Hanns Zwilchenbart der mey ger
Meister Heinrich Hanns Zwilchenbart der mey ger , von wegen das er mitt sampt sinem gesellen uff Mentag nach dem Nüwen Jar zenacht, an der gerwer gassen, mitt ettlichen zeun friden worden. Desshalb in unser Gnädigen Herren gefangenschafft kommen und uff Samtstag den 26 tag Jenners Anno 64 mitt gemeiner urphet ussge lassen, dorby geschworenn dsz sig er uff einen ersamen Rhat was inen zeantwurt warten sollen
Weisung an anderes Gericht
er uff einen ersamen Rhat was inen zeantwurt warten sollen
Peter Schufelbul von Surse
Köferlj - 1 ° Peter Schufelbul von Surse . Demnach und er schultheiss zuo Sursee gsin, und schulden halb von dannen sich har inn ein statt Basell verfügt ein guote zyt sich inn der herberg Zuom Hirtzen erhalten, haben in die Herren von Lutzern und Surse, unser getrüw lieb Eydtgnossen, von wegen eerverletzlicher, schmütz und schmechworten, vor herren schultheiss vogt und Stattgericht alhie mit recht angelangt, und als der handell von einandren gesönndert worden, und her Niclaus Fleckenstein innammen der Herren von Lutzern, inn zevorderst berechtiget die clag zuo im gethon, dargegen er sin antwort geben, und sich vyl vermessen darzethuondt, und wie die kuntschafft und andere schrifften verhört, ist er überzüget worden, desshalben die urtel gepracht, das er 21 mann unrecht verbesseren solle, und darby den Herren von Lutzern, ein offnen wider ruoff thon, und sich bekannt hatt, das er solliche eerverletzliche wort, den Herren von Lutzern, erdichter fälschlicher wyss, on billichen zuogleyt, und uff sy mit züchten erlogen hab, er wüsse von inen nützit anders dann alle eer, liebs und guts, und nochdem er disen wideruoff erstattet, haben unser Gnedig Herren in sollicher siner misshandlung und frevelshalb inn gfenckniss gleyt. Diewyl und aber einer von Surse, ge nant Hanss Heinrich Rütimann , innammen sin selbs und anderer, gegen im, ouch umb recht angerufft, ist er uff Sambstag den letsten tag Merztens ditz 65 jars, mit nochvolgendem eydt, gnediglichen wider ussglossen, hatt den innhalt gmeyner urphet darby ouch geschworen, das er sich den nechsten inn die herberg Zuom Hirtzen (dahin er ouch begert hatt) verfügen, inn derselben herberg sich erhalten und nit ussschweyfen, sonder erwarten wann die von + Surse, im zuom rechten verkünden, das er von ein rechts tag zuom andren gehorsamlich erschynen inen red und antwort geben und vom rechten wider inn die herberg keren solle. Das er ouch alles das so mit urtell und recht erkant wirt erstatten. Und wann sich die rechtsfertigung geendet hatt, das er von der statt Basell, nit wychen solle, er habe dann sich vor und ee, mit unsren Gnedigen Herren, der fräflen und siner begangnen miss handlunghalb vertragen. Niclauss Im Hoff Notarius subscripsit
Weisung an anderes Gericht
sonder erwarten wann die von + Surse, im zuom rechten verkünden
Cunrat Keller von Richssen
Köferlj - 1 °Cunrat Keller von Richssen Demnach und er mercklich verschreyt, das er im keyserthuomb hochgwyldt schiesse, wie er dann gegen der regierung zuo Ensissheim, inn grossen ungnaden gestanden, und über die urphet so er zuo Ensissheim geschworen, hochgwyldt geschossen, desshalben die regierung den Herren zuo Müllhussen zuge schryben, und als er desselben innen worden, hatt er sich inn einem trogkarren hinweg füren lassen. Ist darumb ge fencklichen angnommen, und nochdem er durch die Sybenherren verhört, hatt man in uff Sambstag, den 15 des Septembris ditz 65 jars , mit gmeyner urphet gnediglichen wider ussglossen dorby er ouch geschworen , das er sich des dorffs Hüningen gentzlichen müssigen, und darin nit wandlen noch kommen solle, und sich der büchsen aller dingen abthuon, wie er dann sich selbs erpotten hatt. Und alsdann sin eefrow hie dient, solle er sy rüwig und onüberloffen lossen, er wolle dann mit iren husshalten das losse man beschechen. Niklaus Im Hoff Notarius subscripsit
Weisung an anderes Gericht
die regierung den Herren zuo Müllhussen zuge schryben
Joder Hertenstein der treyger
Köferlj - 1 °Joder Hertenstein der treygerJoder Hertenstein kommt in einem anderen Urfehdeverfahren vor, siehe Urfehdeeintrag Barbell Ortolff von Basell (fol 46 recto) für anderes Urfehdeverfahren. Die Herren Eerichterhaben in lossen inn gfenckniss legen von wegen, ob man by im erkundigen möchte, umb welche zyt er by Barblen OrtolffBarblen Ortolff kommt in einem anderen Urfehdeverfahren vor, siehe Urfehdeeintrag Barbell Ortolff von Basell (fol. 46 recto) für anderes Urfehdeverfahren, hieensyt geschriben, glegen. Diewyl er aber beharret das es uff Mentag noch Liechtmess gsin, wie er inn siner antwort hatt lossen infüren, ist er uff Sambstag den 6ten Octobris ditz 65 jors mit gmeiner urphet, gnediglichen wider ussglossen , und hiemit wider für das eegericht bescheyden. Niklaus Im Hoff Notarius subscripsit
Weisung an anderes Gericht
wider für das eegericht bescheyden
Uolrich Glintz von Mülen uss dem ° Turgow ein ackerknecht
Uolj-1Brucker-1 ° Uolrich Glintz von Mülen uss dem ° Turgow ein ackerknecht, und Küngolt Schuomacherj von Münchenstein Die Herren Eerichter haben sy beyde inn gfenckniss lossen legen, von wegen als Ulrich anzeigt, sy habe im die ee zuogseit, und er habe sy beschlofen, dessen aber sy im nit gestendig sin wellen. Nochdem und aber sy inn der gfenckniss sich bekennt das sy by im glegen habe aber im der eehalben nützit zuogseyt. Sindt sy beyde uff Mittwochen den 30 tag Jenners ditz 66 iars mit gmeyner urphet wider ussglossen, dorby sy ouch geschworen haben, das sy biss Zinstag nechstkünfftig wyther vor den herren Eerichtern erschynen, und der urtell erwarten sollenn. Niclauss Im Hoff Notarius subscripsit
Weisung an anderes Gericht
das sy biss Zinstag nechstkünfftig wyther vor den herren Eerichtern erschynen, und der urtell erwarten sollenn
Margreth Reinhartin von Lutzern
Uolin – 1 ° Margreth Reinhartin von LutzernMargreth Reinhartin kommt in anderen Urfehdeverfahren vor, siehe Urfehdeeintrag Mathias Meyger und Hans Ruodolff Müller beydt studenten von Basell (fol. 59 recto) und Isaac Gelthuser der student und Margreth Reinhartin von Lutzern (fol. 59 verso) für andere Urfehdeverfahren Die Herren Eerichter haben sy inn gfenckniss lossen legen, von wegen das sy Isaac Gelthusern dem studentenIssac Gelthusern kommt in einem anderen Urfehdeverfahren vor, siehe Urfehdeeintrag Isaac Gelthuser der student und Margreth Reinhartin von Lutzern (fol. 59 verso) für anderes Urfehdeverfahren ein kindt geben wollen, dessen sich bemelter Isac gewidert und anzeigt, das ander studenten och by iren glegen. Und nochdem sy inn der gfenckniss examiniert ist sy uff Fritag den 10 des May ditz 66 jors mit gmeyner urphet wider ussglossen, und wyther für das eegericht gewyssen. Niclaus Im Hoff Notarius subscripsit
Weisung an anderes Gericht
wyther für das eegericht gewyssen
Heinj Wysner
Uolin – 2 ° Heinj Wysner ° und Küngolt Schürch von Zyfen Die Herren Eerichter haben sy lossen inn gfenckniss legen, von wegen das sy im examen gar nit zesammen stymmen wollen, sonder sy anzeigt das er kuntschafft bestellen und dingen wellen, was er sagen solle, und nochdem sy gnuogsam verhört, sindt sy uff Donstag + den letsten Höwmonats ditz 67 jars, mit gmeyner urphet, wider ussglossen, und wyther für recht gewysen, die urtell zeentpfachen. Niklaus Im Hoff Notarius subscripsit
Weisung an anderes Gericht
und wyther für recht gewysen, die urtell zeentpfachen
Felix Brunschwyler der müller uss mindren ° Basell
Rorer - 1 Uolin- 1 ° Felix Brunschwyler der müller uss mindren ° Basellund Barbell Wagnerj von Telsperg. Felix Brunschwyler und Barbell Wagnerj kommen in einem anderen Urfehdeverfahren vor, siehe Urfehdeeintrag Felix Bruschwyler und Barbel Wagnerj von Telsperg (fol. 95 recto) für anderes Urfehdeverfahren Die Herren Eerichter haben sy beyde inn gfenckniss legen lossen von wegen das bemelte Barbell in der ee angesprochen und anzeigt er sige by iren glegen,dessen aber gedochter Felix gar nit geston wellen diewyl aber Felix inn der gfenckniss bekennt er sige by iren glegen sindt sy beide uff Donstag den 25 Novembris ditz 68 jars, mit gmeyner urphet, wider ussglossen, und wyther für recht gewyssen. Niklaus Im Hoff Notarius subscripsit
Weisung an anderes Gericht
wyther für recht gewyssen
Bastean Sotzin der crämer
Uolin - 1 Brucker - 2 °Bastean Sotzin der crämer °Benedict Sotzin der würt Zuom Storcken, und °Barthlome Rosalin der ferber Denmoch und sich Frantz Cattan der welsch ferber, vor unsren Gnedigen Herren erclagt, wie das bemellter Barthlin sich zuo im verdingt, das er in solte lernen die kunst dess ferbens, dorumb er im hundert und fünfftzig cronen versprochen. So haben sy in understanden umbzepringen, und habe im Bastean Sotzin ein gwer uff die brust gsetzt. Sindt sy all dry inn gfenckniss gleyt, und nochdem man die kuntschafft verhört, und sich by den zügen erfunden, das sy seltzam, mit dem ferber umbgangen, ist yeder umb 5 lb gsstrofft, und uff Fritag den ersten Aprilis anno 69 mit gmeyner urphet, gnediglichen wider ussglossen, und ist hiemit diser handell, welcher vermeint an den andren ansproch zehaben, für ein Ersam Statzgericht gewyssen. NiclaussIm Hoff Notarius subscripsit
Weisung an anderes Gericht
für ein Ersam Statzgericht gewyssen
Hans Hübscher von Bern der tischmacher
Brucker – 1Uoli – 1 °Hans Hübscher von Bern der tischmacher °und Barbell Dienenbergerj von Stein Die Herren Eerichter haben sy inn gfenckniss legen, und examinieren lassen, von wegen das sy schympflichen mit der ee umbgangen, und einandren nützit gstendig sin wellenn, sindt uff Donstag den 18 Augstmonats ditz 69 jars, mit gmeyner urphet gnediglichen wider ussglossen, und hiemit wider für recht gewysen, die urtell zeentpfachen. Niclaus Im Hoff Notariussubscripsit
Weisung an anderes Gericht
und hiemit wider für recht gewysen, die urtell zeentpfachen
Fridlj Mog von Hüttwyl
Ylidorffer – 1Uolin – 1 °Fridlj Mog von Hüttwyl Fridlj Mog kommt in einem späteren Urfehdeverfahren vor, siehe Urfehdeeintrag Fridlin Mog von Hüttwyl, der rebman (fol. 107 verso) für späteres Urfehdeverfahrenund °Adelj HabermännjAdelj Habermännj kommt in einem späteren Urfehdeverfahren vor, siehe Urfehdeeintrag Fridlin Mog von Hüttwyl, der rebman (fol. 107 verso) für späteres Urfehdeverfahren Die Herren Eerichtere haben sy, beyde inn gfenckniss legen lossen von wegen das bemelte Adelj, gedochten Fridlj der ee angsprochen er aber desselben nit gstendig sin wöllen, und ouch sonst, nit zesammen stymmen wellen. Nochdem und aber sy inn der gfenck niss + niss wie sich die sach verloffen, anzeigt, sindt sy beyde uff Donstag den 18 Augstmonats ditz 69 jors, mit gmeyner urphet wider ussglossen, und inen dorby anzeigt, das sy biss Zinstag nechstkomment, sich wider für recht stellen, und der urtell erwarten sollen. Niclauss Im Hoff Notariussubscripsit
Weisung an anderes Gericht
das sy biss Zinstag nechstkomment, sich wider für recht stellen, und der urtell erwarten sollen
Heinricus von Schorrenburg uss Geldren
Brucker – 1 Ylidorffer – 1 °Heinricus von Schorrenburg uss Geldren und °Iustinus Calcar von Wesell Alsdann diese zwen studenten, zuo einem doctorat mal, zuor Cronen geladen worden, haben sy sich dermassen mit wyn überladen das sy, mit züchten zehören denselben wider von inen geben, desshalben Her Rector und Decanj, sy inn gfenckniss legen lossen, und uff Mittwochen den 24 Augstmonats ditz 69 jors, mit gmey ner + ner urphet gnediglichen wider ussglossen, und inen dorby an zeigt das sy den nechsten zuo Herren Rector keren, und daselbst wytheren bescheidt entpfachen. Niclauss Im Hoff subscripsit
Weisung an anderes Gericht
das sy den nechsten zuo Herren Rector keren, und daselbst wytheren bescheidt entpfachen