Ingredients:
- Ay (chicken egg)
- taig (dough)
- schmaltz (lard)
- salltz (table salt)
- wasser (water)
- Semmel mehl (wheat flour)
Tools:
- schuessel (bowl)
- thuech (cheesecloth)
- Pretl (cutting board)
- gluett (ember)
- schoepfloeffel (ladle)
- Moerschner (mortar)
- pfann (pan)
- stossel (pestle)
- Sib (sieve)
- feim loeffel (skimmer)
- loeffel (spoon)
- loeffelstil (spoon handle)
Categories:
Main ingredient: doughPreparation: deep friedType: -Willdtu Cleine Branndkuchel machenn So Nim ein gut Semmel mehl Auf ein schuessel das salltz vnd geueß ein wasser daran vnnd mach ein taig ab Allß duen Allß einen Streuebel daig vnndt treibs mit einem loeffel gahr woll ab darnach Nim ein schmaltz in ein pfann Ime Alls vil das die pfann wol Naß werdt Am Poden dann wenn man sein zuuil nem So wuerden die Kueechel schmaltzig vnnd wenn das schmaltz heiß ist So geueß denn taig drein vnd setzen Auf ein gluett vnd dreib in drob wol Ab mit einem loeffel biß der taig wol vest vnnd druckhen wierdt dann thue denn taig In einen Moerschner vnd in ein weil schlag dan ein Ay oder zwej [154r] dran vnnd Stos in mehr schlag mehr ein zwey dran das thue Alls lanng biß dich duenckht das er duen gnug sej vnnd wenn du pechst vnd sie nit Rogl vnnd gescheipt werdten So seind der Ayer zu wenig so schlag mehr Ayer drahn vnnd dreibs wol mit einem loeffel darundter Ab oder mit einem stossel Auf einem disch Ist Ann 12 Ayern gnug hat dess Stossens Auch in einer Stund oder ehe genug vnd wen dus bachen willtt So thue Ihm Allso laß ein pfan vast halb mit schmaltz heiß werden das Im der feim fast vergeet darnach Nim vom taig am herthan Auf ein schons Pretl vnd halt zu der pfanen vnd Nim einen feim loeffel vnnd thue denn taig mit dem loeffelstil In die pfann Als vil taig in den loeffel khombt thue denn loeffel still in das schmaltz damit der taig nit hafft das Proetl soldu ehe auch mit dem schmaltz netzen ehe du den taig darauf thuest damit ehr nit derauf haffte du magst auf ein mahl pachen Als vil sich in der pfann beruen [154v] muegen vnd wen sie ein wenig feist seindt So geueß das schmaltz Stets Inn der pfann vnd die Khueechel mit einem schoepfloeffel stets Rueeren damit sie Rogl werden vnnd wenn sie bachen gnug haben So schoepffs mit einem loffel heraus vnnd legs Auf ein thuech Inn ein Sib bej dem feueer damit sie warm bleiben vnnd gibs dann etc.