Ingredients:
- Ayer (chicken egg)
- Kreuessen (crayfish)
- schmaltz (lard)
- Sueessen milch (milk)
- salltz (table salt)
- wasser (water)
Tools:
Categories:
Main ingredient: fishPreparation: deep friedType: -Wie mann Kreuessen Augen machen soll Nimb die lebentigen Kreuessenn wasch die in einem wasser schoen Auß vnd schneit in die koepff ab damit der magen herauß Kahn vnnd Stoß die Kreuessen gahr woll Inn einem Moerschner vnnd Wenn sie das stossen genug habenn So schlag sie durch mit einer guetten Sueessen milch thue sie dann in ein pfann oder khessell geueß Allß vil milch darein das ein wenig Rottfarb sey salltz geueß ein wenig darunder vnnd setz Auf das feueer laß sieden biss es dopffen gewindt Rueers offt mit einem loeffel damit es sich nit An denn boden legt wenn es Nun dopffen gewunnen hatt vnd deß Sieden gnug hatt So Nimb ein schoeen tuech leg es Auf ein Reithern oder Sibe [128v] vnnd Seyhe die dopffen dardurch vnd leg das duech fein glatt darueber auf allen seidten leg dan ein zines deller darauf vnndt schweer es wohl nider damit der dopffen fest werdt vnnd laß stehen biß der dopffen gantz glatt vnnd druckhen wierdt Das man ihn zerschneiden mag vnnd wenn du ihn zerschnitten hast vnd An wildt Richtten So zerschlag 3 Ayer vnnd zeuech dan das kreuess Auter darinnen vmb vnd pach es Inn einem schmaltz vnnd mach ein gelbs Suepel darueber wenn dus an willd Richttenn etc.