NIm mandelkern mach In schoen In sidem wasser vnd wirff sie In kalt wasser lisz die garsten usz vnd stosz die besten In eynen moerser als sie veist begynnen zcu wer den szo sprenge daruff ein kalt wasser vnd stosz die faste vnd menge sie mit kaldem wasser eben dicke vnd ring sie durch ein schoen tuch vnd thu die huelsen wider In den moerser stosz sie mer vnd ringe sie gancz usz vnd die milch schuet In ein pfann vnd halt sie ueber das fewer vnd thu darzcu ein eyer schalen vol wynes vnd rueres wol vncz das es geside nym ein schoen buettel tuch vnd legs uff rein stro vnd gusz daruff die milch bisz das sie wol vbersige was denn uff dem tuch blibe da von mache einen kese wiltu buttern darusz machen szo lasz ein wenig saffrans do mit erwallen vnd gibs hin als buttern oder kese