Hans Heinrich Heytzman von °Basell
Uolin - 1 Brucker - 1 °Hans Heinrich Heytzman von °Basell, und Ursula Mog von Hüttwyl uss dem Thurgöw. Die Herren Eerichter haben sy beyde inn gfenckniss legen lossen, diewyl bemelte Ursula Mog, in der ee anspricht und er derselben gar nit geston wellen. Nochdem und aber er glych übernacht der sach anred, das er iren die ee verheyssen, sindt sy beyde mit gmeyner urphet, uff Fritag den dritten Junij ditz 69 jors, wider ledig glossen. Niclaus Im Hoff subscripsit
Oberster Knecht
Brucker
Adam Walder von Glattfelden
Brucker – 1 °Adam Walder von GlattfeldenAdam Walder kommt in einem anderen Urfehdeverfahren vor, siehe Urfehdeeintrag Hans Zschirard von Jenff, ein junger schumacher und Steffan Wyss von Anion, uss Franckrich (fol. 106 verso) für anderes Urfehdeverfahren Diewyl diser fünffzechenjeriger knab, so by Meister Cuonrat dem zapffengiesser seligen, das handtwerck sollen lernen, als er in aber gestrofft, ist er hinweg gloffen, sich zuo Sissach zuo zweyen frömbden welschen gesellet, mit denselben, gon Lausen ob Liechstall gangen do dann dieselben zwen, dem würt, über ein trog geprochen und ettlich gellt dorus entwert, ist diser uff einem pflumen boum gsessen, die zwen sine gsellen verhütet, dorumb sy ouch im für sinen theyl, by drü oder vier pfunden geben, wie er bekantlich gsin, desshalben er zuo Liechstall gfencklichen ergriffen, und harin gschickt, und als er zwen angeben, was sine gsellen für cleydung anghept, sindt zwen harnochgemellt gfencklichen angnomen. Nochdem und aber er durch die Sybenherren verhört, und die zwen onschuldig geben, das es nit die rechten sigen, habent unser Gnedig Herren, disen umb siner jugent willen, gnediglichen wider ussglossen, hatt den innhallt gmeyner urphet, dorby ouch geschworen, das er sich von statt und landt Basell hinweg thuon, und dorin onerloupt nit kommen solle, by peen dess halsysens und der ruoten. Niclaus Im Hoff Notarius subscripsit
Oberster Knecht
Brucker
Caspar Brun von Zofingen
Brucker-1 Köferlj-2 °Caspar Brun von Zofingen, °BernhartMurer von Bern, und °Hans Schwarzt von Rotwyl,all dry becken buoben Disse dry becken buoben, sindt verclagt worden, das sy mit BarblenFry der gmeynen metzen hieensyt geschriben, iren muotwillen solten getryben haben. Desshalben sy all dry inn gfenckniss gleyt, nochdem und aber Caspar und Bern hart nochmalen unschuldig erfunden, sindt sy uff Mittwochen den 24 Octobris ditz 65 jors mit gmeyner urphet, gnedig lichen wider ussglossen. Allein hatt bemelter Hanss Schwartz geschworen, das er 5 lb zuor stroff (diewyl er mit gemelter metzen sinen muotwillen under dem richthuss volpracht.) erlegen, oder aber statt und landt Basell so lang myden solle, biss er die gedochte stroff bezalt. Niclaus Im Hoff Notarius subscripsit
Oberster Knecht
Brucker
Jergj Schindler von Hölstein
Meister Heinrich Jergj Schindler von Hölstein von wegen das er sich mit [...]unsichere Lesung ganz ungebürlichen argwenig unsichere Lesung gehallten gefenglich ingelegtuff den 28 Hornungs ussgelassenn daz er sich inerthalb landtz enthallten, und daruss one erloupnis wichen, doch das er sich allher win und würtzhüseren müssigen solle Folgender Abschnitt steht im Original rechts vom obenstehenden Eintrag. Demnach und er sich inn würtzhüsern onrüwig und ungebürlich ghalten ist er gfenklichen angenommen, und uff den 28 Hornungs ditz 64 jahrs mit g. urphet g. wider ussglossen hatt dorby ouch gschworen, das er sich inerthalb landts enthalten und daruss onerloutp nit wychen solle doch das er sich aller würtz und winhüsern müssigen solle Niclauss Im Hoff
Oberster Knecht
Meister Heinrich
Simon Fröwler uss mindren Basell
° Simon Fröwler uss mindren Basell Demnach und er zwüschen Riechen und Basell Cunrat Jäckli den metzger umbbrocht dorumb er dann für ein onredlicher todtschleger verrüfft worden diewyl er aber mit den durchläuchtigen hochgepornen fürsten und herren hern Christoff hertzogen zu Wirtemberg und hertzog Wolffgang von Zweybrucken harin kommen und domalen wider verwissen Ouch yetzt mit Romischer keyserlicher majestät abermolen har kommen ist er wider hinweg gewyssen, hatt ouch unden inn sines schwehers huss inn beysin meister Heinrichen Brucker des obersten knechts uff mentag den 11. jenners ditz 63 jors einen eydt mit uffgehepten fingeren geschworen das er sich morgens frü am thor von statt und landt Basell hinweg thun und unerloupt darin nit kommen noch sich finden lassen solle ouch hinfürt weder keyser, könig noch ander fürsten oder herren umb fürpitt ansuchen, sonder unser gnedig herren ongeirrt lassen und desshalben ein statt Basell und dis inen zeversprechen stondt, weder vechten, hassen noch beleydigenn durch sich noch andere, weder mit noch one recht, inn kein wys noch weg. Sonder ein ewigen friden und gleyt gegen einer loblichen statt Basell und den iren halten solle, mitt denen heyteren fürworten, wo er über disen eydt ergriffen, das man im sin recht werde ergon lassen Niclaus Im Hoff Notarius subscripsit
Oberster Knecht
meister Heinrichen Brucker des obersten knechts
Anthengj Wyss von Batj uss Wallis, by Sant Martina, ein taglöner
Uolj - 1 Brucker - 1 ° Anthengj Wyss von Batj uss Wallis, by Sant Martina, ein taglöner und Hans Buoss ° von Thono uss Bern pieth ein pflaster knecht Diewyl bemelter Anthengj ein frouwen by im hatt, die er nit zekilchen gfürt umb ein andren zogen und einem murer so zuo Buobendorff, ein tegen und ein zschopen gstolen, er ouch entlouffen umb dry dick pfennig abkoufft, do bemelter Hanss Buoss disem ein dicken pfennig uff gelychen, den andren diser selbs ghept, den dritten, der dieb im beytet. Sindt sy sollicher argwenischer sachenhalb inn gfenckniss gleyt und uff Mentag den ersten Hornungs ditz 63ten jars mit gmeyner urphet gnediglichen wider ussglossen, habent dorby ouch sampt und sonders geschworen, das sy sich von statt und landt Basell hinweg thuon und darin onerloupt niemer mer kommen sollen by peen des schwerts. Niclaus Im Hoff Notarius subscripsit
Oberster Knecht
Brucker
Hanns Zwilchenbart der mey ger
Meister Heinrich Hanns Zwilchenbart der mey ger , von wegen das er mitt sampt sinem gesellen uff Mentag nach dem Nüwen Jar zenacht, an der gerwer gassen, mitt ettlichen zeun friden worden. Desshalb in unser Gnädigen Herren gefangenschafft kommen und uff Samtstag den 26 tag Jenners Anno 64 mitt gemeiner urphet ussge lassen, dorby geschworenn dsz sig er uff einen ersamen Rhat was inen zeantwurt warten sollen
Oberster Knecht
Meister Heinrich
Hanns Schaffner der metzger
Meister Heinrich Hanns Schaffner der metzger uff dato glicher gestaller handlung halb ussgelossen
Oberster Knecht
Meister Heinrich
Martin Schnyder der metzger von Basell
Heinrich Brucker - 1 °Martin Schnyder der metzger von Basell Lienhart Lützler der metzger zuo Plotzheim, sin meister hatt in zuo Michelfelden gfencklichen lossen annemmen, ettliches gelts halben so er im schuldig, und nochdem er sich erpotten, das er im ein kuo zuohanden stellen und in bezalen wolle, ist er uff Donstag den 29 Brochmonats ditz 64 jars, mit gmeyner urphet gnediglichen wider ledig glossen. Niclauss Im Hoff Notarius subscripsit
Oberster Knecht
Heinrich Brucker
Jerg Müller von Jussileque by Coppet glegen ein pflaster knecht
Uolj - 1 Brucker - 2 Wilhelm Mye von Scherma by Murten glegen °Jerg Müller von Jussileque by Coppet glegen ein pflaster knecht und Hanss Keller von °der Nüwenstatt diewyl dise dry jung starck landtstrycher zuo Wensslingen inn Varnspurger Ampt gsessen, zefüllen und zetempffenn, Gott übell glestert, und doselbst einem ein wollen tuoch entwert und ein eeriner haffen ins höw verborgen worden, ist bemelter + Wilhelm, desselben diebstals gezygen und das sy den lüthen tröwt sollen haben, desshalben sy gfencklichen angnommen, und nochdem sy acht tag zuo Varnspurg, und hie achtzechen tag glegen, durch die Sybenherren verhört, und sy der sachen, nit gstendig sin wellen, wiewol Wilhelm im huss solle funden sin, sindt sy all dry uff Mittwochen den 12 Howmonats ditz 64 jors mit gmeyner urphet gnediglichen wider ussglossen, habent dorby ouch sampt und sonders geschworen, das sy sich von statt und landt Basell hinweg thuon, und darin onerloupt niemer mer kommen sollen, by peen des schwerts. Niclauss Im Hoff Notarius subscripsit
Oberster Knecht
Brucker
Peter vom Ryet der stattknecht
Köferlj - 1 °Peter vom Ryet der stattknecht Demnach und er inn Claussen Koch des bruckknechts huss sin wonschafft ghept dorinn Anna Biebin genannt SchlachtriAnna Biebin genannt Schlachtri kommt in anderen Urfehdeverfahren vor, siehe Urfehdeeinträge Claus Koch von Wockerswyl ob Frowenfeldt uss dem Thurgouw und Susanna Sorgerj sin eefrouw (fol. 15 verso), Anna Biebin genant Schlacherin (fol. 15 verso) und Barbell Bart Clausen Schwertzig des huotmachers eefrow (fol. 16 recto) für andere Urfehdeverfahren ouch iren uffenthalt ghept, ir schnuory mit eemannen getryben, do er wol gwüsst, das es ein ful nest gsin, ist er by inen frü und spot gsessen zefüllen und zetempffen, und sollich ergerlich leben dem obersten knecht (wie er aber zthuondt schuldig) nie anzeigt, desshalben er inn gfenckniss gleyt und uff Mittwochen den 19 d. tag Höwmonats ditz 64 jors mit gmeyner urphet gnediglichen wider ussglossen, und damit sines diensts geurloupt worden dorby im ouch ernstlichen anzeigt, das er sich hinfürt, halten und tragen solle wie einem frommen gsellen zuostot. Niclauss Im Hoff Notarius subscripsit
Oberster Knecht
obersten knecht
Anna Biebin genant Schlacherin
Brucker - 1 °Anna Biebin genant SchlacherinAnna Biebin genant Schlacherin kommt in anderen Urfehdeverfahren vor, siehe Urfehdeeinträge Peter vom Ryet der stattknecht (fol. 15 recto), Claus Koch von Wockerswyl ob Frowenfeldt uss dem Thurgouw und Susanna Sorgerj sin eefrouw (fol. 15 verso) und Barbell Bart Clausen Schwertzig des huotmachers eefrow (fol. 16 recto) für andere Urfehdeverfahren Demnach und sy ein guote zyt jaren, ein schantlich, ergerlich leben, über alle warnung die iren oftermals beschechen, getriben mit eemannen und jungen gsellen, sich vermischet und unküschheit geübt, ouch andre junge wyber verkupplen und uffwyssen wellen solche schnuory zetryben, und innsonderheit diewyl sy mit einem eeman der undrem grundt ligt schnuory getryben, und so onverschampt gsin, das sy sinen sun ouch zuo iren glossen, und onküschheit mit demselben begangen, ist sy ins halsyssen gestellt und geschwemt worden uff Donstag + den 20ten Höwmonats, ditz 64 jors, gnediglichen wider ledig glossen, hatt den innhallt gmeyner urphet dorby ouch geschworen, das sy sich den nechsten von statt und landt Basell, fünff myl wegs schyben wyss hinweg thuon, und darin onerloupt niemer mer kommen noch sich finden lossen solle, by peen des halsysens und ertrenckens. Niclauss Im Hoff Notarius subscripsit
Oberster Knecht
Brucker
Anna Möschingerj von Hefelfingen
Heinrich Brucker - 1 °Anna Möschingerj von Hefelfingen Die Herren Eerichter habe sy übernacht, inn gfenckniss lossen legen und umb ein gulden gstrofft, von wegen, als Joss Bürgin von Hefelfingen sy der ee angesprochen das sy in am narren seyl gefürt, und gseyt man solle im sagen, sy wölle in haben, und darnoch im nützit bekantlich sin wöllen, ist uff Mittwochen den 26 Höwmonats ditz 64 jors mit gmeyner urphet gnediglichen wider ledig glossen. Niclauss Im Hoff Notarius subscripsit
Oberster Knecht
Heinrich Brucker
Clera von Sant Uban uss dem Delphinat
Brucker - 1 °Clera von Sant Uban uss dem DelphinatClera von Sant Uban kommt in einem anderen Urfehdeverfahren vor, siehe Urfehdeeintrag Julius Cesar Pascalis uss Sicilien (fol. 17 recto) für anderes Urfehdeverfahren Die Herren Eerichter haben sy lossen inlegen, von wegen das sy mit irem herren by dem sy gedient genant Julius Cesar Pascalis uss SicilienJulius Cesar Pascalis kommt in einem anderen Urfehdeverfahren vor, siehe UrfehdeeintragJulius Cesar Pascalis uss Sicilien (fol. 17 recto) für anderes Urfehdeverfahren, der unküscheit gepflegen und im ein kindt geben wellen, dessen er nit bekantlich sin wellen, nochdem und aber sy beharret, das das kindt sin und keins andren menschen sige, ouch ort und endt wo er by iren glegen anzeigt, hatt man sy uff Fritag den vierdten Augstmonats ditz 64 jors mit gmeyner urphet, wider ledig glossen. Niclaus Im Hoff Notarius subscripsit
Oberster Knecht
Brucker
Hans Hasler
Brucker - 1 Uolin - 1 °Hans Hasler und Heinrich Finger beydt von Buss Die Herren Eerichter haben sy inn gfenckniss legen lossen und yeden umb zwen gulden gstrofft, von wegen das sy sich berümpt, sy sigen by Bryda Melj von Buss, die Thoman Wyss den müller der ee angesprochen, ettliche mol gelegen, wie sy dann überzügt und inn der gfenckniss ouch bekennt habenn, sindt uff Mittwochen den 9 augstmonats ditz 64 jors, mit gmeyner urphet, die sy sampt und sonders geschworen, gnedigklichen wider ledig glossen. Niclauss Im Hoff Notarius subscripsit
Oberster Knecht
Brucker
Michel Schnyder der spanner, inn Eschamer Vorstatt sesshafft
Uolj - 1 Heinrich Brucker - 1 °Michel Schnyder der spanner, inn Eschamer Vorstatt sesshafft ° und Hans Rosenburg der seyler Demnach und sy, durch den sigristen, für die Bannherren im Münster, von wegen ires übertrinckens und gotzlesterens beschickt worden, haben sy bösen bescheidt geben, und gsagt, was sy mit den pfaffen zeschaffen haben, desshalben sy inn gfenckniss gleyt, diewyl sy aber bed, kranck worden, sindt sy uff Sontag den 24 Septembris, ditz 64 jors, mit gmeyner urphet gnedigklichen wider ussglossen, habent darby ouch sampt und sonders geschworen, das sy alle zünnft und gselschafften, würtz, wyn und kochhüser myden, nienen anderswo essen noch trincken sollen dann allein doheymen by wyb und kinden, und uff irer zunfft und gsellschafft, doch zymblicher gestallten, dessglichen keine gwer weder tags noch nachts, by noch an inen tragen, dann allein ein abbrochen brotmesser, und wann sy hinfürter, es sige für ein Ersamen Rhat, oder die Bannherren beschickt, das sy gehorsammlich erschynen sollen, darzuo sollen sy sich inn den ürtenen von einandren sönderen, und keiner bym andren essen noch trincken. Niclauss Im Hoff Notarius subscripsit
Oberster Knecht
Heinrich Brucker
Claus Fry von Watt, der müller, Züricher pieth
Köferlj - 1 °Claus Fry von Watt, der müller, Züricher piethClaus Fry kommt in einem anderen Urfehdeverfahren vor, siehe Urfehdeeintrag Regula Meygerj von Rodloff ein halb myl ob Baden glegen (fol 19 recto) für anderes Urfehdeverfahren, Demnach und im mündtlichen durch den obersten knecht anzeigt, das er sich mit Regula MeygerjRegula Meygerj kommt in einem anderen Urfehdeverfahren vor, siehe Urfehdeeintrag Regula Meygerj von Rodloff ein halb myl ob Baden glegen (fol. 19 recto) für anderes Urfehdeverfahren (die er zuor ee gnommen, und aber iren kein bywonung thuon will, darum sy ouch sich selbs lyblos thun wellen, wie sollichs ir urphet, so hieensyt, geschriben stot, usswysst.) von statt und landt Basel hinweg thuon solle, hatt er demselben beuelch nit statt thuon wellen, desshalben er inn gfenckniss gleyt, und uff Sambstag den letsten Herpstmonats ditz 64 jars mit gmeyner urphet gnediglichen wider ledig glossen, hatt darby ouch geschworen, das er dem spittal vier pfundt und vier schilling für das man sin frowen sechs wochen im spittal erhalten und geartznet, ussrichten solle, und denmoch sich mit siner frowen, hinweg von statt und landt Basel thuon, und sy selbs oder durch yemants anders, es sige wybs oder mans person, + inn ir heymat oder zuo sinen fründen geleyten, doselbst möge er das recht mit iren pruchen, oder underlossen, wie es inn für guot ansechen wirt, dann diewyl sy beyde unsren Gnedigen Herren, mit eydtspflichten nit verbunden, werde man sich iren nützit beladen. Niclauss Im Hoff Notarius subscripsit
Oberster Knecht
obersten knecht
Jocob Vischer der wagner inn Eschamer Vorstatt
Brucker - 1 °Jocob Vischer der wagner inn Eschamer Vorstatt Alsdann im und andren sinen gsellen, für die Bannherren im Münster, von wegen sines üblen husshaltens, übertrinkens und gotzlesterens, gebotten worden, ist er nit erschynen, desshalben er inn gfenckniss gleyt und uff Mittwochen den vierdten Octobris ditz 64 jars mit gmeyner urphet, gnediglichen wider ledig glossen hatt darby ouch geschworen, das er all zünfft und gsellschafften würtz, wyn und kochshüser myden, nienen andersswo essen noch trincken solle, dann allein auff siner zunfft und gsellschafft, doch zymblicher gstallten, dessglichen kein gwer, by noch an im tragen, dann allein ein abbrochen brotmesser, und wann er hinfürter für ein ersamen rhat, oder die Bannherren beschickt wirt, das er gehorsamlich erschynen, darzu solle er sich von sinen gsellen thuon, sich nit zuo inen rotten, sonder inn den ürtenen, sich von einandren söndren. Niclaus Im Hoff Notarius subscripsit
Oberster Knecht
Brucker
Martin Sprëng der trummenschlacher.
Brucker - 1 ° Martin Sprëng der trummenschlacher. Martin Sprëng kommt in einem anderen Urfehdeverfahren vor, siehe Urfehdeeintrag Peter Rietschj der gygenmacher (fol. 22 recto) für anderes Urfehdeverfahren Alsdann er und Peter Rietschj der lutenmacher, uff Mentag znacht nechstverschynen die Schnyder gassen uffgangen, und der tischmacher, gegen der Genss über, für sy anhin gangen, und einer under inen gsagt, do godt der schwartz zwerg, sind sy miteinandren oneins worden, also das der tuchmacher disen mit einem hobel geworffen, das er an der gassen glegen, und man gmeynt, er were todt, dessen sich der tischmacher was sy im für anloss geben, vor unsren Gnedigen Herren er clagt, ist er übernacht inn gfenckniss gleyt und uff Sontag den 22 Octobris ditz 64 jors, mit gmeyner urphet gnediglichen wider ussglossen, hatt dorby ouch geschworen, das er dess bemelten lutenmachers tag und nachts müssig solle gon. Niclaus Im Hoff Notarius subscripsit
Oberster Knecht
Brucker
Bastean Reller der todtengreber
Veldtbach - 1 ° Bastean Reller der todtengreber Dennoch und er vor ettlichen jaren von statt und landt verwyssen und nochmalen wider begnadet, hatt er sich gegen dem obersten knecht Heinrichen Brucker ongebürlichen ghalten im under ougen inn bysin dess vogts gseyt, er sige nit sin herr, er habe im nützit zepieten, und andere tratzliche wort tryben, und wie er vermerckt das man in wellen inlegen hatt er sich an einer stangen zuom hus uss, herab glossen sich darvon gemacht, als er aber yetzt wider harin kommen hatt in der oberst knecht inn Wasserthurn legen lossen, und uff Mentag, den sechsten Novembris ditz 64 jars mit gmeynder urphet, wider ledig glossen, dorby er ouch geschworen hatt, das er sich von statt und landt Basell hinweg thuon, und onerloupt, nit wider har in kommen solle, dann sin frow dem bettelvogt als sy mit im uneins gsin, ein trunck geben, so er uff sin letst endt behalten hatt, das er desselben truncks gestorben. Niclauss Im Hoff Notarius subscripsit
Oberster Knecht
oberst knecht
Onimus Felber der schindler von Basell
Brucker - 1 ° Onimus Felber der schindler von Basell Alsdann er uff Sant Albans thurn, hatt sollen wachen ist er uff der wacht entschloffen, also das sin gsell, die thüren beschlossen funden, und wieder hinweg hat müssen, das die wacht nit versechen gsin. Desshalben er übernacht inn gfenckniss gleyt, und uff Zinstag den 7 des Novembris, ditz 64 jars, mit gmeynder urphet gnediglichen wider usglossen. Und im darby anzeigt, das er hinfürter bas sorg solle haben. Niclaus Im Hoff Notarius subscripsit
Oberster Knecht
Brucker
Claus Ecklin von Vischingen
Brucker - 1 ° Claus Ecklin von Vischingen Alsdann er uff gestrigen tag, LudjMurer Ludj Murer kommt in einem anderen Urfehdeverfahren vor, siehe Urfehdeeintrag Ludj Murer von Salin zuo Vischingen dienend (fol. 23 verso) für anderes Urfehdeverfahren hieuor geschriben uff dem karren gsessen, und der torwechter under Sant Blesins thor, dem zedell nochgfrogt, und mit worten an bemelten Ludj Murer kommen, ist diser glych uffgejuckt sin rapier erwütscht, und gsagt Gotz sacrament, es hatt mirs vor ouch ein torwechter thon, inn dem hatt einer, diesem das rapier erwütscht. Und also gfencklichen angnommen, ist uff Sambstag den 18 Novembris ditz 64 jors mit gmeyner urphet gnediglichen wider ussglossen, doch ist im dorby anzeigt das er hinfürter, so er uss oder in reysset, den torwechtern besseren bescheidt geben solle, oder es werde ein straff zuor andren wachssen. Niclaus Im Hoff Notarius subscripsit
Oberster Knecht
Brucker
Marx Eschj der zymerman burger inn mindren Basell.
Brucker - 1 ° Marx Eschj der zymerman burger inn mindren Basell. Demnach und er zwen und zwentzig flötz holtz, uff dem Rhyn kouft, dieselben dem Graffen von Liechteneck zuofüren wellen, und hiemit wider die holtzordnung ge handlet, ist er für ein ersamen rhat beschickt und nochdem die ordnung verhört, hatt man in umb 10 lb gestrofft und übernacht inn gfenckniss gleyt, ist uff Sontag den dritten Decembris ditz 64 jars, mit gmeyner urphet die er geschworen, gnediglichen wider ussglossen, und im dorby anzeigt, das die Lonherren,das holtz zuo unserer Gnedigen Herren Büwen, zuohanden nemmen, und im sin gelt erlegen werden, wann er ouch hinfürt buw holtz uff dem Rhyn kouffen welle, so solle ers denen die darzuo verordnet abkouffen. Niclaus Im Hoff Notarius subscripsit
Oberster Knecht
Brucker
Hans Gasser von Trotticken uss der graffschafft Kyburg, Züricher phiet der schnyder
Brucker - 1 ° Hans Gasser von Trotticken uss der graffschafft Kyburg, Züricher phiet der schnyder Hans Gasser kommt in einem anderen Urfehdeverfahren vor, siehe Urfehdeeintrag Hans Gasser von Trotticken uss der graffschaft Kyburg Züricher pieth ein schnyder (fol 33 recto) für anderes Urfehdeerfahren Diewyl und er uff den Nüwen Jars tag nechtstverschynen über das inn allen zünfften durch herren Rhatsher Meister und Sechs, mit allem ernst anzeigt, das sich die zunfftbrüder nit übertrinken, sonder still und friedsam halten sollen, hatt er sich dermossen mit wyn überladen un ein sollich ongestüm wessen gfürt, das man in inn das gwelb uff der zunfft legen müssen, biss man die wechter gereicht die in inn gfenckniss gfürt. Ist uff Mentag den 8 Jenners ditz 65 jars mit gmeiner urphet gnediglichen wider ussglossen. Darby er ouch geschworen hatt, das er sich hinfürt uff zünfften, gesellschafften oder inn winhüseren dermassen still und wol halten und tragen, das kein wythere clag von im komme, dann er ernstlichen gewarnet, wo er sich + wyther also ungeschickt halten, oder gegen siner eefrowen mit schlachen und stossen onfridsam leben, werde man in von statt und landt verwyssen. Niclauss Im Hoff Notarius subscripsit
Oberster Knecht
Brucker
Peter Bunder und Anthonj Bunder von Pressmell ° gebrüder die steinmetzen
Brucker - 1 Köferlj - 1 ° Peter Bunder und Anthonj Bunder von Pressmell ° gebrüder die steinmetzen Alsdann sy mit ettlichen landslüthen zoben zert, und sy Meister Daniel Hëntz den steinmetzen inn Eschamer Vorstat antroffen, haben sy mit im angfangen zewörtlen, biss sy hinden Zuom Lufft kommen, sindt sy über inn geroten, und innsonderheit als Peter Bunder, ein zollstecken inn henden tragen und die andren werloss gsin, hatt er den zollstecken uff im zerschlagen, und bemelten Daniel ein loch inn kopff gschlagen, desshalben sy beydt inn ge fenckniss gleyt, und uff Mittwochen den 10 des Jenners ditz 65 jars, mit gmeyner urphet gnediglichen wider ussglossen, habent darby ouch sampt und sonders geschworen, das sy bemelten Daniel Hentz den costen schaden und schmertzen abtragen sollen, und so sy vermeynen das er sy mit worten ongebürlichen antastet habe, mögen sy mit im das recht pruchen, innsonderheit diewyl Anthonj Bunder, mit siner eefrowen übellept, und wann Meister Hanss der werkmeister mit sinen gsellen, für inn anhin zücht, vermupfft und veracht er sy, mit spetzwörtlinen und sagt, do gondt die steinmetzen, ist im anzeigt, das er mit siner eefrowen anderst dann bisshar leben und das Meister Hanssen den werkmeister, onveracht solle lossen, sich der spetzwörtlinen müssigen und abthun solle. Niclauss Im Hoff Notarius subscripsit
Oberster Knecht
Brucker
Jocob Sylberberg
Brucker - 1 ° Jocob Sylberberg Demnach zwüschen im und Anna Zysell, ein urtell vor 28 joren durch die Herren Eerichter ussgangen, das er sy solte zuo kilchen und strassen füren, hatt er dieselb urtell nye erstattet, sonder inn wyndt geschlagen, sich vonn der statt geüssert, vylerley seltzamer reden lossen ussgon, als ob die Herren Eerichter nit recht geurteylt hettenn desshalben er gfencklichen angnommen und viertzig, gulden im zuor stroff uffgleyt worden. Ist uff Mittwochen den 24 Jenners ditz 65 jars mit gmeyner urphet gnediglichen wider usglossen, hatt darby ouch geschworen das er sich doheymen inn siner behusung innhallten und nit usswandlen welle, dann allein solle er zum wort Gottes gon, und von der Predig sich wider heym verfügen hieby hatt er ouch sich bekannt, das die urtell, wider die er sich + gesetzt, durch die herren Eerichter, wol und Göttlich usgesprochen sige, er habe inen onbillicher wyss die reden, so er habe lassen ussgon zugemessen, wüsse von denselben herren Eerichtern nützit anders dann alle eer, liebs und guts ze sagen. Niclaus Im Hoff Notarius subscripsit
Oberster Knecht
Brucker
Lienhart Burckhart der stempffer
Köferlj - 1 Brucker - 1 ° Lienhart Burckhart der stempffer ° und Hans Schygenmüller der müller zu Rymmelins mülj. Als dann der Hinder Byrsick den burgeren inn die hüser und keller gloffen und Meister Lienhardt Gebhart sy zu red gstellt haben sy mit ettlichen ongeschickten ruchen worten und schwüren, bemelten Meister Lienharten antastet, und besonders Lienhart Burckhart geredt, er dencke wol das er nit so ein grosser Hanss gsin, das er kürfner plätzli zesammen gsetzt habe. Sindt sy beydt inn gfenckniss gleyt, yeder umb 5 lbgestrofft, und uff Zinstag den 30 Jenners ditz 65 jars, mit gmeyner urphet gnediglichen wider uss glossen, und inen darby anzeigt, das sy hinfürt iren Oberherren inn besseren eeren halten und anderen bescheidt geben sollen, dess glichen solle bemelter Lienhardt Burckharten wann die werme kompt die landtveste mit tylen vermachen, und wann er die fleckling uff der bruck by sinem huss uffhept, das er sy wider eben, niderlegen, solle. Niclauss Im Hoff Notarius subscripsit
Oberster Knecht
Brucker
Michel Meyger von Stein ein karrer knecht
Uolin - 1 Brucker - 1 ° Michel Meyger von Stein ein karrer knecht und ° Margreth Kellerj von Elcken Die Herren Eerichter haben sy inn gfenckniss zwen tag und zwo necht lossen legen, von wegen das sy schympflich mit der heyligen ee umbgangen, und schnuory getryben, yedes umb zwen gulden gestrofft und uff Mittwochen den letsten tag Jenners ditz 65 jars mit gmeyner urphet gnediglichen wider ledig glossen. Niclaus Im Hoff Notarius subscripsit
Oberster Knecht
Brucker
Samuel Trefftz
Uolj - 1 Brucker - 1 ° Samuel Trefftz und ° Christhion Iselj von Muttentz Die Herren Eerichter haben sy inn gfenckniss legen lossen , den bemelten Samuel umb 10lb und Cristhion umb 5 lb gestrofft , von wegen der schnuory so sy miteinandren getryben sindt uff Mittwochen den 14 Hornungs diz 65 jars mit gmeyner urphet, gnediglichen widerusglossen. Niclauss Im Hoff Notarius subscripsit
Oberster Knecht
Brucker
Heinrich Schuoler von Bonfold by Bruntrut ein tröscher
Brucker - 2 Uolj - 1 ° Heinrich Schuoler von Bonfold by Bruntrut ein tröscher ° Hans Horhans von Rystatt ein myl under Strasburg glegen , ein zieglinknecht , und ° Michel Hans von Lor uss Burgundt ein tröscher Alsdann diser zyt, den wybren vyl seckell abgehouwen werden, und sy hie umb einandren müssig zogen, sindt sy inn ein argwon gfallen, desshalben sy gfencklichen angnommen nochdem und aber sy durch die Syben Herren verhört worden und onschuldig erfunden, sindt sy uff Mittwoch den 14 Hor nungs ditz 65 jors, mit gmeyner urphet die sy sampt und sonders geschworen wider ledig glossen, und inen anzeigt, das sy wercken sollen und sich vor böser gesellschafft hüten. Niclauss Im Hoff Notarius subscripsit
Oberster Knecht
Brucker
Junkher Sigmundt von Pfirt dess thuomprobsts son
Brucker - 1 ° Junkher Sigmundt von Pfirt dess thuomprobsts son Demnach und er nachts zu unzyten mit der luten uff der gassen umbher zogen, und her Thoman Berfalck des Predicanten seligen gelossner wittfrow, vor irem huss, mit einer stangen, ein loch inn ein gätter gestossen. Desshalben die frouw im huss angfangen zeschryen, und vermeint man welte iren ins huss stygen und nachmalen dem doctor Bratarol, unden am huss ein fenster so er mit bappyr vermacht zerryssen und im an die thüren gestossen, dessen sy sich erclagt haben ist er inn gfenckniss gleyt umb 10 lb gestrofft und uff Donstag den 15 Hornungs, ditz 65 jors, mit gmeyner urphet gnediglich wider ledig glossen, hatt dorby ouch geschworen das er die bemelt stroff, biss Sambstag nechstkünfftig ans brett überantworten wolle und hinfürter sich sollicher mutwilliger sachen müssigen, und sich anderst halten und tragen solle dann bisshar, damit im nit ein schwerere stroff uff den hals wachsss, dessglichen ist im ouch an zeigt das er sich mit cleydren burgerlicher wolle erzeigen und halten. Niclaus Im Hoff Notarius subscripsit
Oberster Knecht
Brucker
Claus Dietler, so ein stattknecht gsin
Köferlj - 1 ° Claus Dietler, so ein stattknecht gsin Demnoch und er sich vor einem jar, on unserer Gnedigen Herren dienst hinderrucks und onerloupt der oberkeit, hinweg zuor statt uss thon, sich geüssert und uff dem landt, umb die statt harumb zogen und yetzt onerloupt mit einer fürgeschrifft von einem Ersamen Rhat zuo Liestall wider harin kommen , ist er inn gfenckniss gleyt , und uff Mitt woch den letzten Hornungs ditz 65 jars gnediglichen wider usglossen, hatt den innhalt gmeyner urfphet darby ouch ge schworen, das er sich by morndriger tag zyt, von statt und landt Basell hinweg thuon und darin onerloupt, nit kommen, noch sich finden lossen solle , dann im mit allem ernst, + inn bysin dess obersten knechts und des rhatsknechts anzeig wo er so unthür am im selbs sin, und disen eydt übersechen, also das er zuo statt, oder uff dem landt, inn unserer Gned igen Herren pieth, es sige an welchem ort es welle, betrettenn, werde man in, mit dem schwërt, vom leben zuom todt richtenn. Niclauss Im Hoff Notarius subscripsit
Oberster Knecht
obersten knechts
Claus Diettler der stattknecht
° Claus Diettler der stattknecht Demnach und er sich vor einem jar von unserer gnedigen Herren dienst hinderrucks und onerlaupt der oberkeit hinweg zuor statt uss thon, sich geüssert und uff dem landt umb die statt harumb gewandlet zogen, und yetzt onerlaupt mit einer fürgeschrifft von den herren von Liechstall einem Ersamen Rhat zuo Liechstall, wider har in komen, ist er inn gfeckniss glegt und uff Mittwoch den letzten de Hornugs ditz 65 jors gnediglichen wider usglossen, hatt den innhalt gmeyner urphet dorby ouch geschworen, dz er sich by morndriger tag zyt, von statt und landt B. hin weg thuon und darin onerloupt nit kommen noch sich finden lassen solle, dann im mit allem ernst inn bysin dess obersten knechts und dess ratsknechts anzeigt, wo er so unthür an im selbs sin und disen eydt uberssechen also das er zuo statt oder L uff dem landt inn unserer Gnädigen Herren pieth, es sige an welchen ort es welle betretten, werde man in mit dem schwert vom leben zuo todt richten.
Oberster Knecht
obersten knechts
Moritz Mos, von Ochsenhusen ein zymmermann
Uolj - 2 Brucker - 1 ° Moritz Mos, von Ochsenhusen ein zymmermann und Ursula Schmackerj von Basell Die Herren Eerichter haben sy zwen tag und zwo necht, inn gfenckniss legen lossen , und umb 10 lb gestrofft , von wegen das sy ettwas reden mit dem zymerknecht genant Moritz Moss von Ochsenhusen, der eehalben gehalten und über dasselb mit einem andren zuo kilchen gangen , ist uff Sambstag den dritten tag Merzens ditz 65 jars mit gmeyner urphet gnediglichen wider ledig glossen . So dann ist gedachter Moritz Moss ouch ingleyt und befrogt worden, ob er mit jren zeschaffen ghept habe oder nit, als er aber beharret, und sy dosselben nit abredt sonder gestendig das er by iren ein mol glegen , hatt man in mit gmeyner urphet ouch ussglossen. Niclauss Im Hoff Notarius subscripsit
Oberster Knecht
Brucker
Heinrich Berckman der schnyder bürger zuo Basell
Uolj - 1 Brucker - 1 ° Heinrich Berckman der schnyder bürger zuo Basell und ° Wybrandt Crafftin von Sant Gallen Die Herren Eerichter haben sy beyde inn gfenckniss legen lossen , und yeder umb zwen gulden gstrofft , von wegen der schnuory die sy mitteinandren getryben , das sy bemelten Heinrichen deree angesprochen, und aber sy vorhin ein eeman hatt, so Anthengj Keller von Appenzell heysse der noch inn leben sin soll, sindt uff Mitwoch den 14 Mertzens ditz 65 jars, mit gmeyner urphet gnediglichen wider ussglossen. Niclauss Im Hoff Notarius subscripsit
Oberster Knecht
Brucker
Heinrich Eschger von Gaysigen under Bruck glegen, ein taglöner
Brucker - 1 ° Heinrich Eschger von Gaysigen under Bruck glegen, ein taglöner Alsdann denen von Muttentz inn die kylchen geprochen und vyl darus entwert und gestolen, ist diser umb und by einem gwont, genant Thenge Claus Faller von Sanse Thenge Claus kommt in einem anderen Urfehdeverfahren vor, siehe Urfehdeeintrag Thengj Claus Faller von Sanse hinder Sant Politen gelegen, ein taglöner (fol. 30 recto) für anderes Urfehdeverfahren, zenechst hievor am andren platt geschriben, der sollicher sachenhalb im argwon gsin, desshlaben diser ouch ingleyt. Nochdem und aber er besibnet und verhört, und man erkundiget das er hie gewerckt, und sin on schuldt gehört, ist er uff Sambstag den 17 Martij anno 65 mitgmeyner urphet gnediglichen wider ussglossen, und im darby an zeigt das er sich vor böser gsellschafft hüten solle. Niclauss Im Hoff Notarius subscripsit
Oberster Knecht
Brucker
Thiebolt Hartmann der würt zuom ° Sylberberg
Uolj - 1 Brucker - 1 ° Thiebolt Hartmann der würt zuom ° Sylberberg und Margreth Fylistorffin von Fryburg us Üchtlandt Die Herren Eerichter haben sy beyde inn gfenckniss lossen legen , von wegen irer schnuory, das sy im ein kindt geben wellen dessen er sich gewidert, biss er inn gfenckniss kommen, desshalben er umb 10 lb gstroffft , sindt uff Donstag den 22 Mertzensditz 65 jars , mit gmeyner urphet gnediglichen wider ussglossen. Niclauss Im Hoff Notarius subscripsit
Oberster Knecht
Brucker
Mathys Kienlj der seyler von Pfortzheim, bürger inn mindren Basell
Brucker - 1 Uolj - 1 ° Mathys Kienlj der seyler von Pfortzheim, bürger inn mindren Basell , und Ursula Brun °schwylerj von Basel sin eefrow . Demnach und sy, ein gute zyt, vast jor und tag, mit irem nochburen Lorentz Luoderer dem küfer Lorentz Luoderer kommt in anderen Urfehdeverfahren vor, siehe Urfehdeeinträge Lorentz Luoderer der küfer inn mindren Basell (fol. 24 recto) und Lorentz Luoderer von Derringen, uss einem dorff by Brëtten glegen, der küffer (fol. 29 verso) für andere Urfehdeeinträge inn zanck, nyd und hass gestanden einandren gehexet gehuret und diebet und wiewol unser Gnedig Herren vermeynt, diewyl der küffer vormalen inn gfenckniss glegen , sy hetten noch gelossen, sindt sy doch über dasselb wyther gloffen in ver clagt und kuntschafft gestellt. Desshalben sy inn gfenckniss gleyt und fünff pfundt yedes gestrofft und uff Sambstagden 24 Mertzens ditz 65 jors , mit gmeyner urphet gnediglichen wider ussglossen. Habent darby ouch samt und sonders geschworen, das sy die bemelt stroff von hüt über acht tag unsren Gnedigen Herren ans brett erlegen, und hinfürt mit iren nachburen inn ruow und eynigkeit leben sollen, oder es werde inen ettwas uff den hals wachsen, das inen zeschwer sin werde . Niclauss Im Hoff Notarius subscripsit
Oberster Knecht
Brucker
Anthengj von Gryers, hatt kein zuonammen anzeigen wöllen, ein vierzechen jeriger knab , so das schnyder handtwerk kan
Brucker - 1 ° Anthengj von Gryers, hatt kein zuonammen anzeigen wöllen, ein vierzechen jeriger knab , so das schnyder handtwerk kan Demnach dieser junger knab, am Kornmerckt, einer frowen ein seckell abgehouwen, der iren wider worden, ist er gfenck lichen angnommen, und nochdem er durch den volterer im mit ruoten gehouwen, hatt man in uff Sambstag den 24 Mertzens ditz 65 jors, mit gmeyner urphet umb siner jugent willen, gnediglichen wider ussglossen, dorby er ouch ge schworen, das er sich von statt und landt Basell hinweg thuon und dorin onerloupt nit wider kommen solle, by peen dess halsysens und der ruoten. Niclauss Im Hoff Notarius subscripsit
Oberster Knecht
Brucker
Thurs Gallitian der kürsner
Brucker - 1 ° Thurs Gallitian der kürsner Demnoch und er liederlichen und übell husshaltet, sich mit wyn überfüllt, sin eefrowen gar schnöd und übell haltet, über sy tobet und fluocht, wiewol sy nützit ab im clagt, sonder sich lydet und schwygt, haben doch die noch buren , nit lenger zuosechen möge. Innsonders diewyl er ouch an Meister Lienharten Gebhart den rhatsfründt, geroten, im gefluocht und onbescheidene wort geben. Ist er inn gfencknis gleyt und uff Sambstag den 7. Aprilis ditz 65 jars gnediglichen wider ussglossen, hatt den innhalt gmeyner urphet darby ouch geschworen das er alle würtz, wyn und kochs hüser, zünfft und gsellschafften myden, ouch all gassenn würt, nienen anderswo, dann doheymen und uff siner eeren zunfft, ruwig und früntlich, essen und trincken solle, und darzuo kein gwer noch tolchen, weder tags noch nachts dann allein ein abbrochen brotmesser, by noch an im tragen, dann wo er mit sinem toben gegen siner eefrowen, fürfaren, + oder inn ander weg sich ongebürlich halten, werde man in von statt und landt verwyssen. Niclauss Im Hoff Notarius subscripsit
Oberster Knecht
Brucker
Hans von Remondt ein murer
Brucker - 1 ° Hans von Remondt ein murer Diewyl er uff Donstag verschinen an der gant am kornmerckt gantz onverschampt das wasser abschlachen wellen, und in ein frow gestrofft, hatt er sy gehuoret und übel gfluocht, und als inn dem ir man darzuo kommen, hatt er den tegen und die scheiden gegen im zuckt, wie er aber die stattknecht ersechen, hatt er den mantellund huot von im gworffen und fliechen wellen. Desshalben er inn gfenckniss gleyt, und uff Zinstag den 8 May anno 65 mit gmeiner urphet gnediglichen wider ussglossen, hatt darby ouch geschworen, das er sich von statt und landt Basell hinweg thuon und darin onerloupt nicht wider kommen solle, by peen dess halsysens oder der ruoten . Niclauss Im Hoff Notarius subscripsit
Oberster Knecht
Brucker
Danit Mütt von Bern ein schuomacher und taglöner
Brucker - 1 ° Danit Mütt von Bern ein schuomacher und taglöner Demnach und er sich zuo einem kessler von Lutzern, genant Cuonrat, zuo Brattelen gesellet, ein moss wyn mit im truncken, + und darnoch zuo Fülistorff im geholffen ein spycher uffbrechen, daruss sy käss, ancken, wyn und brot entwert, ist er gfencklichen an gnommen, durch die Sybenherren verhört, 32 tag gfangen glegen, und nochmalen uff Mentag den 14 May ditz 65 jors mit gmeyner urphet gnediglichen wider ussglossen, hatt darby ouch geschworen, dass er sich von statt und landt Basell hinweg thuon, und onerloupt nit wider harin kommen solle, dann wo er über disen eydt ergriffen, werde man im ein lybs stroff anthuon, die im zeschwer sin werde. Niclauss Im Hoff Notarius subscripsit
Oberster Knecht
Brucker
Junckher Jonas Offemburg
Brucker - 1 Uolj - 1 ° Junckher Jonas Offemburg und ° Martha Holtzwartin von Costentz Die Herren Eerichter haben sy beyde noch geendeter rechtsfertigung übernacht inn gfenckniss legen lossen, und yedes theyl umb 5 lb gestrofft, von wegen der schnuory, die sy miteinandren getriben, sind uff Mittwochen den 15 May ditz 65 jars mit gmeyner urphet wider ledig glossen. Niclauss Im Hoff Notarius subscripsit
Oberster Knecht
Brucker
Hans Furlemeyger von Laussen
Brucker - 2 ° Hans Furlemeyger von Laussen Hans Furlemeyger kommt in einem anderen Urfehdeverfahren vor, siehe Urfehdeeintrag Hans Furlemeyger von Laussen und Sara Buwmannj von Benwyl (fol. 32 verso) für früheres Urfehdeverfahren und ° Sara Buwmannj von Benwyl Sara Buwmannj kommt in einem früheren Urfehdeverfahren vor, siehe Urfehdeeintrag Hans Furlemeyger von Laussen und Sara Buwmannj von Benwyl (fol. 32 verso) für früheres Urfehdeverfahren Die Herren Eerichter haben sy beide lossen inn gfenckniss legen Hanssen Furlemeyer umb 15 lb und Sara umb 5 lb gestrofft, die er erleyt, von wegen, das er sy beschloffen inn sinem dienst und dasselb an der erste gleügnet, sindt uff Donstag den 24 May ditz 65 jars, mit gmeiner urphet, wider ussglossen. Niclauss Im Hoff Notarius subscripsit
Oberster Knecht
Brucker
Hans Gasser von Trotticken uss der graffschaft KyburgZüricher pieth ein schnyder
Köferlj - 1 ° Hans Gasser von Trotticken uss der graffschaft KyburgZüricher pieth ein schnyder Hans Gasser kommt in einem früheren Urfehdeverfahren vor, siehe Urfehdeeintrag Hans Gasser von Trotticken uss der graffschafft Kyburg, Züricher phiet der schnyder (fol. 25 recto) für früheres Urfehdeverfahren Demnach und er vormals ouch gfangen glegen , dieselb urphet nie kein stundt gehalten, sonder mit siner truncknen wyss fürgefaren, und sin eefrowen, mit einer wëber zettell rammen dermassen gschlagen, das iren das pluot über den kopff abgloffen und wenig gfelt, sy were an der statt plyben, ist er inn gfenkniss gleyt, und uff Sambtag den andren tag Brachmonats ditz 65 jars, mit gmeiner urphet gnediglichen wider ussglossen hatt dorby ouch geschworen, das er sich den nechsten vom + Thurn, von statt und landt Basell hinweg thuon, und dorin onerloupt niemer mer kommen noch sich finden lassen solle, dann im inn bysin Meister Heinrichen Brucker des obersten knechts und Michel Köferlj des rhatsknechts anzeigt worden, wo er über dissen eydt, zuo statt oder uff dem landt inn unserer Gnedigen Herren pieth betretten, werde man in, mit dem schwert vom leben zuom todt richten. Niclauss Im Hoff Notarius subscripsit
Oberster Knecht
Meister Heinrichen Brucker des obersten knechts
Anthengj Nackart von Milcort uss Lothoring ein crämer
Brucker - 1 ° Anthengj Nackart von Milcort uss Lothoring ein crämer, 6 myl von Sant Niclaus port glegen. Demnoch und er dry tag inn der herberg Zuom Wyldenmann glegen, und er dem fenster entschlofen, und sich erclagt es sige im der seckell uss den hossen gnommen dorinnen er acht cronen ghept, + ist das volck im huss über in geroten und in geschlagen, also ist er inn das kochshuss Zuom Rösslj kommen. Als aber dem würt Zuom Wildenmann ettlich gellt entwert und gestolen worden, und diser dieselb nacht nit Zuom Rösslj glegen. Und dorzuo ouch ein redt vom würt Zuom Wildenman von Beffort und sonst einem so uff Jacoben von Brunns des tuochmans hochzyt hie gsin, und Zuom Nüwenhuss disem sin huot genommen und im ein paret glossen, entstanden wie das dieser zuo Thann ettlich silber becher und zuo Beffort ein ross entwert habe. Desshalben ein argwon uff in gfallen und gfencklichen angnommen, und nochdem er zwölff tag und necht glegen, durch die Sybenherren examiniert und verhört und er bericht geben, er sige by einem corrector glegen, und diesselb nacht uff dem höw Zuom Rösslj glegen ist er uff Mittwochen den 27 Brochmonats ditz 65 jors mit gmeyner urphet gnediglichen wider ussglossen, hatt dorby ouch geschworen, das er sich von statt und landt Basell hinweg thuon, und onerloupt nit wider harin kommen solle. Niclaus Im Hoff Notarius subscripsit
Oberster Knecht
Brucker
Bastean Strübj von Nider Büren Sant Gallen pieth der hussknecht Zuom Wildenmann
Köferlj - 1 Brucker - 1 ° Bastean Strübj von Nider Büren Sant Gallen pieth der hussknecht Zuom Wildenmann ° und Jacobe Hugin von der Nüwenstatt sin eefrow, die under jungfrow Zuom Storcken Demnoch dem würt Zuom Wildenman ettlich gelt entwert worden und die bemelt Jacobe, dieselb nacht, Zuom Wildenman übernacht glegen, und morndes frü uss dem huss kommen, das weder der würt noch die würtin nit gwüsst wie sy dorus kommen. Sindt sy beyde inn ein argwon gfallen, und desshalben inn gfenckniss gleyt. Nochdem und aber sy durch die Sybenherren verhört, hatt man sy uff Mentag den nündten Höwmonats ditz 65 jors mit gmeyner urphet, die sy sampt und sonders geschworen, wider ledig glossen, und als bemelter Bastean diser sachenhalb brieflichen schyn begert ist im anzeigt, wann in yemants hierüber schelten, werde er allwegen bescheidt überkommen. Niclaus Im Hoff Notarius subscripsit
Oberster Knecht
Brucker
Jerg Sutinger von Art ein senn
Köferlj - 1 Uolj – 1 Brucker – 1 ° Jerg Sutinger von Art ein senn, Hans Fry von Wyrj ° uss der vogty Thernie hinter Jenff glegen Berner pieth, ein rytknecht und taglöner, und Peter ° Fry von Losanna ein crëmer, Demnach dise dry, von Bynningen kommen, doselbst zert, und als der würt gsächen, das sy gnuog geessen und truncken, und inen die ürten gemacht, haben sy den würt wellen trëngen und zwëngen, der er inen mer wyns solte geben, + und wiewol der würt sy mit guoten worten wellen abwysen haben sy umb dasselb nützit geben wellen, sonder bösen be scheydt geben, doruff ouch bemelter Peter Fry, dem würt den meygen abgehouwen, imselben sy mit den buren oneins worden, das sy über einandren zückt, und gemelter Peter Fry inn der rechten hand übel verwundet worden, als ouch die buren sy die stëgen abtryben, haben dise dry, unden uffhin zwüschen den tylen, mit plossen gweren, gegen denen so uff der louben gsin, gestochen, und ein sollich ongebürlich leben ghept, das sy gfencklichen gon Münchenstein und nochmalen harin gefürt worden, und als hinder Jerg Sutinger ein messer uff sinem tegen gefunden, so am Frytag darvor, einer frowen abgehouwen worden, er ouch ettlich dickpfennig und gold by im ghept, sindt sy besybnet und verhört, als aber ge dochter Jerg Sutinger beharret, das er sollich messer, einem frömbden gsellen abtuschet, hatt man yedem 10 lb. zuor stroff uffgleyt, und sy uff Mentag den 16 des Höwmonats ditz 65 jors gnediglichen wider ussglossen, habent sampt und sonders den innhalt gmeyner urphet, dorby ouch geschworen, das sy sich von statt und landt Basell hinweg thuon, und darin onerloupt nit kommen sollen, dessglichen das sy inn dryen monaten nechstkünfftig die bemelt stroff unseren Gnedigen Herren überlyferen und ussrichten sollen, doch ist zewüssen das Jerg Sutinger sin stroff, und darzuo sin und siner gsellen thurnlösj, und atzung, ouch die freffell zu Bynningen und den scherer lon, so alles zesamen 37 lb 10 ß und 4 d getroffen, uffgericht bezalt hatt. Niclaus Im Hoff Notarius subscripsit
Oberster Knecht
Brucker
Hans Münch der schuomacher
Brucker – 1 ° Hans Münch der schuomacher Alsdann unserer Gnedigen Herren diener im fünff schilling von wegen das er zwüschen der Zinstag predig, den laden offen ghept und gewerckt, zuor stroff abgevordert, hatt er inen bösen bescheidt geben, die knecht geschmëcht und gsagt, sy sigen all kalthanssen. Diewyl er ouch uff der Schützenmatten, alle ding beredt, was andren gfallt, ist es im als mit recht, hatt man in inn gfenckniss gleyt und umb 5 lb. gstrafft, und uff + Mentag den 6. Augstmonats ditz 65 jors, mit gmeyner urphet gnediglichen wider usglossen, hatt dorby ouch ge- schworen, das er die bemelte stroff, biss Sambstag nechstkünftig ans brett überantworten welle, und hiemit sich bekennt das er von den stattknechten allen, nützit anders dann alle eer, liebs und guots wüsse, er ist ouch ernstlichen gewarnet das er hinfürter sines mundts behuotsamer sin solle, oder im werde ettwas uff den hals wachsen, das im zeschwër sin werde. Niclaus Im Hoff Notarius subscripsit
Oberster Knecht
Brucker
Peter Thür kouff der metzger
Brucker - 1 ° Peter Thür kouff der metzgerPeter Thürkouff kommt in einem anderen Urfehdeverfahren vor, siehe Urfehdeeintrag Hans Wilhelm Vogler der alt würt Zuor Gylgj (fol. 40 verso) für anderes Urfehdeverfahren Als dann unssren Gnedigen Herren, durch herren schultheiss und ein Ersamen Rhat zuo Liechstall zuogeschriben, das er und Hans Wilhelm Vogler inn den hochwelden, gewyldt schiessen, und das man sy zwey stuck über den Hülfften habe gsechen tragen. Ist er by gemeltem Hanss Wilhelmen zuo Hüningen ergriffen, und gfengcklichen harin gfürt. Und nochdem er durch die Syben Herren verhört, hatt man in uff Mittwoch den 15 des Augst monats ditz 65 jors, mit gmeyner urphet gnediglichen wider uss glossen, darby er ouch geschworen, das er sich der büchsen und dess schiessens abthuon und nit underwynden, sonder sinem handt werckh nochgon, sinem vatter und sinen fründen gehorsam sin solle. Niclaus Im Hoff Not[ariu]s s[ub]s[crip]s[it]
Oberster Knecht
Brucker
Mergelin Stöckli von Ettingen
Brucker - 1 °Mergelin Stöckli von Ettingen Hanssen Scheidtbach des hartners eefrow. Dennoch und sy bisshar liederlichen hussgehalten, inn irem huss tëmppfen und prassen lossen, den lüthen uffenthalt geben, sich mit iren nochburen gehalten , das wenig lüth, mit iren zefriden gsin, als ouch ir eeman inn gfenckniss glegen und umb v lb gestrofft, hatt sy schantliche böse wort ussge stossen, gegen dem Hardt vogt, und Peter Guotman, genant kropff Peter , und geredt, wann der Hardtvogt iren man gewarnet habe, so liege er wie ein dieb und bösswicht , und damit getröwt, sy welle ein mal, einem ein messer inn lyb umb keren, und ir hertz erkülen, das man säche, wer Mergelin Krussin sige, wie sollichs die gefasste kuntschafft vermag, desshalben sy inn gfenckniss gleyt, und uff Mittwochen den 22 ten Augstmonats ditz 65 jors, mit gmeyner urphet gnediglichen wider ussglossen, hatt dorby ouch geschworen, das sy sich uff das fürderlichst von statt und landt Basell hinweg thuon und darin onerloupt, nit wider kommen solle, hiemit sy ouch sich bekannt, das sy vom Hardt vogt und Peter Guotman, nützit anders dann alle eer, liebs und guots wüsse. Niklaus Im Hoff Notarius subscripsit
Oberster Knecht
Brucker
Johannes Spies von Gundelfingen, ein student
Brucker - 1 °Johannes Spies von Gundelfingen, ein student. Ist uss bevelch, herren Rector und der vier Decanen der universitet zuo Basell, inn gfenckniss gleyt , von wegen siner ongehorsamj, das er uff anrüffen siner schuldt vorderen gar nie erschynen, über das im bym jurament gebottenn worden, hatt uff Fritag den letsten Augstmonats ditz 65 jors den innhallt gmeyner urphet, darby ouch geschworen das er sinen schuldtvorderen, wann sy im für recht pitten lossen, red und antwort geben, und gehorsamlichen erschynen, was ouch mit recht im erkant und uffgleyt, das er demselben statt thuon und nochkommen solle. Hiemit hatt er ouch die 16 ß contumatien erlegt und bezalt. Niklaus Im Hoff Notarius subscripsit
Oberster Knecht
Brucker
Blandina Nüsslerj Hanssen Spet so einstattknechtgsin, eefrow
Brucker - 1 °Blandina Nüsslerj Hanssen Spet so einstattknechtgsin, eefrow Ist von her Hanssen Vylsser verclagt, das sy siner frowen solte tröwt haben, sy welle ein messer inn iren umbkeren, nochdem und aber dasselb sich nit erfunden, ist sy uff Mitt wochen den 5ten Septembris ditz 65 jars mit gmeyner urphet gnediglichen wider ussglossen. Und iren darby anzeigt, das sy den lüthen, mit bescheidineren worten begegnen, sich still und wol halten und tragen solle, domit iren nit ettwas schwërers uff den Hals wachsse. Niklaus Im Hoff Notarius subscripsit
Oberster Knecht
Brucker
Constantinus Möser der ferber und °Margreth Rosse sin eefrow
Uolj - 1 Brucker - 1 °Constantinus Möser der ferber und °Margreth Rosse sin eefrow Die Herren Eerichter, haben sy inn gfenckniss lossen legen, in umb 5 lb von wegen das er sich selbs von irengesöndert das sin sinem bruoder übergeben und verkoufft, vor dem er mit iren ins recht tretten. So dann ist sy umb 10 lb von wegen das sy mit einem trummeter darvon zogen, und eebrüchig worden, sindt uff Fritag den 7 des Septembris ditz 65 jors mit gmeyner urphet wider ledig glossen . Niklaus Im Hoff Notarius subscripsit
Oberster Knecht
Brucker
Jerg Wydenman der büchsenschiffter
Köferlj - 1 Brucker - 1 °Jerg Wydenman der büchsenschiffter und °Melchior Marschalt der bantzermacherMelchior Marschalt kommt in einem anderen Urfehdeverfahren vor, siehe Urfehdeeintrag Melchior Marschalck der bantzermacher (fol. 47 verso) für anderes Urfehdeverfahren. Als dann bemelter Melchior sich vor unsren Gnedigen Herren er clagt, wie das Jerg Wydenman sin nochbur by nechtlicher wyl in hinderwerts überloffen und gschlagen, darüber dann Jerg Wyden =mans antwort gehört, haben unser Gnedig Herren sich der sach wyther erkundiget. Also das sy beydt zwen tag und zwo nëcht inn gfenckniss glegt, und uff Mentag den 10 des Septembris ditz 65 jars , mit gmeyner urphet, gnediglichen wider ussglossen, habent darby ouch sampt und sonders geschworen , das sy worten und werckenhalb einandren zu friden und ruwen lossen, und nützit thätlichen wyss gegen einandren fürnemmen, sonder habe einer an den andren ettwas zesprechen, so sige guot gericht und recht hie, es ist ouch Jerg Widenman anzeigt, das er Melchiorn sinen tolchen, so er im usszogen, wider zuo handen stellen solle. Niklaus Im Hoff Notarius subscripsit
Oberster Knecht
Brucker
Hans Meyger von Riechen,
Köferlj - 1 °Hans Meyger von Riechen, Ist von wegen der verfürischen sat, der widertöüfferyhalben, zechen tag inn gfenckniss glegen , diewyl er aber durch die Sybenherren verhört, und im die erkantniss unserer Gnedigen Herren vorgelessen, und er uff siner wys beharret, ist er gnedig lichen wider ussglossen, dann er kein urphet wellen schweren, sonder im inn bysin MeisterHeinrichen Brucker des obersten knechts und Michel Köferlj des des rhats knechts , anzeigt worden, das er inn monats frist nechstkünfftig, das sin verkouffen und vertryben, und sich mit wyb und kindt von statt und landt Basell hinweg thuon, und onerloupt nit wider harin kommen solle, dann wo er darüber ergryffen, werde man in schwemmen, das ist im, mit allem ernst fürgehalten worden, uff Zinstag den 11 Septembris, im 65 jar. Niklaus Im Hoff Notarius subscripsit
Oberster Knecht
MeisterHeinrichen Brucker des obersten knechts
Wolff Wërenfels der appothecker
Brucker - 1 °Wolff Wërenfels der appothecker Die Herren Eerichter haben in übernacht im gfenckniss lossen legen und um zwen gulden gestrofft, von wegen, das er sich berumpt, er sige by Susanna Bachmannj , die Jocoben Wysslemlj Susanna Bachmannj und Jocoben Wysslemlj kommen in einem anderen Urfedeverfahren vor, siehe Urfehdeeintrag Jocob Wysslëmlj und Susanna Bachmënnj von Cloten uss Zürich pieth (fol. 45 recto) für anderes Urfehdeverfahren ein kindt geben, glegen, wie er sollicher dingen, durch dry zügen, überzügt worden, ist uff Mittwoch den 19 des Septembris ditz 65 jors , mit gmeyner urphet, wider ussglossen . Niklaus Im Hoff Notarius subscripsit
Oberster Knecht
Brucker
Barbell Ortolff von Basell
Brucker - 1 °Barbell Ortolff von BasellBarbell Ortolff kommt in einem anderen Urfehdeverfahren vor, siehe Urfehdeeintrag Joder Hertenstein der treyger (fol 46 verso) für anderes Urfehdeverfahren. Die Herren Eerichter haben sy inn gfenckniss lossen legen von wegen das sy Joder HertensteinJoder Hertenstein kommt in einem anderen Urfehdeverfahren vor, siehe Urfehdeeintrag Joder Hertenstein der treyger (fol. 46 verso) für anderes Urfehdeverfahren, ein kindt geben welle und anzeigt sy sige umb Liechtmess by im glegen, und ist aber sy genessën das sy das kindt nit mer dann 28 wochen hette tragen, desshalben ein argwon uff sy gfallen, das sy mit andren ouch zeschaffen ghept. Nochdem und aber sy bericht geben, das sy die zyt nit recht anzeigt, und es sige das kindt keins andren dann Joders, sonst habe nyem ants mit iren zeschaffen ghept, ist sy uff Donstag den 27 Septembris ditz 65 jors , mit gmeynder urphet wider uss glossen , und hiemit wyther für recht gewyssen. Niklaus Im Hoff Notarius
Oberster Knecht
Brucker
Heinrich Frick der rebman genant Zwölff Esel
Uolj - 1 °Heinrich Frick der rebman genant Zwölff Esel. Ist von sines liederlichen husshaltens wegen, das er inn würtz und wynhüseren ligt, zefüllen und zespylen got geb, was wyb und kidt doheymen zeessen haben, wann er heym kompt tobet und wütet er gegen siner eefrowen, mit gfenckniss gestrofft und uff Sambstag den 13 des Octobris ditz 65 jors nochdem er durch die Sybenherren verhört worden, mit gmeyner urphet gnediglichen wider usglossen, hatt dorby ouch geschworen , das er hinfürt bass und fridsamer husshalten, und aller spylen sich müssigen und gentzlichen abthuon solle, und alsdann im by drygen soumen wyns worden, domit dasselb gelt, so er darus erlösst, nit unnützlich verthon werde, hat der oberst knecht uss bevelch unserer gnedigen herren, die zinss im spittal so er von sinem huss zthuondt gsin, und anders schulden abzalt, also das sechs pfundt überpliben, ist im anzeigt, wann er korn oder anders zuor husshaltung notturfftig, werde er das gelt bym obersten knecht finden. Niklaus Im Hoff Notarius subscripsit
Oberster Knecht
oberst knecht
Oberster Knecht
obersten knecht
Peter Mayer von Orsny ein halb myl von Fryburg inn Üchtlandt glegen, ein lackey
Toubhüslj- 1 °Peter Mayer von Orsny ein halb myl von Fryburg inn Üchtlandt glegen, ein lackey Die Bettelvögt haben disen jungen starcken gsellen, uff Sambstag nechstverschynen uff dem Kolenberg gfencklichen angnommen, und ins Thoubhüslin gleyt von wegen das er nit furt sin stross ziechen wellen sich gegen den bettelvögten gewert und gsagt sy haben im ein plappart uss den henden gnommen. Ist uff Zinstag den 6ten Novembris, ditz 65 jars, inn bysin des herrn vogtsAugustin SteckenAugustin Stecken kommt in anderen Urfehdeverfahren vor, siehe Urfehdeeinträge Heinrich Grof von Keyserstuol und Michel Mërckell von Pfortzheim, hatt nummen ein arm (fol. 18 recto), Jerg Vollmer von Schaffhussen dess nochrichters knecht (fol. 46 verso), Anthonj Jacote von Schërlin Fryburger und Berner herschafft, ein kessler (fol. 58 recto) und Jocob Keller der vollterer (fol. 59 recto) für andere Urfehdeverfahren und dess obersten knechts, mit gmeyner urphet gnediglichen wider ussglossenn hatt dorby ouch geschworen, das er sich von statt und landt Basell hinweg thuon und darin onerloupt nit kommen solle, er hatt ouch sich bekant, das er den allmuosen dienern gwalt und onrecht thon er wüsse von inen nützit anders dann alles guots. Niclaus Im Hoff Notarius subscripsit
Oberster Knecht
obersten knechts
Heinj Jergj von Oberdorff
Heinrich Brucker – 1 ° Heinj Jergj von Oberdorff Die Herren Eerichter haben in übernacht inn gfenckniss lossen legen und umb zwen gulden gestrofft, von wegen das er Anna Heydj von Niderdorffumb schlecht ursachen der ee angesprochen, und nit ire elteren darob begrüsst. Ist uff Mittwochen den 21 Novembris ditz 65 jars, mit gmeyner urphet gnediglichen wider ussglossen. Niclaus Im Hoff Notarius subscripsit
Oberster Knecht
Heinrich Brucker
Daniel Këmpff von Rynouw under Schaffhussen, ein küffer
Heinrich Brucker – 1 ° Daniel Këmpff von Rynouw under Schaffhussen, ein küffer Demnach der würt Zuor Cronen von Sënnhein sich vor unsren Gnedigen Herren erclagt, wie das im hundert gulden, minder dry dick pfenning entwert worden, und das diser und sin frow, zuo Sennhein, Müllhusen und Basell ytel dick pfennig ussgeben, und ein groser argwon uff in gfallen. Ist er und sin frow, inn mindren Basell Zuom Wysen Crütz gfenck lichen angnommen durch die Sybenherren verhört, und nochdem an die ort und endt, do er anzeigt, das er solche dick pfennig gewichslet und vor und ee, ob der wirt sin gelt verloren, ghept, geschriben und sich erfunden wie er fürgeben, hatt man in uff Sambstag den 24 Novembris ditz 65 jors, mit gmeyner urphet wider ledig glossenn. Woverr aber bemelter würt in wyther berechtigen und inn gfenckniss enthalten, das losse man im zuo, diewyl aber der würt dasselb underlossen, und im zechen pfundt an sin costen der gfenckniss ze stür geben, das kein theyl den andren wyther solle anlangen, ist diser also sin stroff hinweg zogen. Niclaus Im Hoff Notarius subscripsit
Oberster Knecht
Heinrich Brucker
Cuonrat Müller von grossen Hüningen
Brucker-1 ° Cuonrat Müller von grossen Hüningen Demnach und er merglich verschreyt, das er inn unserer gnedigen herren gebieth, und inn der Hardt an ort und enden so der fürst lichen regierung zuogehörig, hochgewyldt schiesse, ist er inn ge fenckniss gleyt, und uff Mittwoch, den 5ten Decembris ditz 65 jors mit gmeyner urphet gnediglichen wider ussglossen, hatt darby ouch geschworen, das er sich der büchssen aller dingen gentzlichen müssigen und abthuon, und hinfürt weder inn unserer Gnedigen Herren pieth noch an andren unserer Gnedigen Herren nochburen oberkeiten gar nit schiessen solle. Niclaus Im Hoff Notarius subscripsit
Oberster Knecht
Brucker
Margreth Meygerj von Nidereckenen
Brucker- 1 ° Margreth Meygerj von Nidereckenen Alsdann dise frow vor einem halben jor, har inn ein statt Basell kommen, und iren ir mann Zuom Löwen inn Eschamer vorstatt, mit todt abgangen, hatt sy sich syderhar hie enthalten und am Heyligen Wienacht tag, by tag und by nacht, zuo obge melter gesellschafft inn Heinrich Bosshardts Die Gesellschaft bei Heinrich Bosshart kommt in anderen Urfehdeverfahren vor, siehe Urfehdeeinträge Martin Bër von Stammen ob Schaffhussen, Hans Tuodlj von Wyl uss dem Turgow, beyd taglöner, Jocob Kropff von Dissum zwo myl von Luckaris ein kemifeger und Uolj Bölsterly von Kyburg by Wintherthur ein taglöner (fol. 51 verso), Elsbeth Jëckelmännj Heinrichen Bossharts eefrow (fol. 52 recto) und Heinrich Bosshart der schnyder (fol. 53 verso) für andere Urfehdeverfahren huss gangen, ze füllen und zetëmpffen. Desshalben sy ouch inn gfenckniss gleyt und uff Sambstag den 29 Decembris ditz 65 jors mit gmeyner + urphet gnediglichen wider ussglossen. Hatt dorby ouch geschworen, das sy sich mit irer tochter von statt und landt Basell hinweg thuon und darin onerloupt niemer mer kommen noch sich finden lossen solle. Niclauss Im Hoff Notarius subscripsit
Oberster Knecht
Brucker
Hans Tuodlj von Wyl uss dem Turgow, beyd taglöner
Brucker- 2Uolj- 1Köferlj – 1 ° Martin Bër von Stammen °ob Schaffhussen, Hans Tuodlj von Wyl uss dem Turgow, beyd taglöner ° Jocob Kropff von Dissum zwo myl von Luckaris ein kemifeger und Uolj ° Bölsterly von Kyburg by Wintherthur ein taglöner. Demnach und sy am Heyligen Wienacht tag, vom morgen an, biss nacht den gantzen tag inn Heinrich Bosshardt dess schnyders Die Gesellschaft bei Heinrich Bosshart kommt in anderen Urfehdeverfahren vor, siehe Urfehdeeinträge Margreth Meygerj von Nidereckenen (fol. 51 verso), Elsbeth Jëckelmännj Heinrichen Bossharts eefrow (fol. 52 recto) und Heinrich Bosshart der schnyder (fol. 53 verso) für andere Urfehdeverfahren huss gsessen zufüllen und zetempffen, gott gelestert denselben tag ob dryssig mossen wyns getruncken, und kein ver nügen wellen haben. Sindt sy inn gfenckniss gleyt und uff Sambstag den 29ten Decembris ditz 65 jors, mit gmeyner urphet, die sy sampt und sonders geschworen, gnediglichen wider ussglossen, und dorby ernstlichen gwarnet, das sy sich hinfürt sölicher winckell zerungen, und lichtfertigen lebens abthuon sollen, oder man werde inen eins zuom andren mëssen. Niclauss Im Hoff Notarius subscripsit
Oberster Knecht
Brucker
Heinrich Bosshart der schnyder
Köferlj – 1 ° Heinrich Bosshart der schnyderDie Gesellschaft bei Heinrich Bosshart kommt in anderen Urfehdeverfahren vor, siehe Urfehdeeinträge Martin Bër von Stammen ob Schaffhussen, Hans Tuodlj von Wyl uss dem Turgow, beyd taglöner,Jocob Kropff von Dissum zwo myl von Luckaris ein kemifeger und Uolj Bölsterly von Kyburg by Wintherthur ein taglöner (fol. 51 verso), Margreth Meygerj von Nidereckenen (fol. 51 verso) und Elsbeth Jëckelmännj Heinrichen Bossharts eefrow (fol. 52 recto) für andere Urfehdeverfahren. . Demnoch und er uff den heyligen Wienacht tag, vom morgen an, biss nacht, inn sinem huss, wybs und mans personen, tösen und tëmpffen lossen und als unserer Gnedigen Herren diener mit dem obersten knecht fürs huss kommen, hatt er inen erverletzliche wort geben und gsagt, sy kommen nit wie biderb lüth, sonder wie schelmen und bösswicht, er sige erlicher dann sy all. Desshalben er inn gfenckniss gleyt, und uff Mittwochen den andren tag Jenners diss 66 jars, mit gmeyner urphet gnediglichen wider ussglossen, hatt dorby ouch geschworen, das er sich den nechsten üffs Richthuss verfügen, und vor unsren Gnedigen Herren einem Ersamen Rhat, gemeynen dienern wider reden solle, und sich bekennen, das er von inen nützit anders dann alle eer, liebs und guots wüsse, dessglichen by dieser tagzyt zechen pfundt zuor stroff erlegen, oder sich zuor statt uss, für die crützstein thuon, und nit harin kommen, er habe dann die bemelte stroff erleyt, darzuo ouch nochmalen sich des inziechens, tëmpffens und zerens abthuon, und flyssiger dann bisshar zuom wort Gottes gon. Oder man werde in und sin frow, von statt und landt verwyssen. Niclauss Im Hoff Notarius subscripsit
Oberster Knecht
obersten knecht
Hanss Zorn der formschnyder
Brucker-1 ° Jocob Heylman zuo Leüpingen, inn der Graffschafft Büren, Berner herschafft, sesshaft her Johann Opporinj stieff son. Demnach herren Johann Opporin, vor joren, zuo Franckfort uss einem beschlossnen huss, ettliche geschrifften, hinweg tragen vergossen und verkoufft, dessglichen als bemelter Opporinus ettliche vass mit büchern, inn einem closter zuo Franckfort ghept, und dieser sampt sinen gsellen darüber kommen, also das ein vass gelëret worden, dorzuo diewyl er neben Strossburg, inn einem closter, ein fründt ghept, und im ettlich gelt entragen, do er zuo Ensissheim betretten, und dasselb gelt wider von handen geben. Ist er inn gfenckniss gleyt, darinner er 10 tag glegen, und noch dem er durch die Syben herren verhört und er anzeigt, das Hanss Zorn der formschnyder der mertheyl bücher uss dem vass gnommen, er wüsse von den gschrifften nützit, haben unser Gnedig Herren, in uff Mittwoch den 16 Jenners ditz 66 jors, mit gmeyner urphet gnediglichen wider ussglossen. Niclauss Im Hoff Notarius subscripsit
Oberster Knecht
Brucker
Uolrich Glintz von Mülen uss dem ° Turgow ein ackerknecht
Uolj-1Brucker-1 ° Uolrich Glintz von Mülen uss dem ° Turgow ein ackerknecht, und Küngolt Schuomacherj von Münchenstein Die Herren Eerichter haben sy beyde inn gfenckniss lossen legen, von wegen als Ulrich anzeigt, sy habe im die ee zuogseit, und er habe sy beschlofen, dessen aber sy im nit gestendig sin wellen. Nochdem und aber sy inn der gfenckniss sich bekennt das sy by im glegen habe aber im der eehalben nützit zuogseyt. Sindt sy beyde uff Mittwochen den 30 tag Jenners ditz 66 iars mit gmeyner urphet wider ussglossen, dorby sy ouch geschworen haben, das sy biss Zinstag nechstkünfftig wyther vor den herren Eerichtern erschynen, und der urtell erwarten sollenn. Niclauss Im Hoff Notarius subscripsit
Oberster Knecht
Brucker
Hans Weber von Basell Provisor zuo Sant ° Peter
Köferlj – 3 Brucker – 1 ° Hans Weber von Basell Provisor zuo Sant ° Peter und Marx Heitzman gerichts schribers °substitut , Hansheinrich Ottendorff der ° tuochscherer, und Michel Tagsperger Demnoch und sy by nëchtlicher wyl, inn einer mummery für Junckher Mathyss von Löwenbergershoff zogen, und an in mit worten gewachssen, das er haruss gevordert worden, daruff er ouch mit einem gwer herus komen, und als be melter Junckher Mathyss sich vor unsren Gnedigen Herren, einem Ersamen Rhat erclagt, und sy zuo beyden theylen verhört, und der scheltwortenhalb für das stattgericht gewyssen, sindt disse vier nochdem sich die rechtsfertigung geendet, von wegen sollicher unruow, die sy nachts zuo unzyt getryben, yeder ein tag und ein nacht mit gfenckniss gstrofft und uff Mentag den 18 des Hornungs ditz 66ten jars, mit gmeyner urphet, die sy sampt und sonders geschworen, gnediglichen wider ussglossen, und dorby ernstlichen gwarnet, das sy sich hinfürt vor solcher unruow hüten, und by zyten sich ab der gassen thuon sollen, oder man werde inen ein stroff zuor andren mëssen. Niclauss Im HoffNotarius subscripsit
Oberster Knecht
Brucker
Hans Böglj von Hegenheim
Brucker – 1 °Hans Böglj von Hegenheim Demnach und er hie inn der Statt für ein halben gulden stock visch koufft, zuo Spalen thor uss heym ryten wellen, sin frowen hinder im gefürt, ist er mit dm torwechter dess zollshalben zuo unfriden worden, ys das der torwechter gseyt er hette ein lust, das er in mit dem kolben über das ross abschlüge, darüber er im geant wort, wenn es an einem andren ort, vor dem Grëndell wëre, so wurde er in nit über ab schlachen, dessen dann sich der tor wechter vor unssren Gnedigen Herren erclagt, das er im vor mer mit ongebürlichen worten begegnet, desshalben er inn gfenckniss gleyt, umb 5 lb gestrofft, und uff Zinstag den 19 des Hornungs ditz 66ten jors, mit gmeyner urphet gnediglichen wider ussglossen, dar by er ouch gewarnet, das er hinfürth dem torwechter besseren und früntlichern bescheidt geben solle. Hiemit er sich ouch bekannt hatt, das er von bemeltem torwechter, nützit anders dann alle eer, liebs und guots wüsse. Niclauss Im Hoff Notarius subscripsit
Oberster Knecht
Brucker
HansJocob Jeüchtenhammer
Brucker – 2 HansJocob Jeüchtenhammer und ° Hans Kruog von Schaffhussen. Diewyl sy ouch by der gsellschafft gsin, als Junckher Mathys von Löwemberg, by nëchtlicher wyl uss sinem huss gevordert, ist yeder ein tag und ein nacht inn gfenckniss gleyt, und uff Mentag den 25 Hornungs ditz 66 jars, mit gmeyner urphet, die sy sampt und sonders geschworen, gnediglichen wider ussglossen, sampt ernstlicher warnung, das sy sich hinfürter nachts by zyten ab der gassen thuon sollen. Niclauss Im Hoff Notarius subscripsit
Oberster Knecht
Brucker
Hans Atz von Muttentz, der metzger
Brucker – 1 ° Hans Atz von Muttentz, der metzger Demnoch und er hin und wider dermossen schulden gmacht, das im sin haab und guot vergantet worden, do sich dann erfunden, das er einen rebacker zwey malen versetzt, und den zinss so doruff gestanden, verschwygen, und vor recht verhallten, und hiemit eer und eydt übersëchen und hindan gesetzt, ist er inn gfenckniss gleyt, und wiewol unser Gnedig Herren in an sinem lyb und leben zestroffen fuog und recht ghept, wie sollichs der artickell vermag, so haben sy guidoch uff der gemeynden von Brattelen, Muttentz und München stein underthenige fürpitt, die scherpfe des rechtens underlossen, und im gnad bewyssen. Hatt uff Mittwochen den 27 Hornungs ditz 66 jars, den innhalt gmeyner urphet darby ouch geschworen, das er sechstzig pfundt stebler zuor stroff erlegen, oder aber sich von statt und landt Basell hinweg thuon, und darin onerloupt nit kommen solle. Wann er ouch harnoch wider begnadet, und harin gelossen wurde, was im dann wyther für mass und ordnung, wie er sich halten, geben werde, dem solle er trüwlichen nachkommen. Niclauss Im Hoff Notarius subscripsit
Oberster Knecht
Brucker
Hans Iselin
Brucker – 1 Uolj – 1 ° Hans Iselin und Michell Nollinger ° von Sissach Demnach und sy beydt ettlicher scheltwortenhalb, das bemelter Hanss Iselin des gedochten Michell anzogen, er habe sin muoter gestossen und geschlagen, ouch in gezygen, das er den zechenden valsch geben habe, miteinandren inn rechtsfertigung kommen, inn wellicher rechtsfertigung inen der fryden, bym höchsten zuom andren mal gepotten, den sy aber nye gehalten, sonder denselben mit worten und werken zuom andren mal verprochen, dorumb dann inen beyden die höchste buoss, mit recht uffgleyt, der halben sy dry tag und nëcht inn gfenckniss gleyt, und uff Sambstag den nündten Mertzens, ditz 66ten jors, mit gmeyner urphet gnediglichen wider ussglossen, habent dorby ouch sampt und sonders geschworen, das sy sich der stroffhalben wie dann die urtell ergangen, dorby es unser gnedig herrren plyben haben lossen mit dem Junckheren und obervogt, was der landts bruch, und die ordnung vermag, vertragen, und sinen willen behalten, dessglichen das sy beydt, gegen einandren friden und gleyt halten, einandren weder mit worten noch mit wercken, nit beleydigen sollen, mit dem anhang, wowerr einer oder der ander hierwider handlen und sich übersechen, werde man sy von statt und landt Basell verwyssenn. Niclaus Im Hoff Notarius subscripsit
Oberster Knecht
Brucker
Jocob Schwartz der stattknecht
Brucker – 1 ° Jocob Schwartz der stattknechtJocob Schwartz kommt in anderen Urfehdeverfahren vor, siehe Urfehdeeinträge Jocob Schwartz und Cuonrat Steiblj die stattknecht (fol. 37 verso), Jocob Schwartz der stattknecht (fol. 72 recto) und Jocob Schwartz der stattknecht (fol. 88 recto) für anderere Urfehdeverfahren Dorumb das er sines diensts nit wartet, hatt in Michell Köferlj der rhatsknecht inn gfenckniss gleyt, und uff Sontag den 10 des Mertzens ditz 66 jars, mit gmeyner urphet wider ussglossen, und im dorby an zeigt, das er hinfürter flyssiger uff sinen herren warten solle. Niclaus Im Hoff Notarius subscripsit
Oberster Knecht
Brucker
Carlin Schmidt von Valledyss ein tischmacher
Brucker – 1 ° Carlin Schmidt von Valledyss ein tischmacher, Claus Zeyniger des rebmans tochterman Diewyl er inn den dörfferen zuo Plotzhein, Hüningen und anderswo umb einandren zücht zeprassen, siner eefrowen, kein bywonnung thuot, sonder wann er gegen oben ettwan har hompt, gesellschafft mit im pringt, und morndes frü wider hinweg fart, wie er dann nëchten ouch gethon, ein essen visch und gsellen ins huss procht, sin frowen wellen tringen das syi inen koche und sy beherberge, ist sy den nechsten zuom Herren Eerichter kert im sollichs clagt. Desshalben er inn gfenckniss gleyt, und uff Mittwochen den 20 Mertzens ditz 66ten jars, mit gmeiner urphet wider ledig glossen, und im dorby anzeigt, wann er siner eefrowen bywonung thuon, das er sy anderer gstallt besuochen, und die gsellen dussen lossen welle. Niclauss Im Hoff Notarius subscripsit
Oberster Knecht
Brucker
Hans Rorer von Wintersingen
Uolin – 1 Brucker – 1 ° Hans Rorer von Wintersingen und ° Catharina Dietickerj von Talheim Die Herren Eerichter haben sy zwen tag und zwo necht Inn gfenckniss lossen legen und yedes um 5 lb gstrofft, von wegen der schnuory die sy getryben . Sindt uff Donstag den vierten Aprilis ditz 66ten jars, mit gmeyner urphet, wider ussglossen. Niclauss Im Hoff Notarius subscripsit
Oberster Knecht
Brucker
Jerg Wydenmann der büchsenschyfter
Brucker – 1 ° Jerg Wydenmann der büchsenschyfter Demnoch und er uff Sontag verschynen einen von Luckaris, von wegen einer schuldt, so er sinem vorfaren zthuondt gsin, uff der Rhynbrucken, mit der fust uff ein oug gschlagen, über das er denselben von Luckaris im rechten hatt. Ist er übernacht inn gfeckniss gleyt, und uff Donstag den vierten Aprilis, ditz 66ten jors, mit gmeyner urphet gnediglichen wider ussglossen, und dorby gewarnet, das er von solchen sachen abston und im nit selbs richten solle. Niclauss Im Hoff Notarius subscripsit
Oberster Knecht
Brucker
Heinrich Mittler von Stein ob Schaffhusen ein taglöner
Brucker – 1 ° Heinrich Mittler von Stein ob Schaffhusen ein taglöner. Demnoch und er inn der Ern, vergangens jars, under dem richt huss, ein tëschen entwert, die Im durch Meister Lienhart Grassen des secklers tochter wider abgeiagt worden, undyetzt disse tag har kommen, ein halssmentelin uss dem buossen zogen, dasselb ver kouffen wellen, inn dem ein frow darzuo kommen, deren ers entwert. Ist er gfencklichen angnommen, durch die Sybenherren verhört und uff Sambstag den 20ten Aprellens ditz 66ten jors mit gmeyner urphet gnediglichen wider ussglossen, hat dorby ouch geschworen, das er sich heym zuo sinem vatter, der im fünff kinder zücht, verfügen möge, von statt und landt Basell sich hinweg thuon, und onerloupt nit wider harin kommen solle, sonst werde im ettwas uff den hals wachssen, das im zeschwër sin werde. Niclauss Im Hoff, Notarius subscripsit
Oberster Knecht
Brucker
Hans Frid mann der messerschmidt
Brucker – 1 ° Hans Frid mann der messerschmidtHans Fridmann kommt in einem anderen Urfehdeverfahren vor, siehe Urfehdeeintrag Hans Fridman der mësserschmidt burger alhie und Hans Schillier von Dysion ein junger knab dess würts Zuom Kopff tusch (fol. 86 verso) für anderes Urfehdeverfahren. Demnoch und er für unser Gnedig Herren ein Ersamen Rhat beschickt von wegen das er sin ampt nit versëchen, als man gestürmbt, wie es im Werckhoff brunnen, er nit uss dem huss wellen, das Rhynthor by der Cronen uffezthuondt, darzuo er die schlüssell hatt, wie er dann vornocher inn einem sturmm als Heinrich Luter burger sin huss verbrunnen, ouch langsam inn einem lynlachen an die gassen herab soll kommen sin, wiewol ers verneynt, und diewyl er ouch sonst liederlichen husshaltet, uff die merckt fart und sine tëgen losst ussrüffen, und dieselben umb halb gellt gibt, den lüthen gelt abentlechnet, und wenig haltet was er zuoseyt, ist er zwen tag und zwo necht inn gfenckniss gleyt, und uff den ersten tag Meygens ditz 66 jors, mit gmeyner urphet gnedig lichen wider ussglossen. Und dorby ernstlichen gwarnet das er hin fürter bass husshalten, und inn stürmen sich nit also varlëssig erzeygen, sonder das darzuo er geordnet flyssig ussrichten solle. Niclauss Im Hoff Notarius subscripsit
Oberster Knecht
Brucker
Hans Ruodolff Müller beydt studenten von Basell
Bylger – 1 Brucker – 1 ° Mathias MeygerMathias Meyger kommt in einem anderen Urfehdeverfahren vor, siehe Urfehdeeintrag Mathias Meyger der student, so yetzt Provisor uf Burg gsin (fol. 67 recto) für anderes Urfehdeverfahren und ° Hans Ruodolff Müller beydt studenten von Basell Die Herren Eerichter haben dise zwen übernacht inn gfenckniss lossen legen und yeden umb zwen gulden gstrofft von wegen das sy ouch by obgenanter Margreth Reinhartin Margreth Reinhartin kommt in anderen Urfehdeverfahren vor, siehe Urfehdeeinträge Margreth Reinhartin von Lutzern (fol. 59 recto) und Isaac Gelthuser der student und Margreth Reinhartin von Lutzern (fol. 59 verso) für andere Urfehdeverfahren glegen, und unküschheit mit iren im Collegio getryben. Sindt uff Mittwochen den 15 des May ditz 66 jors, nochdem Mathias Meyger sin straff nit vermögen sonder ein nacht abbüsst, und Ruodoff sin stroff erleyt, mit gmeyner urphet wider ussglossen. Niclaus Im Hoff Notarius subscripse
Oberster Knecht
Brucker
Mergelin Trefftz, Stoffell Hodels zuo MuttentzStoffell Hodel kommt in anderen Urfehdeverfahren vor, siehe Urfehdeeinträge Agtlj Trefftz von Muttentz (fol. 60 recto/ verso), Stoffel Hodell von Aristorff (fol. 60 verso), Anna Trëfftz von Muttentz (fol. 60 verso) und Stoffel Hodell von Aristorff (fol. 73 recto) für andere Urfehdeverfahren eefrow
Brucker – 1 ° Mergelin Trefftz, Stoffell Hodels zuo MuttentzStoffell Hodel kommt in anderen Urfehdeverfahren vor, siehe Urfehdeeinträge Agtlj Trefftz von Muttentz (fol. 60 recto/ verso), Stoffel Hodell von Aristorff (fol. 60 verso), Anna Trëfftz von Muttentz (fol. 60 verso) und Stoffel Hodell von Aristorff (fol. 73 recto) für andere Urfehdeverfahren eefrow Demnach und sy von bemeltem irem eeman clagt, wie das er mit irer tochter zeschaffen ghept, und nochmalen dasselb nit wellen gstendig sin, ist sy gfencklichen harin gfürt, und durch die Syben herren verhört, und uff Mittwochen den 5ten Brochmonats ditz 66 jors, mit gmeyner urphet gnediglichen wider ussglossen. Niclaus Im Hoff Notarius subscripsit
Oberster Knecht
Brucker
Stoffel Hodell von Aristorff
Brucker – 1 ° Stoffel Hodell von AristorffStoffel Hodell kommt in anderen Urfehdeverfahren vor, siehe Urfehdeeinträge Mergelin Trefftz, Stoffel Hodels zuo Muttentz eefrow (fol. 60 recto), Agtlj Trefftz von Muttentz (fol. 60 recto/ verso), Anna Trëfftz von Muttentz (fol. 60 verso) und Stoffel Hodell von Aristorff (fol. 73 recto) für andere Urfehdeverfahren Demnoch und er ettliche jar zuo Muttenz husshäblichen gesessen, sich liederlichen und übel gehalten, mercklich verschreyt das er den lüthen garben, ops, trübell und anders ent wert, ouch biderben lüthen das allmuossen das allmuossen abgnommen, und zuo Terwylen an ein brandt gehoüschen, doran er, die onworheit fürgeben, ouch sin eefrowen übel gehalten, mit siner stiefftdochter Anna TrefftzAnna Trefftz kommt in einem anderen Urfehdeverfahren vor, siehe Urfehdeeintrag Anna Trëfftz von Muttentz (fol. 60 verso) für anderes Urfehdeverfahren werck der unküsch heit understanden zetryben, und mit iren gar grob gehandlet, wie sollichs die gefasste kuntschafft usswysst. Ist er gfenck lichen harin gfürt und nochdem er durch die Syben herren verhört hatt man in uff Sambstag den achtisten tag Broch monats ditz 66ten jars, gnediglichen wider ussglossen, darby er ouch geschworen das er sich on allen verzug by morndriger tagzyt von statt und landt Basell, hinweg thuon, und darin onerloupt niemer mer kommen noch sich finden lossen solle, oder im werde ettwas uff den hals wachsen, das Im ze schwër sin werde, wie er dann yetztmals dess halsysens und der ruoten kum entrunnen. Niclaus Im Hoff Notarius subscripsit
Oberster Knecht
Brucker
Hans Pollj von Stein ob Schaffhussen dieser zyt zuo Zürich wonende
Brucker – 1 ° Hans Pollj von Stein ob Schaffhussen dieser zyt zuo Zürich wonende. Demnach und er uff Fritag nechstverschynen, am Kornmerckt onerloupt barchet by der ellen ussgeben, und ein ell umb dryzechen rappen geben, ist ein argwon uff in gfallen, (diewyl yetzt zuo Zurtzach vyl entwert worden) als ob er den barchet nit mit rechten zügen überkommen. Nochdem und aber er durch die Syben herren verhört und bericht geben, von wem er den barchet zuo Zuortzach erkoufft, und das es allein schrëntz barchet gsin, hatt man in uff Mentag den 17 des Brochmonats ditz 66 jars, mit gmeyner urphet gnediglichen wider ussglossen. Niclaus Im Hoff Notarius subscripsit
Oberster Knecht
Brucker
Ludj Ritter von Grolley Fryburger pieth uss Üchtlandt
Brucker – 1 ° Ludj Ritter von Grolley Fryburger pieth uss Üchtlandt Demnoch und er von statt und landt Basell fünff myl wegs verwyssen, so ist doch er über denselben eydt onerloupt frefenlich wider harin kommen, gon Schouwenburg zuom Meyger gangen, und demselben fürgeben, es habe in Wilhelm von Büren so ettwan by im im krieg gsin, er solle im sin sturmhuben so er hinder im ligen hab, verkouffen. Und als im der Meyger dieselb huben geben, und mit im den berg uffgangen und das gleyt geben, ist diser wider hindersich zuor frowen gangen, und ein schwert ouch gefordert, als sy aber im ein rappier geben, hatt er die huben do glossen und mit dem rappier hinweg zogen, und diewyl man nochmolen erfaren das er mit betrug umbgangen, und im nützit befolchen gsin, sonder das er solches vom hirten er faren, das Wilhelm von Büren, dem meyger von Schouwenburg ein harnist zuo behalten geben ist er zuo Rigentschwyl gfencklichen angnomen und harin gfürt, und nochdem er durch die Syben herren befrogt, hatt man in uff Mentag den 17 Brochmonats ditz 66 jors, mit gmeyner urphet gnediglichen wider ussglossen, hatt dorby ouch geschworen, das er sich on allen verzug von statt und landt Basell fünff myl wegs hinweg thuon und darin onerloupt niemer mer kommen noch sich finden lossen solle. By peen des schwerts. Niclaus Im Hoff Notarius subscripsit
Oberster Knecht
Brucker
Zschan Bouson, von Losanna
Brucker – 1 °Zschan Bouson, von Losanna Diewyl er uff Frytag nechstverschynen, am Kornmerckt einer frowen inn seckell griffen, und ettlich gelt erwütscht, das er wider lossen fallen , wie er daran ergriffen, ist er inn gfenckniss gleyt, und nochdem er durch die Syben herren verhört, hatt man in uff Mittwochen den 19 des Brochmonats ditz 66 jars, mit gmeyner urphet gnediglichen wider ussglossen, hatt dorby ouch ge schworen, das er sich von statt und landt Basell hinweg thuon, und darin onerloupt nit wider kommen solle. By peen der ruoten und des halsysens. Niclaus Im Hoff Notariussubscripsit
Oberster Knecht
Brucker
Jocob Murer von Mylden
Brucker – 1 Uolj – 1 Bylger – 2 ° Jocob Murer von Mylden und Elsbeth ° Friderich von Willissouw sin eefrow, ° Hans Nicko von Lavodry uss Walliss ° ___ und Anna Friderich von Willissouw sin frow, taglöner und hubenstricker Demnoch einem uff dem hoff Rammlisperg inn Wallenburger vogty inns huss geprochen und by sechs moss ancken entwert worden, ist derselb dem sollichs begegnet, diewyl diss völcklin doselbst für zogen, inen nochgeylt, die crëtzen ersuocht und ettlichen ancken by inen funden, und desshalben sy zu Buobendorff gfencklichen annemmen lossen. Nochdem und aber sy durch die Sybenherren verhört, und sy bericht geben, das sy von einem zuo Schwertz by Willissouw, genant der Hincket Schnyder zwo moss ancken erkoufft, sindt sy uff Mittwochen den 27ten Junij ditz 66 jors mit gmeyner urphet gnediglichen wider ussglossen, habent dorby ouch sampt und sonders geschworen, das sy sich von statt und landt Basell hinweg thuon, und darin onerloupt nit kommen sollen. Niclaus Im Hoff Notariussubscripsit
Oberster Knecht
Brucker
Hansjocob Lamprecht von Basell
Brucker – 1 ° Hansjocob Lamprecht von Basell Ist im halsysen gstanden und mit ruoten ussgehouwen worden, von wegen das er den lüthen inn gütren schaden zuogfügt, die heg verwüstet, und ettliche garten hüslin uffbrochen, also das nützit sichers vor in gsin, dem alten würt Zuor Kannen ein schar ab einem pfluog gschlagen, uff den pfluog gsessen und gseit, es stële ein dieb dem andren, dessglichen das er dem uff Bruoder Holtz tröwt, wenn er in verclage, welle er im ein roten hanen uffs huss setzen, hatt uff Donstag den 11ten Julij, ditz 66 jars, den innhalt gmeyner urphet, darby ouch geschworen, das er sich den nechsten fünff myl wegs schyben wys, von statt und landt Basell, hinweg thuon, und darin onerloupt niemer mer kommen noch sich finden lassen solle. Mit dem anhang, wo er über disen eydt ergriffen das man ab im, on wythere berechtigung, mit dem schwert richten werde. Niclaus Im Hoff Notariussubscripsit
Oberster Knecht
Brucker
Uolj Haberman von Solothurn
Brucker – 1 Uolin – 1 °Uolj Haberman von Solothurn und ° Catharina Fry von Telsperg Die Herren Eerichter haben sy beyde übernacht inn gfenckniss lossen legen und yedes umb 5 lb gstrofft, von wegen der bübery so sy mitein andren inn Her Lienhart Schencken huss, by dem sy gedient, getryben, sindt uff Mittwochen den 17 des Julij ditz 66. jars, mit gmeyner urphet gnediglichen wider ussglossen. Niclaus Im Hoff Notariussubscripsit
Oberster Knecht
Brucker
Walther Merean der seger
Brucker – 1 °Walther Merean der seger Die Herren Eerichter haben in dry tag und dry nëcht mit gfenckniss und umb 10 lb gestrofft, von wegen das er sin basen zuor ee gnommen und sy eines kindts geschwengert. Ist uff Donstag den ersten Augstmonats ditz 66 jars, mit gmeyner urphet gnediglichen wider ussglossen, und im dorby anzeigt, das zwüschen im und Anna Sur kein ee könnte sin, sonder das er sich von iren thuon, und sich mit iren nit wyter vermischen solle. Niclaus Im Hoff Notariussubscripsit
Oberster Knecht
Brucker
Bernhart Müller
Toubhüslj -1 Brucker -1 °Bernhart Müller und °Hans Müller gebrüder von Muttentz Alsdann uff Sontag verschynen iren nün von Muttentz, harin inn die statt kommen, ein obentrunck thon, ein kamren Zuom Plouwen Mann entlent, und als iren ettlich für den Falcken kommen, haben sy inn unserer Gnedigen Herren keller, noch ein moss wyns truncken, angfangen balgen, und als Meister Jerg Spörlin der + rhatsher kommen, und gsagt, es were kein balg huss do, sindt sy an in geroten, also das einer von Muttentz noch dem Ratsherren geschlagen und geredt, er seche weder mine herren, noch in, nit an und als er noch den stattknechten gschickt, und sy disen zweyen, noch geylt, hatt einer under disen, under Eschamer Thor, sin gwer halber uss der scheyden zuckt, und gluogt, ob der tägen gëng sige, desshalben sy inn Eschamer Vorstatt ergriffen und ingleyt, und wie sy der stattknecht gfürt, hatt bemelter Bernhart, zuo Jocoben dem stubenheitzer gseyt, du fürst mich wie ein schelm und dieb. Sindt uff Mittwoch den 7 des Augstmonats ditz 66 jars mit gmeyner urphet, gnediglichen wider ussglossen, habent dorby sampt und sonders geschworen, das ir yeder 5 lb zuor stroff, unsren Gnedigen Herren oder dem obervogt erlegen sollen, dorby hatt ouch Bernhart Müller sich bekant, das er von bemeltem stattknecht, nützit anders dann alle eer, liebs und guots wüsse. Niclaus Im Hoff Notariussubscripsit
Oberster Knecht
Brucker
Wilhelm Hönger von Zürich der student
Brucker – 1 °Wilhelm Hönger von Zürich der student Die Herren Eerichter haben in lossen inn gfenckniss legen von wegen, Catharina Jeüchtenhammerj uss minderen Basell die in der ee angesprochen, und als er examiniert und befrogt, ob er vorhin mit einer andren behafftet, er ouch anzeigt das er einer zuo Zürich die ee verheissen, und aber dieselb nit be nampssen wellen. Wie man nun den Eerichtern von Zürich geschriben, und sich erfunden, das er die onworheit fürgeben, und sollichs allein gseyt, domit er von bemelter Catharina ledig wurde, ist er uff Mentag den 12ten Augstmonats ditz 66 jars mit gmeiner urphet, gnediglichen wider ussglossenn. Hatt darby ouch geschworen das er von der statt Basell nit wychen solle, er sige dann gütlich oder rechtlich mit gemelter Jeüchtenhammerj über kommen. Niclaus Im Hoff Notariussubscripsit
Oberster Knecht
Brucker
Paulj Bylger der rhatsknecht
Brucker – 1 °Paulj Bylger der rhatsknecht Demnach und unser Gnedig Herren in, uss gnaden an das rhatknechts ampt kommen lossen, und man sich zuo im ver sëchen, er würde sich der liederlichen gsellschafft abthuon, so ist doch er mit sinem liederlichen husshalten fürgefaren, +- saltz, stockvisch, häring und wyn, uff borg gnommen, sich an unnütze gsellschafft gehenckt, ettwan onerloupt inn die dörffer zogen zefüllen, sines diensts nit acht ghept, und innsonderheit diewyl er sich dermossen mit wyn überladen das er uff dem Höwberg an der gassen glegen wie ein onver nünfftig thier. Ist er inn gfenckniss gleyt und uff Mentag den 12ten Augstmonats ditz 66 jors mit gmeyner urphet gnediglichen wider ussglossen, hatt darby ouch geschworen, das er sich hinfürter der liederlichen onnützen gsellschafft als Symon Helden, Daniel dess glasers, Hanss Jocoben ob, und anderer, entschlagen und abthuon, und dess tëmpffens und füllens, so er bisshar frü und spot getryben, müssigen, und anderst husshallten, dorzuo onerloupt unserer Gnedigen Herren, oder dess obersten knechts vorwüssen nit uss der statt inn die dörffer ziechen. Dessglichen solle er sich yetzt glich inn thurn heym verfügen und warten biss er wyther, durch unser Gnedig Herren beschickt wirt, und was im als dann wyter anzeigt, wie er sich halten, das er demselben trüwlichen nochkommen solle. Niclaus Im Hoff Notariussubscripsit
Oberster Knecht
Brucker
Damian Nodler der metzger
Brucker – 2 °Damian Nodler der metzger und Elssbeth °Bieglin sin eefrow. Demnach und disse beyde eegemëcht ein guote zyt jaren, mitein- ander ein zänckisch unfridsam leben gfürt, einander geschmëcht und geschendt, dermossen das es iren nochburen überlegen gsin, sindt sy inn gfenckniss gley. Nochdem und aber sy sich begeben das sy beide hinfürter miteinandren früntlichen und fridsam huss- halten, hatt man sy der gfenckniss, uff Mentag den 12 Augst- monats, ditz 66 jars, gnediglichen, mit gmeyner urphot wider erlossen. Darby sy ouch sampt und sonders geschworen haben, das sy hinfürter miteinandren fridsam leben und von iren zënkischen wesen abston, und husshalten sollen, wie eelüthen gebürt. Oder man werde sy von statt und landt verwysen. Dessglichen hatt bemelte Elss- beth, diewyl sy ires mans muoter fründen schmëchlichen zuogeredt, be- kannt, das sy von inen nützit dann alle eer, liebs und guots wüsse. Niclaus Im Hoff Notariussubscripsit
Oberster Knecht
Brucker
Lucas Carpio von Basell, der student
Brucker – 1 °Lucas Carpio von Basell, der student Als dann er hievor im Kärckel zuon Augustineren gfangen glegen von wegen sines übertrinckens und onrüwigen lebens, so hatt doch er umb dieselb stroff wenig geben, sonnder hatt uff der Rinbrucken ein ungestüm wildt wësen anghept dessglichen ouch im collegio. Desshalben er uff erkantniss Herren Rectors und der vier decanen, zwen tag und zwo nëcht inn gfenckniss gleyt, und uff Zinstag den 13 des Augstmonats ditz 66 jors mit gmeyner urphet gnediglichen wider ussglossen, darby er ouch geschworen hatt, das er sin wonung usserthalb des collegijs haben, allein die lectiones darinnen hören und dannenthin + sich glych wider heym verfügen solle, hiemit er ouch sines stipendiums geurloupt ist. Niclaus Im Hoff Notariussubscripsit
Oberster Knecht
Brucker
Barbell Schweygert von Backena uss dem Würtemberger landt
Brucker – 1 °Barbell Schweygert von Backena uss dem Würtemberger landt, zeigt an sy habe ein eeman genant Hanss Eck ein gürtler. Demnach und sy alhar inn die Cleine Statt kommen, und inn der herberg Zuom Bären inkert, und der würtin zwen sylberin becher geben, ist ein argwon uff sy gfallen, und als man zuo iren griffen, und sy inn gfangenschafft glegt, hatt sy bekannt, das sy sechs sylberin becher, einem messerschmidt zuo Schaffhussen entwert. Desshalben gon Schaffhussen geschriben worden, und als man von siben becheren geschriben, hatt sy ze letst anzeigt, das sy denselben dem juden zuo Tiengen umb 25 batzen versetzt. Diewyl und aber sy fürgeben, das sy mit einem kindt schwanger gange, ist sy uff Mentag den 26ten Augstmontas ditz 66 jars, mit ge meyner urphet gnediglichen wider ussglossen, hatt dorby ouch ge schworen, das sy sich von statt und landt Basell hinweg thuon und darin onerloupt niemer mer kommen, noch sich finden lassen solle. Niclaus Im Hoff Notariussubscripsit
Oberster Knecht
Brucker
Urban Ritter von Sant Gallen ein müller knecht, by Lienhart Sagenmüller dienend
Brucker – 1 °Urban Ritter von Sant Gallen ein müller knecht, by Lienhart Sagenmüller dienend Demnach und er uff einen Sontag sinem bruoder das gleydt geben, und sonst zwen so auch sine bruoder, von Sant Jocob, wider harin kert, und iren dry gegen der nacht inen zwüschen dem Grëndell und dem Käppelin begegnet mit + sägessen, ist bemelter Urban sampt sinen brüdern, mit denselben drygen, die inen zuor statt uss begegnet, zuo unfriden kommen, das sy zesammen geschlagen, darunder dann der knecht Zuom Rupff übel verwundet worden. Desshalben disser yetzt gfencklichen angnommen und uff Mentag den 7 des Octobris ditz 66 jars, mit gmeyner urphet gnediglichen wider ussglossen, hatt darby ouch geschworen, so in der knecht Zuom Rupff oder andere, mit recht anlangen wurden, das er inen eines rechtens solle sin. Niclaus Im Hoff Notarius subscripsit
Oberster Knecht
Brucker
Martin Buwman von Geyspitzen
Heinrich Brucker – 1 ° Martin Buwman von Geyspitzen Demnoch und er uff Fritag den 11 Octobris nechstverschynen, mit einer stuoten zuom brunnen gfaren, und ein müller mit zweyen rossen kommen, so uff die stuoten wellen, hatt dieser von leder zuckt, und den müller verwundet, und als der müller ein stein gnommen, ist er dem müller wider nochgloffen, Gott gelestert und sinen tegen, mit der scheyden, am mitten entzwey gschlagen, und nochmalen das halb gwer ploss tragen, und damit zuom thor uss geritten. Desshalben er behëmpt und inn gfenckniss gleyt diewyl und aber sin frow gross, mit einem kindt godt, hatt man in uff Mittwochen den 23 Octobris ditz 66 jors, mit gmeyner urphet gnediglichen wider ussglossen, dorby er ouch geschworen, das er unseren nedigen Herren 10 lb zuor stroff erlegen, dessglichen dem müller den scherer, schmertzen und schaden abtragen. Oder statt und landt Basell so lang myden solle, biss er sölliche stroff erleyt. Ouch ein ander mal sich anderst halten und tragen, oder im werde ettwas schwërers uff den hals wachssen. Niklaus Im Hoff Notarius subscripsit
Oberster Knecht
Heinrich Brucker
Symon Schëllenberg der sattler
Brucker – 1 Uolin - 1 ° Symon Schëllenberg der sattler ° und Elssbeth Kromerj von Zürich Die Herren Eerichter haben sy beyde von irer schnuory wegen lossen inlegen und in umb 5 lb gestrofft. Sindt uff Mittwochen den dryssgisten Höwmonats ditz 67 jars, mit gmeyner urphet wider ledig glossen, und ist bemelter Elssbethen anzeigt, das sy sich usserthalb der statt erhallten solle. Niklaus Im Hoff Notarius subscripsit
Oberster Knecht
Brucker
Jocob Krütlin von Nuglen ein rebmann
Brucker – 1 ° Jocob Krütlin von Nuglen ein rebmann Die Herren Eerichter habent in lossen inlegen und 5 lb zuor stroff uffgleyt, von wegen das er Anna Stoltz von Loufenberg die ee zuogseyt und sonst noch ein frowen soll haben. Ist uff Mittwochen den 13 des Augstmonats ditz 67 jars, mit gmeyner urphet wider ledig glossenn. Niklaus Im Hoff Notarius subscripsit
Oberster Knecht
Brucker
Cuonrat Weniger ° von Tënnicken
Uolj -1 Brucker – 1 ° Cuonrat Weniger ° von Tënnicken und Elssbeth Brotbeckin von Liechstall. Die Herren Eerichter haben sy beyde inn gfenckniss lossen, legen und yedes umb 5 lb gstroff, von wegen irer bübery, die sy getryben, sindt uff Mittwochen den 27 Augstmonats ditz 67 iors mit gmeyner urphet, wider ussglossen. Niklaus Im Hoff Notarius subscripsit
Oberster Knecht
Brucker
Johannes Weber, provisor zuo Sant Peter
Brucker – 1 ° Johannes Weber, provisor zuo Sant Peter Alsdann Urban Rot der strelmacher sich vor unseren Gned igen Herren erclagt, wie das iren zwen uff den Sontag Jubi late znacht, nechstverschynen, vor der Schol, inn lantzknechtischen cleidren und hochen hütten, an in kommen, über in zuckt, und im ein stuck vom kyni ghouwen, yetzt aber sige er inn erfarung kommen das er und Marquart der schuolmeister zuo Sant Peter. im sölches gethon. Uff das hatt dieser vor einem Ersammen Rhat freffenlichen geredt neyn, er sige nit vercleydt gsin, aber er habe im den streich geben. Desshalben er inn gfenckniss gleyt, umb 5 lb gestrofft, und uff Mittwochen den 27ten Augstmonats ditz 67 jars, mit gmeyner urphet gnediglichen wider ussglossenn, hatt darby ouch geschworen das er bemeltem strelmacher, sinen schmertzen, costen und schaden abtragen, und hinfürter sich nachts nit uff der gassen solle finden lassen, sonder den büchern obligen. Niklaus Im Hoff Notarius subscripsit
Oberster Knecht
Brucker
Stoffel Hodell von Aristorff
Brucker – 1 ° Stoffel Hodell von AristorffStoffel Hodell kommt in anderen Urfehdeverfahren vor, siehe Urfehdeeinträge Mergelin Trefftz, Stoffel Hodels zuo Muttentz eefrow (fol. 60 recto), Agtlj Trefftz von Muttentz (fol. 60 recto/ verso), Stoffel Hodell von Aristorff (fol. 60 verso) und Anna Trëfftz von Muttentz (fol. 60 verso) für andere Urfehdeverfahren Wiewol er vormalen siner misshandlunghalb von statt und landt Basell verwysen, so ist doch er über dieselb sin geschworne urphet onerloupt frefenlichen wider gon Muttentz gangen, desshalben er gfencklichen angnommen, harin gfürt, und uff Mittwochen den dritten tag Septembris ditz 67 jars, gnediglichen wider ussglossen, hatt den innhallt gmeyner urphet, darby ouch geschworen, das er sich wider von statt und landt Basell hinweg thuon, und onerloupt darin nit kommen noch sich finden lassen solle, wie sin vordrige urphet usswysst, by deren es unser Gnedig Herren haben plyben lossen, mit der ernstlichen warnung, wo er über disen eydt zuo statt oder landt Basell ergriffen, wird er ein gang thuon müssen, der im an sinem lyb und leben zeschwër sin werde. Niklaus Im Hoff Notarius subscripsit
Oberster Knecht
Brucker
Margreth Schnyderj von Boppoltzen under Regenspurg glegen uss Zürich pieth
Brucker -1 ° Margreth Schnyderj von Boppoltzen under Regenspurg glegen uss Zürich pieth. Wiewol sy vormalen im 56ten iar von statt und landt Basell von statt und landt Basell verwysen, ist sy doch über + denselben eydt, onerloupt freffenlichen wider harin kommen, und uff drü jor lang syderhar hie dient, und diewyl sy yetzt inn der Thumprobsty sider Johannis Baptiste gsin, und mit der Thuomprobstin uneins worden iren schmëchlichen zuogredt, ist sy inn gfenckniss gleyt, und uff Mittochen den dritten tag Septembris ditz 67 jars gnedig lichen wider ussglossen, hatt den innhalt gmeyner urphet, dorby ouch geschworen das sy sich von statt und landt Basell hinweg thuon und darin onerloupt nit kommen solle by peen des halsysens und schwemmens. Hiemit sy sich ouch bekannt hatt das sy von Junckher Sigmundts von Pfirt eefrowen, nützit anders dann alle eer, liebs und guots wüsse. Niklaus Im Hoff Notarius subscripsit
Oberster Knecht
Brucker
Moritz Bumann von Oberdorff uss Wallenburger ampt
Brucker – 1 ° Moritz Bumann von Oberdorff uss Wallenburger ampt Ist durch Junckher Hanns Jacob Hiltprandt den obervogt zuo Waldenburg gfencklichen harin gschickt, von wegen das er ob Walldenburg inn unserer Gnedigen Herren wyger, inn einem giessen, als die visch uff den leych zogen, nün vorenen, mit einem bëngell zetodt gschlagen, dieselben hinweg tragen, also das, das zechent stuck, dem Junckheren worden, und nochdem er durch + die Syben Herren verhört, hatt man inn uff siner verwandten fründen underthenige pitt, uff Sambstag den 6ten Septembris ditz 67 jars, mit gmeyner urphet gnediglichen wider ussglossen, und im 10 lb stebler zuor stroff uffgleyt, dorby er ouch geschworen hatt, das er hinfürter sölcher sachen abston, und biss Sambstag nechstkünfftig die bemellte stroff unsren Gnedigen Herren ans brett über antworten solle. Niklaus Im Hoff Notarius subscripsit
Oberster Knecht
Brucker
Ludj Hütschin
Brucker - 1 ° Ludj HütschinLudj Hütschin kommt in einem anderen Urfehdeverfahren vor, siehe Urfehdeeintrag Hans Schmid sesshaft uff Bruoderholtz (fol. 73 verso) für anderes Urfehdeverfahren Demnoch Jacob Hütschin selig, diesen jungen knaben, mit im uss dem krieg procht und in erzogen, ist er gantz muotwillig, und ongehorsam, will nienen plyben, desshalben er inn gfenckniss gleyt, und nochdem er durch die Syben Herren verhört, und sich erpotten er welle sinem vogt Hern Hanssen Gërnler vogt zuo Rammstein wann man in zuo einem handtwerck verdingen gehörig und gehorsam sin, hatt man in uff Sambstag den 13 des Septembris ditz 67 jars, mit gmeyner urphet wider ledig glossen. Niklaus Im Hoff Notarius subscripsit
Oberster Knecht
Brucker
Ulrich Kleüw von Bürglen ze nechst by Fryburg inn Öchtlandt glegen ein taglöner
Brucker – 1 ° Ulrich Kleüw von Bürglen ze nechst by Fryburg inn Öchtlandt glegen ein taglöner Demnach und er zuo Holderbanck und inn andren dörffern trübel verkoufft, und von einem von Hölstein bescheiden das er im ein krätzen voll umb ettlich schilling geben welte, als aber derselb nit anheimsch gsin + ist er by Rammlisperg, inn die reben gangen, daselbst zweyhundert trübell abgeschnitten doran er ergriffen, und gon Waldenburg gfürt, und nochdem er gfencklichen har kommen, und durch die Sybenherren verhört, hatt man in uff Mittwochen den ersten Octobris ditz 67 jars, mit gmeyner urphet, gnediglichen wider ledig glossen, dorby er ouch geschworen, das er sich von statt und landt Basell hin weg thuon, und darin onerloupt nit kommen solle, by peen einer lybs stroff, und diewyl er Meister Joss Dürsten ein pfundt umb brot schuldig, hatt er geschworen, im dasselb uff das fürderlichst harin zeschicken. Niklaus Im Hoff Notarius subscripsit
Oberster Knecht
Brucker
Martin Heber von Münchenstein
Heinrich Brucker - 1 ° Martin Heber von Münchenstein Demnach Gott der Allmechtig inn diss jar, mit einem rich lichen herbst begabet, und im ettlich wynzüber geprosten, hatt er sich inn der trotten, ettlicher onchristenlicher worten vernemmen lossen, und geredt, der Tüffell hab im sovyl dess wuosts an die reben gsetzt, das er nit wüsse wo er mit hin soll. Ist er inn gfenckniss gleyt, und wiewol unser Gnedig Herren befügt gsin, in an ein recht zestellen, habent sy doch sin alter ouch deren von Münchenstein und Muttentz pitt angesechen, die scherpffe des rechtens underlassen, und im fünfftzig pfundt zuo einer straff ufferlegt, die er bezalt, und damit der gfenck niss gnediglichen wider erlassen. Hatt den innhallt gmeyner urphet darby ouch geschworen, das er vor der kilchen und der gantzen gemeyndt zuo Münchenstein sich öffenlich bekennen solle, das er mit söllichen sinen unchristenlichen reden wider Gott, und ein Ersame Oberkeit, schwerlich gehandlet, er bitte sy umb verzychung, sy wöllent sich vor sollichen ungebürlichen, groben reden hüten, und inen dises lossen ein warnung sin. Dessglichen solle er sich von der gemeyn thuon, die würtzhüser myden und nitt darinnen zeren, sonder daheymen by siner frowen essen und trincken, biss im sollichs wider erloupt wirt. Wann man aber ein gemeyn werck haltet solle er ein diener darschicken. Actum Mittwochen den 29 Octobris anno 67. Niklaus Im Hoff Notarius subscripsit
Oberster Knecht
Heinrich Brucker
Jocob Schnabell ein huofschmidt
Hanss Rorer – 2 ° Jocob Schnabell ein huofschmidt und Hans Balgenweg genant Jung Hanss ein ° junger wagner gsell, beydt von Tëgerwyl inn Frowenfelder vogty glegen. Alsdann uff Sambstag znacht den 18 des Octobris ditz 67 jars Fridlin Schaffner von Annwyl uss Varnspurger vogty inn der herberg Zuom Löwen inn Eschamer Vorstatt, entlypt, und diese zwen darby gsin, sindt sy gfencklichen angnommen, und nochdem man die kuntschafft verhört, und man nit anderst erfaren mögen, dann das er sich mit sinem gwer, selbs inn lyncken schenckell gestochen, als er den obgenanten jungen wagner zuom ersten ins antlyt gschlagen, das er zuoboden gfallen, und glych zuckt, do obgemelter Jocob Schnabell den gedochten Fridlin, inn der weyche umbfangen und ghept, und aber Fridlin yemerdar noch dem bemelten wagner gstochen, biss sin eefrow selbs mit dem liecht uss der cammren kommen, und in gsechen, mit sinem gwer, nydersincken, und das sonst kein gwer zuckt worden, und diewyl sin eefrow an diese zwen noch an sonst andere, kein ansproch sollicher ent lybunghalben ghept, sindt sy beyd uff Mittwochen den 29 Octobris ditz 67ten jars mit gmeyner urphet, die sy geschworen, wider ledig glossen und nochdem sy den eydt erstattet, hatt Meister Heinrich der oberst knecht inen anzeigt, das sy sich an andere ort und endt verfügen, und unser Gnedigen Herren ongeirrt wellen lassenn. Niklaus Im Hoff Notarius subscripsit
Oberster Knecht
oberst knecht
Frantz Jëckelman von Losanna ein murer
Heinrich Brucker – 1 ° Frantz Jëckelman von Losanna ein murer, so ettliche jar an unseren Gnedigen Herren werckh gangen. Alsdann die Lonherren ettlich taglöner, so am joch an der Rynbrucken schöpffen sollten, bestellt, soll diser dieselben uffgewyssen han, das sy nit minder dann vier patzen zuo lon, nemmen sollten. Desshalben er inn gfenckniss gleyt, und uff Zinstag den vierdten Novembris ditz 67 jars, mit gmeyner urphet gnediglichen wider ussglossen, hatt darby ouch geschworen, das er sich von statt und landt Basell hinweg thuon, und darn onerloupt nit kommen solle. Niklaus Im Hoff Notarius subscripsit
Oberster Knecht
Heinrich Brucker
Barbell von Rufach, Luxen Altwyr dess krëmers von Keysersperg, eefrow
Thoubhüslin 1 ° Barbell von Rufach, Luxen Altwyr dess krëmers von Keysersperg, eefrow Diewyl sy und ir eeman, yetzt inn der mëss, mit der Tubenschlosserj zuo unfriden kommen, ir mann zuckt, derhalben im die stattknecht den füstling gnommen, doruff er sich darvon gmacht, und als sy durch den obersten knecht, mündtlichen ouch hinweg gwysen, sy aber darüber hie plyben, ist sy ins Thoubhüslin gleyt und uff Mittwochen den zwölfften Novembris ditz 67ten jars, mit gmeyner urphet gnediglichen wider ussglossen hatt darby ouch geschworen, das sy sich von statt und landt Basell hinweg thuon, und darin onerloupt nit kommen solle, by peen einer lybs stroff. Niklaus Im Hoff Notarius subscripsit
Oberster Knecht
obersten knecht
Moritz Barys von Sant Niclaus port
Brucker – 1 ° Moritz Barys von Sant Niclaus port Demnach diser junger, übernacht Zuor Gylgen, ze herberg glegen, und einer von Rufach sich erclagt, es sigent im vier dick pfennig entwert, diser habs im gnommen, sindt iren ettlich ersuocht, und diewyl dieser sin seckell under die stegen verporgen, denselben fürher procht, dorinnen ein cronen und ettlich dick pfennig gsin. Ist dieser inn ein argwon kommen gfencklichen angnommen, und sindt dem von Rufach vier dick pfennig uss dessen gellt geben worden, doruff der von Rufach sich darvon gmacht, und nochdem diser durch die Sybenherren verhört, und anzeigt, das der von Rufach gwüsst habe, das er gellt ghept, dann er by sinem vatter zuo Rufach gedient, er habe ouch in geheysen den seckell verpergen, ist diser uff Sambstag den 22ten Novembris ditz 67ten jars, mit gmeyner urphet gnediglichen wider ussglossen, und im dorby anzeigt, das er wider einem biderbmann dienen möge. Niklaus Im Hoff Notarius subscripsit
Oberster Knecht
Brucker
Martin Schnyder von Riechen
Brucker – 1 ° Martin Schnyder von Riechen Die Herren Eerichter haben in lossen inn gfenckniss legen und umb 10 lb gstrofft, von wegen das er Agness Meygerhoffin, als sy sich lossen verkünden, mitt einem von Küngsfelden, den sy mit ihres vatters wüssen und willen zuor ee gnommen, versprochen und sy mit dem kilchgang gehindert, und aber sich sin handell umb den herbst verloffen, und den handell lossen anston, biss uff den kilchgang, und yetzt nützit erwysen können. Ist uff den 13 decembris ditz 67 jars mit gmeyner urphet gnediglichen wider ussglossen. Niklaus Im Hoff Notarius subscripsit
Oberster Knecht
Brucker
Barbell des obgemellten Christen Hochstatts eefrow
Brucker – 1 ° Barbell des obgemellten Christen Hochstatts eefrow Demnach und sy inn verruckter zyt, by Matheussen dem tuoch scherer, inn einem gartenhüslin ergriffen, und über dasselb im wyther nochgangen soll sin, wiewol sy dessen nit gstendig sin wöllenn, ist sy inn gfenckniss gleyt, und uff Sambstag den 13 Decembris ditz 67 jars, mit gmeyner urphet, gnediglichen wider ussglossen, hatt darby ouch geschworen, das sy des bemellten Matheussen, aller dingen müssig gon, weder steg noch weg sich sinen nit gepruchen, sonnder sinen gentzlichen müssig gon, und sich frommbklich und erbarlich hallten solle. Oder man werde sy von statt und landt verwysen. Niklaus Im Hoff Notarius subscripsit
Oberster Knecht
Brucker
Jerg Beck von Ulm ein fuorknecht
Brucker – 1 ° Jerg Beck von Ulm ein fuorknecht Demnach und er sich ein jor oder zechine, hin und wider inn herberg und ettwan Zuom Schoff, sich erhallten, und dess saltzkouffs sich wunderbarlich undernommen, wann die saltzwegen kommen, hat er sy yetzt inn das, dann in ein ander dorff gewysen, und als er früntlichen gwarnet solcher sachen abzeston, hatt er bösen bscheydt geben, und geredt, er welle es mer thuon, er habs jo thon. Desshalben er inn gfenckniss gleyt, und uff den 20 Decembris ditz 67 jors, mit gmeyner urphet, gnediglichen wider ledig glossen, hatt darby ouch geschworen, das er sich von statt und landt Basell hinweg thuon und darin onerloupt nit kommen solle, oder im werde ettwas uff den hals wachsen, das im an snem lyb zeschwër sin werde. Niklaus Im Hoff Notarius subscripsit
Oberster Knecht
Brucker
Peter Berner von Mett by Byel
Rorer – 1 ° Peter Berner von Mett by Byel Alsdann inn der herberg Zuor Tannen, ein seckell ver loren, darinnen zechen rössler, dry münchsköpf und ein gulden gsin, ist ein argwon uff disen so acht jar zuo Bern gestudiert, gefallen, diewyl er doselbst zuo herberg glegen, und inn 14 tagen, inns Margraffen landt, drü mal gfencklichen gon Röteln gfürt. Desshalben er ingleyt, und nochdem er durch die Sybenherren verhört, ist er uff den nünten tag Jenners ditz 68 jars, mit gmeyner urphet gnediglichen wider ussglossen, hatt dorby ouch ge schworen das er sich von statt und landt Basell, an andere ort und endt hinweg th uon und unser Gnedig Herren, ongeirrt lossen, ouch onerloupt nit wider harin kommen solle. Niklaus Im Hoff Notarius subscripsit
Oberster Knecht
Rorer
Barbell Mettlerj von Kyburg Züricher pieth
Brucker – 1 ° Barbell Mettlerj von Kyburg Züricher piethBarbell Mettlerj kommt in anderen Urfehdeverfahren vor, siehe Urfehdeeinträge Barbell Mettlerj von Bencken uss Kyburger Graffschafft, Züricher pieth (fol. 74 verso), Georg Geer gewessner schaffner zuo Sant Claren (fol. 74 verso) und Barbell Mettlerj von Kyburg Züricher pieth (fol. 81 verso) Demnach und sy, mit Jergen Ger, dem schaffner zuo Sant Claren am eegericht gerechtiget, und derselb handell sich geendet, das sy im das kindt überschickt, hatt sy sich ettlicher tröw worten vernemmen lossen, sy wölle in im closter verbrennen, und so er oder sin frow, iren uff der gassen werden, so wölle sys zeichnen, das sy zeichnet müssen sin. Desshalben sy inn gfenckniss gleyt, und uff Sambstag den 13 Jenners ditz 68 jors, mit gmeyner urphet gnediglichen wider ussglossen, hatt darby ouch geschworen, das sy sich von statt und landt Basell hinweg thuon, und darin onerloupt nit kommen solle, by peen dess halsysens und schwemmens. Niklaus Im Hoff Notarius subscripsit
Oberster Knecht
Brucker
Marx Spörlin der glocken gieser
Brucker – 1 Rorer – 1 ° Marx Spörlin der glocken gieser und ° Hans Oltinger der huoffschmidt. Demnach der Hochen Stifft thuommdechan, sampt dem secretarien ettliche geschëfft hie zeverrichten ghept, und uff der Rhynbrucken, bym zollhüsslin, für diese anhin gangen, und der bemelten Herren diener inen nochgevolgt, habent diese zwen, ettliche verachtliche wort ussgestossen, und bemelter Marx Spörlin, ein spruch von affen und pfaffen geredt, sodann Hanss Oltinger sich vernemmen lossen, sy müssent die Pfaltz buwen, wenn sys (mit groben worten) geschnygt hett, und diewyl der gedochten Herren diener solliche wort gehört und inen diser anzeigt, habent sy Mentag en andren Hornungs ditz 68 jars, mit gmeyner urphet gnediglichen wider ussglossen, und darby ernstlichen gwarnet, das sy hinfürt ihres mundts behuotsamer sin, und frömbd lüth onveracht sollen lossen. Niklaus Im Hoff Notarius subscripsit
Oberster Knecht
Brucker
Heinrich Haller der goller macher
Hanss Rorer – 1 ° Heinrich Haller der goller macherHeinrich Haller kommt in anderen Urfehdeverfahren vor, siehe Urfehdeeinträge Heinrich Haller der gollermacher (fol. 94 recto), Ulrich Ëberlj der trucker von Ougsburg und Elssbeth Oschwaldin von Loupheim zwo myl von Ulm glegen, sin eefrow (fol 93 verso) und Heinrich Haller der schuomacher und Sophia Brattelerj (fol. 91 recto) für andere Urfehdeverfahren Alsdann er sich vor unseren Gnedigen Herren erclagt, wie das Josias von Mëchell der buochbinder sin nochbur, in uss dem huss gevordert, und wo ers nit geston, so welle ers bewysen, und als im anzeigt, das er sine zügen uff ein zedell verzeichnen und dem obersten knecht übergeben solle, ist er demselben nit nochkommen, sonder die sach wellen ersitzen lassen. Desshalben er wyther beschickt, und inn gfenckniss gleyt. Hatt uff Donstag den 12 Hornungs ditz 68 jars, den innhallt gmeyner urphet, darby ouch geschworen, das er die zügen fürderlichen angeben, damitt min her rhatschriber dieselben vassen, und der handell zuo endt geprocht werde. Niklaus Im Hoff Notarius subscripsit
Oberster Knecht
obersten knecht
Marx Rieher der scherer
Heinrich Brucker 1 ° Marx Rieher der scherer Demnach und er uff Mentag den andren Hornungs, nachts noch den zechnen, für sin huss heym kommen, anglütet, ein wyldts wesen ghept, Meister Batt Hugen siner eeren antastet, dessglichen dem büchsenschmidt schmëchlichen zuogeredt, er sige ein lur und schelm. Ist er inn gfenckniss gleyt und uff Donstag den 12 Hornungs ditz 68 jars, mit gmeyner urphet gnediglichen wider ussglossen, hatt dorby sich ouch bekennt, das er von Meister Batt Hugen und vom büchsenschmidt sinen nochburen, nützit anders dann alle eer, liebs und guots wüsse, und das hiemit der handell ussgemacht sin, das es keinem theyl an sinen eeren nützit schaden solle. Dessglichen solle er sich hinfürter anderst halten und tragen, damit im nitt ein schwëre stroff uff den halss wachsse Niklaus Im Hoff Notarius subscripsit
Oberster Knecht
Heinrich Brucker
Hans Meygerhoffer von Riechen
Rorer – 1 Brucker – 1 ° Hans Meygerhoffer von Riechen und ° Agnes Schärpfflin sin eefrow, ouch ° Madlen Meygerhofin ir töchterlj Diewyl und sy bemelte ir tochter, die noch nit 15 jor alt, Stoffell Gyr Stoffel Gyr kommt in einem anderen Urfehdeverfahren vor, siehe Urfehdeeintrag Stoffell Gyr von Lottstetten inn der Graffschafft Küssenburg glegen (fol. 82 verso) für anderes Urfehdeverfahrenharnochgemellt, inn die ee vermëhlen haben lassen, da sy wol darvor hetten mögen sin, und die tochter bass verwaren mögen, sindt sy alle inn gfenckniss gleyt, und uff Mittwochen den 18 Hornungs ditz 68 jars, mit gmeyner urphet, gnediglichen wider ussglossen, und ist hiermit vatter und muoter befolchen, das sy bemelte ir tochter by inen behallten sollen, biss iren der kilchgang erloupt wirt. Niklaus Im Hoff Notarius subscripsit
Oberster Knecht
Brucker
Thenge de Bola, so sich nempt weber oder moler, von Viviss ein junger knab,
Brucker- 1 Rorer- 1 ° Thenge de Bola, so sich nempt weber oder moler, von Viviss ein junger knab, ° und Peter Zschëckj von Wylar by Salin inn Burgundt glegen. Alsdann bemelter Thenge vor Wienachten ouch gfangen glegen ,und von statt und landt verwysen, so ist doch er und Peter Zschëckj, sampt Hanssen Porro Hans Porro kommt in einem anderen Urfehdeverfahren vor, siehe Urfehdeeintrag Hans Porro von Ryney by Grey inn Burgundt glegen (fol. 84 recto) für anders Urfehdeverfahren hieensyt genampsset, zuo Gelterkingen vor eines buren huss funden, und verclagt worden, das sy ettlich gelt sollten usstheylt haben. Desshalben sy gfencklichen harin gschickt, und nochdem sy durch die Syben herren verhört, und kein gelt by inen funden worden, sindt sy uff Mittwochen noch dem heyligen Palm tag ditz 68 jars, mit gmeyner urphet gnediglichen wider uss glossen, habent darby ouch sampt und sonders geschworen, das sy sich von statt und landt Basell, hinweg thuon, und dorin oner loupt nit kommen noch sich finden lassen sollen. Oder es werde inen ettwas uff den hals wachsen , das inen zeschwër sin werde, inn sonderheit obgenanten Thenge, dann es by siner vorgeschribnen urphet plyben werde. Niclauss Im Hoff Notarius subscripsit
Oberster Knecht
Brucker
Junckher Mathys München von Löwenburgs
Brucker - 1 Junckher Mathys München von Löwenburgs urphet. Demnach jetztgemellter Münch von Löwenburg uff Sambstag den 13 Wolffmonats nechst inn verschynenen 67. der mindern zal jars hingeflossen inn der herberg Zuom Kopff alhie, inn einem nachtmal, inn bywesen vyler eeren lüthen, sich gantz voll und ungeschickt ghallten, ouch dermassen, übersechen, das er Gott den Allmechtigen mit grusamen schwüren höchlich gelestert, und zuo dem einen Ersamen Rhat der statt Basell , und ein gmeyne lobliche Eidtgnoschafft, mit ungebürlichen reden und trotzworten, one einichen anlass und reytzung, angethast und vercleinert, und glych daruff, diewyl er sich der Oberkeit gebürlichen straff besorgt, vonn der statt Basell, da er sinen husshäblichen sytz gehept, abgewichen, und sich derselben geüssert. Hatt er volgentz einen Ersamen Rhat, durch sin Eeren früntschafft, dess ersten schrifftlich und volgentz durch derselben verordneten ussschutz per sönlich, umb verzychung siner begangnen misshandlung, zuom trungenlichesten, ansuochen und pitten lassen. Wiewol nun er Leüwen burger innsonderheit mit sollichem schweren und gotzlestern, der massen sich übersechen, das imme sin wolverdiente straff, wo er die selbig zevermyden nitt abgewichen, darüber billich widerfaren sollen, so hatt doch ein Ersamer Rhat unser Gnedig Herren, nit umb sin Löuwenburgers, als der hutnor mehrmalen ungerümbte handlungen inn der statt Basell geübt. Sonnders allein umb gemellter + siner Eeren fründtschafft fürpitt willen, ouch sonderlich denselben zuo früntlichem nachpürlichem gefallen, den miltern weg, an die hand zenemen, und ime Leüwenbergern, sovyl die handlung min Gnedig Herren belangt zuoverzychen, sich bewegen lassen. Doch der gestalten diewyl dannocht ein Ersamer Rhat, dieselbig nit wol allerdings ungestrafft khönnen hingon lassen. Das dann er offtgemellt von Löwenburg, unangsechen, das er billich, wie ein anderer uff dem Richthuss, vor einem Ersamen Rhat erschynen und daselbs be scheidts erwarten sollte. (Darinn ein Ersamer Rhat abermalen siner Eeren fründtschafft zuo sonnderlichem gevallen wychen wöllen.) inn ein burgerliche gefangenschafft stellen, und demnach so er derselben mit einer gmeinen aber jedoch und wie harnoch volgt underschidlichen urphet widerumben ledig gelassen. Dem gmeinen guot der statt Basell, fünfftzig gulden rhynisch, zuo einer peen und straff, erlegen, ab richten und bezalen solle. Und diewyl dann offtermelter von Löwenburg solliche begnadigung zuo sonderlichem underthenigem danck angenommen, ouch daruff sich Donstags den 29 letstver schinens Aprellens, inn die gefangenschafft, uff das Inner Eschamer thor gestellt. So ist er uff Mentag den dritten Meygens ditz 68ten jars, derselben widerumben ledig geben worden, und hatt dorby mit ufferhabnen fingern zuo Gott dem Allmechtigen geschworen, das er dise gfangenschafft gegen niemanden wer joch der sye rechen anden noch öfern, weder mit der that, noch mit recht sonders darüber ein gestragkt uffrecht redlich urphet halten, das er ouch wo er fürer sinen husshäblichen sitz zuo Basell halten oder sonnsten alhie wonen würde, sollicher trunckenheit, dess gotslesterens, des schmechlichen zuoredens, verachtung, und andrer derglichen unge rümbten sachen, müssigen, sich deren gentzlichen enthalten und siner vorangeregten begangnen fälernhalben, dem gmeinen guot der statt Basell fünffzig gulden rynisch, zuo rechter peen und straff erlegen, ab richten und bezalen solle und wölle. Mit der verwarnung deren er mit allem ernst erinnert, wo er der gesagt von Löwenburg sich hinfürter mehr der gestallten, oder so groblich übersechen, das ein Ersamer Rhat mitt gebürender straff, die sinem verdienen gemëss sin möchte, inne zezüchtigen und zebüssen verners nitt mehr underlassen werde, dess solle er der vilgemellt von Löwenburg, sich darnach wüssen ze richten und zehallten. Diewyl dann vorgenanter Junckher Mathiss Münch von Löwenburg, nachdem im dise urphet vorge lessen, dissen eydt erstattet und geschworen, so hab ich Niclaus Im Hoff Notarius diese urphet mit eigner handt underschiben.
Oberster Knecht
Brucker
Michell Tagsperger der tischmacher
Rorer- 2 Brucker- 1 Uolin - 1 ° Michell Tagsperger der tischmacher ° Martin Rëm der zymmermann Martin Rëm kommt in einem anderen Urfehdeverfahren vor, siehe Urfehdeeintrag Martin Rem der zymmerman (fol. 20 recto) für anderes Urfehdeverfahren ° Martin Pfaff der tischmacher und ° Daniel Hüss der glaser, Demnach und sy uff der Spywetter Zunfft zoben zert, und bemelter Michell Tagsperger ettliche ongschickte reden tryben, und zuo Martin Rëmen gseyt, es gelte einem Schwoben eins, hatt Martin Rëm dargegen geantwort, wenn die Schwoben nit weren, wer er were, sin vatter sige ein Beyger. Hinwider der Tagsperger gseyt, Schwoben und Beyger leychen miteinandren. Dardurch sich ein onwillen erhept, das sy uff dem Münster platz zesammen gschlagen, gefluocht und Gott übell gelestert wie sich solliches inn der kuntschafft erfunden. Desshalben sy all vier inn gfenckniss gleyt und yeder umb ein pfundt stebler gstrofft, sindt uff Mittwochen den 5 Meygens ditz 68 jars mit gmeyner urphet gnediglichen wider ussglossen, und darby ernstlichen gwarnet das sy sich des über trinckens, gotslesterens und sollicher unruowen abthuon sollen, damit inen nit ettwas Schwërers uff den hals wachsse. Innsonderheit ist Michel Tagspergern anzeigt, das er hinfürter sines mundts behuotsamer sin solle. Niclaus Im Hoff Notarius subscripsit
Oberster Knecht
Brucker
Daniel Huober,
Brucker- 1 Uolin - 1 ° Daniel Huober, und Hans Friderich Müller ° von Basell Demnach und sy mitt ettlichen gsellen uff den heyligen Palmtag im 67ten jar verschynen inns Rymlins des tischmachers huss, uff dem Graben, zoben zert und nochmalen uff das Bollwerck zogen, doselbst miteinandren uneins worden, zesammen gschlagen und als einer ein ploss gwer under dem rock tragen, und sy für Hanss Jacob Ottendorff, des metzgers huss, inn der Nüwen Vorstatt kommen, und sin knecht Theus Schaffner doselbst gstanden und das best darzou reden wellen, hatt in einer ins antlyt gschlagen, und wie er sin gwer im huss wellen reichen, und aber die wyber in, im huss behallten, hatt sich im selben rechtshandell so gedochter Theus Schaffner und Joss der metzger Ludj Harnisters tochtermann, Joss der metzger kommt in anderen Urfehdeverfahren vor, siehe Urfehdeeinträge Theus Häl der metzger von Basell (fol. 32 verso) und Jos Müller der müller (fol. 33 recto) für andere Urfehdeverfahren mit einem studenten von Bern, am stattgericht ghept, den die bemellten metzger, bym Brücklin, noch oberzelltem handell, übell verwundet und zuoboden gschlagen. Inn der kuntschafft luter erfunden, das gedochter Daniel Huober Theussen Schaffner den metzger ussher gevordert und ouch fridtbrüchig worden. Desshalben er Daniel von wegen dess fridtbruchs umb viertzig pfundt , sodann von wegen dess ussher vorderens umb einundsechstzig pfundt und ein pfennig gstroff an wellicher stroff der viertzig pfunden diewyl er 17 tag gfangen glegen im 20 lb nochglossen, die ubrigen 20 lb in vatter zeerlegen sich erpotten. Sovyl aber die 61 pfundt und ein pfennig an triff, hatt er sich begeben, den eydt für die crützstein inn die leystung zeerstatten. Sodann diewyl Hanss Friderich Müller, obgenannten Theus Schaffner ouch ussher gevordert, ist er umb 61 lb 1 pfennig gestrofft, doran im 20 lb nochglossen, die übrigen einendviertzig pfundt und 1 pfennig, hatt sin vatter her Jacob Müller zuobezalen versprochen. Sind also beydt uff Mentag den 17 May ditz 68 jars, mit gmeyner urphet, gnediglichen wider ussglossenn. Niclauss Im Hoff Notarius subscripsit
Oberster Knecht
Brucker
Jocob Keller von Wyl uss dem Thurgow
Brucker- 2 ° Jocob Keller von Wyl uss dem Thurgow und Felicitas Lutzenbergerj sin eefrow von Basell Die Herren Eerichter habent sy beyde uff Eschamer thor, inn gfenckniss lossen legen, das sy mitteinandren sich ersprochen mögen, von wegen das sy sechs mal von irem man hinweg gloffen, und übell mit einandren leben. Sindt uff den heyligen Uffart tag Christj ditz 68 jars, mit gmeyner urphet, nochdem sy einandren verzygen, gnediglichen wider ussglossen, und inen beyden mit ernst anzeigt, wann sy mer also unfridsam und übell mit einandren leben, werde man sy beyde, von statt und landt verwysen. Niclaus Im Hoff Notarius subscripsit
Oberster Knecht
Brucker
Hans Herrlich von Gusy, by Betterlingen glegen, ein rebknecht
Brucker- 1 ° Hans Herrlich von Gusy, by Betterlingen glegen, ein rebknecht Ist ouch by obgemeltem Symon Symon Müller kommt in anderen Urfehdeverfahren vor, siehe Urfehdeeinträge Steffan Le Banne (fol. 88 verso), Symon Müller von Alben us Westerrich ein ackerknecht (fol. 89 recto) und Barbell Stockerj von Rufach (fol. 89 recto) für andere Urfehdeverfahren , als das lynen tuoch gstolen, und sinen gsellen gsin. Dessglichen solle er by einer gsellschafft zuo Wytiss dorff by Altkilch, als ettliche cleyder entwert gsin sin, wiewol ers nit gston wöllen. Desshalben er inn gfenckniss gleyt, und nochdem er durch die Sybenherren verhört, hat man in uff Mentag den 14 Junij ditz 68 jars, mit gmeyner urphet, gnediglichen wider uss glossen, hatt dorby ouch geschworen, das er sich zechen myl wegs, von statt und landt Basell hinweg thuon, und darin onerloupt nit kommen solle, by peen dess schwerts. Niclaus Im Hoff Notarius subscripsit
Oberster Knecht
Brucker
Mathia Perre von Orben by Rymmelsperg glegen
Thoubhüsslin- 1 ° Mathia Perre von Orben by Rymmelsperg glegen Diewyl diss jung mensch, durch eine (so inn Gabelhanssen huss gfangen worden, und by Meister Heinrich dem obersten knecht, uss der gfenckniss entloffen.) inn die statt harin glocket, als ob sy iren in dienst welte schaffen, ist sy mit derselben verargwënt, schnuoryhalben, dorumb ouch ingleyt und uff Mentag den 21 Junij ditz 68 jars, mit ge meyner urphet wider ledig glossen, hatt dorby ouch geschworen, das sy sich von statt und landt Basell hinweg thuon solle, und onerloupt nit wider harin kommen. Niclauss Im Hoff Notarius subscripsit
Oberster Knecht
obersten knecht
Loy Thüss der kupfferschmidt
Brucker - 1 Rorer - 1 ° Loy Thüss der kupfferschmidt und ° Urban Thüss der schuomacher Demnach und sich zwüschen disen zweyen als nochpuren ein onwillen erhept also das sich bemelter Loy erclagt, das in Urban sollte uss dem huss ghöuschen haben, dessen aber gedochter Urban nit gestendig sin wellen. Und als die kuntschafft verhört, sind sy beydt inn gfenckniss vier tag, gleyt, und yeder umb 5 lb gstrofft, und uff Sambstag den zechenden Julij ditz 68 jars,mit gmeyner urphet gnediglichen wider ussglossen, habent darby ouch geschworen, das sy hin fürter einandren weder mit worten noch werckhen nit beleydigen, sonnder miteinandren guot nochburen sin, und hiemit ein ussgmachter handell sin solle,soverr und aber einer an den andren vermeinte ansproch nochmals zehaben, so sige guot gericht und recht, das mögen sy pruchen. Niklaus Im Hoff Notarius subscripsit
Oberster Knecht
Brucker
Carius Lemblj genant Stëchelj der setzer
Brucker - 1 ° Carius Lemblj genant Stëchelj der setzer Diewyl er her Thomann Guerin dem buochtrucker von einem werck gangen, dardurch die andren gsellen ouch müssig gangen und sinem herren +- das werckh stillgestellt worden. Ist er desshalben inn gfenckniss gleyt und uff Sambstag den 24 Julij ditz 68 jors, mit gmeyner urphet wider ledig glossen, hat dorby ouch geschworen, das er by sinem herren plyben und dienen solle, biss er das werckh vollendet. Niklaus Im Hoff Notarius subscripsit
Oberster Knecht
Brucker
Uolin Rack der stattknecht
Brucker ° Uolin Rack der stattknecht Meister Hanss Rorer der rhatsknecht, hatt in übernacht inn gfenckniss legen lossen, von wegen das er nit der ordnung noch, im die gfangnen zuogfürt, sonder sin vortell suocht. Ist uff Donstag den 29 Julii ditz 68 jars, mit gmeyner urphet wider ussglossen. Niklaus Im Hoff Notarius subscripsit
Oberster Knecht
Brucker
Anna Hodell von Aristorff
Brucker - 1 ° Anna Hodell von AristorffAnna Hodell kommt in einem anderen Urfehdeverfahren vor, siehe Urfehdeeintrag Ludj Hodell von Aristorff (fol. 91 recto) für anderes Urfehdeverfahren Die Herren Eerichter habent sy inn gfenckniss lossen legen, und umb 5 lb gstrofft, von wegen das sy by irem verwandten fründt, Ludj Hodell Ludj Hodell kommt in einem anderen Urfehdeverfahren vor, siehe Urfehdeeintrag Ludj Hodell von Aristorff (fol. 91 recto/ verso) für anderes Urfehdeverfahren glegen, und by im ein kindt überkommen. Ist uff fritag den 30ten Julij ditz 68 jars,mit gmeyner urphet wider ussglossen, hatt dorby ouch geschworen, das sy des bemelten ires fründts, diewyl si einandren früntschaffthalben nit haben mögen, gëntzlichen müssig gon, und sich mit im nit wyther vermyschen solle. Niklaus Im Hoff Notarius subscripsit
Oberster Knecht
Brucker
Caspar Hockenfuos von Mecken Lutzerner pieth,
Brucker - 1 Uolin - 1 ° Caspar Hockenfuos von Mecken Lutzerner pieth, und Verena Suterin von Alenspach sin eefrow hatt nur ein handt. Diewyl diser bettler so an zweyen krucken godt, durch einen so inn gfangenschafft ligt, der gestolen, gemordt und brennt hatt, angeben worden, das er sin gsell sin sollte, ist zuo dissem gryfen, und ingleyt. Nochdem und aber sy verhört, hatt man diese zwey wider der gfangenschafft uff Mentag den nündten Augustj ditz 68 jars erlossen, habent den innhalt gmeyner urphet, darby ouch geschworen, das sy sich beyde von statt und landt Basell hinweg thuon, und darin onerloupt nit kommen sollenn. Niklaus Im Hoff Notarius subscripsit
Oberster Knecht
Brucker
Hans Friderich Müller genant Gerster
Rorer - 1 Brucker - 1 ° Hans Friderich Müller genant Gerster ° und Barbell Buwmannj von Schaffhussen Die Herren Eerichter haben sy beyde inn gfenckniss lossen legen,und in umb zwen gulden gstrofft, von wegen der bübery die sy mitteinandren getryben. Sindt uff Fritag den 13 Augustj ditz 68 jars, mit gmeyner urphet wider ussglossen. Niklaus Im Hoff Notarius subscripsit
Oberster Knecht
Brucker
Cuontz Guoten von Dornach
Brucker - 1 ° Cuontz Guoten von Dornach Die Herren Eerichter haben in übernacht inn gfenckniss legen, lassen von wegen das er Rosina Schmidin von Kötzingen, die dienstmagt Zuom Rappen der ee angsprochen, und aber er hiezwüschen siner dienst magt im huss ein kindt gmacht.Ist uff den 18 Augstmonats, ditz 68 jars,mit gmeyner urphet, wider ussglossenn. Niklaus Im Hoff Notarius subscripsit
Oberster Knecht
Brucker
Hans Setztenstoll der huofschmidt
Brucker - 1 ° Hans Setztenstoll der huofschmidt Demnach und er sich gegen siner eefrowen onfridtsam haltet, sich dem wyn ergibt und wann er heym kompt, tobet und wütet er. Desshalben er inn gfenckniss gleyt, und uff Mentag den 11 Octobris ditz 68 jors, mit gmeyner urphet, gnediglichen wider ussglossen. Dorby er ouch geschworen, das er sich hinfürter gegen siner eefrowen, siner schwiger und schwëcher, anderst dann bisshar halten und tragen, dann wo er sich mit wyn überladen, und davon ungeschickt, das wythers clag von im komme, werde man in, mit dem Wasserthurn, und ouch sonst hertenglichen stroffen. Niklaus Im Hoff Notarius subscripsit
Oberster Knecht
Brucker
Martha Wolffin Jeronimuss Lynder dess schürlitzwebers eefrow
Rorer - 1 Brucker - 1 ° Martha Wolffin Jeronimuss Lynder dess schürlitzwebers eefrow,und Dorothe ° Lynderj, Uolrichen Ritter dess webers eefrow Demnach und diese zwey wyber, mit lästerlichen üppigen, und schandtlichen worten, an einandren geroten, wie sollichs die gefasste kuntschafft vermag, sindt sy beyde inn gfenckniss gleyt, und nochdem sy durch die Sybenherren verhört, hatt man sy uff den 18 Octobris ditz 68 jars,mit gmeyner urphet gnediglichen wider ussglossen, dorby sy ouch sampt und sonders ge schworen, das sy hinfürter einandren worten und werckenhalb nit antasten noch schmëhen, sonder einandren zefriden und ruowen lossen sollen. Und innsonderheit hatt Martha geschworen, das sy sich still und frombklich hallten, und wann sy für die Bannherren beschickt wirt, das sy dieselben, umb verzychung pitten solle. Niklaus Im Hoff Notarius subscripsit
Oberster Knecht
Brucker
Ulrich Ëberlj der trucker von Ougsburg
Rorer - 1 Uolin- 1 ° Ulrich Ëberlj der trucker von OugsburgUlrich Ëberlj kommt in einem anderen Urfehdeverfahren vor, siehe Urfehdeeintrag Heinrich Haller der gollermacher (fol. 94 recto) für anderes Urfehdeverfahren ° und Elssbeth Oschwaldin von Loupheim zwo myl von Ulm glegen, sin eefrow Demnach und sy beyde sich alhie inn einer statt Basell, enthalten, weder burgrecht noch das hindersäss, ghept, Heinrichen Haller den schuomacher und gollermacherHeinrichen Haller kommt in anderen Urfehdeverfahren vor, siehe Urfehdeeinträge Heinrich Haller der goller macher (fol. 82 recto), Heinrich Haller der schuomacher und Sophia Brattelerj (fol. 91 recto) und Heinrich Haller der gollermacher (fol. 94 recto) für andere Urfehdeverfahren, inn irem huss, frü und spot, uffenthalt geben, damit ein winckell ee uffgericht, wie dänn ouch dieselb ee zwüschen bemeltem Heinrichen Haller und Sophia BrattelerjSophia Brattelerj kommt in einem anderen Urfehdeverfahren vor, siehe Urfehdeeintrag Heinrich Haller der schuomacher und Sophia Brattelerj (fol. 91 recto) für anderes Urfehdeverfahren, vor den Herren Eerichteren, zuo nichten erkannt worden, daruss ouch nochmalen ervolgt, das sy mit gedochtem Heinrichen Haller, inn ein bösen rechtshandell, gegen dem fryden, gewachssen, inn wellicher rechts übung, gemelter Uolrich + Eberlj, den gedochten Heinrichen Haller, über alle warnung, so im durch den obersten knecht gethon,zuom andren mal, über loffen, und diewyl ouch gemelte Elsbeth, mit Heinrichen Haller werck der unküscheyt getryben. Sindt sy beyde inn gfenckniss gleyt, und uff Mittwochen den 20ten Octobris, ditz 68 jars mit gmeyner urphet gnediglichen wider ussglossen, habent darby ouch sampt und sonders geschworen, das sy sich on allen verzug, uffs fürderlichst, von statt und landt Basell hinweg thuon, und onerloupt, nit wider darin kommen noch wandlen sollen. Niklaus Im Hoff Notarius subscripsit
Oberster Knecht
obersten knecht
Marx Riecher der scherer
Brucker - 1 ° Marx Riecher der schererMarx Riecher kommt in einem anderen Urfehdeverfahren vor, siehe Urfehdeeintrag Marx Riecher der schwerer (fol. 100 recto) für anderes Urfehdeverfahren Demnach und die Ladenherren, innammen und von wegen der Hochen und Oberen Herrlichkeit, unserer Gnedigen Herren, zuo sinem lyb und leben, von wegen der entlybung, so er an Felixen Walther von ZürichFelixen Walther kommt in einem anderen Urfehdeerfahren vor, siehe Urfehdeeintrag Felix Walther von Zürich der Knecht Zuor Cronen (fol. 67 recto) für anderes Urfehdeverfahren begangen, clagt, und der bemellt Marx Riecher ins recht tretten. Ist er noch clag, antwort, redt und widerredt ouch der zügen sag, von der beschechnen clag, under plossem hymmel fry ledig und loss erkannt. Hatt uff Mittwochen den 20 Octob ris ditz 68 jars, den innhallt gmeyner urphet geschworen, doch ist im darby mit allem ernst anzeigt, das er sich hinfürter selbst bass bedencken, innsonderheit sich vor überflüssigem trincken hütten solle, damit er nit inn wytheren unfall komme,und hiemit haben ouch unser Gnedige Herren ein Ersamer Rhat erkannt, das er umb sin erlittnen costen, dess bemelten entlypten, haab und guot, wo er dasselb betretten, anlangen möge, biss er ent schediget wirt. Niklaus Im Hoff Notarius subscripsit
Oberster Knecht
Brucker
Hans Joachim der sich ein Fryherren von Trauwenstein inn Österreich dry myl von Lyntz glegen, nempt
Brucker - 1 ° Hans Joachim der sich ein Fryherren von Trauwenstein inn Österreich dry myl von Lyntz glegen, nemptHans Joachim kommt in einem anderen Urfehdeverfahren vor, siehe Urfehdeeintrag Cuonrat Ëngler von Bareyt in Foytlandt zechen myl hinder Nüremberg glegen, ein schreyner (fol. 94 verso) für anderes Urfehdeverfahren Demnach und er uff Sontag den 24 Octobris, allhie ingeritten und durch die Herren von Bern, dessglichen durch dess durchleüchtigen hochgepornen Fürsten und Herren, hern Christoff, Pfaltzgraffen bey Rhein hoffmeister, harin geleytet, sich für ein Landtgraffen zuo Hessen ussgeben. Als aber er mit dem wapen so er im sygell gefürt, inn ein argwon kommen, das er nit mit rechten sachen umbgange, ist gfencklichen inn der herberg Zuor Cronen, zuo im gryffen,diewyl und aber er beharret das er ein Fryherr sige, hatt man in uff Mentag den ersten Novembris ditz 68 jars, mit gmeyner urphet gnediglichen wider ussglossen, dorby er ouch geschworen hatt, das er sich von statt und landt Basell hinweg thuon, und darin onerloupt, nit kommen solle. Niklaus Im Hoff Notarius subscripsit
Oberster Knecht
Brucker
Hans Hüsler ° der bapyrer
Uolin- 1 Brucker - 1 ° Hans Hüsler ° der bapyrer, und Verena Wiechslerj von Rynfelden Die Herren Eerichtere haben sy lossen inlegen, von wegen der schnuory die sy mitteinandren getryben, und das sy schympfflichen mit der ee ubgangen, sindt uff Sontag den 28 Novembris ditz 68 jars, mit gmeyner urphet gnediglichen wider ussglossen. Niklaus Im Hoff Notarius subscripsit
Oberster Knecht
Brucker
Peter Zyner von Veldthein
Rorer - 1 Brucker - 1 Uolin- 1 ° Peter Zyner von Veldthein ° Hans Kallt von Gypingen by Clingnow, und ° Catharina Junthin von Bottmingen Die Herren Eerichter habent disse drü, inn gfenckniss lossen legen Peter Ziner umb 5 lb Hanssen Kallt umb zwen gulden, und Catharina Junthin umb 10 lb gstrofft, von wegen das sy schympfflichen mit der ee + umbgangen. Sindt uff Donstag den 9 Decembris ditz 68 jars, mit gmeyner urphet gnediglichen wider ussglossenn. Niklaus Im Hoff Notarius subscripsit
Oberster Knecht
Brucker
Hans Heckenmeyger von Rütlingen
Heinrich Brucker - 2 Rorer - 1 ° Hans Heckenmeyger von Rütlingen ° Hans Meyger von Schliengen und ° Heinrich Sümmerlj von Basell, all dry metzger knecht. Demnach und sy uff Zinstag znacht noch dem Nüwen Jors tag ein wagen so vor der Thannen gstanden, die Spalen ab gstossen. Ist derselb wagen Meister Cuonraten Dütelin, an sin hussthüren gloffen, das die nochburen davon onrüwig worden, desshalben sy übernacht inn gfenckniss gleyt, und yeder umb 1 lb gstrofft, sindt uff Donstag den 20 Jenners ditz 69 jars, mit gmeyner urphet gnediglichen wider ussglossen, und inen darby anzeigt, das sy sich nachts by zyten ab der gassen thuon, und söllicher muotwilliger sachen abston sollen. Niklaus Im Hoff Notarius subscripsit
Oberster Knecht
Heinrich Brucker
Ruodolff Frölich von Buttken
✤ Uolin- 1 Heinrich Brucker - 1 Rorer - 1 ° Ruodolff Frölich von Buttken ° Fridlin Wysenburger, von Basell, Michell Wysenburg dess wollwebers seligen son, und ° Hans Buolacher der jung, all dry metzger knecht Sindt ouch by obgemellter gsellschafft gsin, als sy ein wagen, die Spalen ab wellen lossen louffen, der Meister Cuonraten Dütelin an sin thüren gloffen, desshalben sy übernacht inn gfenckniss gleyt und yeder umb 1 lb Stebler gstrofft, habent uff Zinstag den 25 Jenners ditz 69 jars den innhallt gmeyner urphet sampt und sonders geschworen, und darby gewarnet, das sy sich nachts by zyten ab der gassen thuon, unnd sollicher muotwilliger sachen müssig gon sollen. Niklaus Im Hoff Notarius subscripsit
Oberster Knecht
Heinrich Brucker
Anna Jegerj, Anthonj Plentzen eefrow
Brucker - 1 ° Anna Jegerj, Anthonj Plentzen eefrow Demnach und sy mit irem eemann, inn ein groben, wüsten rechts handell kommen, dorumb sy ouch imme, ein onerhörten widerruoff thuon müssen, doruff dann bemellter Anthonj Pletz vor den Herren Eerichtern gegen iren umb ein eescheidung angrüfft, und als die sach zuo recht gesetzt, haben die Herren Eerichtere, den gantzen handell, einem Ersamen Rhat, unseren Gnedigen Herren übergeben, welche, bemelte Anna Jegerj inn gfangenschafft und von statt und landt zewyssen erkannt, desshalben sy uff Mentag den 21ten Mertzens ditz 69 jars, den innhalt gmeyner urphet, dorby ouch geschworen, das sy sich inn acht tagen, von statt und landt Basell hinweg thuon, und dorin nit kommen solle, es werde dann iren erloupt. NiclaussIm Hoff Notarius subscripsit
Oberster Knecht
Brucker
Bastean Sotzin der crämer
Uolin - 1 Brucker - 2 °Bastean Sotzin der crämer °Benedict Sotzin der würt Zuom Storcken, und °Barthlome Rosalin der ferber Denmoch und sich Frantz Cattan der welsch ferber, vor unsren Gnedigen Herren erclagt, wie das bemellter Barthlin sich zuo im verdingt, das er in solte lernen die kunst dess ferbens, dorumb er im hundert und fünfftzig cronen versprochen. So haben sy in understanden umbzepringen, und habe im Bastean Sotzin ein gwer uff die brust gsetzt. Sindt sy all dry inn gfenckniss gleyt, und nochdem man die kuntschafft verhört, und sich by den zügen erfunden, das sy seltzam, mit dem ferber umbgangen, ist yeder umb 5 lb gsstrofft, und uff Fritag den ersten Aprilis anno 69 mit gmeyner urphet, gnediglichen wider ussglossen, und ist hiemit diser handell, welcher vermeint an den andren ansproch zehaben, für ein Ersam Statzgericht gewyssen. NiclaussIm Hoff Notarius subscripsit
Oberster Knecht
Brucker
Symon Heldt der jünger haffner
Brucker - 1 ° Symon Heldt der jünger haffner Alsdann Jergen Ger dess gulden schribers frow, und Symon Helden frow, von wegen das Jergen Geren tischgenger disem sine kinder gschlagen mit scheltworten an einandren geroten, und diser darzuo kommen sich der sach angnommen. Also das der handell für unser Gnedig Herren gewachsen, hatt er onbescheidene wort geben, und mit groben worten vor einem Ersamen Rhat, mit züchten zehören, geredt, sy liege wie ein ussgeschnygte schnuor. Desshalben er übernacht inn gfenckniss gleyt und uff den heyligen Palm tag ditz 69 jors, mit gmeyner urphet gnediglichen wider ussglossen, dorby er ouch geschworen, das er worten und werckenhalb Jerg Geren frow, zuo friden und ruowen lossen solle, vermeine aber eins oder das ander, ansproch an den andren ze haben, dorumb sollen sy das recht lossen walten. NiclaussIm Hoff Notarius subscripsit
Oberster Knecht
Brucker
Küngolt Këntzig von Ballstall
Brucker - 1 °Küngolt Këntzig von BallstallKüngolt Këntzig kommt in anderen Urfehdeverfahren vor, siehe Urfehdeeinträge Lienhart Erlibach der körbmacher (fol. 98 recto) und Samuel Brun der Wollweber (fol. 98 recto) für andere Urfehdeverfahren Die Herren Eerichter haben sy, inn gfenckniss legen lossen, von wegen der schnuory, die sy mit Lienharten Erlibach dem körbmacherLienharten Erlibach kommt in anderen Urfehdeverfahren vor, siehe Urfehdeeinträge Lienhart Erlibach der körbmacher (fol 98 recto) und Lienhart Erlibach der körbmacher (fol. 97 verso) für andere Urfehdeverfahren ge tryben, dorumb sy ouch imme ein kindt geben, diewyl und aber sy als sy Lienharten fürgehalten sy gange mit einem kindt, über dasselb Samuel BrunenSamuel Brunen kommt in anderen Urfehdeverfahren vor, siehe Urfehdeeinträge Lienhart Erlibach der körbmacher (fol. 97 verso) und Samuel Brun der Wollweber (fol. 98 recto) für andere Urfehdeverfahren ein jungen knaben, ouch zuo iren lossen ligen, + und sonst mercklich irer lychtfertikeithalben verschreyt, habent die Herren Eerichtere erkannt, das man sy verwysen solle, desshalben sy uff den heyligen Palm Mentag, den vierten Aprellens ditz 69ten jors, mit gmeyner urphet gnediglichen wider ussglossen, hatt dorby ouch geschworen, das sy sich von statt und landt Basell hinweg thuon, und onerloupt, nit wider harin kommen solle. NiclausIm Hoff subscripsit
Oberster Knecht
Brucker
Samuel Brun der Wollweber
Brucker - 1 °Samuel Brun der WollweberSamuel Brun kommt in anderen Urfehdeverfahren vor, siehe Urfehdeeinträge Lienhart Erlibach der körbmacher (fol. 97 verso) und Küngolt Këntzig von Ballstall (fol. 97 verso) für andere Urfehdeverfahren Die Herren Eerichter habent in lossen inlegen und umb zwen gulden gestrofft, von wegen der bubery, die er mit Küngolt KëntzigKüngolt Këntzig kommt in anderen Urfehdeverfahren vor, siehe Urfehdeeinträge Lienhart Erlibach der körbmacher (fol. 98 recto) und Küngolt Këntzig von Ballstall (fol. 97 verso) für andere Urfehdeverfahren inn Heinrichen Schmidt des glasers huss getryben. Ist uff Mentag den vierten Aprellens, ditz 69 jars, mit gmeyner urphet, wider ledig glossen. NiclausIm Hoff Notarius subscripsit
Oberster Knecht
Brucker
Stoffell Lystig der kürsner
Brucker - 1 °Stoffell Lystig der kürsner Demnoch und er den burgeren bisshar umb lon gewacht, und der mertheyl, mit wyn überladen uff die wacht kommen, hatt er inn verruckten tagen, mit dem wachtknecht ein zanck anghept, im Bastean Cuonraten den stattknechtBastean Cuonraten kommt in anderen Urfehdeverfahren vor, siehe die Urfehdeeinträge Bastean Cuonrat der stattknecht (fol. 96 verso) und Bastean Cuonrat so ein stattknecht gsin (fol. 100 verso) für andere Urfehdeverfahren anzogen, und gseyt, es sige einer wie der ander, und ein onruow uff den wacht angfangen. Desshalben er inn gfenckniss zwen tag und zwo necht gleyt. Ist uff denKarfritag ditz 69 jors, mit gmeyner urphet gnediglichen wider ussglossenn, hatt dorby ouch geschworen, das er hinfürter onerloupt nit mer umb lon wachen, sonder der wacht müssig gon solle, er wache dann für sich selbs. Und hiemit sich bekannt, das er von unserer Gnedigen Herren dienern, nützit anders dann alle eer liebs und guots wüsse. NiclaussIm Hoff subscripsit
Oberster Knecht
Brucker
Cuonrat von Marwyl genant Tobelman der metzger
Brucker - 1 °Cuonrat von Marwyl genant Tobelman der metzger Demnach und er inn der Wyssen gassen, by nechtlicher wyl, muot williger wyss, an einen studenten geroten, im ein luten uss den hënden zert, die selb uff im zerschlagen, und den studenten herdtfellig gmacht, ouch sich gantz ongebürlich ghallten, und über das er gwarnet derselben gassen müssig zegondt, hatt ers nitt gemitten. Desshalben er inn gfenckniss gleyt, und umb 5 lb gestrofft, so dann solle er 5 lb für die luten erlegen. Ist uff Sambstag den 16 Aprilis ditz 69 jars mit gmeiner urphet gnediglichen wider ussglossen. Dorby er ouch ge schworen das er sich des jungen winlegers und siner eefrowen, aller dingen entschlagen und müssig gon, ouch dieselb gassen myden solle, sonst werde im ettwas schwërs uff den hals wachsen. NiclausIm Hoff Notarius subscripsit
Oberster Knecht
Brucker
Jocob Atz der allt
Jocob Ylidorffer- 1 Brucker - 1 Uolin - 1 °Jocob Atz der allt °Thenge von der Fluo und °Wendlj Schmidt, all dry von Muttentz Denmoch der presentzer bereynigen wellen, und disen mit recht uffgleyt, das sy sich umb das berein bewerben solten, sindt sy demselben nit nochkommen, und über das inen der obervogt by iren eyden gebotten, aller gütren sich zemüssigen biss sy das bereyn angeben, haben sy dasselb gepott ouch verachtet. Desshalben sy inn gfenckniss gleyt und yeder umb 5 lb gstrofft. Sindt uff Mittwochen den 27 Aprellens ditz 69 jors, mit gmeyner urphet, gnediglichen wider ussglossen, habent dorby ouch sampt und sonders geschworen, das sy die presentz der Hochen Stifft, versicheren sollen, domit die güter inn ein berein kommen. NiclausIm Hoff Notarius subscripsit
Oberster Knecht
Brucker
Hans Vögtlj
Brucker - 1 Jocob Ylendorffer 1 °Hans Vögtlj und Alban Müller °von Muttentz Alsdann ire ettlich sich zuo Muttentz husshäblichen setzen wöllen und dasselb der gemeyndt zewider, sonder vermeynt es sigent iren sonst gnuog, sindt dise zwen söllichs vor unsren Gnedigen Herren anzepringen, von einer gemeyndt, als geschworne, verordnet, daselbst sy vor einem Ersamen Rhat, mit gar ungerympten worten, ussher gefaren, und hatt Hans Vögtlj geredt, lieben nochburen setzen uns die nit uff den halss. Dargegen Alban Müller für sy gepetten, und ouch ongerympte wort also geredt, lieben Herren sy handt ein kindlj do zymmeret. Desshalben sy beydt übernacht inn ge fenckniss gleyt, und uff Donstag den fünfften Meygens ditz 69 jors mit gmeyner urphet gnediglichen wider ussglossen, und inen dorby anzeigt, das sy hinfürter vor unsren Gnedigen Herren bescheidner und bass bedacht, reden sollen, und das sy yetzt wüssen, ob unsere Gnedigen Herren ire Oberherren, oder nochburen, und das sy under thonen sigen. NiclausIm Hoff Notarius subscripsit
Oberster Knecht
Brucker
Balthassar Müller der küffer burger
Uolin - 1 Brucker - 1 °Balthassar Müller der küffer burger alhie und °Barbell Brosj von Zurtzach Die Herren Eerichter habent sy beyde inn gfenckniss lossen legen, von wegen das Barbell Brosj im ein kindt wellen geben, und er gar nit gestendig, das er sy ye berürt habe. Nochdem und aber er inn der gfenckniss gychtig worden, sindt sy beyde uss der gfencknis glossen uff den 19 May ditz 69 jors, mit gmeyner urphet. Niclaus Im Hoff subscripsit
Oberster Knecht
Brucker
Salome Byrloffin von Grossen Hünigen
Brucker - 1 °Salome Byrloffin von Grossen Hünigen Die Herren Eerichter haben sy lossen inlegen, von wegen irer widerspennigkeit, das sy ires eemans Thoman Meygers kein gnod wellen haben. Nachdem und aber sy sich erpotten, mit im wider husszehalten, ist sy uff Sambstag den 21 Meygens ditz 69 jars, mit gmeyner urphet, wider ussglossen. Niclaus Im Hoff subscripsit
Oberster Knecht
Brucker
Barbell Niclausin von Sewen
Brucker - 1 °Barbell Niclausin von Sewen Uolrichen Cuontz dess rebmans eefrow. Ist ouch durch die spittal frowen angeben, desshalben sy ingleyt und nochdem sy verhört worden, und anzeigt, das sy iren allein + zwo ziechen, darinnen ettlicher plunder, übernacht zuobehallten geben, und iren fürgeben, sy welte mit irer tochter teylen, hatt man diese mit gmeyner urphet, uff Sambstag den vierdten Junij ditz 69 jars, wider ledig glossen. Dorby sy ouch geschworen, das sy disen handell by iren selbs plyben lossen, und ihres mundts behuotsam sin. NiclaussIm Hoff Notarius subscripsit
Oberster Knecht
Brucker
Jerg Has von Hölstein
Brucker - 1 Uolin - 1 °Jerg Has von Hölstein und °Anna Bürgin von Oberdorff. Die Herren Eerichter haben sy beyde inn gfenckniss lossen legen, und yedes umb zwen gulden gstrofft, die bemelter Jerg Has, ouch für sy erleyt, und wegen, das sy in der ee ange sprochen, und das er by iren glegen solte sin, wiewol er alle ding verleügnet, diewyl sy aber sich des costenshalben erclagt, ist die sach, für ein nichtigkeit uffgehept. Sindt also beyde uff Mittwochen den 15 Junij ditz 69 jars, mit gmeyner urphet wider ledig glossen. Niclaus Im Hoff Notarius subscripsit
Oberster Knecht
Brucker
Heinrich °Dietschj gebrüder, die strälmacher
Uolj - 1 Brucker - 1 °Albrecht Dietschj, und Heinrich °Dietschj gebrüder, die strälmacher Demnach und er Albrecht uff den heyligen Ostertag verschynen, ein lerman angfangen, mit sinem bruoder Cuonraten gschlagen, und beydt inn einem grossen gschrey, das inn und usserthalb der statt von ops und andren dingen, den lüthen inn gütren nützit sichers dessglichen im Tych und uff der Byrss, und wann man inen für die unzucht oder sonst gepotten, sindt sy nit erschynen, desshalben sy inn gfenckniss gleyt, und uff Sambstag den 18 Junij ditz 69 jars, mit gmeyner urphet, gnediglichen wider ussglossen, habent dar by ouch sampt und sonders geschworen, das sy den lüthen, das ir wellen lossen ligen, und dess vischens im Tych und inn der Byrss, sich gentzlichen abthuon sollen, oder man werde sy verwysen. NiclausIm Hoff subscripsit
Oberster Knecht
Brucker
Hans Zschirard von Jenff, ein junger schumacher
Uolin – 1 Brucker – 1 °Hans Zschirard von Jenff, ein junger schumacher °und Steffan Wyss von Anion, uss Franckrich. Diese zwen sindt durch obgemellten Adam Walder Adam Walder kommt in einem anderen Urfehdeverfahren vor, siehe Urfehdeeintrag Adam Walder von Glattfelden (fol. 106 verso) für anderes Urfehdeverfahren, der cleydunghalb verzeigt, als ob es sine gsellen gsin, desshalben sy verargwont, und hie gfencklichen angnommen. Nochdem und aber sy onschuldig geben worden, hatt man sy uff Mittwochen den dritten tag Augstens ditz 69 jors, mit gmeyner urphet, und on alle entgeltniss der atzung, ledig glossen. Niclauss Im Hoff Notarius subscripsit
Oberster Knecht
Brucker
Caspar Fry von Zoffingenein messerschmidt gsell
Brucker – 1 °Caspar Fry von Zoffingenein messerschmidt gsell Alsdann er by Sixten dem messerschmidt dient, und sin ee frow, mit Hanssen Fleischer ires nochburen knecht Hans Fleischer kommt in einem früheren Urfehdeverfahren vor, siehe Urfehdeeintrag Hans Fleischer von Ravenspurg, ein gürtler gsell (fol. 106 verso), zuo unfriden kommen, hatt diser yemerdar die frowen angestifftet, und mer onwillens, dann guots, zuor sachen geredt. Desshalben er inn gfenck niss gleyt, und uff den 10 des Augustj ditz 69 jars, mit gmeyner urphet gnediglichen wider ussglossen, und im dorby anzeigt, das er mit dem gürtler Hanssen Fleischer, zefriden und ruowen sin solle. Niclaus Im Hoff Notarius subscripsit
Oberster Knecht
Brucker
Hans Wagner°von Buttkhen
Brucker – 1Uolj – 1 °Hans Wagner°von Buttkhen und Barbell Völlmj von Normalingen Die Herren Eerichter haben in übernacht und umb 5 lb sodann sy vier tag und necht inn gfenckniss und umb 20 lb gestrofft, an wellicher stroff iren, uff ihres vatters pitt 15 lb nochglossen, von wegen das sy gar schandtlichen übell mit schnuory ghandlet, habent uff Sambstag den 13 des Augustj ditz 69 jars den innhalt gmeyner urphet geschworen, und domit gnediglichen wider ussglossen. Niclaus Im Hoff Notarius subscripsit
Oberster Knecht
Brucker
Hans Hübscher von Bern der tischmacher
Brucker – 1Uoli – 1 °Hans Hübscher von Bern der tischmacher °und Barbell Dienenbergerj von Stein Die Herren Eerichter haben sy inn gfenckniss legen, und examinieren lassen, von wegen das sy schympflichen mit der ee umbgangen, und einandren nützit gstendig sin wellenn, sindt uff Donstag den 18 Augstmonats ditz 69 jars, mit gmeyner urphet gnediglichen wider ussglossen, und hiemit wider für recht gewysen, die urtell zeentpfachen. Niclaus Im Hoff Notariussubscripsit
Oberster Knecht
Brucker
Heinrich Seyler, von Muttentz
Brucker – 1 °Heinrich Seyler, von Muttentz Demnach und er ettliche jar hardvogt gsin, der Hardt und dess holtzes nit nochdem sin eydt ussgwysen, gwartet noch acht ghept, sonder die jungen sprüng, die unser Gnedig Herren, mit grossem costen pflantzet, zegrundt lossen gon, ross und vech darin faren lossen. Ist er inn gfenckniss gleyt, und uff Sambst tag den 20 Augstmonats ditz 69 jars, mit gmeyner urphet on stroff, gnediglichen wider ussglossen. Und hiemit im anzeigt, das er der Hardt sich müssigen, und sines ampts still ston solle. Niclaus Im Hoff Notariussubscripsit
Oberster Knecht
Brucker
Heinricus von Schorrenburg uss Geldren
Brucker – 1 Ylidorffer – 1 °Heinricus von Schorrenburg uss Geldren und °Iustinus Calcar von Wesell Alsdann diese zwen studenten, zuo einem doctorat mal, zuor Cronen geladen worden, haben sy sich dermassen mit wyn überladen das sy, mit züchten zehören denselben wider von inen geben, desshalben Her Rector und Decanj, sy inn gfenckniss legen lossen, und uff Mittwochen den 24 Augstmonats ditz 69 jors, mit gmey ner + ner urphet gnediglichen wider ussglossen, und inen dorby an zeigt das sy den nechsten zuo Herren Rector keren, und daselbst wytheren bescheidt entpfachen. Niclauss Im Hoff subscripsit
Oberster Knecht
Brucker
Joachim Löchin der vischer
Ylidorffer – 1Brucker – 1 °Joachim Löchin der vischer und °Anna Hënckj von Amsswyler Die Herren Eerichter habent sy beyde inn gfenckniss legen lossen und Joachim umb 5 lb, so dann Anna Henckj um zwen gulden gestrofft, die bemelter Joachim für sy erlegen müssen, von wegen das sy sich miteinandren, mit wercken der unküschheit vermischet, und nit gwüsst ob ir vordriger eemann tod oder lebendig. Sindt uff Mittwochen den 14 Septembris ditz 69 jors mit gmeyner urphet, gnediglichen wider ussglossenn. Niclaus Im Hoff Notarius subscripsit
Oberster Knecht
Brucker
Hans Datt
Brucker – 1Ylidorffer – 1 °Hans Datt und Heinj Fritschj beydt von Riechen Demnach und sy Jocoben Hüsler, den würt zuo Riechen, zuom dritten mal, uss dem huss sollen gevordert haben, wie sy dann ein ongebürlich wëssen ghept, und bemelter Hanss Datt, dem wirt, das glass, ins antlitt wellen schlagen, und Heinj Frittschj dess wyns gantz onverträgenlich, sindt sy inn gfenckniss gleyt und uff Mentag den 19 Septembris ditz 69 jars, mit gmeyner urphet, die sy sampt und sonders geschworen, gnediglichen wider ussglossen, on stroff diewyl dises ir erste gfenckniss. Und inen darby anzeigt, das sy hinfürter fridsamer sigen, domit inen nit eins zuom andren gemëssen werde. Niclaus Im Hoff Notarius subscripsit
Oberster Knecht
Brucker
Caspar Müller, sines handtwerckhs ein kessler oder mëng genantt, von Hallwyl in Argoüw
Spalen °Caspar MüllerNiklaus Im Hoffs Nachfolger Johann Strosser schreibt die Namen der Täter und Täterinnen als Marginalien neben die Einträge. Anno Domini 1569 den 15ten Octobris was miner Gnedigen Herren gefangner, mit nammen Caspar Müller, sines handtwerckhs ein kessler oder mëng genantt, von Hallwyl in Argoüw gelegen, uss ursachen siner missethat, die er zu Oberdorff inn Waldenburger ampt, in miner Gnedigen Herren gepiet begangen unnd einen kessel uss dem badhuss daselbst entwört, hatt ime uff obbemellten tag, uss bevelch miner Gnedigen Herren Meister Heinrich Bruckher oberster rhadtsknecht fürge hallten, das wolermelt min Gnedige Herren ein Ersamer Rhadt ansechend sin jugend, ouch wyb unnd kindlin, unnd inne uss gnaden hinzinziechen lasssen. Doch mit diserm anhang, das er zu Gott dem Allmechtigen, einen uffgehapten eydt schweren werde, nachdem er ussgelassen, demnechsten sines pfadts ziechen, unnd fürtherhin, weder in miner Gnedigen Herren statt Basell, noch irer Gnaden landt unnd gepiet, so wytt sich das strecken thun nit mehr khommen, ouch sich weder by tag noch nacht da rin finden lassen, by peen wo er sollichs übersëche, miner Gnedigen Herren straff der rutten darüber zeerwartten sin. Uff sölchs ward ime die urfecht, durch mich den notarium geöffnet, der eydt gegeben, darüber ussgelassen unnd hingewisen uff jar und tag als obstadt.
Oberster Knecht
Meister Heinrich Bruckher oberster rhadtsknecht
Hanss Hockh
Spalen°Hanss HockhNiklaus Im Hoffs Nachfolger Johann Strosser schreibt die Namen der Täter und Täterinnen als Marginalien neben die Einträge. Den 6ten Novembris, ward uss miner Gnedigen Herren gefengckh nuss gelassen mit nammen Hanns Hockh, uss dem Tur goüw, der hatt inn der gastherberg zu dem Wyssen Rösslin mit dem wirtt unnd sinen diensten also ein un gestüm wësen angefangen von wegen dess geligers und vermeint, inne an das ortt zelegen, das aber zuvor an deren sinen gesten versprochen gewesen.Also ward + imme uss bevelch miner Gnedigen Herren durch Meister Heinrichen fürgehallten, das wover genantter Hanns Hockh inn miner Gnedigen Herren statt Basell, oder irer Gnaden landen wonen, das wöllen ir Gnaden imme nit abgeschlagen haben. Aber sich fürtherhin verhütten, unnd siner ungestümigckheit abston, unnd nit mehr söllich, noch derglychen uffruor stifften sonder sich frembcklich, eherlich, unnd still hallten, wie einem eherlichen mann gepürtt unnd wol anstadt. Darüber ward ime die urfecht geöffnet der eydt geben uff jar unnd tag obstadt.
Oberster Knecht
Meister Heinrichen
Hanns Römcler der küffer burger zu Basell
Spalen°Hanns Römcler.Niklaus Im Hoffs Nachfolger Johann Strosser schreibt die Namen der Täter und Täterinnen als Marginalien neben die Einträge. Uff den 7ten Novembris unnd inn dem jar obstadt ist uss miner Gnedigen Herren gefangcknuss gelassen, Hanns Römcler der küffer burger zu Basell, der hatt also unnütze wortt unnd werckh, gegen einem burger alhie Beckhen Hanss genantt getriben, unnd under einer Gnedigen Herren Richthuss sin küffermësser über denselben ussziechen wellen.Also ward imme uss bevelch wolgemelter miner Gnedigen Herren durch obgedachten Meister Heinrichen angezöygt das ir Gnaden ime als für das letstemal wöllen gewarnet haben, dann wover er sölich unnd derglychen unbefügte handlungen mehr anrichten, unnd nit darvon abston wurdj, so wurde er ir Gnaden verursachen inne zestroffen das er wöllte er hette söllches vermiten mich dess zuerwartten für ine sampt sinem wyb unnd kindern von statt unnd landt zeverwysen, daby ward imme ouch wycher bevolen, das er sölte fürsechung thun, unnd mit sinen stieffkindern vogt verschaffen, damit die kindlin übernacht wüssen waran sy sygen. Ouch soll er uff das fürder lichest (So er dem genantten Becken Hansen ettwas zuthun schuldig.) inne fründtlich, thugendlich ussrichten vernügen unnd bezalen. Nach dem ward imme die ur fecht gegeben unnd ussgelassen wie obstadt.
Oberster Knecht
Meister Heinrichen