Ingredients:
- No ingredients mentioned
Tools:
- No tools mentioned
Similar recipes:
Same title: so1.153Shared ingredients: Same ingredients in following recipe: 0Same tools in following recipe: 0Categories:
Main ingredient: -Preparation: -Type: medicinalItem alles das uff der erdenn ist oder us der erden wachssett vnd all moenschenn also wol die nemen an sich die eigennschafft der fier ellementen also heisß trucken kalt vnd fuechte vnd wer lang laebenn wil der verwandel ie eins gaegegen dem andren also die kelte mit der hitz vnd die hitze mit dem kalten vnd das truckenn mit der fuechte vnd das fuechte mit dem druckenn vnd also ist der selig vnd wiß der der zit achtet vnd die mas selbst tempperatur Recht trifft vnd also mit wißheit ordennlichenn lebt wan es sprechenn die meister ordung sige wißheit vnd wißheit sig ordnung vnd die guottenn gewonheit behalt guotte sin vnd guot ende So bewart messigkeit denn gesunden wenn alles das daz dem lib zuo gehoert sol vnd muos menglich geschechenn wiltu denn nit folgenn dem rat messigkeit vnd rechtem lebenn so were doch Besser gesuntheit zuo haben wenn So du siech bist alle arcenie mit allen irenn kunstenn darumb so einer lang gesund wil sin on allen gebraechenn So muoß Messigeit gar flissigklich dar zuo diennen in allen sinen wercken In essenn vnd in trinckenn an wiben an baden an arbeiten an gan an schlaffen an wachen [30v] an geselschafft an buebery an zerung an sorg ueltigeit guot zuo gewinenn wenn alle sorg ueltigeit verderpt die wißheitt vnd die vnmesigkeit verderppt lib vnd sel vnd guote gewonheit ye der nach sinenn statt doch die nit grosse gesorge habenn in allem irem lebenn die nemenn seltenn guotz alter oder verderben Als iung luet in irenn halben tagenn darumb sol sorgueldigkeit geschechen messenklich oder mit messigkeit vermischt vnd wer dann die mas recht trift vnd also orden lich der heist ein selbß hold vnd Belipt in gesunt heitt vnd bi langem Laebenn Oder ein wiplich bild in irem Bluomenn schin zuo irenn zitt sol sich also messigklichen haltenn mit getrancke vnd mit kost kostlichen vnd alle ander sach das irenn wiplichenn satzten rechten nit widerwertigt sige wenn iren gebraech meret sich denn sy nachet der schwindendenn suchte vnd dem bittern grimen inwendig im libe vnd mag sin sterbenn stirbt si aber nit So muos si lang houpt wee habenn vnd huosten ist ire kurtz will des wurde sie vil lieber ueber habenn Darumb so werdenn die groben ee man das machenn sollich wiber lidenn so sie irer wiber nit schonen zuo Billicher zite vnd in nicht gloebig sind mit aller edlen guot Ratt die man mag gehaben von kost vnd gedrancke auch mit edlen wuertzen vnd mit senftigung der ruow aller guoten pflege Es schribt