Aus der Handschrift "Teutsche Arien", Bd. I, S. 191-193.
Edition bei Pirker (1927), S. 96f.; Kommentar S. 424f.
Num: I. Hanns=Wurst
1.
Schatzerl mei verzeyh mers doch,
I kanns nimma grathen,
Was i dir muß sagen,
Schau i will dirs klagen,
Wie mir so narisch ist,
S’Hertzerl will verbrinna,
Und i komm schier von Sinna,
Wann du halt nit alleweil um mi bist.
2.
S’druckt mi ja schon etli Tag,
I möchte mi verkreutzgen,
S’thut mi juckn und beissen
Manst epper, s kommt von Läussen
Was Teichsel mags wohl seyn
Und wann i di thu seha,
So thuts ma gleich vergeha,
das Ding macht mi, du glaubst mers nit, a Jammer, a Pein.
3.
Ober Schatzerl no ans gfallt ma nit,
Und das thun i fürchten,
S’ laufft a Bua der Jodel
Am öfften um dein Stodel,
Als wann er war verhext;
Er sagt, du thust ihm gfalla,
Im Dorff vor andern alla,
Und dies war ja vor mi mei Aÿd a schlimmer Protex.
4.
So sag mirs nur rund heraus,
Obs du mi wilst haben
Kann ihms glei wol sagen,
Wann er mi thut fragen,
S’ist ja ka Narretheÿ;
Zwern darffst ja nit nehma,
Der Richta wurd bekemma.
I man du thatst di schamma nit, du namst ar gar a dreÿ.
5.
So bhüt i di ins Hertz hinein,
Jetzt muß i geha,
Mei denck do, ich bitt di,
Sey ka Narr, und lieb mi,
I laß der doch ka Rue,
Magst greina, oder zanna,
I geh dir nit von danna,
biß dast nit sagst, und daß i bin allan dei Bue.
Transkription: Matthias J. Pernerstorfer: Ariensammlung - Edition und Kommentar (laufendes Projekt; siehe http://www.donjuanarchiv.at/?id=267 ).