Jahrrechnungen der Stadt Basel 1535 bis 1610 – digital

Beta-Version

Geisteswissenschaftliches Asset Management System
Geisteswissenschaftliches Asset Management System

Jahrrechnung Stadt Basel 1547/1548, fol. 24r

Druckfassung der Digitalen Edition <http://gams.uni-graz.at/srbas>

Bearbeitet

unter der Leitung von

Susanna Burghartz

Transkription von:

  • Jonas Sagelsdorff
  • Sonia Calvi

Graz, 2015

Alles in den Datenkorb übernehmen

« fol. 24r [^] »

Uszgeben zinsz angelegt unnd
zinsz abgelöszt

Prima angaria

Item ijc lxxv lb geben herren Marxen Heydelin, allt obristen
zunfftmeister, unnd damit abgeloszt acht gulden gelts unnd
zweyhundert gulden in gold houptgutz, so wir siner wiszheit verzinset
unnd inn von Clawsen Apffels seligen erben kouffs wyse
ankommen, sind abgelöszt den xix. tag Julii anno xvc xlvij

Item xvjm gulden an muntz, je 1 lb v ß per gulden gerechnet,
thund xxm lb, angelegt unnd geben dem hochwurdigen, unnserem
gnädigen fürsten und herren, herrn Philippen, bischoven zu Basel, unnd
damit uff iren fürstlichen gnaden unnd der stifft Basel erkoufft acht
hundert gulden geltz, je 1 lb iij ß an zinsz fur den gulden gerechnet,
die ir fürstliche gnaden unserem gemeinen gut jerlich uff Laurentii von
der stifft herrschfften unnd emptern Byrsegk hie dise Rhins,
Zwingen, Louffen, Tellsperg, Sant Ursitz unnd Frygen
Berg zeverzinsen schuldig unnd werdeth aber der
erst zinsz (dann man iren fürstlichen gnaden ditz houptgut dryg jar
zinsfryg gelihen) erst uff Laurentii, so man zellen wir-
deth xvc lj jar, alls fur das erst mal verfallen unnd inze-
nemmen sin, ward ditz houptgut angelegt uff Laurentii
anno xvc xlvij

Item me jm gulden in gold, thund xvc l lb an muntz,
aber angelegt uff unserem gnedigen herren von Basel und da-
mit erkoufft funffzigk gulden geltz, je 1 lb iij ß pe gulden am zinsz,
verfallen uff Viti et Modesti unnd wirdet im 48. jar der
erst zinsz fallen, ab Arliszheim sind die 1000 gulden in goldt,
so unnser Eidgnoszen von Solothurn daruff gehan henndt
unnd unnser gnediger herr von Basel inen abgeloszt hatt

Summa xxjm viijc xxv lb

« --- »

Fussnotenapparat

Jahrrechnung Stadt Basel 1547/1548weniger

Datenkorb