Madlen Bäningerj, von Floch uss Zürich pieth
Thoubhüsslj-1 ° Madlen Bäningerj, von Floch uss Zürich pieth Demnach und disse frow vormalen ouch gfangen glegen, von wegen irer truckenheit und on ein urphet wider ussglossen, so hatt doch sy sich wenig dorab bessert, sonder hatt sich uff Sambstag verschynen abermals voll wins truncken, ir körblin am Kornmerckt nider gestellt, sich mit den hënden inn die syten gestützt, under die becken buoben kommen, die sy berëmpt, und am Kornmerckt umbher tantzet, desshalben sy ins Thoubhüsslin gleyt, und uff Mentag den 4 Hornungs ditz 66 jars, mit gmeyner urphet gnediglichen wider ussglossen und iren dorby anzeigt das sy ir stroff ziechen solle, wie sy dann den lüthen spynnt und yetzt bym Meyger zuo Arlissheim wont, dann wann sy sich wyther ubersechen, werde man iren eins zuom andren mëssen. Niclaus Im Hoff Notarius subscripsit
Spinnen
spynnt