner urphet wider ledig glossenn. Woverr aber bemelter würt in wyther berechtigen und inn gfenckniss enthalten, das losse man im zuo, diewyl aber der würt dasselb underlossen, und im zechen pfundt an sin costen der gfenckniss ze stür geben, das kein theyl den andren wyther solle anlangen, ist diser also sin stroff hinweg zogen. Niclaus Im Hoff Notarius subscripsit

Datum: 1565-11-24

Entschädigung, Rückzahlung

im zechen pfundt an sin costen der gfenckniss ze stür geben

Köferlj – 1 ° Gladj Trölj der stattbott Denmach und er vor einem jar, inn Walliss 15 cronen ent pfangen die Maiharien Nussboums frowen zuostendig, hatt er dasselb gellt iren nit überantwort sonder innbehalten und geschwigen, biss dieselben lüth uss Walliss ein quittung begert und sollichs an zeigt. Ist er inn gfenckniss gleyt, und uff Sambstag den 5ten Jenners ditz 66 iors, mit gmeyner urphet gnediglichen wider ussglossen, hatt darby ouch geschworen das er das bemelt gelt und was er sonst von andrer lüth wegen ingenommen, uff das fürderlichst, abrichten und bezalen solle. Und ist hiemit sines diensts geurloubet. Niclauss Im Hoff Notarius subscripsit

Datum: 1566-01-01

Entschädigung, Rückzahlung

das er das bemelt gelt und was er sonst von andrer lüth wegen ingenommen, uff das fürderlichst, abrichten und bezalen solle

Köferlj – 1 ° Martin Sprenger der sybmacher Alsdann er uff den Nüwen Jors tag den metzger knechten die trummen geschlagen, ist er noch dem imbiss mit inen wider umbzogen und sich durch unserer Gnedigen Herren diener nitt wellen lossen abwysen. Desshalben er inn gfenckniss gleyt, und uff Fritag den viërdten Jenners ditz 66 jars mit gmeyner urphet gnediglichen wider ussglossen, und im darby anzeigt, das er die trummen uffs richthuss solle tragen. Niclaus Im Hoff Notarius subscripsit

Datum: 1566-01-04

Entschädigung, Rückzahlung

das er die trummen uffs richthuss solle tragen

Köferlj – 1 ° Cuonrat Keller von Bülach Züricher pieth, der schnyder Demnoch und er alhie husshäblichen gesessen, dermossen liederlichen hussgehalten, das sin eefrow dem Prediger Closter uff den hals kommen, vyl schulden gemacht, das er von der statt kommen, diewyl er aber heymlicher wyss inn der statt hin und wider gewerckt, und andren schnydern so der zunfft vehig, ein abbruch thon, ist er inn gfenckniss gleyt, und uff Sambstag den nündten Hornungs ditz 66ten jars, mit gmeyner urphet gnediglichen wider ussglossen, hatt darby ouch geschworen das er sine schuldt vorderer uff das fürderlichst so bald im Gott etwas beschert ussrichten und bezalen, wie er dann den schuldtvorderen allen ein hantschrifft geben, das er sy nützit welle verlieren lossen, und das er sich von statt und landt Basell hinweg thuon, und onerloupt nit wider harin kommen solle. Niclauss Im Hoff Notarius subscripsit

Datum: 1566-02-09

Entschädigung, Rückzahlung

das er sine schuldt vorderer uff das fürderlichst so bald im Gott etwas beschert ussrichten und bezalen, wie er dann den schuldtvorderen allen ein hantschrifft geben

Bylger – 1 ° Hans Heinrich uss dem Hochtal, uss Walliss Demnach und er Uolin Fry, zuo Hüningen entlypt, dorumb + er dann gfencklichen angnommen, und under plossem hymmel, berech tiget. Als er aber noch clag, antwort, und der zügen sag, fry ledig erkennt worden, ist er uff Sambstag den 15 des Brochmonats ditz 66ten jars, mit gmeyner urphet wider ussglossen, hatt dorby ouch geschworen, das er den costen so uff in gangen abrichten, und sich an anders ort und endt, uss unserer Gnedigen Herren landt und gepieth, hinweg thuon, und darin onerloupt nit kommen solle. Niclauss Im Hoff Notarius subscripsit

Datum: 1566-06-15

Entschädigung, Rückzahlung

costen so uff in gangen abrichten

Bylger – 1 °Theus Häl der metzger von BasellTheus Häl kommt in anderen Urfehdeverfahren vor, siehe Urfehdeeinträge Theus Häl der metzger von Basell (fol. 32 verso), Jos Müller der metzger (fol. 33 recto) für anderes Urfehdeverfahren Demnach und er vormalen inn siner urphet geschworen, das er kein gwer by noch an im tragen, und innerthalb dem Ëtter nit schiessen solle. So hatt er über sollichs, Jocoben Wetzell, inn der vogell hüttenen, mit hagel geschütz vornen inn die brust geschediget, das man vermeynt, er hette in zetodt geschossen. Desshalben er inn gfenckniss gleyt und uff Sambstag den 24 Augstmonats ditz 66 jors, mit gmeyner urphet, gnediglichen wider ussglossen. Hatt dorby ouch geschworen, das er sin vordrige urphet, die im vorgelessen worden, stet und vest halten und hinfürter der büchssen sich aller dingen, gentzlichen entschlagen, abthuon und müssigen solle. Dann wo er sich der büchsen wyther under ziechen, werde man in von statt und landt verwyssen. Desglichen solle er sich onverzug zuo Jocoben Wetzell verfügen im den scherer zevorderst abrichten, und demnoch mit im umb den schmertzen und schaden überkommen. Niclaus Im Hoff Notariussubscripsit

Datum: 1566-08-24

Entschädigung, Rückzahlung

Desglichen solle er sich onverzug zuo Jocoben Wetzell verfügen im den scherer zevorderst abrichten, und demnoch mit im umb den schmertzen und schaden überkommen

Pauli Bylger – 1 °Jocob Mëtzler von Schnetzenhusen, am Bodensee, inn die Landtvogty Ravenspurg gehörig, ein wagner knecht. Demnach und er uff Mentag noch Sant Verenen tag nechstver schynen sich mit wyn überladen, heym zogen tobet und gewütet, ettliche böse schwür ussgossen, und im spittal gegen sines meisters huss über, ettlich schyben zerprochen, und sich gantz wyldt gestellt ist er gfencklichen angnommen, und als in der stattknecht angriffen hatt er im schmëchlichen zuogeredt, er sige nit würdig das er in füre. Nachdem nun die kuntschafft verhört, hatt man in uff sin underthenige pitt, uff Mittwochen den 11ten Septembris ditz 66 jars, mit gmeiner urphet, gnediglichen wider ussglossen, das er hie wider wercken möge, dorby er ouch geschworen, das er die + schyben im spittal, so er zerprochen wider machen, und den costen dieser thurnlösj und der kuntschafft halb uff geloffen abrichten solle, hatt hiemit auch sich bekant, das er den stattknecht onbillichen geschmëcht, er wüsse nützit anders von im denn alles guots. Niclaus Im Hoff Notarius subscripsit

Datum: 1566-09-11

Entschädigung, Rückzahlung

das er die + schyben im spittal, so er zerprochen wider machen, und den costen dieser thurnlösj und der kuntschafft halb uff geloffen abrichten solle

Brucker – 1 °Urban Ritter von Sant Gallen ein müller knecht, by Lienhart Sagenmüller dienend Demnach und er uff einen Sontag sinem bruoder das gleydt geben, und sonst zwen so auch sine bruoder, von Sant Jocob, wider harin kert, und iren dry gegen der nacht inen zwüschen dem Grëndell und dem Käppelin begegnet mit + sägessen, ist bemelter Urban sampt sinen brüdern, mit denselben drygen, die inen zuor statt uss begegnet, zuo unfriden kommen, das sy zesammen geschlagen, darunder dann der knecht Zuom Rupff übel verwundet worden. Desshalben disser yetzt gfencklichen angnommen und uff Mentag den 7 des Octobris ditz 66 jars, mit gmeyner urphet gnediglichen wider ussglossen, hatt darby ouch geschworen, so in der knecht Zuom Rupff oder andere, mit recht anlangen wurden, das er inen eines rechtens solle sin. Niclaus Im Hoff Notarius subscripsit

Datum: 1566-10-07

Entschädigung, Rückzahlung

hatt darby ouch geschworen, so in der knecht Zuom Rupff oder andere, mit recht anlangen wurden, das er inen eines rechtens solle sin

Brucker – 1 ° Johannes Weber, provisor zuo Sant Peter Alsdann Urban Rot der strelmacher sich vor unseren Gned igen Herren erclagt, wie das iren zwen uff den Sontag Jubi late znacht, nechstverschynen, vor der Schol, inn lantzknechtischen cleidren und hochen hütten, an in kommen, über in zuckt, und im ein stuck vom kyni ghouwen, yetzt aber sige er inn erfarung kommen das er und Marquart der schuolmeister zuo Sant Peter. im sölches gethon. Uff das hatt dieser vor einem Ersammen Rhat freffenlichen geredt neyn, er sige nit vercleydt gsin, aber er habe im den streich geben. Desshalben er inn gfenckniss gleyt, umb 5 lb gestrofft, und uff Mittwochen den 27ten Augstmonats ditz 67 jars, mit gmeyner urphet gnediglichen wider ussglossenn, hatt darby ouch geschworen das er bemeltem strelmacher, sinen schmertzen, costen und schaden abtragen, und hinfürter sich nachts nit uff der gassen solle finden lassen, sonder den büchern obligen. Niklaus Im Hoff Notarius subscripsit

Datum: 1567-08-27

Entschädigung, Rückzahlung

das er bemeltem strelmacher, sinen schmertzen, costen und schaden abtragen

Hanss Rorer – 1 ° Hans Schmitter von Grosen Hünigen. Diewyl und er Jacoben Walther, hinderwerts, inn die achslen gehouwen, und uff dasselb noch ein streich gfasst, wie dann Jocob Walther sich dessen vor einem Ersamen Rhat, unsren Gnedigen Herren erclagt, ist er inn gfenckniss gleyt, und uff Mentag den nündten Hornungs, ditz 68 jars, mit gmeyner urphet gnediglichen wider ussglossen hatt darby ouch geschworen, das er dem obervogt, inn monats frist nechstkünfftig den freffell abrichten. Darzuo ouch gegen Jocoben Walther worten und werkenhalb zefriden sin solle, und mit siner eefrowen fridsamer dann bisshar leben. Niklaus Im Hoff Notarius subscripsit

Datum: 1568-02-09

Entschädigung, Rückzahlung

das er dem obervogt, inn monats frist nechstkünfftig den freffell abrichten

Rorer - 2 ° Balthassar Vogt, und Melchior Vogt genant Löwenberg sin son , die küffer Demnoch bemelter Balthassar Vogt, gedochtem sinem son, sin müterlich erbguot , früntlichen nit wöllen zuohanden stellen, sonnder was ein ersame zunfft, Zuon Spywettern, und ander eeren lüth, zwüschen inen gemittlet und abgeredt, hatt dasselb gemelter Balthassar Vogt, dem son nit erstatten wöllen, derhalben dann sy beydt, für und für, miteinandren inn zanck und oneinig keit gestanden, das ein Ersamer Rhat unser Gnedig Herren, und ir eeren zunfft, mit inen yemerdar, gemugt und bekömbert worden dorum sy inn gfenckniss dess Spalen thurns gelegt, und nochdem sy sich vereinbart, der vatter dem son, und hargegen, der son, dem vatter, von hertzen, mit mundt und handt, einandren verzygen, und der vatter sich begeben, das er sinem son, alles das so er im noch von wegen dess müterlichen erbfals, wie er dieselben stuck uff einem zedell, vor unsren Gnedigen Herren ingleyt, zuo handen stellen, und im einunddryssig pfundt , inn dryen monaten nechst künfftig überantworten, dessglichen den drittheyl inn einer bündj im ouch volgen lassenn, dargegen sich der son, den drittheyl dess gulden gelts, so bemelte bündj, gon Gnodenthal jerlichen zinsset, am zinss und houptguot, über sich zenemmen bewilliget. Sindt uff Sontag den 27 Brochmonats ditz 68 jors, gnediglichen wider uss gelossen, habent den innhalt gmeyner urphet, darby ouch geschworen das sy hinfürter, miteinandren fridsam leben, dann wouerr sy, hinfürter unser Gnedig Herren, ein Ersamen Rhat, oder ein Ersam Gericht, und ir eeren zunfft, wyther bekömberen sollten, werde man sy von statt und landt Basell verwyssen, dessen sindt sy mit allem ernst erinnert worden. Niclauss Im Hoff Notarius subscripsit

Datum: 1568-06-27

Entschädigung, Rückzahlung

wegen dess müterlichen erbfals, wie er dieselben stuck uff einem zedell, vor unsren Gnedigen Herren ingleyt, zuo handen stellen,

Uolin - 1 ° Ruodolff Ritter der bermenter Ruodolff Ritter kommt in einem anderen Urfehdeverfahren vor, siehe Urfehdeeintrag Ruodolff Ritter der bermenter (fol. 89 verso) für anderes Urfehdeverfahren Demnach und er mit siner eefrowen gar unfridsam lept, übell husshaltet, und Hanibal Ritters seligen kinden, deren vogt er gsin ire gülltbrieff versetzt, und sonst gross schulden gmacht, ist er inn gfenckniss gleyt. nd nochdem er sine schulden und gegenschulden anzeigt hatt man in uff Mentag den 28 Junij ditz 68 jars, mit gmeyner urphet gnediglichen wider ussglossen, hatt dorby ouch geschworen, das er lyb und guot nit verenderen solle, so lang biss er sinen vogtkinden ire gültbrieff wider lösst und lediget, und dieselben einem andren vogt, der inen geordnet wirt, überantwort. Dessglichen das er mit sinen schuldtvorderen, güttlich oder rechtlich überkommen, das er ouch alle zunfft und gsellschafften, würtz, wyn und kochshüser myden, und allein sich siner zunfft gepruchen, und hinfürter sin hantwerckh mit allem ernst tryben. ouch mit siner eefrowen fridsam und tugentlich leben solle. Niclauss Im Hoff Notarius subscripsit

Datum: 1568-06-28

Entschädigung, Rückzahlung

das er lyb und guot nit verenderen solle, so lang biss er sinen vogtkinden ire gültbrieff wider lösst und lediget, und dieselben einem andren vogt, der inen geordnet wirt, überantwort.

Brucker - 1 °Cuonrat von Marwyl genant Tobelman der metzger Demnach und er inn der Wyssen gassen, by nechtlicher wyl, muot williger wyss, an einen studenten geroten, im ein luten uss den hënden zert, die selb uff im zerschlagen, und den studenten herdtfellig gmacht, ouch sich gantz ongebürlich ghallten, und über das er gwarnet derselben gassen müssig zegondt, hatt ers nitt gemitten. Desshalben er inn gfenckniss gleyt, und umb 5 lb gestrofft, so dann solle er 5 lb für die luten erlegen. Ist uff Sambstag den 16 Aprilis ditz 69 jars mit gmeiner urphet gnediglichen wider ussglossen. Dorby er ouch ge schworen das er sich des jungen winlegers und siner eefrowen, aller dingen entschlagen und müssig gon, ouch dieselb gassen myden solle, sonst werde im ettwas schwërs uff den hals wachsen. NiclausIm Hoff Notarius subscripsit

Datum: 1569-04-16

Entschädigung, Rückzahlung

so dann solle er 5 lb für die luten erlegen

Ylidorffer - 1 °Eva Wyss von Zürich Thoman Germüller dess küblers eefrow Alsdann eines welschen Herren jungfrow, so inn Herren Thoman Grynej seligen, hoff, zehuss, zwounddryssig ellen tuoch, uff dem Plönlj bym Byrsick, gepleicht, und dieselben by heyterem tag umb die zwölffj hinweg kommen, ist ein argwon uff dise gfallen, dann man sy gsechen das tuoch inn ir huss tragen. Desshalben sy inn gfenckniss gleyt, und diewyl sy nit abred, sy habe das tuoch inn ir huss gnommen, und noch malen wider usshin gleyt, habe aber das tuoch nit, und wüsse nützit, war hin es kommen, uff das unser Gnedige Herren, den handell by irer verantwortung plyben lossen, hatt uff Sambstag den vierdten Junij ditz 69 jars, ein gmeyne urphet, dorby ouch ge schworen, das sy deren so das tuoch gsin, vier pfundt bezalen solle, und sich hinfürter, frömmbklich und wol halten, oder man werde sy hinweg wysen. NiclaussIm Hoff Notarius subscripsit

Datum: 1569-06-04

Entschädigung, Rückzahlung

ge schworen, das sy deren so das tuoch gsin, vier pfundt bezalen solle

Ylidorffer - 1 °Peter Ferner der wynmann Demnach und er vormalen ouch von sines unfridsamen üblen husshaltenshalb, gegen siner eefrowen, gfangen glegen, und unser Gnedig Herren, sich versechen, er wurde darvon abgstanden sin, so hatt doch er den nechsten wider sin alte wyss, an die handt genommen, sin eefrowen, gschlagen, gstossen, und ussgeiagt, desshalben er abermalen ingleit, und uff Mentag den 6ten Junij ditz 69 jars, gnediglichen wider ussglossen, hatt den innhalt gmeyner urphet, dorby ouch geschworen, das er sich anderst dann bisshar inn handell schicken, und fridsamer husshalten solle, man wölle es noch uff diss mal, mit im versuochen. Dessglichen im anzeigt, das er sine schuldtvorderer, frömbt und heimsch, abzalen, domit unser Gnedige Herren, dess nocherlouffens überhept werden, dann dry botten, diewyl er yetzt innglegen, für unsser Gnedige Herren kommen. NiclaussIm Hoff Notarius subscripsit

Datum: 1569-06-06

Entschädigung, Rückzahlung

sine schuldtvorderer, frömbt und heimsch, abzalen

Ylidorffer – 1 °Jocob Boltz von Tënnicken uss Varnspurger ampt Demnach und er von wegen einer friden sach, als er mit Werlin Greber, und Hanssen Strub*von Leüfelfingen zuo Buttken, ein unfuor anghept, ouch ettlicher tröwwortenhalb, durch Herren Hans Jocoben Keller obervogt zuo Hamburg, berechtiget, da diser mit recht über zügt worden, desshalben im der gross freffell ufferlegt, hatt er das gericht geschollten, und als bemelter obervogt zuo im gryffen wellen, hatt er sich geüssert, und geredt, wann der obervogt noch fünff by im ghept hette, sy müssten in nit gfangen han, oder er welte einen vor zeichnet han, das er nit vyl muoss, + mer geessen, hette. Diewyl und aber er vor unsren Gnedigen Herren einem Ersamen Rhat erschynen, der obervogt und er gegen ein andren verhört, ist diser übernacht inn gfenckniss gleyt, und umb 5 lb gestrofft, und uff Donstag den 7 des Julij ditz 69 jors mit gmeyner urphet, gnediglichen wider ussglossen, hatt dorby ouch eschworen, das er die bemelten fünff pfundt, dem ober vogt, uff das fürderlichst, zuohanden stellen, und von wegen der sechstzig pfunden, grosen freffels sich ouch mit im vertragen und sinen willen behallten, solle. Dessglichen hinfürter sich anderst halten und tragen, und sines bösen muls behuotsamer sin, domit er nit ein lon entpfache, der im zeschwer sin werde. Niclauss Im Hoff Notarius subscripsit

Datum: 1569-07-07

Entschädigung, Rückzahlung

das er die bemelten fünff pfundt, dem ober vogt, uff das fürderlichst, zuohanden stellen

Ylidorffer – 1 °Thoman Zschudjvon Niderdorff Demnach und er mit Jocoben Zschudj sinem verwandten fründt von Lampenberg, ettlicher scheltwortenhalb, inn ein rechtsfer tigung gewachsen, und im mit recht uffgleit, das er be meltem Jocoben Zschudj widerreden solle, hatt er die selb urtell über das im von unsren Gnedigen Herren anzeigt, das er ge horsam sin solle, nit erstatten wellen, und sich ouch wider den obervogt, der im by 10 lb gepotten, gesetzt, und nit ge horsam sin wöllen. Desshalben er inn gfenckniss gleyt und harin gefürt worden, ist aber uff siner früntschafft und dess obervogts, underthenige pitt, der gfenckniss unnd stroff, uff Sambstag den 23 Julij anno 69, mit gmeiner urphet gnediglichen wider ledig glossen, dorby er ouch geschworen hatt, das er die urtell so zuo Waldenburg gangen, und im ufferleyt erstatten, und hinfürter des kouffens und tuschens so er bisshar getryben soll haben, abston, siner gütern warten und acht haben domit die lüth denen er schuldig, bezalt werden. Niclaus Im Hoff Notarius subscripsit

Datum: 1569-07-23

Entschädigung, Rückzahlung

dorby er ouch geschworen hatt, das er die urtell so zuo Waldenburg gangen, und im ufferleyt erstatten

Uolin – 1 °Fridlin Mog von Hüttwyl, der rebmanFridlin Mog kommt in einem früheren Urfehdeverfahren vor, siehe Urfehdeeintrag Fridlj Mog von Hüttwyl und Adelj Habermännj (fol. 107 recto) für früheres Urfehdeverfahren Die Herren Eerichter haben in wider übernacht inn gfenckniss lossen legen und umb 5 lb gstrofft, diewyl er Adelj Haber männjAdelj Habermännj kommt in einem früheren Urfehdeverfahren vor, siehe Urfehdeeintrag Fridlj Mog von Hüttwyl und Adelj Habermännj (fol. 107 recto) für früheres Urfehdeverfahren der eehalben verwënt, und ein ursach ist, das sy zuo einem arbentseligen mentsch worden, dorumb er ouch iren fünff pfundt an iren costen zestür müssen geben. Ist uff Donstag den 18 Augstmonats ditz 69 jors, mit gmeyner urphet wider ussglossen. Niclaus Im Hoff Notarius subscripsit

Datum: 1569-08-18

Entschädigung, Rückzahlung

dorumb er ouch iren fünff pfundt an iren costen zestür müssen geben

Spalen°Hanns Römcler.Niklaus Im Hoffs Nachfolger Johann Strosser schreibt die Namen der Täter und Täterinnen als Marginalien neben die Einträge. Uff den 7ten Novembris unnd inn dem jar obstadt ist uss miner Gnedigen Herren gefangcknuss gelassen, Hanns Römcler der küffer burger zu Basell, der hatt also unnütze wortt unnd werckh, gegen einem burger alhie Beckhen Hanss genantt getriben, unnd under einer Gnedigen Herren Richthuss sin küffermësser über denselben ussziechen wellen.Also ward imme uss bevelch wolgemelter miner Gnedigen Herren durch obgedachten Meister Heinrichen angezöygt das ir Gnaden ime als für das letstemal wöllen gewarnet haben, dann wover er sölich unnd derglychen unbefügte handlungen mehr anrichten, unnd nit darvon abston wurdj, so wurde er ir Gnaden verursachen inne zestroffen das er wöllte er hette söllches vermiten mich dess zuerwartten für ine sampt sinem wyb unnd kindern von statt unnd landt zeverwysen, daby ward imme ouch wycher bevolen, das er sölte fürsechung thun, unnd mit sinen stieffkindern vogt verschaffen, damit die kindlin übernacht wüssen waran sy sygen. Ouch soll er uff das fürder lichest (So er dem genantten Becken Hansen ettwas zuthun schuldig.) inne fründtlich, thugendlich ussrichten vernügen unnd bezalen. Nach dem ward imme die ur fecht gegeben unnd ussgelassen wie obstadt.

Datum: 1569-11-07

Entschädigung, Rückzahlung

Ouch soll er uff das fürder lichest (So er dem genantten Becken Hansen ettwas zuthun schuldig.) inne fründtlich, thugendlich ussrichten vernügen unnd bezalen

Spalen °Anna SchmidinNiklaus Im Hoffs Nachfolger Johann Strosser schreibt die Namen der Täter und Täterinnen als Marginalien neben die Einträge. Inn dem jar obstadt den 30ten Novembris ward uss miner Gnedigen Herren gefengcknus ussgelassen mit nammen Anna Schmidlin vonn Wentzwylen bürtig, die hatt sich eine zytt lang inn miner Gnedigen Herren statt uff dem Kolen berg entthallten, by derselben ein mans person gewonet under dem schyn, als der ir eheman gewesen, mitt welchen sy aber, noch christenlicher ordnung weder zu kirch noch stross gegangen, unnd sich sonst anderer mehr unredlicher sachen underzogen. Dernhalben ward iren und inn der urfecht fürgehallten, das sy ouch dz dem man anzuzeygen nit under lassen söllte, also, das sy beide uff das aller fürderlichest, so sy ettwas zuthun schuldig weren, das sy das ir, was sy alhie haben verckhouffen, unnd die schuld vorderer one alles verziechen bezallen, unnd fürtherhin weder inn miner Gnedigen Herren statt, landt noch gepiett, ohne erlouptnus miner Gnedigen Herren nit mehr khommen. Daruff ward iren der eydt geben uff jar und tag obstadt.

Datum: 1569-11-28

Entschädigung, Rückzahlung

das sy beide uff das aller fürderlichest, so sy ettwas zuthun schuldig weren, das sy das ir, was sy alhie haben verckhouffen, unnd die schuld vorderer one alles verziechen bezallen

Sant Alben °Ruprecht EychlinNiklaus Im Hoffs Nachfolger Johann Strosser schreibt die Namen der Täter und Täterinnen als Marginalien neben die Einträge. Im jar nun offtgemeldet den 2ten Decembris ward uss miner Gnedigen Herren gefengcknuss gelassenn mit nammen Ruprecht Eychlj burger zu Basell, derselbig hatt, ouch einen alhieigen burger, by dem er zuhuss gesessenn verwundt. Also ward ime fürgehallten, so er oder sin hussfrouw an denselben ettwas zusprechen haben so sollen sy das rechtlich thun, unnd fürtherhin der uff rur unnd stifftung der uneinigckheit müssig ghon. Ouch so sy irem erstgemelten widertheyl ettwas zuthun schuldig, denselben uff das fürderlichest, thugendlich fründtlich ussrichten vernügen unnd bezalen. Daruff ward imme der eyd unnd urfecht gegeben als obstadt.

Datum: 1569-12-02

Entschädigung, Rückzahlung

Ouch so sy irem erstgemelten widertheyl ettwas zuthun schuldig, denselben uff das fürderlichest, thugendlich fründtlich ussrichten vernügen unnd bezalen