Ingredients:
- ayeren (chicken egg)
- weisz (egg white)
- essig (vinegar)
- wasser (water)
- totter (yolk)
Tools:
- trichter (funnel)
- sew plosenn (pig's bladder)
- haffen (pot)
Categories:
Main ingredient: eggsPreparation: complexType: show dishEin essen von dreyssig ayeren Wiltu machen ein essen von dreyssig ayeren oder oder virtzig zu einem ey nym zwo sew plosenn daz dy ein cleiner sey den dy ander vnd swem sie gar schon mit wasser In wendig vnd nym den dy ayer vnd schel sie schonn von ein ander daz weisz besunder vnd dy totter besunder vnd nym denn dy clein plossen vnd ruer dy totteren durch ein ander vnd geusz sie in dy plassen daz sie vol werd vnd verpint die denn schon vnd wirffs in ein haffen vnd lasz sie wol sieden daz ez hert werde vnd schel denn dy pletter ab den dottren vnd nym den dy plassenn vnd sneid den ein loch dor ein daz der totter dor ein muggen vnd ne den dy dottern in dy plossen schon vnd clopff den daz weisz durch ein ander vnd nym denn ein trichter vnd stosz in in daz loch vnd geusz denn daz weisz auff dy totteren hin ein daz dy plosz vol werd vnd pint sie denn zu vnd leg sie den in den haffen vnd losz sie aber sieden so sewd sich daz weisz vmb den tottern vnd wirt ein ay vnde gib ez hin vnd einen essig dor zu etc.