Ingredients:
- Fisch (fish)
- hoennig (honey)
- zwifelhaubt (onion)
- Arbeiß suppen (pea stock)
- gilbs (saffron)
- gewuertz (spice)
- salltz (table salt)
- Peht Semelschnitten (toast)
- zuckher (unrefined cane sugar)
- wasser (water)
- Semel (white bread)
- Wein (wine)
Tools:
- schuessel (bowl)
- khessell (cauldron)
- duech (cheesecloth)
- feueer (ember)
- hert (kitchen stove)
- pfann (pan)
Categories:
Main ingredient: fishPreparation: boiledType: sweetFisch in ein Gelbe Suppen zumachen Schuepst denn fisch salltz ihn laß in ein halbe [111v] Stund Im Salltz ligen vnnd mach denn die Suppen Also Nimb ein vier zwifelhaubt zerscheind sie Seuedt sie in einer pfann Inn einer lauttern Arbeiß suppen biß der zwiffel wol weich ist wordten So Nimb dann ein zwo oder drey Peht Semelschnitten laß sie Auch bej dem zwifel sieden vnnd Streichs dann durch ein duech mit einem Wein auf ein schuessel vnndt streich denn fisch Ab mit einem Wein vnnd leg in ein denn khessell geueß die Suppen daran doch das des weins nicht mehr sey denn der Arbeiß Suppen gilbs vnd gewuertz thue hoennig oder zuckher darein wo du Aber kein Arbais Suppen haben Khanst So Seued den zwibel vnd Semel in wein vnd Nim denn drittentheil wasser vnndter den Wein Aber mit der Arbeiß suppen wuerdt sie besser [112r] darnach setz denn khessel Auf das feueer laß Resch Aufwallen vnnd hat er des Saltz nit gnug So salltz ihn Paß ehe er das Sieden gnug hatt feim in Auch nit Wehr Nur das er nit vbergehe vnnd wenn er das Sieden gnug hatt ehe du ihn An magst richtten So setzs denn Kessell Auf denn hert vnndt wenn du sie An willt richtten So laß ein wahl thun vnd Richt sie Ahn etc.