Hans Wacker von Costentz ein brotbeckken knecht by Rümelins Müli dienende
Uolj – 1 ° Hans Wacker von Costentz ein brotbeckken knecht by Rümelins Müli dienende Die herren eerichter haben in lossen inlegen, dorumb das er sich beriempt hatt, er habe mit Anna Greber von Hiltispach, die Ueli Wegelin von Diessenhofen, den brotbecken, der ee angesprochen, unküsch + heit getrieben und zwüschen denselben ein grossen onwylen gmacht ist uff fritag den 22. jenners ditz 63. jors mit gmeyner urphet gnediglich wider ussglossen, und inn mit allem ernst anzeigt das er hinfürter sines mundts behutsamer sin solle. Niclaus Im Hoff Notarius subscripsit
Vortäuschung falscher Tatsachen
er sich beriempt hatt, er habe mit Anna Greber von Hiltispach, die Ueli Wegelin von Diessenhofen, den brotbecken, der ee angesprochen, unküsch + heit getrieben und zwüschen denselben ein grossen onwylen gmacht
Julius Cesar Pascalis uss Sicilien
Uolin - 1 °Julius Cesar Pascalis uss SicilienJulius Cesar Pascalis kommt in einem anderen Urfehdeverfahren vor, siehe Urfehdeeintrag Clera von Sant Uban uss dem Delphinat (fol. 17 recto) für anderes Urfehdeverfahren Die Herren Eerichter haben in inn gfenckniss legen lossen von wegen das er alle ding geleügnet und keins wegs gestendig sin wellen, das er mit obgenanter Clera von Sant Uban uss dem Delphinat, siner dienstmagtClera von Sant Uban kommt in einem anderen Urfehdeverfahren vor, siehe Urfehdeeintrag Clera von Sant Uban uss dem Delphinat (fol. 17 recto) für anderes Urfehdeverfahren, ye zeschicken noch zeschaffen gehept, ouch Gott und sine engell zu zügniss genempt, das ers nie im synn ghept, mit iren unküscheit zetryben, nochdem und aber er der sachen vor herren Uolrichen Cony genant Essig und herren Hanss Brandtmüller den Predicanten, aller dingen gychtig und bekantlich haben sy in umb 20 gulden die er erleyt, gestrofft und uff Zinstag den achten Augstmonats ditz 64 jors mit gmeyner urphet gnedigklichen wider ussglossen, hatt dorby ouch geschworen, das er dass kindt zuo sinen handen nemmen, dasselb versechen und erziechen solle. Niclauss Im Hoff Notarius subscripsit
Vortäuschung falscher Tatsachen
das er alle ding geleügnet und keins wegs gestendig sin wellen, das er mit obgenanter Clera von Sant Uban uss dem Delphinat, siner dienstmagtClera von Sant Uban kommt in einem anderen Urfehdeverfahren vor, siehe Urfehdeeintrag Clera von Sant Uban uss dem Delphinat (fol. 17 recto) für anderes Urfehdeverfahren, ye zeschicken noch zeschaffen gehept, ouch Gott und sine engell zu zügniss genempt, das ers nie im synn ghept, mit iren unküscheit zetryben
Heinrich Grof °von Keyserstuol
Thoubhüsslin - 2 °Heinrich Grof °von Keyserstuol und Michel Mërckell von Pfortzheim, hatt nummen ein arm Augustin Steck min her vogtAugustin Steck kommt in anderen Urfehdeverfahren vor, siehe Urfehdeeinträge Jerg Vollmer von Schaffhussen dess nochrichters knecht (fol. 46 verso), Peter Mayer von Orsny ein halb myl von Fryburg inn Üchtlandt glegen ein lackey (fol. 49 recto), Anthonj Jacote von Schërlin Fryburger und Berner herschafft, ein kessler (fol. 58 recto) und Jocob Keller der vollterer (fol. 59 recto) für andere Urfehdeverfahren, hatt dise zwen bettler über nacht inns Thoubhüsslin lossen legenund umb 1 lb gestrofft von wegen das sy sich zuom Schaltenbrandt mit wyn überladen, und darnach die frygen stross abzogen, ein wyldt geschrey und bëttlens ghept, und wann man sy fürgwyssen, haben sy bössen bescheidt geben, und anzeigt min Herr Bürgermeister und Zunfftmeister habe inen erloupt zehöuschen, doran sy aber die unworheit fürgeben. Sindt uff Sontag den 20 Augustj anno 64 mit gmeyner urphet gnediglichen wider ledig glossen, habent darby ouch geschworen das sy inn jar und tag nitt wider harin kommen noch höuschen sollen, by peen des halsysens und der ruoten. Niclaus Im Hoff Notarius subscripsit
Vortäuschung falscher Tatsachen
und wann man sy fürgwyssen, haben sy bössen bescheidt geben, und anzeigt min Herr Bürgermeister und Zunfftmeister habe inen erloupt zehöuschen, doran sy aber die unworheit fürgeben
Ludj Murer von Salin zuo Vischingen dienend
Köferlj - 1 ° Ludj Murer von Salin zuo Vischingen dienend Alsdann er uff gestrigen tag, zuo Sant Blesins thor uss, mit einem karren wellen faren, und der thorwechter, dem zedell nochgfrogt, hatt diser im geantwort, er gehöre dem zoller uff der Wysenbruck als aber der torwechter den zedel han wöllen, hat disser mit groben worten gseyt, se wüsch den hindern doran. Desshalben er inn gfenckniss gleyt und uff Sambstag den 18 Novembris ditz 64 jors mit gmeynder urphet gnediglichen wider ussglossen, und im darby + anzeygt, das er hinfürter den torwechtern besseren bescheidt und bericht geben solle, oder es werde im ein straff zuor andren kommen. Niclauss Im Hoff Notarius subscripsit
Vortäuschung falscher Tatsachen
der thorwechter, dem zedell nochgfrogt, hatt diser im geantwort, er gehöre dem zoller uff der Wysenbruck
Heinrich Hufner der gremper
Uolj - 1 °Heinrich Hufner der gremper Alsdann ein erlicher gsell umb sin stiefftochter geworben ist er uff ein zyt willig gsin, das ander mal, gar kein willen dorzuo geben wellen, und also die sach understanden zehinderen, hatt mit seiner frowen und stiefftochter ein wyldt balgens, tobens und wütend im huss ghept, ein stëgen uff die ander ab glouffen, by 20 lb zesamen gemacht, als ob er sich hinweg welte thuon, und sich gar lëtz gestellt. Wie nun die Herren Höüpter am Sontag von der predig, für sin huss gangen sollich wëssen gehört, ist im für ein Ersamen Rhat morndes gebotten worden. Und diewyl er ouch sonst mergliche grosse spyl thuot, hatt man in inn gfenckniss gleyt , und umb 5 lb gestrofft, und uff Mittwoch den 29 Augstmonats ditz 65 jors, mit gmeyner urphet gnediglichen wider ussglossen, hatt dorby ouch geschworen das er die bemellt stroff biss Sambstag nechstkomment ans brëtt überantworten solle, und hinfürter aller spylen es sige mit würfflen oder mit karten, sich gentzlichen ab thuon, dorzuo ouch all zünfft und gesellschafften, würtz wyn und kochshüser myden, nienen anderswo, dann allein daheymen, und uff siner eeren zunfft zuo jars malen, essen und trincken, und sich gegen siner eefrowen und stiefftochter fridsam halten, und wann sin stiefftochter ir vätterlich erb von im erforderen wirt, das er iren dasselb nit vorhalten solle. Dessglichen so er für die Unzüchter Herren beschickt, das er gehorsamlich erschynen welle. Niklaus Im Hoff Notarius subscripsit
Vortäuschung falscher Tatsachen
als ob er sich hinweg welte thuon, und sich gar lëtz gestellt
Anthonj Valantin von Bangyo by Troy inn Frankrich glegen, by 14 joren alt
Köferlj - 1 °Anthonj Valantin von Bangyo by Troy inn Frankrich glegen, by 14 joren alt Als dann diser junger knab, Hans Jocoben Ottendorff und Balthassar Sebolt , das vech gehütet, und nachts inn Sebolts huss gelegen, hatt er im uss dem tisch, ongvorlichen by acht pfunden , inn Basell plapparten entwert, doruss er ein rot par hossen, ein barchet wammest, schuo und anders koufft ouch ettlichen sinen gsellen, do der ein, ein schwartz mëntelj der ander ein zwilch gyppen, antrage, so entloffen, gelt gebe(n) und anzeigt, das Frantz Schnyder von StäfisFrantz Schnyder kommt in einem anderen Urfehdeverfahren vor, siehe Urfehdeeintrag Frantz Schnyder von Stäfis Fryburger pieth inn Üchtlandt ein spettknecht (fol. 44 recto) für anderes Urfehdeverfahren harnochgeschriben in uffgewyssen. Desshalben dieser gfencklichen angnommen und nochdem er durch die Syben Herren verhört, ist er durch den volterer im thurn mit ruoten gehouwen, und uff Sambstag den achten Septembris ditz 65 jars, mit gmeyner urphet + gnediglichen wider ussglossenn, hatt dorby ouch geschworen das er sich von statt und landt Basell hinweg thuon und dorin onerloupt, niemer mer kommen solle, by peen des halsysens und der ruoten, hiemit er ouch als man in ussglossen, den bemelten Frantz Schnyder von Stäfis, ledig zelt, er habe im onrecht thon, er habe in nit uff gewyssen, wie sollichs Peter Alant der crämer an Spalen thurn so getollmetschet hatt, gehört und anzeigt hatt. Niklaus Im Hoff Notarius subscripsit
Vortäuschung falscher Tatsachen
er habe in nit uff gewyssen, wie sollichs Peter Alant der crämer an Spalen thurn so getollmetschet hatt, gehört und anzeigt hatt
Hans Hüpscher von Schafhussen
Köferlin - 1 °Hans Hüpscher von Schafhussen Demnach dieser alter mann by nëchtlicher wyl Riechemer thor, by der Sägj durch die Bannwarten funden, mit einer crätzen, und als sy in befrogt, was er darinnen trage, hatt er geantwort, löffell und spinnlen, und wie die Bannwarten gluogt, sindt es trybell gsin, by dryhunderten. Desshalben er ingleyt, und nochdem er durch die Syben Herren befrogt und er anzeigt, das im sin tochterman gëllt schuldig, und die wyl er nit bezalt könne werden, habe er die trübell inn siner tochter reben abgschnitten. Dorby habent es unser Gnedig Herren plyben lossen, und in uff Mittwoch den 26 Septembris ditz 65 jars , mit gmeyner urphet gnediglichen wider ussglossen, hatt darby auch geschworen , diewyl er ein rechtshandell, mit Hanss Strussen von Hüningen hatt, das er einen gwalthaber setzen und ordnen möge, und uff das fürderlichst, onverzug sich von statt und landt Basell, hinweg thuon, und darin onerloupt nit wider komen solle, by einer schwëren stroff, die im uff den hals möchte wachssen. Niklaus Im Hoff Notarius subscripsit
Vortäuschung falscher Tatsachen
hatt er geantwort, löffell und spinnlen, und wie die Bannwarten gluogt, sindt es trybell gsin, by dryhunderten
Barbell Ortolff von Basell
Brucker - 1 °Barbell Ortolff von BasellBarbell Ortolff kommt in einem anderen Urfehdeverfahren vor, siehe Urfehdeeintrag Joder Hertenstein der treyger (fol 46 verso) für anderes Urfehdeverfahren. Die Herren Eerichter haben sy inn gfenckniss lossen legen von wegen das sy Joder HertensteinJoder Hertenstein kommt in einem anderen Urfehdeverfahren vor, siehe Urfehdeeintrag Joder Hertenstein der treyger (fol. 46 verso) für anderes Urfehdeverfahren, ein kindt geben welle und anzeigt sy sige umb Liechtmess by im glegen, und ist aber sy genessën das sy das kindt nit mer dann 28 wochen hette tragen, desshalben ein argwon uff sy gfallen, das sy mit andren ouch zeschaffen ghept. Nochdem und aber sy bericht geben, das sy die zyt nit recht anzeigt, und es sige das kindt keins andren dann Joders, sonst habe nyem ants mit iren zeschaffen ghept, ist sy uff Donstag den 27 Septembris ditz 65 jors , mit gmeynder urphet wider uss glossen , und hiemit wyther für recht gewyssen. Niklaus Im Hoff Notarius
Vortäuschung falscher Tatsachen
anzeigt sy sige umb Liechtmess by im glegen, und ist aber sy genessën das sy das kindt nit mer dann 28 wochen hette tragen
Iacobus Lang uss mindren Basell
Köferlj - 1 °Iacobus Lang uss mindren Basell. Die universitet hatt disen lossen inlegen , von wegen das er nachts zuo unzyten, mit etlichen studenten uff der gassen umbher zogen , der hebammen anclopfft und gsagt sy solle inn dess metzgers huss, genant Hemmikers frowen gon, der sige wer zuom kindt daran aber nützit gsin, und andren muotwillen getryben. Ist uff Mentag den 22 Octobris ditz 65 jars , mit gmeyner urphet gnediglichen wider ussglossen, hatt dorby ouch geschworen , wann man in beschickent das er gehorsamlich erschynen, und was im wither uffgleyt werde, das er demselben statt thuon solle . Niklaus Im Hoff Notarius subscripsit
Vortäuschung falscher Tatsachen
der hebammen anclopfft und gsagt sy solle inn dess metzgers huss, genant Hemmikers frowen gon, der sige wer zuom kindt daran aber nützit gsin
Jocob Schrag der rebman
Köferlj - 1 ° Jocob Schrag der rebman Demnach und er liederlichen husshaltet, jung und starck ist aber nit werckt, sonder zuo Amsswyler und an andren orten ligt, zetëmpffen, wyb und kinder losst sytzen, einem hie dem andren dört gelt abentlehnet und nützit wider gibt, besonders diewyl er, Andres Pletzen sons knecht, zuo Solothurn vier dick pfennig und dry batzen gnommen, nochmolen als sich derselb erclagt, gseyt, er habe ims geliechen, und wie im darumb für rhat gebotten ist er nit erschynen. Desshalben er inn gfenckniss gleyt und uff Mittwochen den letsten Octobris ditz 65 jars mit gmeiner urphet gnediglichen wider ussglossen, hatt darby ouch geschworen, das er sich on allen verzug von statt und landt Basell hinweg thuon, und darin onerloupt nit wider kommen solle. Niclaus Im Hoff Notarius subscripsit
Vortäuschung falscher Tatsachen
besonders diewyl er, Andres Pletzen sons knecht, zuo Solothurn vier dick pfennig und dry batzen gnommen, nochmolen als sich derselb erclagt, gseyt, er habe ims geliechen
Hans Jocob Holtzer der zymmermann von Louffen
Köferlj – 1 °Hans Jocob Holtzer der zymmermann von Louffen Demnach und er zuom andren mal unser Gnedig Herren umb das burgrecht angesuocht, und im dasselbig allwegen gnediglichen bewilligt worden, doch das er das gelt erlegen solle, hatt er sollichs nie erstattet, kein gelt erlegt, sonder mit onworheit fürgeben, man habe im das burgrecht ge schenckt. Diewyl er ouch sonst liederlich husshaltet, eine ein bantzer kragen abentlechnet, und denselben versetzt umb ein pfundt, ouch sonst einem armen gsellen, ein cronen abentlent, der von im nit können bezalt werden, dessglichen siner frowen hinderrucks ein schuben uss dem trog gnommen, und dieselb zum juden von Wyl geschickt und alles das verspyle, was er ankompt ist er inn gfenckniss gleyt und uff Mentag den 5ten Novembris ditz 65 jors, mit gmeyner urphet gnediglichen wider ussglossen, hatt dorby ouch geschworen, das er sich by morndriger tag zyt von statt und landt Basell hinweg thuon, und darin onerloupt niemer mer kommen solle, oder im werde ettwas uff den hals wachsen, das im zeschwër sin werde. Niclauss Im Hoff Notarius subscripsit
Vortäuschung falscher Tatsachen
mit onworheit fürgeben, man habe im das burgrecht ge schenckt
Barthlin Mytelj der lyniweber burger alhie
Köferlj-1 ° Barthlin Mytelj der lyniweber burger alhie Demnach und er einen frömbden über und wider sinen jor eydt saltz koufft, als wann ers im selbs welte, und als er zuom andren mal dorumb für ein Ersamen Rhat beschickt, hatt ers allwegen ver leügnet, biss er yetzt überzüget worden, das er dasselb saltz Hanssen Kobel von Arlissheim zuogeschickt. desshalben er inn gfenckniss gleyt, und uff Mittwochen den 12 Decembris ditz 65 jors mit gmeyner urphet gnediglichen wider ussglossen, und dorby ernst lichen gwarnet das er hinfürt solcher und anderer bösen stucken abston und müssig gon solle, oder man werde in von statt und landt verwyssen. Niclauss Im Hoff Notarius subscripsit
Vortäuschung falscher Tatsachen
ver leügnet
Hans Jocob Meyger der messerschmidt
Uolj – 1 ° Hans Jocob Meyger der messerschmidtHans Jocob Meyger kommt in anderen Urfehdeverfahren vor, siehe Urfehdeeinträge Hans Jocob Meyger der messerschmidt (fol. 23 verso), Hans Jocob Meyger der messerschmidt (fol. 31 recto) und Hans Jocob Meyger der messerschmidt von Basell (fol. 35 verso) für andere Urfehdeverfahren Diewyl er im sturm, als es im Werckhoff brunnnen, kein harnist angleyt, und als er für ein ersame zunfft beschickt, ob er ein harnist habe, hatt er jo gsey, er habe einen, doran er aber die onworheyt fürgeben, dann wie man den knecht inn sin huss gschickt, hatt er keinen ghept. Dessglychen haltet er sonst ouch liederlichen huss, ent lechnet gelt, verheisst, und haltet nützit. Ist er zwen tag und zwo nëcht inn gfenckniss gleyt und uff den ersten tag Meygens, ditz 66ten jars, mit gmeyner urphet gnediglichen wider ussglossen, und dorby ernstlichen gwarnet das er hinfürt bass husshalten solle, oder Im werde etwas uff den hals wachssen, das Im zeschwër sin werde. Niclaus Im Hoff Notarius subscripse
Vortäuschung falscher Tatsachen
doran er aber die onworheyt fürgeben
Wilhelm Hönger von Zürich der student
Brucker – 1 °Wilhelm Hönger von Zürich der student Die Herren Eerichter haben in lossen inn gfenckniss legen von wegen, Catharina Jeüchtenhammerj uss minderen Basell die in der ee angesprochen, und als er examiniert und befrogt, ob er vorhin mit einer andren behafftet, er ouch anzeigt das er einer zuo Zürich die ee verheissen, und aber dieselb nit be nampssen wellen. Wie man nun den Eerichtern von Zürich geschriben, und sich erfunden, das er die onworheit fürgeben, und sollichs allein gseyt, domit er von bemelter Catharina ledig wurde, ist er uff Mentag den 12ten Augstmonats ditz 66 jars mit gmeiner urphet, gnediglichen wider ussglossenn. Hatt darby ouch geschworen das er von der statt Basell nit wychen solle, er sige dann gütlich oder rechtlich mit gemelter Jeüchtenhammerj über kommen. Niclaus Im Hoff Notariussubscripsit
Vortäuschung falscher Tatsachen
das er die onworheit fürgeben, und sollichs allein gseyt, domit er von bemelter Catharina ledig wurde
Barbell Schweygert von Backena uss dem Würtemberger landt
Brucker – 1 °Barbell Schweygert von Backena uss dem Würtemberger landt, zeigt an sy habe ein eeman genant Hanss Eck ein gürtler. Demnach und sy alhar inn die Cleine Statt kommen, und inn der herberg Zuom Bären inkert, und der würtin zwen sylberin becher geben, ist ein argwon uff sy gfallen, und als man zuo iren griffen, und sy inn gfangenschafft glegt, hatt sy bekannt, das sy sechs sylberin becher, einem messerschmidt zuo Schaffhussen entwert. Desshalben gon Schaffhussen geschriben worden, und als man von siben becheren geschriben, hatt sy ze letst anzeigt, das sy denselben dem juden zuo Tiengen umb 25 batzen versetzt. Diewyl und aber sy fürgeben, das sy mit einem kindt schwanger gange, ist sy uff Mentag den 26ten Augstmontas ditz 66 jars, mit ge meyner urphet gnediglichen wider ussglossen, hatt dorby ouch ge schworen, das sy sich von statt und landt Basell hinweg thuon und darin onerloupt niemer mer kommen, noch sich finden lassen solle. Niclaus Im Hoff Notariussubscripsit
Vortäuschung falscher Tatsachen
und als man von siben becheren geschriben
Claus Nufer, von Müllhussen
Rorer – 1 ° Claus Nufer, von Müllhussen Demnach und er sin eefrowen gon Strassburg verdingt, und sin lybliche schwester irent eemann von Mülhussen gon Stassburg entfürt, sy beyde also sytzen lassen, hatt er sich gon Mülhussen verfügt, und von dannen ein trog mit wyber cleyder har gon Basell, füren lassen, und sich zu Herr Jacoben Rüdj dem zunfftmeister verdingen wellen. Als aber die Herren von Müllhussen unseren Gnedigen Herren sine sachen zuogeschriben, und das er inen getröwt habe, ist er gfencklichen angenommen und nochdem er durch die Syben Herren examiniert und verhört, hatt man in uff Frytag + den 11ten Höwenmonats ditz 67 jars, mit gmeiner urphet gnediglichen wider ussglossen, dorby er ouch geschworen, das er sich fünff myl wegs von statt und landt Basell hinweg thuon, und das er die Herren von Müllhussen worten und werckenhalb zuofriden und zeruowen lossen solle. Niklaus Im Hoff Notarius subscripsit
Vortäuschung falscher Tatsachen
sich zu Herr Jacoben Rüdj dem zunfftmeister verdingen wellen
Heinj Wysner
Uolin – 2 ° Heinj Wysner ° und Küngolt Schürch von Zyfen Die Herren Eerichter haben sy lossen inn gfenckniss legen, von wegen das sy im examen gar nit zesammen stymmen wollen, sonder sy anzeigt das er kuntschafft bestellen und dingen wellen, was er sagen solle, und nochdem sy gnuogsam verhört, sindt sy uff Donstag + den letsten Höwmonats ditz 67 jars, mit gmeyner urphet, wider ussglossen, und wyther für recht gewysen, die urtell zeentpfachen. Niklaus Im Hoff Notarius subscripsit
Vortäuschung falscher Tatsachen
von wegen das sy im examen gar nit zesammen stymmen wollen, sonder sy anzeigt das er kuntschafft bestellen und dingen wellen, was er sagen solle
Georg Geer gewessner schaffner zuo Sant Claren
Uolin – 1 ° Georg Geer gewessner schaffner zuo Sant ClarenGeorg Geer kommt in einem anderen Urfehdeverfahren vor, siehe Urfehdeeintrag : Barbell Mettlerj von Bencken uss Kyburger Graffschafft, Züricher pieth (fol. 74 verso) für anderes Urfehdeverfahren. Demnach obgenante Barbell MettlerjBarbell Mettlerj kommt in anderen Urfehdeverfahren vor, siehe Urfehdeeinträge Barbell Mettlerj von Bencken uss Kyburger Graffschafft, Züricher pieth (fol. 74 verso), Barbell Mettlerj von Kyburg Züricher pieth (fol. 80 verso) und Barbell Mettlerj von Kyburg Züricher pieth (fol. 81 verso) für andere Urfehdeverfahren in vor den Herren Eerichteren anglangt und zuo im clagt das er sy eines kindts geschwëngert, er aber desselben nit gstendig sin wöllen, und gar hoch die sach verneynt, wann er by iren glegen, so solle in das erdterich verschlucken, und bëtte Gott das er ein zeichen an im erstatte. Ist er inn gfenckniss gleyt und nochdem er bekantlich worden, das er zwey mal by iren glegen habent im die Herren Eerichtere 40 lb zu einer stroff uffer legt, und in uff Mentag den 22 Septembris ditz 67 jars, wider ledig glossen, darby ouch die Herren Eerichtere erkannt, das er gemelte Barblen Mettlerj, noch gerichts pruch ussrichten, und wann sy dess kindts genysst dasselb versechen und versorgen solle als sin fleisch und pluot. Dessglichen ouch im von der + Hochen Oberkeyt wegen anzeigt, das er hiemit sines diensts ge urloupt sin solle, derhalben ouch er geschworen, das er sich den nechsten ins closter verfügen, lyb und guot nit verenderen solle, biss uff verneren bescheydt unserer Gnedigen Herren, und das er sin rechnung den Pflegerherren gibt, doran sy kommen mögen. Niklaus Im Hoff Notarius subscripsit
Vortäuschung falscher Tatsachen
gar hoch die sach verneynt, wann er by iren glegen, so solle in das erdterich verschlucken, und bëtte Gott das er ein zeichen an im erstatt
Rolandt Raffre von Parys
Thoubhüslin – 1 ° Rolandt Raffre von Parys Die allmuossen diener haben in inns Thoubhüslin legen lassen, dorum das er ein oug und ein achsslen verbunden, doran er aber kein schaden ghept, sonder damit ein falsch prucht. Nochdem er aber durch die Sybenherren verhört, ist er uff Mentag den 29 Septembris ditz 67 jars, mit gmeiner urphet gnediglichen wider ussglossen, darby er ouch geschworen, das er sich von statt und landt Basell hinweg thuon und darin onerloupt nit kommen solle. Niklaus Im Hoff Notarius subscripsit
Vortäuschung falscher Tatsachen
dorum das er ein oug und ein achsslen verbunden, doran er aber kein schaden ghept, sonder damit ein falsch prucht
Theus Langhans der stattknecht
Wasserturn – 1 ° Theus Langhans der stattknecht Diewyl er sich im Schërben gesslin bym besetzer, mit wyn überladen das er by Sant Andress, uff der gassen im lëtt glegen, und hefftig pluotet. Und als man in befrogt wers im thon habe, hatt er anzeigt, dry studenten habent in also gehouwen, wie man aber der sach bass nochgfrogt, ist es nützit gsin, sonder ist vor völle des wyns, an einem stein ein wunden inn kopff gfallen. Desshalben er dry tag inn Wasser thurn gleyt, und uff Mittwochen den 22 Octobris ditz 67 jars, mit gmeyner urphet gnediglichen wider ussglossen, sampt ernstlicher warnuong das er sich des übertrinckens abthuon, und unserer Gnedigen Herren geschefften warten solle, oder im werde, ein schwërers uff den halss wachssen. Niklaus Im Hoff Notarius subscripsit
Vortäuschung falscher Tatsachen
als man in befrogt wers im thon habe, hatt er anzeigt, dry studenten habent in also gehouwen, wie man aber der sach bass nochgfrogt, ist es nützit gsin, sonder ist vor völle des wyns, an einem stein ein wunden inn kopff gfallen
Jerg Beck von Ulm ein fuorknecht
Brucker – 1 ° Jerg Beck von Ulm ein fuorknecht Demnach und er sich ein jor oder zechine, hin und wider inn herberg und ettwan Zuom Schoff, sich erhallten, und dess saltzkouffs sich wunderbarlich undernommen, wann die saltzwegen kommen, hat er sy yetzt inn das, dann in ein ander dorff gewysen, und als er früntlichen gwarnet solcher sachen abzeston, hatt er bösen bscheydt geben, und geredt, er welle es mer thuon, er habs jo thon. Desshalben er inn gfenckniss gleyt, und uff den 20 Decembris ditz 67 jors, mit gmeyner urphet, gnediglichen wider ledig glossen, hatt darby ouch geschworen, das er sich von statt und landt Basell hinweg thuon und darin onerloupt nit kommen solle, oder im werde ettwas uff den hals wachsen, das im an snem lyb zeschwër sin werde. Niklaus Im Hoff Notarius subscripsit
Vortäuschung falscher Tatsachen
wann die saltzwegen kommen, hat er sy yetzt inn das, dann in ein ander dorff gewysen
Samuel Bechtlj burger alhie
Wasserthurn - 1 ° Samuel Bechtlj burger alhie Demnach und er liederlichen und übell husshaltet, hin und wider inn wincklen sytzt zespylen, und wann er vom wyn toll unnd voll, heimkommen, und im sin eefrow ingeredt, hatt er sy gstossen und gschlagen. Dorumb er dann ettwann für die Bannherren beschickt und nochmalen für ein Ersamen Rhat, beschickt, daselbsten er fürgeben er und sin frow sigent eins. Doran aber nützit gsin, sonder ist den nechsten wider inn alten fuossstapffen getretten. Desshalben er mit gfenckniss dess Wasserthurns 10 tag und 10 necht gstrofft, und uff Sambstag den dritten Aprilis ditz 68 jars mit gmeyner urphet gnediglichen wider ussglossenn. Hatt darby ouch geschworen das er biss Sambstag nechstkünfftig 10 lb stebler unsren Gnedigen Herren, ans brett, erlegen, und hinfürter sich solliches lieder lichen husshaltens abthuon, mit siner eefrowen fridsam und tugent lich leben solle, wie einem redlichen burger zuostot, und sich flyssiger zuom wort Gottes, dann aber bisshar beschechen, verfügen wölle. Niclauss Im Hoff Notarius subscripsit
Vortäuschung falscher Tatsachen
daselbsten er fürgeben er und sin frow sigent eins. Doran aber nützit gsin, sonder ist den nechsten wider inn alten fuossstapffen getretten.
Cuonrat Ëngler von Bareyt im Foytlandt zechen myl hinder Nüremberg glegen,ein schreyner.
Rorer - 1 ° Cuonrat Ëngler von Bareyt im Foytlandt zechen myl hinder Nüremberg glegen,ein schreyner. Demnach und er zuo Durdana inn Italia, zuo einem, der sich her Johanns Joachim, für ein Landtgraffen zuo HessenJohanns Joachim kommt in einem anderen Urfehdeverfahren vor, siehe Urfehdeeintrag Hans Joachim der sich ein Fryherren von Trauwenstein inn Österreich dry myl von Lyntz glegen, nempt (fol. 94 verso) für anderes Urfehdeverfahren, ussgeben, gedinget, wellicher hie har, durch die Herren von Bern geleytet worden, und als derselb nit mit gerechten sachen umbgangen, sonder inn gfenckniss gleyt, ist zuo disem als sinem diener ouch gryffen. Nochdem und aber er verhört, das er von sines herren sachen nützit wüsse, dann er allein syben wochen by im gsin sige, hatt man in uff Sambstag den 30 Octobris ditz 68 jars, mit gmeyner urphet wider ledig glossen, das er hie oder andersswo, siner glegenheit noch wercken möge. Niklaus Im Hoff Notarius subscripsit
Vortäuschung falscher Tatsachen
und als derselb nit mit gerechten sachen umbgangen, sonder inn gfenckniss gleyt, ist zuo disem als sinem diener ouch gryffen
Hans Joachim der sich ein Fryherren von Trauwenstein inn Österreich dry myl von Lyntz glegen, nempt
Brucker - 1 ° Hans Joachim der sich ein Fryherren von Trauwenstein inn Österreich dry myl von Lyntz glegen, nemptHans Joachim kommt in einem anderen Urfehdeverfahren vor, siehe Urfehdeeintrag Cuonrat Ëngler von Bareyt in Foytlandt zechen myl hinder Nüremberg glegen, ein schreyner (fol. 94 verso) für anderes Urfehdeverfahren Demnach und er uff Sontag den 24 Octobris, allhie ingeritten und durch die Herren von Bern, dessglichen durch dess durchleüchtigen hochgepornen Fürsten und Herren, hern Christoff, Pfaltzgraffen bey Rhein hoffmeister, harin geleytet, sich für ein Landtgraffen zuo Hessen ussgeben. Als aber er mit dem wapen so er im sygell gefürt, inn ein argwon kommen, das er nit mit rechten sachen umbgange, ist gfencklichen inn der herberg Zuor Cronen, zuo im gryffen,diewyl und aber er beharret das er ein Fryherr sige, hatt man in uff Mentag den ersten Novembris ditz 68 jars, mit gmeyner urphet gnediglichen wider ussglossen, dorby er ouch geschworen hatt, das er sich von statt und landt Basell hinweg thuon, und darin onerloupt, nit kommen solle. Niklaus Im Hoff Notarius subscripsit
Vortäuschung falscher Tatsachen
sich für ein Landtgraffen zuo Hessen ussgeben
Lienhart Erlibach der körbmacher
Uolin ° Lienhart Erlibach der körbmacherLienhart Erlibach kommt in anderen Urfehdeverfahren vor, siehe Urfehdeeinträge Küngolt Këntzig von Ballstall (fol. 97 verso) und Lienhart Erlibach der körbmacher (fol. 97 verso) für andere Urfehdeverfahren Die Herren Eerichter haben in inn gfenckniss legen lossen, und umb 10 lb gstrofft von wegen das er mit Küngolt Kentzig von Ballstall, inn sines nochburen huss Meister Heinrichen Schmidt dess glasers dienstmagtKüngolt Kentzig kommt in anderen Urfehdeverfahren vor, siehe Urfehdeeinträge Küngolt Këntzig von Ballstall (fol. 97 verso) und Samuel Brun der Wollweber (fol. 98 recto) für andere Urfehdeverfahren, onküschheit getryben, und als sy eines kindts schwanger worden, und im dasselb geben wellen, hatt ers nit wellen sonder vermeynt andere gsellen sigent ouch by iren glegen. Do aber er nützit bewysen können, dann das Samuel BrunSamuel Brun kommt in anderen Urfehdeverfahren vor, siehe Urfehdeeinträge Küngolt Këntzig von Ballstall (fol. 97 verso) und Samuel Brun der Wollweber (fol. 98 recto) für andere Urfehdeverfahren ein junger knab ouch by iren gsin, welcher aber anzeigt, das er im gewuncken er solle ouch kommen und by iren ligen, glycher gstallt er Peter Offner von Underwalden Meister Heinrichen dess glasers knecht angewysen, er solle iren pfyffen und sagen es sige der Lienhart do, welches bemelter Peter imme, als er zuo Lienharten inn die gfenckniss beschickt, under ougen anzeigt, und also dem kindt ein andren vatter wellen schaffen. Ist uff den heyligen Palm tag ditz 69 jars, gnediglichen wider ussglossen, hatt den innhallt gmeyner urphet dorby ouch geschworen, das er das kindt, zuo sinen handen nemmen dasselb versechen und versorgen wölle, er wüsse dann einen andren vatter darzestellen, das solle im vorbehalten sin. NiclaussIm Hoff Notarius subscripsit
Vortäuschung falscher Tatsachen
hatt ers nit wellen sonder vermeynt andere gsellen sigent ouch by iren glegen
Balthassar Müller der küffer burger
Uolin - 1 Brucker - 1 °Balthassar Müller der küffer burger alhie und °Barbell Brosj von Zurtzach Die Herren Eerichter habent sy beyde inn gfenckniss lossen legen, von wegen das Barbell Brosj im ein kindt wellen geben, und er gar nit gestendig, das er sy ye berürt habe. Nochdem und aber er inn der gfenckniss gychtig worden, sindt sy beyde uss der gfencknis glossen uff den 19 May ditz 69 jors, mit gmeyner urphet. Niclaus Im Hoff subscripsit
Vortäuschung falscher Tatsachen
von wegen das Barbell Brosj im ein kindt wellen geben, und er gar nit gestendig, das er sy ye berürt habe
Eva Wyss von Zürich , Thoman Germüller dess küblers frow
Uolin – 1 °Eva Wyss von Zürich , Thoman Germüller dess küblers frowEva Wyss kommt in einem früheren Urfehdeverfahren schon vor, siehe Urfehdeeintrag Eva Wyss von Zürich, Thoman Germüller dess küblers eefrow (fol. 101 recto). Demnoch und sy kürtzlichen ouch gfangen glegen, wie hievornen am fünfften platt gschriben stot, ettliches lynenen tuochshalb, das sy entwert sollte haben, da sy gar unschuldig sin wellen, und sich gar lëtz gstellt, es bescheche iren onrecht, hatt sich syder- har erfunden, das sy dasselb tuoch entwert, wie sy dann yetzt inn der gfenckniss, vor den Sibenherren, luter bekantlich gsin, sy habe das selb tuoch inn dry stuck zerhouwen, und inn Ryn geworffen. Ist uff Mittwochen den 27 Julij ditz 69 jars, mit + gmeyner urphet, gnediglichen wider ussglossen, und domit ernstlich gwarnet, wo sy sich wyther inn cleinem oder grossem übersechen werde sy irem verdienen noch gestrofft, oder aber von statt und landt verwysen. Niclauss Im Hoff Notarius subscripsit
Vortäuschung falscher Tatsachen
hatt sich syder- har erfunden, das sy dasselb tuoch entwert, wie sy dann yetzt inn der gfenckniss, vor den Sibenherren, luter bekantlich gsin, sy habe das selb tuoch inn dry stuck zerhouwen, und inn Ryn geworffen
Anna Schmidin
Spalen °Anna SchmidinNiklaus Im Hoffs Nachfolger Johann Strosser schreibt die Namen der Täter und Täterinnen als Marginalien neben die Einträge. Inn dem jar obstadt den 30ten Novembris ward uss miner Gnedigen Herren gefengcknus ussgelassen mit nammen Anna Schmidlin vonn Wentzwylen bürtig, die hatt sich eine zytt lang inn miner Gnedigen Herren statt uff dem Kolen berg entthallten, by derselben ein mans person gewonet under dem schyn, als der ir eheman gewesen, mitt welchen sy aber, noch christenlicher ordnung weder zu kirch noch stross gegangen, unnd sich sonst anderer mehr unredlicher sachen underzogen. Dernhalben ward iren und inn der urfecht fürgehallten, das sy ouch dz dem man anzuzeygen nit under lassen söllte, also, das sy beide uff das aller fürderlichest, so sy ettwas zuthun schuldig weren, das sy das ir, was sy alhie haben verckhouffen, unnd die schuld vorderer one alles verziechen bezallen, unnd fürtherhin weder inn miner Gnedigen Herren statt, landt noch gepiett, ohne erlouptnus miner Gnedigen Herren nit mehr khommen. Daruff ward iren der eydt geben uff jar und tag obstadt.
Vortäuschung falscher Tatsachen
by derselben ein mans person gewonet under dem schyn, als der ir eheman gewesen, mitt welchen sy aber, noch christenlicher ordnung weder zu kirch noch stross gegangen, unnd sich sonst anderer mehr unredlicher sachen underzogen