Ingredients:
- prat (bread)
- gerben (brewer's yeast)
- saluan (common sage)
- most (fruit juice)
- weinper (grape)
- wein (wine)
Tools:
- leyneen sack (bag)
- pachofen (baking oven)
- vas (barrel)
- moerser (mortar)
Categories:
Main ingredient: herbsPreparation: drinkType: medicinalwie man saluan wein macht Also macht man Saluan wein Nym den saluan vor suenbenden die weil er in seiner krafft ist vnd derr den an der lufft oder in einem pachofen wenn das prot wirt heraues genomen du solt in nit an der suennen derren wann er verluer sein krafft darnach mach in zu puluer in einem moerser vnd nym dez gepueluerten saluey in einen [54r] leyneen sack als vil als dich luest oder als vil du wein da mit machen wilt vnd in dem weinnlesen wenn der wein vergeren hat vnd an dem sacz ist So hach das secklein mit dem saluan in den wein oder in den most zu dem peil hin ein vnd vermach das peil gar wol das keyn tunst heraues icht mueg weder von wein noch von saluay Suemleich prechent saluay an dem lesen so er wenig krafft hat vnd werffent den in das vas vnd giessent most daran vnd lassent In geren durch ein roer Also beleibent mit dem saluay die gerben in dem vasz vnd das lob ich nicht wann an schaden mag man den wein in haisser zeit nicht gemeren Aber nach meinem synn so nym in den lesen als ich vor gesagt han frisch weinper chemp vnd wenn der most vergiszt so wirff die in den most in das vas vnd lasz die albeg darynn ligen vnd hach den gepuluerten saluey als vil als dich czimpt das er sein beduerff in dem secklein auch dorein Darnach wenn der wein des saluan smack genueg gewynn so zeuch den sack herwider aues vnd wenn du den wein auesgetrinckst [54v] so geusz andern wein hin wider ein an die selben kemp als vil dich luest oder full es gar czu wisz das gepuluert saluey hat mer krafft wenn der gancz vnd wie oefft du an den wein geuest so ist er an dem dritten tag lautter vnd durchsichtig Welchem menschen die leber fauelt oder ein stinckenden adam hat yszt er offt wein vnd prat vnd saet gepuluerten saluey darauf dem wirt sein leber frisch vnd gesunt vnd gancz