Werlin Bënner von Blotzheim pfrunder im spittal
Uolj - 1 °Werlin Bënner von Blotzheim pfrunder im spittal. Demnach und er vormalen im spittal sines übertrinckenshalb und das er wider des spittals ordnungen zuo Plotzhein güter verkoufft, gfangen glegen, so hat doch er umb dieselb warnung so im anzeigt, wenig geben, sich wider hinuss inn die dörffer thon, mit wyn sich überladen, heym inn spittal kommen, und vom oberschryber, das gellt so er zuom fürschutz an sin pfruondt geben, haben wellen, sich nit wellen lossen abwyssen, sonder dem oberschryber schmechlichen zuogredt, ouch ein arme pfrunderin, uss irem gemach, gezeucht. Desshalben er inn gfenckniss uff Sant Albans Thurn gleyt, und uff Sontag den dritten Herbstmonats, ditz 64 jors, mit gmeyner urphet, gnediglichen wider ussglossenn, hatt darby ouch geschworen das er hinfuert söllcher ongeschickten sachen, und ubertrinckenshalb sich abthuon, dess spittals ordnungen gleben, und sin pfruondtbrieff ansechen, dann wo er also, wie bisshar fürfaren, werde man in, sinem verdienen noch hertenglichen stroffen, im die pfruondt abstricken, und an das ort wider wyssen, dohar er komen ist, hatt hieby ouch sich bekennt, das er von oberschriber nützit anders dann alle eer wüsse, und habe im onrecht thon. Niclaus Im Hoff Notarius subscripsit
Armut
arme
Hans Jocob Holtzer der zymmermann von Louffen
Köferlj – 1 °Hans Jocob Holtzer der zymmermann von Louffen Demnach und er zuom andren mal unser Gnedig Herren umb das burgrecht angesuocht, und im dasselbig allwegen gnediglichen bewilligt worden, doch das er das gelt erlegen solle, hatt er sollichs nie erstattet, kein gelt erlegt, sonder mit onworheit fürgeben, man habe im das burgrecht ge schenckt. Diewyl er ouch sonst liederlich husshaltet, eine ein bantzer kragen abentlechnet, und denselben versetzt umb ein pfundt, ouch sonst einem armen gsellen, ein cronen abentlent, der von im nit können bezalt werden, dessglichen siner frowen hinderrucks ein schuben uss dem trog gnommen, und dieselb zum juden von Wyl geschickt und alles das verspyle, was er ankompt ist er inn gfenckniss gleyt und uff Mentag den 5ten Novembris ditz 65 jors, mit gmeyner urphet gnediglichen wider ussglossen, hatt dorby ouch geschworen, das er sich by morndriger tag zyt von statt und landt Basell hinweg thuon, und darin onerloupt niemer mer kommen solle, oder im werde ettwas uff den hals wachsen, das im zeschwër sin werde. Niclauss Im Hoff Notarius subscripsit
Armut
armen
Hans Göüschell, der nochrichter
Eselthurn – 2 °Hans Göüschell, der nochrichter und °Michell Vollmer, der nochrichter vonRinfelden Alsdann uff hüttigen tag zwen under plosem hymell berech tiget, haben diese nochrichter dieselben zwen armen menschen, by den stricken erwütscht, vor und ee, der vogt die umbfrog volls gethon, desshalben sy beydt vor Steinen thor uff der Walldstatt, so baldt sy die zwen mit dem schwert gerichtet, gfencklichen angnommen, und inn Eselthurn glegt. Sindt aber uff den oben desselben tags, uff Donstag den 20 Junij anno 66, mit gmeiner urphet gnediglichen wider ussglossen und yeder umb ein pfundt, gstrofft. Niclaus Im Hoff Notariussubscripsit
Armut
armen
Dieterich von Lamersch uss Lottaring
Thoubhüslin - 1 ° Dieterich von Lamersch uss Lottaring, ein armer dorechter mensch. Disser bettler ist am Kornmerckt nachts by der Brotlouben funden,, und ins Thoubhüslin gleyt, diewyl er aber dorecht hatt man in uff den 19 Septembris, ditz 68 jars, mit gmeyner urphet, wider ussglossen, und im dorby anzeigt, das er sich an andere ort hinweg thuon, und unser gnedige Herren ongeirrt lossen solle. Niklaus Im Hoff Notarius subscripsit
Armut
armer
Peter Reyser von Formaschji ein halb myl, hinder Jenff glegen, so alhie allmuossen diener gsin
Thoubhüsli – 1 °Peter Reyser von Formaschji ein halb myl, hinder Jenff glegen, so alhie allmuossen diener gsin Diewyl er mit den armen lüthen uff dem Kolenberg, wunderbar lich umbgangen, von inen schënckenen gnommen und innsonderheit das er by Sant Lienharts kilchhoff, her Balthassar Rouelassa jungfrow angfallen, ouch nochmolen ein jung meytlin, under standen zuobeschyssen, und als Her Hanss Füglj, über in geschruwen, hatt er im schmechlichen zuogeredt, er sige ein chelm und lecker, dessglichen diewyl er uff den Kornmerckt, geyssen, süw, und hüner uffkoufft, und dieselben harnoch, wider verkoufft, ist er inn gfenckniss gleyt, und uff Mittwochen den 13 des Julij ditz 69 jars, mit gmeyner urphet gnediglichen wider ussglossenn, hatt darby ouch geschworen, das er sich mit siner eefrowen Efrosina Schwytzerj von Walldenburg, den nechsten vom Thurn von statt und landt Basell hinweg thuon, und darin oner loupt nit kommen sollen. Hiemit er ouch sich bekennt, das er die schmëchwort Herren Johann Füglj, onbillicher wys zuogeredt, er wüsse nützit von im, dann alle eer liebs und guots. Niclaus Im Hoff Notarius subscripsit
Armut
armen lüthen