Categories:
Main ingredient: doughPreparation: pastryType: show dishEin essen von gestrichem pachen Wiltu machen ein gestrickes paches von einem taig so mach ein hert alcz zu einem haidischen pach vnd mach auch pletter sam haidinisch pletter vnd snid ein snitten dy sinbeller sein denn ein vinger vnd nym ein smalcz in ein pfanen oder in einen morser vnd secz in daz er haisz werd vnd wellig vnd nym einen kochloffell oder ein holczlein do mit reich an dy pletter vnd leg ye eins hin vnd uber leg daz ander vnd wirffs an dem holcz in dy pfannen vnd la es pachenn vnd ker ez vmb in dem morser vnd mach den ein gutte suppen dor zu von homig vnd von gutem gewurtz vnd dor zu ein wenig weins vnd ein wenig essigs daz ez durch daz honig piczel vnd strew dor ein ein wenig weinper vnd geusz dy suppen den ausz des packes vnd richt ez an vnd versalcz ez nit