Einen fladen von fleische . Wilt du ein fladen machen von fleische von wensten so sude in wol vnd hacke in cleine vnd welische nuezze gevierteilt dor vnder . vnd wuertze genuoc . vnd speckes tuo dor in vnd eyer vnd leg ez vf ein wit blat von teyge gemaht schoene bastel fuenfe von huenren einz mitten in den fladen gesetz die viere an daz ende reht als ein zinke vf einem wuerfele vnd backe in . vnd gib in als heiz hin .