Ingredients:
- Kerpffen (carp)
- schweiss (carp blood)
- zimetroern (cinnamon)
- Negelein (clove)
- Parmb (common barbel)
- Hoennig (honey)
- schmalltz (lard)
- zwifel haubtt (onion)
- Arbeis Suppen (pea stock)
- pfeffer (pepper)
- Saffran (saffron)
- salltz (table salt)
- zuckers (unrefined cane sugar)
- Wasser (water)
- Wein (wine)
Tools:
- khessell (cauldron)
- feueer (ember)
- Hertt (kitchen stove)
- schoepf loeffel (ladle)
Categories:
Main ingredient: fishPreparation: boiledType: sweetWilldtu einen Kerpffen in einer Negelein Suppen machen So Stiche denn fisch vnnd fahe denn schweiss in einem Wein vnd schiept ihn laß ihn ein halbe Stund Im salltz ligenn vnnd Streich denn das Salltz mit einem Wein ab denn Stueckhen vnnd leg sie ein denn khessell vnd geueß denn schweiß daran vnd einen schoepf loeffel voll Arbeis Suppen die lautter sey oder Als vil Wasser vnd Wein daz es alles wol vber die fisch [113r] gehe vnd leg ein vier zwifel haubtt darzu die schneid in die mitte von ein annder vnd thue gar ein wenig Saffran darein damit die Supen nit gelb daruon wierdt Nur Nagel farb vndt gewuertz mit pfeffer Negel vnd zimetroern zuckers oder Nim Hoennig vnnd setz dann denn Kessel vber das feueer laß ihn Resch Auf wallen feim in nit Wehr Nur das es nit vbergehe vnnd wen ehr schier halbe weil gesotten hatt so Khost ob ehr Sueeß genug sey ist ehr noch zu Sauer So Nimb mehr zuckher darnach Nimb ein wenig schmalltz laß es ein wenig heiß werdten geueß oben auf vmb die fisch die weil sie sieden vnnd Auf dem feueer stehen vnndt wenn die Suppen dickhlet vnnd eingesottenn so hatt sie das siedenn gnueg vnnd hebe sie ab dem feueer auf vnnd drehe denn kessel vmb [113v] damit sie die fisch nit Ann denn Poden legen vnnd Anprinnen Ain fisch in einer solchen Supen darff vast einer vierdtel stundt sieden vnndt wenn er deß genug hatt So setz ihn ab dem feueer Auf denn Hertt biß du ihn willdt Anrichtten vnnd ist ehr Aber zu Kueel wordtenn so laß ihn wider aufwallen Inn einer sollchen suppen Sein die Parmb auch guett etc.