Hansen Geiger
Barbel Gygery von Ober Gössgen hat iber ir vordrigen bericht, den Sybenherren anzeigt./.Aussage gehört zu Urfehdeeintrag Hans Meiger von Colm, sonst pürtig von Birmistorff uss Bern pieth, hatt uber sin vorgethone bekantnus veriehen (fol. 13 recto)Das sy Hansen Geiger irem man, nie kein gellt entlehnet noch geben, dann allein was sy selbs verdient habe sy im etwan gellt geben. Sy habe von dem mordt gar kein wissens ghept, biss iren anderleüth sollichs anzeigt. Er sige ein tag oder zween von iren hinweg gangen, und nochmalen umb bätt zitt, heim khomen vyl cronen und gellt brocht, und iren anzeigt sin bruoder habs imme gelichen, sy solle es behallten biss er etwan ein huss kouffe, sollich gellt, habe sy by 14 tagen im seckel tragen, bald darnach habe er Penthelin Löffler von Stüsslingen ein huss abkoufft und an einem Sontag habe Thurs Zur Matten, der vogt den weybel uss der kilchen berüfft, inn befrogt, was er für gellt ussgeben, und wie ire fründt dasselb inen worden und si befrogt, wannen har ime das Gellt komen, er gange mit letzen sachen umb, desglychen habe Joachim Kretz zuo Nider Endtfelden iro anzeigt, die hundert gulden, die er heim procht, die khommen im von dem, den er gemördet, und wie sy irem man sollichs furgehallten, das sage man von im, habe er geschworen, sy wolle daruff sterben, das sy vorhin nützit darumb gewusst. Vom sack mit korn habe sy gwüsst, noch dem ers heimprocht und iren dasselbig anzeigt, wo ers genomen, sy habe dz mël bachen, und wan sy im verwissen, womit er umbgang, worumb er nit bättle, habe er gseit loss mich sorgen, Ich wil wol zemülen überkhommen, du witt mich geschenden, syge böss über si gsin erhabe sy im kolgarten, mit einer schufflen übel geschlagen Wythers zeigt sy an, das er zu Kolliken, inn des zechenders huss, zwen erin häffen, gnomen, die habe er under die kripffen verborgen. Item so habe er ettlichen anckhen, und ein gerbte hutt heym procht, die habe er zu Ollten verkoufft Wann er heim khommen habe sy inn gepetten, er solle hinweg gon. Er habe vor einem jor zu Arow, alls sy nit mitt im wöllen gon, zuo iren gseit, würstu mir an einer Einödy ich will dir din suhleLesung unsicher machen, Sy habe nüt anderst gewüsst, dann er sige todt.
Siebnerherren
Sybenherren
Lienhart Wyss von Lasserra by Yverdon glegen, ein pflaster knecht
° Lienhart Wyss von Lasserra by Yverdon glegen, ein pflaster knechtAussage gehört zu Urfehdeeintrag Lienhart Wyss von Lasserra by Iverdon, ein pflaster knecht (fol. 69 recto) Hatt dissen bescheidt, den Sybenherren geben, er habe vor Johanniss ein guote zyt hie gewerckt es sigent zwen gsellen die er nit kennt, am merkt zu im kommen, und ein bur so tuoch ghept, die haben in uff den Kolenberg gfürt, und gsagt sy wolten spylen, doselbst sy mit einem gürtell gewettet, sy habent dem buren das tuoch nit gnommen, sonder der bur habe selbs gelt gesetzt zespylen. Ein welscher buob sige am Kornmerkt zuo im kommen, der habe im den seckell geben, und ettlich zalpfenning, den seckell habe er inn buosen gestossen, und nochmalen verloren sy haben dem buoren ein guldinen taler und zwen dick pfenning abgwonnen. Er habe sechs dick pfennig inn der erndt und im herpst verdient.
Siebnerherren
Sybenherren
Anna Trëfftz von Muttentz
Uolin – 1 ° Anna Trëfftz von MuttentzAnna Trëfftz kommt in einem anderen Urfehdeverfahren vor, siehe Urfehdeeintrag Stoffel Hodell von Aristorff (fol. 60 verso) für anderes Urfehdeverfahren Demnach und ir eeman vor joren hie gerichtet worden, und sy bisshar liederlichen hussgehalten, mit uffenthalt und sonst, innsonderheit diewyl sy mit irem vatter Stoffel HodellStoffel Hodell kommt in anderen Urfehdeverfahren vor, siehe Urfehdeeinträge Mergelin Trefftz, Stoffel Hodels zuo Muttentz eefrow (fol. 60 recto), Agtlj Trefftz von Muttentz (fol. 60 recto/ verso), Stoffel Hodell von Aristorff (fol. 60 verso) und Stoffel Hodell von Aristorff (fol. 73 recto) für andere Urfehdeverfahren obgenant grob unküsch sachen tryben, wie sollichs die gefasste kuntschafft usswysst. Ist sy gfencklichen harin gfürt, und nochdem sy durch die Syben verhört, hatt man sy mit gmeyner urphet gnediglichen wider ussglossen, dorby sy ouch geschworen, das sy sich von statt und landt Basell hinweg thuon, und darin onerloupt niemer mehr kommen solle. Niclauss Im Hoff Notarius subscripsit
Siebnerherren
Syben
Lienhart Wyss von Lasserra by Iverdon, ein pflaster knecht
Bylger - 1 ° Lienhart Wyss von Lasserra by Iverdon, ein pflaster knechtZu diesem Urfehdeeintrag gehört die Aussage Lienhart Wyss von Lasserra by Yverdon glegen, ein pflaster knecht (fol. 3 recto). Alsdann diser und sonst zwen frömbdt gsellen so entloffen, einen bursman so tuoch koufft uff den Kolenberg gfürt, doselbst mit im gespylt, und als der bur das gelt fürher thon, haben sy im das tuoch und das gellt gnommen. Desshalben diser ergriffen, und ingleyt und nochdem er besybnet worden, ist er uff Eintrag bricht hier ab
Siebnerherren
besybnet
Steffan Le Banne von Montinand by Troy uff der Chambangy glegen, by 16 joren alt
Rorer- 1 ° Steffan Le Banne von Montinand by Troy uff der Chambangy glegen, by 16 joren alt Alsdann Symon Müller von Alben Symon Müller kommt in anderen Urfehdeverfahren vor, siehe Urfehdeeinträge Symon Müller von Alben us Westerrich ein ackerknecht (fol. 89 recto), Barbell Stockerj von Rufach (fol. 89 recto) und Hans Herrlich von Gusy (fol. 89 recto) für andere Urfehdeverfahren, harnochgeschriben, inn der Schol ettlich tuoch entwert, und diser ouch Zuor Thannen im würtzhuss by im und siner gsellschafft znacht geessen, ist er mit demselben und siner gsellschafft gfencklichen angnommen, und nochdem er durch die Syben herren examiniert und verhört, und er anzeigt, das er von denselben gsellen nützit gwüsst, dann allein das sy in zuo einem tischmacher gschickt zeluogen, ob er inen ein laden gmacht, und als er inen die antwort procht, habent sy in heyssen zuo inen nyder sytzen, hatt man disen, mit gmeyner urphet, uff Mittwochen den nündten Brachmonats diss 68 jars, wider ledig glossen. Niclaus Im Hoff Notarius subscripsit
Siebnerherren
Syben herren
Adam Walder von Glattfelden
Brucker – 1 °Adam Walder von GlattfeldenAdam Walder kommt in einem anderen Urfehdeverfahren vor, siehe Urfehdeeintrag Hans Zschirard von Jenff, ein junger schumacher und Steffan Wyss von Anion, uss Franckrich (fol. 106 verso) für anderes Urfehdeverfahren Diewyl diser fünffzechenjeriger knab, so by Meister Cuonrat dem zapffengiesser seligen, das handtwerck sollen lernen, als er in aber gestrofft, ist er hinweg gloffen, sich zuo Sissach zuo zweyen frömbden welschen gesellet, mit denselben, gon Lausen ob Liechstall gangen do dann dieselben zwen, dem würt, über ein trog geprochen und ettlich gellt dorus entwert, ist diser uff einem pflumen boum gsessen, die zwen sine gsellen verhütet, dorumb sy ouch im für sinen theyl, by drü oder vier pfunden geben, wie er bekantlich gsin, desshalben er zuo Liechstall gfencklichen ergriffen, und harin gschickt, und als er zwen angeben, was sine gsellen für cleydung anghept, sindt zwen harnochgemellt gfencklichen angnomen. Nochdem und aber er durch die Sybenherren verhört, und die zwen onschuldig geben, das es nit die rechten sigen, habent unser Gnedig Herren, disen umb siner jugent willen, gnediglichen wider ussglossen, hatt den innhallt gmeyner urphet, dorby ouch geschworen, das er sich von statt und landt Basell hinweg thuon, und dorin onerloupt nit kommen solle, by peen dess halsysens und der ruoten. Niclaus Im Hoff Notarius subscripsit
Siebnerherren
Sybenherren
Melchior Renner der setzer
° Melchior Renner der setzerMelchior Renner kommt in anderen Urfehdeverfahren vor, siehe Urfehdeeinträge Melchior Renner der setzer (fol. 7 recto/ verso) und Melchior Reimer der setzer (fol. 58 verso) für andere Urfehdeverfahren Demnach und er sine vordrigen urphet übersechen sin eefrowen übel haltet, und ein sollich unfur, mit schlachen und stossen anghept, das die nochburen siner eefrowen müssen ze hilfff kommen, und sonst gar liederlichen husshaltet, ouch mit siner dienst magt sich inn unküschheyt, begeben, ist er inn gfeckniss gleyt, durch die Sybenherren verhört und uff Sambstag den 4 Septembris ditz 63 jors, gnediglichen wider ussglossen, hatt den innhallt gmeyner urphet, dorby ouch geschworen, das er sine vordrigen urpheten, stet und vest halten, all zünft und gsellschaften myden, sin eefrowen weder schlachen noch stossen, sonder sy für lieb und wert halten solle, Mit dem anhang wo er inn einem oder mer articklen sine urpheten (die im vorgelessen worden) übertretten, werde man inn, in Wasserthurn legen, mit muoss wasser und brot spyssen, so lang und vyl, biss er zam wirt Niclauss Im Hoff Notarius subscripsit
Siebnerherren
Sybenherren
Josue Peter der schürlitzweber
° Josue Peter der schürlitzweberJosue Peter kommt in anderen Urfehdeverfahren vor, siehe Urfehdeeinträge Peter Zweybrucker der wollweber (fol. 11 recto) und Josue Petrj der schürlitz weber (fol. 20 verso) für andere Urfehdeverfahren Demnach und den bürgeren by nechtlicher wyl, das ir umbgestossen, der welsch Michlerj ein karren inn brunnen gworfen, ettlich züber uff dem obren Byrsich, darinnen hembder gsin umbgstossen, ouch ein gartenhüssli bym Margstal umbkert worden, ist disser derselben dingen merglichen verschreyt, innsonderheit diewyl er kurtzlichen, by zweyen lerman gsin inn Sant Johans Vorstat und Eschamer Vorstat zuckt, und inn die stein gehouwen, ist er mit gfenckniss des Wasserthurns gestrofft und nochdem er durch die Sybenherren verhort, hatt man in uff Sambstag den 13 Novembris ditz 63ten jors, mit gmeyner urphet, gnediglichen wider ussglossen, dorby er ouch geschworen hatt, das er all zünfft und gsellschaften, würtz, wyn und kochshüser myden und sich allein siner zunfft gepruchen, darzu kein gwer, weder tags noch nachts by noch an im tragen solle, dann allein ein abprochen brotmesser, dessglichen weder mit würfflen noch karten, spylen, sonder aller spylen sich genzlichen müssigen und abthuon solle. Niclauss Im Hoff Notarius subscripsit
Siebnerherren
Sybenherren
Jerg Müller von Jussileque by Coppet glegen ein pflaster knecht
Uolj - 1 Brucker - 2 Wilhelm Mye von Scherma by Murten glegen °Jerg Müller von Jussileque by Coppet glegen ein pflaster knecht und Hanss Keller von °der Nüwenstatt diewyl dise dry jung starck landtstrycher zuo Wensslingen inn Varnspurger Ampt gsessen, zefüllen und zetempffenn, Gott übell glestert, und doselbst einem ein wollen tuoch entwert und ein eeriner haffen ins höw verborgen worden, ist bemelter + Wilhelm, desselben diebstals gezygen und das sy den lüthen tröwt sollen haben, desshalben sy gfencklichen angnommen, und nochdem sy acht tag zuo Varnspurg, und hie achtzechen tag glegen, durch die Sybenherren verhört, und sy der sachen, nit gstendig sin wellen, wiewol Wilhelm im huss solle funden sin, sindt sy all dry uff Mittwochen den 12 Howmonats ditz 64 jors mit gmeyner urphet gnediglichen wider ussglossen, habent dorby ouch sampt und sonders geschworen, das sy sich von statt und landt Basell hinweg thuon, und darin onerloupt niemer mer kommen sollen, by peen des schwerts. Niclauss Im Hoff Notarius subscripsit
Siebnerherren
Sybenherren
Verena Rosenplattin von Basell, genant die hinckechtige Fren
Uolj - 1 °Verena Rosenplattin von Basell, genant die hinckechtige Fren Demnoch und dise frouw sich zuo Hüningen und Blotzheim enthalten, ist sy durch ein unholdin so zuo Lanser inn gfenckniss ligt, angeben worden, das sy by iren uff Brattelen matten gsin sige. Desshalben sy gfencklichen angnommen und nochdem sy ettliche mal durch die Sibenherren verhört und sy beharret, das sy den todt lyden welle, das man iren unrecht thuge, ist sy uff Mittwochen den 12ten tag Höwmonats ditz 64 jors mit gmeyner urphet wider ledig glossenn, und iren anzeigt das sy sich frombklichen und wol halten solle. Niclaus Im Hoff Notarius subscripsit
Siebnerherren
Sibenherren
Claus Koch von Wockerswyl ob Frowenfeldt uss dem Thurgouw
Köferlj - 1 Toubhüslj - 1 °Claus Koch von Wockerswyl ob Frowenfeldt uss dem Thurgouw und Susanna Sorgerj °sin eefrouw. Demnach und sy beyde inn irem huss Anna Biebin genant SchlacherinAnna Biebin genant Schlacherin kommt in anderen Urfehdeverfahren vor, siehe Urfehdeeinträge Peter vom Ryet der stattknecht (fol. 15 recto), Anna Biebin genant Schlacherin (fol. 15 verso) und Barbell Bart Clausen Schwertzig des huotmachers eefrow (fol. 16 recto) für andere Urfehdeverfahren, uffenthallt geben, frü und spot by inen zeren und prassen lossen, do bemelter Claus wyn zuoher tragenn, und sich füllen lossen, das er wie ein onvernünfftig thier do glegen, Gott geb, was darneben für bübery fürgangen, sindt sy beyde inn gfenckniss gleyt, und noch dem sy durch die Sybenherren verhört, hatt man sy uff Mittwochen den 19 des tag höwmonats ditz 64 jors gnediglichen wider ussglossen habent den innhalt gmeyner urphet dorby ouch geschworen das sy sich beyde mit iren kinden, uff das fürderlichst von statt und landt Basell hinweg thuon, und darin onerloupt nit wider kommen sollen. Niclauss Im Hoff Notarius subscripsit
Siebnerherren
Sybenherren
Barbell Bart Clausen Schwertzig des huotmachers eefrow.
Uolj - 1 °Barbell Bart Clausen Schwertzig des huotmachers eefrow. Demnach und sy inn des hieensyt gemelten Claussen KochClauss Koch kommt in einem anderen Urfehdeverfahren vor, siehe Urfehdeeintrag Claus Koch von Wockerswyl ob Frowenfeldt uss dem Thurgouw und Susanna Sorgerj sin eefrouw (fol. 15 verso) für anderes Urfehdeverfahren, dess bruckknechts huss, ir wonung ghept, ist sy gfencklichen angnommen, als ob sy derselben argwenigen sachen ouch ein wüssens trüge, nochdem und aber sy durch die Syben Herren befrogt, und sy iren bericht geben, das Anna SchlacherinAnna Schlacherin kommt in anderen Urfehdeverfahren vor, siehe Urfehdeeinträge Peter vom Ryet der stattknecht (fol. 15 recto), Claus Koch von Wockerswyl ob Frowenfeldt uss dem Thurgouw und Susanna Sorgerj sin eefrouw (fol. 15 verso) und Anna Biebin genant Schlacherin (fol. 15 verso) für andere Urfehdeverfahren sy wol uffgewyssen, sy habe aber iren nie gefolgt noch ettwas böses gethon, hatt man sy uff Sambstag den 22ten Höwmonats ditz 64 jars mit gmeyner urphet gnediglichen wider ussglossen und iren darby anzeigt, das sy sich hinfürt dermossen halten und tragen solle, das man kein uneer von iren erfare. Niclauss Im Hoff Notarius subscripsit
Siebnerherren
Syben Herren
Luedj Ritter von Grollei Fryburger pieth uss Üchtland
Uolj - 1 ° Luedj Ritter von Grollei Fryburger pieth uss Üchtland Demnach und er ein jor oder 15 zuo Benken hussheblichen gsessen liederlichen und übell hussgehalten, das sin mit kriegen und sonst verthon, also das man sine kinder bevögten müssen, ist ouch von ettlichen von Benken verclagt worden das er ein ross solte entwert haben, und noch ein eefrowen gnommen solte han, und darzuo Jocoben Günthart genant Friess, siner kinden vogt tröwt er wellte im ein roten hanen uffs huss setzen, und wo er im nit möge werden welle er luogen das im ein flügel vom lyb gehauwen werde, desshalben er von Münchenstein gfencklicken harin geschickt, durch die Syben Herren verhört, als er aber solicher sachen nit anred noch bekantlich sin wellen, ist er uff Donstag den 19 Octobris ditz 64 iars mit gmeyner urphet gnediglichen wider usglossen, hatt darby ouch geschworen, das er sich uff das fürderlichst fünff myl wegs schyben wyss von statt und landt Basell hinweg thuon und darin onerloupt, nit wider kommen noch sich finden lossen solle. Niclauss Im Hoff Notarius subscripsit
Siebnerherren
Syben Herren
Cuonrat Müller von Zofingen zuo Grossen Hüningen sesshafft.
° Cuonrat Müller von Zofingen zuo Grossen Hüningen sesshafft. Demnach und er vor ettlichen jaren, Gladj Falkysen selig, dem schmidt bym spittal, ysen procht, die er Bernharten Stehelin ab den redern gschlagen, und syderhar sich gantz argwenig ge halten, das die von Hüningen und Merckt sich erclagen, das sy ir holtz verlieren, das diser ander lüthen zekouffen gebe, wie er dann ouch den würt Zuor Cronen zwey thusent wellen, die nit sin, sonder Jocoben Byrloffs zuo Hüningen gsin, zekouffen geben, doruff diser 14 lb vom würt entpfangen doran im aber nit mer dann 2c wellen worden, wiewol ers seltzam verstrychen hatt wellen. Desshalben er inn gfenck niss gleyt, und uff Mittwochen den 25 Octobris ditz 64 jars noch dem er durch die Syben Herren verhört worden, gnediglichen + wider ussglossen, hatt den innhalt gmeyner urphet, dorby ouch geschworen, das er den würt Zuor Cronen zuo friden stellen, welle, und wann man im wyther biethen wirt, das er gehorsamlich erschynen solle. Niclauss Im Hoff Notarius subscripsit
Siebnerherren
Syben Herren
Peter Rietschj der gygenmacher
Köferlj - 1 ° Peter Rietschj der gygenmacher Peter Rietschj kommt in einem anderen Urfehdeverfahren vor, siehe Urfehdeeintrag Martin Sprëng der trummenschlacher (fol. 22 recto) für anderes Urfehdeverfahren Demnach er und Martin Spreng der trummenschlacherMartin Spreng kommt in einem anderen Urfehdeverfahren vor, siehe Urfehdeeintrag Martin Sprëng der trummenschlacher (fol. 22 recto) für anderes Urfehdeverfahren, by nacht die Schnyder gassen uff gangen, und der tischmacher, gegen der Genss über, vor inen anhin gangen, und einer under inen gsagt, do godt der Schwartz Zwerg. Also das der tisch macher mit worten an sy kommen, und mit einem hobel den trummenschlacher geworffen, das er an der gassen glegen, und man nit anderst gmeynt dann er sige todt, und diewyl inn den der bemelt gygenmacher ein rappier erwütscht, so des trummenschlachers gsin, und gegen den tischmacher zuom huss inhin noch gehouwen, und ouch sonst übel husshaltet Anno 1566 den 23. Sept. ward uf Peter Dietschis des gigenmachers un dertänigs piten, erkant und ime dz gwertLesung unsicher sin ee ren Zunft, desglichen beder schützengeselschafften so er mit andern burgern schiessen will, widerumb erlaupt und zuglassen ⊕ ⊕ + mit dem underscheidt das er sich des Spilenz müssigen solle Substitut subscripsit Gott lestert, und wider sin vordrige urphet nachts uff der gassen umbher zücht, ist er inn gfenckniss gleyt und als er für der tischmachers huss gfürt worden, hatt diser geredt, er liege wie ein schelm und dieb, nochdem und aber er durch die Syben Herren verhört, hatt man in uff Mittwoch den ersten Novembris ditz 64. jars mit gmeyner urphet gnediglichen wider ussglossen, dorby er ouch geschworen, das er all zünfft und gsellschaften, würtz wyn und kochs hüser, ouch die Schützenmatten und den platz myden, ninen anderswo dann doheymen inn sinem huss essen und trincken solle, und darzuo weder tags noch nachts kein gwer by noch an im tragen solle, dann allein ein abbrochen brotmesser ouch sine vordrigen urpheten stet und vest halten solle hiemit er ouch sich bekannt hatt, das er vom tischmacher nützit anders dann alle eer, liebs und guots wüsse, doch so er vermeyne, ettwas ansprach an den tischmacher zehaben, so möge er gegen imme das recht bruchen. Mit dem anhang wo er disen eydt übertretten, werde man inn von statt und landt Basell verwyssen. Niclaus Im Hoff Notarius subscripsit
Siebnerherren
Syben Herren
Hans Oltinger der huofschmidt.
Uolj - 1 ° Hans Oltinger der huofschmidt. Alsdann Caspar der stattknecht inn verruckten jaren by nacht, inn einen schenckell verwundet worden, und diser inn kurtzen tagen uff dem Richthus im Stüblj gsessen, und an bemelten Caspar geroten, wenn er im sin rebmesser wider gebe, wie im wäre, wenn er im die wynstrass wyther gmacht hätte, und damit im tröwt, habe den andren schenkell ouch zerverletzen, dessen dann sich der stattknecht vor unsren Gnedigen Herren erclagt, ist dardurch in argwon uff bemelten Hans Oltinger gfallen als ob er nit wyth darvon gsin sige, wie der stattknecht gschediget, desshalben er umb diser und anderer ursachen wegen, das er sin vor vordrige urphet, gar wenig ghalten inn gfenckniss gleyt, und uff Mittwochen den ersten Novembris ditz 64 jors nochdem er durch die Sybenherren verhört, gnediglichen wider ussglassen, hatt den Innhalt gmeyner urphet dorby ouch geschworen, das er all zünfft und gsellschafften würtz, wyn und kochshüser myden kein gwer by noch an im tragen, sonder sin urphet stet und vest halten solle, mit der ernstlichen vermanung, wo er sin vordriger urphet, inn einem oder andren articklen übertretten, werde er on alle gnad von statt und landt Basel verwyssen. Niclaus Im Hoff Notarius subscripsit
Siebnerherren
Sybenherren
Gladj Ror von Roll, ein kannengiesser
Köferlj - 1 ° Gladj Ror von Roll, ein kannengiesser Gladj Ror kommt in einem anderen Urfehdeverfahren vor, siehe Urfehdeeintrag Gladj Schwarz von Oumon uss einem dorff by Losanna (fol. 26 recto) für anderes Urfehdeverfahren Demnach zuo Rynnenberg ein spycher uffgeprochen worden, und by disem 24 ellen tuoch, vier ellen zwilch funden, ist er gfencklichen angnommen, als er aber duch die Syben Herren examiniert und diser anzeigt als er von Sissach gon Liechstall wellen gon, habe er solche stuck, einem jungen gsellen uss Burgundt, so ein frowen by im ghept, under einem nussbaum abkoufft, hatt man in mit gmeyner urphet gnediglichen wider ussglossen, uff Sampstag den 26 Jenners ditz 65 jarsFehler seitens des Schreibers, korrekt wäre Samstag 27. Januar 1565., dorby er ouch geschworen, das er sich von statt und landt Basell hinweg thun, und dorin oner loupt nit kommen solle, oder man werde im sin recht ergon lassen. Niclauss Im Hoff Notarius subscripsit
Siebnerherren
Syben Herren
Gladj Schwarz von Oumon uss einem dorff by Losanna
Köferlj - 1 ° Gladj Schwarz von Oumon uss einem dorff by Losanna Alsdann zu Rynnenberg ein spycher ufgeprochen worden und einer genant Gladj Ror von RollGladj Ror von Roll kommt in einem anderen Urfehdeverfahren vor, siehe Urfehdeeintrag Gladj Ror von Roll, ein kannengiesser (fol. 26 recto) für anderes Urfehdeverfahren, gfencklichen angnommen, und diser gsellschafft zu im ghept, und demselben zween dick pfennig gelychen, ist er ouch inn gfenckniss gleyt. Nochdem er aber durch die Syben Herren examiniert, hatt man in uff Sambstag den 27 Jenners ditz 65 jars, mit gmeyner urphet gnediglichen wider ledig glossen, hat darby ouch geschworen, das er sich von statt und landt Basell hinweg thun und darin onerloupt niemermer kommen solle. Niclaus Im Hoff Notarius subscripsit
Siebnerherren
Syben Herren
Dietrich Dietz von Moltzen by Schlettstatt, ein haffner.
Köferlj - 1 ° Dietrich Dietz von Moltzen by Schlettstatt, ein haffner. Alsdann ettlich seckell abgehowen worden, und dieser umb einandren müssig gangen, ist er by der andren Brotlouben, gfenklichen angnommen, und nochdem er durch die Syben Herren verhört, er aber onschuldig erfunden, hatt man in uff Mentag den 7ten Hornungs ditz 65 jars, mit gmeyner urphet gnediglichen wider ledig glossen, und im darby anzeigt, das er sinem handtwerck nochziechen möge, und böser gesellschafft müssig gon solle. Niclaus Im Hoff Notarius subscripsit
Siebnerherren
Syben Herren
Heinrich Schuoler von Bonfold by Bruntrut ein tröscher
Brucker - 2 Uolj - 1 ° Heinrich Schuoler von Bonfold by Bruntrut ein tröscher ° Hans Horhans von Rystatt ein myl under Strasburg glegen , ein zieglinknecht , und ° Michel Hans von Lor uss Burgundt ein tröscher Alsdann diser zyt, den wybren vyl seckell abgehouwen werden, und sy hie umb einandren müssig zogen, sindt sy inn ein argwon gfallen, desshalben sy gfencklichen angnommen nochdem und aber sy durch die Syben Herren verhört worden und onschuldig erfunden, sindt sy uff Mittwoch den 14 Hor nungs ditz 65 jors, mit gmeyner urphet die sy sampt und sonders geschworen wider ledig glossen, und inen anzeigt, das sy wercken sollen und sich vor böser gesellschafft hüten. Niclauss Im Hoff Notarius subscripsit
Siebnerherren
Syben Herren
Heinrich Eschger von Gaysigen under Bruck glegen, ein taglöner
Brucker - 1 ° Heinrich Eschger von Gaysigen under Bruck glegen, ein taglöner Alsdann denen von Muttentz inn die kylchen geprochen und vyl darus entwert und gestolen, ist diser umb und by einem gwont, genant Thenge Claus Faller von Sanse Thenge Claus kommt in einem anderen Urfehdeverfahren vor, siehe Urfehdeeintrag Thengj Claus Faller von Sanse hinder Sant Politen gelegen, ein taglöner (fol. 30 recto) für anderes Urfehdeverfahren, zenechst hievor am andren platt geschriben, der sollicher sachenhalb im argwon gsin, desshlaben diser ouch ingleyt. Nochdem und aber er besibnet und verhört, und man erkundiget das er hie gewerckt, und sin on schuldt gehört, ist er uff Sambstag den 17 Martij anno 65 mitgmeyner urphet gnediglichen wider ussglossen, und im darby an zeigt das er sich vor böser gsellschafft hüten solle. Niclauss Im Hoff Notarius subscripsit
Siebnerherren
besibnet
Thengj Claus Faller von Sanse hinder Sant Politen gelegen, ein taglöner
Köferlj - 1 ° Thengj Claus Faller von Sanse hinder Sant Politen gelegen, ein taglöner Thengj Claus kommt in einem anderen Urfehdeverfahren vor, siehe Urfehdeeintrag Heinrich Eschger von Gaysigen under Bruck glegen, ein taglöner (fol. 31 verso) für anderes Urfedeverfahren Demnach und er vor einem jar diebstalshalb gfangen glegen, und von statt und landt Basell by peen der schwerts ver wyssen, ist er über denselben eydt, frefenlich onerloupt wider harin kommen, und als denen von Muttentz inn die kilchen geprochen worden ist der argwon uff inn gfallen. Desshalben er gfencklichen angnommen und nochdem er besybnet, hat man in uff Sambstag den 24 Martij anno 65, gnediglichen wider uss glossen, hatt den innhalt gmeyner urphet dorby ouch geschworen das er sich den nechsten von statt und landt Basell hin weg thuon und darin onerloupt niemer mer kommen noch sich finden lossen solle. Dann im mit allem ernst anzeigt, wo er über disen eydt betretten, werde man in den nochsten inn Esel thurn legen, und on einiche wythere berechtigung dem nochrichter an die handt geben, der in uff die Walldtstatt füren und mit dem schwert vom leben zum todt richten werde. Niclauss Im Hoff Notarius subscripsit
Siebnerherren
besybnet
Danit Mütt von Bern ein schuomacher und taglöner
Brucker - 1 ° Danit Mütt von Bern ein schuomacher und taglöner Demnach und er sich zuo einem kessler von Lutzern, genant Cuonrat, zuo Brattelen gesellet, ein moss wyn mit im truncken, + und darnoch zuo Fülistorff im geholffen ein spycher uffbrechen, daruss sy käss, ancken, wyn und brot entwert, ist er gfencklichen an gnommen, durch die Sybenherren verhört, 32 tag gfangen glegen, und nochmalen uff Mentag den 14 May ditz 65 jors mit gmeyner urphet gnediglichen wider ussglossen, hatt darby ouch geschworen, dass er sich von statt und landt Basell hinweg thuon, und onerloupt nit wider harin kommen solle, dann wo er über disen eydt ergriffen, werde man im ein lybs stroff anthuon, die im zeschwer sin werde. Niclauss Im Hoff Notarius subscripsit
Siebnerherren
durch die Sybenherren verhört
Andres Bya von Yverdon
Uolin - 1 Köferlj – 1 ° Andres Bya von Yverdon und Ludj Meyger ° von Burtolff sin schweher, beydt crämer Demnoch und sy zuo Laussen gfencklichen angnommen, von wegen das by inen ein guoter theyl sylbers, so von monstrantzen kompt, ge funden worden, so den Herren von Zug, uss der kylchen gestolen, sindt sy, nochdem sy, durch die Sybenherren verhört, und ge melten Andres Bya, wie ers ettlichen crëmeren zuo Sant Bollenoris und Knöringen, gegen gewürtz, abtuschet, bericht geben, wiewol im sollichs gedochter sin schweher gewert, gnediglichen wider ussglossen, uff Mittwochen den 13 des Brochmonats ditz 65 jors, habent sampt und sonders, den innhalt gmeyner urphet, dorby ouch geschworen, das sy inn acht oder zechen tagen, den costen so uff sy und ire wyber hie und zuo zuo Liestal gangen, der sich by 20 gulden trifft, erlegen, und dannenthin statt und landt Basell myden, und dorin onerlaupt nit kommen sollen, by einer schweren lybsstroff. Niklaus Im Hoff Notarius subscripsit
Siebnerherren
Sybenherren
Andres Morant von Sulie, ein myl enet dem Jenffer See glegen ein friess
Köferlj - 1 ° Andres Morant von Sulie, ein myl enet dem Jenffer See glegen ein friess Demnoch und er einer frowen zuo Riehen, ein moss wyn koufft und nochmalen vermeynt sy solle mit im sines pfadts gon, als er aber die buren in gfatzt und die frowen nebent sich gwyssen hatt er über sy zuckt. Desshalben er gfencklichen angnommen, nochdem er aber durch die Sybenherren verhört, und man erfindt, dz er nit vast witzig. Ist er uff Sambstag den 16 Brachmonats ditz 65 jors, mit gmeyner urphet wider ledig glossen, und im durch Petern den crämer by Spalen thor, der mit im welsch geredt, anzeigt, as er Doctor Micheln, zuo Otlicken wercken möge, und hinfürter sich anderst halten solle. Niclaus Im Hoff Notarius subscripsit
Siebnerherren
Sybenherren
Anthengj Nackart von Milcort uss Lothoring ein crämer
Brucker - 1 ° Anthengj Nackart von Milcort uss Lothoring ein crämer, 6 myl von Sant Niclaus port glegen. Demnoch und er dry tag inn der herberg Zuom Wyldenmann glegen, und er dem fenster entschlofen, und sich erclagt es sige im der seckell uss den hossen gnommen dorinnen er acht cronen ghept, + ist das volck im huss über in geroten und in geschlagen, also ist er inn das kochshuss Zuom Rösslj kommen. Als aber dem würt Zuom Wildenmann ettlich gellt entwert und gestolen worden, und diser dieselb nacht nit Zuom Rösslj glegen. Und dorzuo ouch ein redt vom würt Zuom Wildenman von Beffort und sonst einem so uff Jacoben von Brunns des tuochmans hochzyt hie gsin, und Zuom Nüwenhuss disem sin huot genommen und im ein paret glossen, entstanden wie das dieser zuo Thann ettlich silber becher und zuo Beffort ein ross entwert habe. Desshalben ein argwon uff in gfallen und gfencklichen angnommen, und nochdem er zwölff tag und necht glegen, durch die Sybenherren examiniert und verhört und er bericht geben, er sige by einem corrector glegen, und diesselb nacht uff dem höw Zuom Rösslj glegen ist er uff Mittwochen den 27 Brochmonats ditz 65 jors mit gmeyner urphet gnediglichen wider ussglossen, hatt dorby ouch geschworen, das er sich von statt und landt Basell hinweg thuon, und onerloupt nit wider harin kommen solle. Niclaus Im Hoff Notarius subscripsit
Siebnerherren
Sybenherren
Bastean Strübj von Nider Büren Sant Gallen pieth der hussknecht Zuom Wildenmann
Köferlj - 1 Brucker - 1 ° Bastean Strübj von Nider Büren Sant Gallen pieth der hussknecht Zuom Wildenmann ° und Jacobe Hugin von der Nüwenstatt sin eefrow, die under jungfrow Zuom Storcken Demnoch dem würt Zuom Wildenman ettlich gelt entwert worden und die bemelt Jacobe, dieselb nacht, Zuom Wildenman übernacht glegen, und morndes frü uss dem huss kommen, das weder der würt noch die würtin nit gwüsst wie sy dorus kommen. Sindt sy beyde inn ein argwon gfallen, und desshalben inn gfenckniss gleyt. Nochdem und aber sy durch die Sybenherren verhört, hatt man sy uff Mentag den nündten Höwmonats ditz 65 jors mit gmeyner urphet, die sy sampt und sonders geschworen, wider ledig glossen, und als bemelter Bastean diser sachenhalb brieflichen schyn begert ist im anzeigt, wann in yemants hierüber schelten, werde er allwegen bescheidt überkommen. Niclaus Im Hoff Notarius subscripsit
Siebnerherren
Sybenherren
Jerg Sutinger von Art ein senn
Köferlj - 1 Uolj – 1 Brucker – 1 ° Jerg Sutinger von Art ein senn, Hans Fry von Wyrj ° uss der vogty Thernie hinter Jenff glegen Berner pieth, ein rytknecht und taglöner, und Peter ° Fry von Losanna ein crëmer, Demnach dise dry, von Bynningen kommen, doselbst zert, und als der würt gsächen, das sy gnuog geessen und truncken, und inen die ürten gemacht, haben sy den würt wellen trëngen und zwëngen, der er inen mer wyns solte geben, + und wiewol der würt sy mit guoten worten wellen abwysen haben sy umb dasselb nützit geben wellen, sonder bösen be scheydt geben, doruff ouch bemelter Peter Fry, dem würt den meygen abgehouwen, imselben sy mit den buren oneins worden, das sy über einandren zückt, und gemelter Peter Fry inn der rechten hand übel verwundet worden, als ouch die buren sy die stëgen abtryben, haben dise dry, unden uffhin zwüschen den tylen, mit plossen gweren, gegen denen so uff der louben gsin, gestochen, und ein sollich ongebürlich leben ghept, das sy gfencklichen gon Münchenstein und nochmalen harin gefürt worden, und als hinder Jerg Sutinger ein messer uff sinem tegen gefunden, so am Frytag darvor, einer frowen abgehouwen worden, er ouch ettlich dickpfennig und gold by im ghept, sindt sy besybnet und verhört, als aber ge dochter Jerg Sutinger beharret, das er sollich messer, einem frömbden gsellen abtuschet, hatt man yedem 10 lb. zuor stroff uffgleyt, und sy uff Mentag den 16 des Höwmonats ditz 65 jors gnediglichen wider ussglossen, habent sampt und sonders den innhalt gmeyner urphet, dorby ouch geschworen, das sy sich von statt und landt Basell hinweg thuon, und darin onerloupt nit kommen sollen, dessglichen das sy inn dryen monaten nechstkünfftig die bemelt stroff unseren Gnedigen Herren überlyferen und ussrichten sollen, doch ist zewüssen das Jerg Sutinger sin stroff, und darzuo sin und siner gsellen thurnlösj, und atzung, ouch die freffell zu Bynningen und den scherer lon, so alles zesamen 37 lb 10 ß und 4 d getroffen, uffgericht bezalt hatt. Niclaus Im Hoff Notarius subscripsit
Siebnerherren
besybnet
Peter Thür kouff der metzger
Brucker - 1 ° Peter Thür kouff der metzgerPeter Thürkouff kommt in einem anderen Urfehdeverfahren vor, siehe Urfehdeeintrag Hans Wilhelm Vogler der alt würt Zuor Gylgj (fol. 40 verso) für anderes Urfehdeverfahren Als dann unssren Gnedigen Herren, durch herren schultheiss und ein Ersamen Rhat zuo Liechstall zuogeschriben, das er und Hans Wilhelm Vogler inn den hochwelden, gewyldt schiessen, und das man sy zwey stuck über den Hülfften habe gsechen tragen. Ist er by gemeltem Hanss Wilhelmen zuo Hüningen ergriffen, und gfengcklichen harin gfürt. Und nochdem er durch die Syben Herren verhört, hatt man in uff Mittwoch den 15 des Augst monats ditz 65 jors, mit gmeyner urphet gnediglichen wider uss glossen, darby er ouch geschworen, das er sich der büchsen und dess schiessens abthuon und nit underwynden, sonder sinem handt werckh nochgon, sinem vatter und sinen fründen gehorsam sin solle. Niclaus Im Hoff Not[ariu]s s[ub]s[crip]s[it]
Siebnerherren
Syben Herren
Hans Wilhelm Vogler der alt würt Zuor Gylgj
Köferlj - 1 °Hans Wilhelm Vogler der alt würt Zuor Gylgj Alsdann er inn der Hardt und inn unserer Gnedigen Herren hochwëlden gewyldt geschossen, wie dann er und Peter Thür kouff der metzgerPeter Thürkouff kommt in einem anderen Urfehdeverfahren vor, siehe Urfehdeeintrag Peter Thürkouff der metzger (fol. 40 recto) für anderes Urfehdeverfahren, zwey stuck über den Hülfften getragen, dorumb dann unssren Gnedigen Herren von herren schultheiss und rhat zuo Liechstall zuogeschrieben. Ist er zuo Hüningen ergryffen und gfencklichen harin gfürt, und nochdem er durch die Syben Herren verhört worden, hatt man in uff Mittwochen den 15 des Augstmonats, ditz 65 jors , mit gmeyner urphet gnediglichen wider ussglossen Dorby er ouch geschworen hatt das er sich des dorffs Hüningen gentzlichen müssigen und dar in, nit kommen noch wandlen, dessglichen das er sich der büchssen, inn unserer Gnedigen Herren oberkeit und ouch an andren orten umb Basell harumb, gentzlichen entschlachen und abthuon, und sich inn ein ander wessen und leben, dann er bisshar getryben, schicken solle. Niklaus Im Hoff Notarius subscripsit
Siebnerherren
Syben Herren
Cuonrat Ruolat von a Balen uss einem dorff ob Morfe Berner pieth gelegen
Köferlj - 1 °Cuonrat Ruolat von a Balen uss einem dorff ob Morfe Berner pieth gelegen Demnach dieser alter man so by sybentzig joren allt biderben lüthen das allmuossen ab genommen und uff der Sägj inn mindren Basell, by heyterem tag, mit einer bettlerin so by 16 joren allt sinen muotwillen getryben, ein jung kindt by im ghept, das ob zechen oder zwölff personen im zuogsëchen, + ist er inn gfenckniss gleyt, und nochdem er durch die Syben herren verhört, hatt man in inns halsysen gestellt und mit ruoten usshouwen lossen ,uff Mittwochen den 22 des Augstmonats ditz 65ten jors , hatt den innhalt gmeyner urphet dorby ouch gschworen, das er sich zechen myl von statt und landt Basell hinweg thuon und darin onerloupt niemer mer kommen noch sich finden lossen solle, by peen des schwerts. Niklaus Im Hoff Notarius subscripsit
Siebnerherren
Syben herren
Anthengj von Fey by Bruntrut glegen, ein bantzermacher
Köferlj - 1 °Anthengj von Fey by Bruntrut glegen, ein bantzermacherAnthengj von Fey kommt in einem anderen Urfedeverfahren vor, siehe Urfehdeeintrag Batt Rüdj von Thann ein schnyder (fol. 42 recto) für anderes Urfehdeverfahren. Demnoch und er uff Rynacher kylbe , inn einem stall, ein schwert und ein rappier, gnommen, dieselben beyde gwer, einem jungen knaben genant Batt Rüdj Batt Rüdj kommt in einem anderen Urfehdeverfahren vor, siehe Urfehdeeintrag Batt Rüdj von Thann ein schnyder (fol. 42 recto) für anderes Urfehdeverfahrenso oben geschriben stot, uff das höw uffhin gepotten nochmalen die ziegell uffgehept, und die gwer uffhin geworffen und sich dorvon wellen machen, die im aber wider abgejagt worden + zuo dem als einem ein seckel gnommen und dry taler entwert ist der argwon uff inn, ouch gfallen, hatt sich har inn die statt, zuom Rösslj gethon, doselbt zert und prasst und von der herberg sich hinuss zuo Sant Alban, inn Gladj Taljeüchers Mülj verfügt, im ettlich gellt, corallen und anders entwert ettliche trög und cammeren geöffnet, und ze letst über die wortzeichen büchsen wellen prëchen, ist er durch bemellten Gladj, ergriffen und gfencklichen angnommen, durch die Syben Herren verhört, und uff Sambstag den ersten tag Septembris ditz 65 jors, ins halsyssen gstellt und mit ruoten ufssgehouwen , hatt den innhalt gmeyner urphet, dorby ouch geschworen , das er sich den nechsten zechen myl wegs schyben wys von Basell hinweg thuon und darin onerloupt niemer mer kommen noch sich finden lassen solle, by peen des schwerts. Niklaus Im Hoff Notarius subscripsit
Siebnerherren
Syben Herren
Anthonj Valantin von Bangyo by Troy inn Frankrich glegen, by 14 joren alt
Köferlj - 1 °Anthonj Valantin von Bangyo by Troy inn Frankrich glegen, by 14 joren alt Als dann diser junger knab, Hans Jocoben Ottendorff und Balthassar Sebolt , das vech gehütet, und nachts inn Sebolts huss gelegen, hatt er im uss dem tisch, ongvorlichen by acht pfunden , inn Basell plapparten entwert, doruss er ein rot par hossen, ein barchet wammest, schuo und anders koufft ouch ettlichen sinen gsellen, do der ein, ein schwartz mëntelj der ander ein zwilch gyppen, antrage, so entloffen, gelt gebe(n) und anzeigt, das Frantz Schnyder von StäfisFrantz Schnyder kommt in einem anderen Urfehdeverfahren vor, siehe Urfehdeeintrag Frantz Schnyder von Stäfis Fryburger pieth inn Üchtlandt ein spettknecht (fol. 44 recto) für anderes Urfehdeverfahren harnochgeschriben in uffgewyssen. Desshalben dieser gfencklichen angnommen und nochdem er durch die Syben Herren verhört, ist er durch den volterer im thurn mit ruoten gehouwen, und uff Sambstag den achten Septembris ditz 65 jars, mit gmeyner urphet + gnediglichen wider ussglossenn, hatt dorby ouch geschworen das er sich von statt und landt Basell hinweg thuon und dorin onerloupt, niemer mer kommen solle, by peen des halsysens und der ruoten, hiemit er ouch als man in ussglossen, den bemelten Frantz Schnyder von Stäfis, ledig zelt, er habe im onrecht thon, er habe in nit uff gewyssen, wie sollichs Peter Alant der crämer an Spalen thurn so getollmetschet hatt, gehört und anzeigt hatt. Niklaus Im Hoff Notarius subscripsit
Siebnerherren
Syben Herren
Frantz Schnyder von Stäfis Fryburger pieth inn Üchtlandt ein spettknecht
Köferlj - 1 °Frantz Schnyder von Stäfis Fryburger pieth inn Üchtlandt ein spettknechtFrantz Schnyder kommt in einem anderen Urfehdeverfahren vor, siehe Urfehdeeintrag Anthonj Valantin von Bangyo by Troy inn Frankrich glegen, by 14 joren alt (fol. 43 verso/ 44 recto) für anderes Urfehdeverfahren Diewyl diser dem jungen knaben Anthonj Valantin necht hievor geschriben , ein barchet wammest umb ein gulden zekouffen geben, und von im angeben, er habe in uffgewyssen zestëlen, ist er inn gfenckniss gleyt , und nochdem er durch die Sybenherren verhört, hatt man in uffSsambstag den 8ten Septembris ditz 65 jars , mit gmeyner urphet wider ussglossen, darby er ouch geschworen , das er sich von statt und landt Basell hinweg thuon, und dorin onerloupt nit kommen solle, by peen des halsysens und der ruoten. Niklaus Im Hoff Notarius subscripsit Nota als man Anthonj den jungen so disen angeben, usglossen hatt er disen Frantzen unschuldig geben.
Siebnerherren
Sybenherren
Hans Meyger von Riechen,
Köferlj - 1 °Hans Meyger von Riechen, Ist von wegen der verfürischen sat, der widertöüfferyhalben, zechen tag inn gfenckniss glegen , diewyl er aber durch die Sybenherren verhört, und im die erkantniss unserer Gnedigen Herren vorgelessen, und er uff siner wys beharret, ist er gnedig lichen wider ussglossen, dann er kein urphet wellen schweren, sonder im inn bysin MeisterHeinrichen Brucker des obersten knechts und Michel Köferlj des des rhats knechts , anzeigt worden, das er inn monats frist nechstkünfftig, das sin verkouffen und vertryben, und sich mit wyb und kindt von statt und landt Basell hinweg thuon, und onerloupt nit wider harin kommen solle, dann wo er darüber ergryffen, werde man in schwemmen, das ist im, mit allem ernst fürgehalten worden, uff Zinstag den 11 Septembris, im 65 jar. Niklaus Im Hoff Notarius subscripsit
Siebnerherren
Sybenherren
Cunrat Keller von Richssen
Köferlj - 1 °Cunrat Keller von Richssen Demnach und er mercklich verschreyt, das er im keyserthuomb hochgwyldt schiesse, wie er dann gegen der regierung zuo Ensissheim, inn grossen ungnaden gestanden, und über die urphet so er zuo Ensissheim geschworen, hochgwyldt geschossen, desshalben die regierung den Herren zuo Müllhussen zuge schryben, und als er desselben innen worden, hatt er sich inn einem trogkarren hinweg füren lassen. Ist darumb ge fencklichen angnommen, und nochdem er durch die Sybenherren verhört, hatt man in uff Sambstag, den 15 des Septembris ditz 65 jars , mit gmeyner urphet gnediglichen wider ussglossen dorby er ouch geschworen , das er sich des dorffs Hüningen gentzlichen müssigen, und darin nit wandlen noch kommen solle, und sich der büchsen aller dingen abthuon, wie er dann sich selbs erpotten hatt. Und alsdann sin eefrow hie dient, solle er sy rüwig und onüberloffen lossen, er wolle dann mit iren husshalten das losse man beschechen. Niklaus Im Hoff Notarius subscripsit
Siebnerherren
Sybenherren
Hans Hüpscher von Schafhussen
Köferlin - 1 °Hans Hüpscher von Schafhussen Demnach dieser alter mann by nëchtlicher wyl Riechemer thor, by der Sägj durch die Bannwarten funden, mit einer crätzen, und als sy in befrogt, was er darinnen trage, hatt er geantwort, löffell und spinnlen, und wie die Bannwarten gluogt, sindt es trybell gsin, by dryhunderten. Desshalben er ingleyt, und nochdem er durch die Syben Herren befrogt und er anzeigt, das im sin tochterman gëllt schuldig, und die wyl er nit bezalt könne werden, habe er die trübell inn siner tochter reben abgschnitten. Dorby habent es unser Gnedig Herren plyben lossen, und in uff Mittwoch den 26 Septembris ditz 65 jars , mit gmeyner urphet gnediglichen wider ussglossen, hatt darby auch geschworen , diewyl er ein rechtshandell, mit Hanss Strussen von Hüningen hatt, das er einen gwalthaber setzen und ordnen möge, und uff das fürderlichst, onverzug sich von statt und landt Basell, hinweg thuon, und darin onerloupt nit wider komen solle, by einer schwëren stroff, die im uff den hals möchte wachssen. Niklaus Im Hoff Notarius subscripsit
Siebnerherren
Syben Herren
Heinrich Frick der rebman genant Zwölff Esel
Uolj - 1 °Heinrich Frick der rebman genant Zwölff Esel. Ist von sines liederlichen husshaltens wegen, das er inn würtz und wynhüseren ligt, zefüllen und zespylen got geb, was wyb und kidt doheymen zeessen haben, wann er heym kompt tobet und wütet er gegen siner eefrowen, mit gfenckniss gestrofft und uff Sambstag den 13 des Octobris ditz 65 jors nochdem er durch die Sybenherren verhört worden, mit gmeyner urphet gnediglichen wider usglossen, hatt dorby ouch geschworen , das er hinfürt bass und fridsamer husshalten, und aller spylen sich müssigen und gentzlichen abthuon solle, und alsdann im by drygen soumen wyns worden, domit dasselb gelt, so er darus erlösst, nit unnützlich verthon werde, hat der oberst knecht uss bevelch unserer gnedigen herren, die zinss im spittal so er von sinem huss zthuondt gsin, und anders schulden abzalt, also das sechs pfundt überpliben, ist im anzeigt, wann er korn oder anders zuor husshaltung notturfftig, werde er das gelt bym obersten knecht finden. Niklaus Im Hoff Notarius subscripsit
Siebnerherren
Sybenherren
Daniel Këmpff von Rynouw under Schaffhussen, ein küffer
Heinrich Brucker – 1 ° Daniel Këmpff von Rynouw under Schaffhussen, ein küffer Demnach der würt Zuor Cronen von Sënnhein sich vor unsren Gnedigen Herren erclagt, wie das im hundert gulden, minder dry dick pfenning entwert worden, und das diser und sin frow, zuo Sennhein, Müllhusen und Basell ytel dick pfennig ussgeben, und ein groser argwon uff in gfallen. Ist er und sin frow, inn mindren Basell Zuom Wysen Crütz gfenck lichen angnommen durch die Sybenherren verhört, und nochdem an die ort und endt, do er anzeigt, das er solche dick pfennig gewichslet und vor und ee, ob der wirt sin gelt verloren, ghept, geschriben und sich erfunden wie er fürgeben, hatt man in uff Sambstag den 24 Novembris ditz 65 jors, mit gmeyner urphet wider ledig glossenn. Woverr aber bemelter würt in wyther berechtigen und inn gfenckniss enthalten, das losse man im zuo, diewyl aber der würt dasselb underlossen, und im zechen pfundt an sin costen der gfenckniss ze stür geben, das kein theyl den andren wyther solle anlangen, ist diser also sin stroff hinweg zogen. Niclaus Im Hoff Notarius subscripsit
Siebnerherren
Sybenherren
Gladj Holtz von Viuis, ein junger starcker bettler
Thoubhüsslj – 1 ° Gladj Holtz von Viuis, ein junger starcker bettler Diewyl er nützit umb die allmuossen diener geben wellen, wann sy in zuo einem thor ussgewyssen ist er zuom andren wider harin kommen, ouch verargwont das er Zuom Hirtzen dem würt lynlachen sollte entwert haben. Ist er ins Thoub hüsslin gleyt, durch die Syberherren examiniert und ver hört, und uff Mittwoch den andren tag jenners ditz 66 jors, mit gmeyner urphet gnediglichen wider ussglossen, dorby er ouch geschworen hatt, das er sich von statt und landt Basell hinweg thuon, und darin onerloupt nit kommen solle, by peen des halsysens und der ruoten. Niclauss Im Hoff Notarius subscripsit
Siebnerherren
Syberherren
Hanss Zorn der formschnyder
Brucker-1 ° Jocob Heylman zuo Leüpingen, inn der Graffschafft Büren, Berner herschafft, sesshaft her Johann Opporinj stieff son. Demnach herren Johann Opporin, vor joren, zuo Franckfort uss einem beschlossnen huss, ettliche geschrifften, hinweg tragen vergossen und verkoufft, dessglichen als bemelter Opporinus ettliche vass mit büchern, inn einem closter zuo Franckfort ghept, und dieser sampt sinen gsellen darüber kommen, also das ein vass gelëret worden, dorzuo diewyl er neben Strossburg, inn einem closter, ein fründt ghept, und im ettlich gelt entragen, do er zuo Ensissheim betretten, und dasselb gelt wider von handen geben. Ist er inn gfenckniss gleyt, darinner er 10 tag glegen, und noch dem er durch die Syben herren verhört und er anzeigt, das Hanss Zorn der formschnyder der mertheyl bücher uss dem vass gnommen, er wüsse von den gschrifften nützit, haben unser Gnedig Herren, in uff Mittwoch den 16 Jenners ditz 66 jors, mit gmeyner urphet gnediglichen wider ussglossen. Niclauss Im Hoff Notarius subscripsit
Siebnerherren
Syben herren
Jeronimus Heylmann von Arouw her Johann Oporinj stieffson
Köferlj – 1 °Jeronimus Heylmann von Arouw her Johann Oporinj stieffson Demnach und er vor ettlichen jaren sampt sinem bruoder zuo Crentzach im würtzhuss glegen zetempffen, und der würtin ein secklin zuobehalten geben, dasselb verpittschiert, als ob gellt dorinn were, und also dorvon zogen die würtin betrogen, dann im secklin nützit dann stein gsin. Dessglichen ouch dem schmidt zuo Gelterkingen 5 lb abentlechnet und im fürgeben er habe ettlich becher versetzt, so ers nit uff denselben tag lösse, werdent sy im nit mer Ouch gelt von andren lüthen uff sich gnommen dasselb nit überantwort dohin es gehört, und sonst vyl böser stucken getryben, den lüthen hantschrifften geben, und mit betrug hin und wider uff ander lüth gelt entlechnet, und biderb lüth hindan gesetzt. Ist er inn gfenckniss gleyt, und noch dem er durch die Sybenherren verhört, hatt man in uff Sambstag den 16 Hornungs ditz 66ten jars, mit gmeyner urphet gnediglichen + wider ussglossen, dorby er ouch geschworen, diewyl er gegen siner eefrowen vor den Herren Commissarien des eegerichts, inn rechts fertigung stot, möge er usserthalb der statt sich erhalten, und wann der rechts tag ist, das er on ein wehr harin gon, inn gleyts wyss wie im dasselb geben, und dannenthin vom rechten wider an sich gwarsame, so baldt ouch sich die rechtsfertigung endet, solle er sich 5 myl wegs schyben wyss von statt und landt Basell hinweg thuon, und darin onerloupt niemer mer kommen noch sich finden lossen solle. Mit dem anhang und der ernstlichen war nung, wo er über dissen eydt ergriffen, werde man in mit dem schwert, on wythers berechtigung, vom leben zuom tod richten. Niclauss Im Hoff Notarius subscripsit
Siebnerherren
Sybenherren
Heinrich Mittler von Stein ob Schaffhusen ein taglöner
Brucker – 1 ° Heinrich Mittler von Stein ob Schaffhusen ein taglöner. Demnoch und er inn der Ern, vergangens jars, under dem richt huss, ein tëschen entwert, die Im durch Meister Lienhart Grassen des secklers tochter wider abgeiagt worden, undyetzt disse tag har kommen, ein halssmentelin uss dem buossen zogen, dasselb ver kouffen wellen, inn dem ein frow darzuo kommen, deren ers entwert. Ist er gfencklichen angnommen, durch die Sybenherren verhört und uff Sambstag den 20ten Aprellens ditz 66ten jors mit gmeyner urphet gnediglichen wider ussglossen, hat dorby ouch geschworen, das er sich heym zuo sinem vatter, der im fünff kinder zücht, verfügen möge, von statt und landt Basell sich hinweg thuon, und onerloupt nit wider harin kommen solle, sonst werde im ettwas uff den hals wachssen, das im zeschwër sin werde. Niclauss Im Hoff, Notarius subscripsit
Siebnerherren
Sybenherren
Heinrich Mittler von Stein ob Schafhussen
Bylger – 1 ° Heinrich Mittler von Stein ob Schafhussen Demnach und er kurtzlichen ouch gfangen glegen und von statt und landt verwyssen, so ist doch er onerloupt frefenlichen wider harin kommen, einem becken buoben an der Brotlouben ein erin hafen gstolen, denselben zuom Nüwenhuss umb syben plappart und vier pfennig verkoufft, desshalben er wider ingleyt, durch die Syben herren verhört, und uff Mentag den dritten Brochmonats ditz 66 jars, mit gmeyner urphet gnediglichen wider ussglossen, hatt darby ouch geschworen, das er sich den nechsten von statt und landt Basell hinweg thuon und onerloupt nit harin kommen noch sich finden lassen solle, by peen des halsysens und der ruoten. Niclaus Im Hoff Notarius subscripsit
Siebnerherren
Syben herren
Mergelin Trefftz, Stoffell Hodels zuo MuttentzStoffell Hodel kommt in anderen Urfehdeverfahren vor, siehe Urfehdeeinträge Agtlj Trefftz von Muttentz (fol. 60 recto/ verso), Stoffel Hodell von Aristorff (fol. 60 verso), Anna Trëfftz von Muttentz (fol. 60 verso) und Stoffel Hodell von Aristorff (fol. 73 recto) für andere Urfehdeverfahren eefrow
Brucker – 1 ° Mergelin Trefftz, Stoffell Hodels zuo MuttentzStoffell Hodel kommt in anderen Urfehdeverfahren vor, siehe Urfehdeeinträge Agtlj Trefftz von Muttentz (fol. 60 recto/ verso), Stoffel Hodell von Aristorff (fol. 60 verso), Anna Trëfftz von Muttentz (fol. 60 verso) und Stoffel Hodell von Aristorff (fol. 73 recto) für andere Urfehdeverfahren eefrow Demnach und sy von bemeltem irem eeman clagt, wie das er mit irer tochter zeschaffen ghept, und nochmalen dasselb nit wellen gstendig sin, ist sy gfencklichen harin gfürt, und durch die Syben herren verhört, und uff Mittwochen den 5ten Brochmonats ditz 66 jors, mit gmeyner urphet gnediglichen wider ussglossen. Niclaus Im Hoff Notarius subscripsit
Siebnerherren
Syben herren
Stoffel Hodell von Aristorff
Brucker – 1 ° Stoffel Hodell von AristorffStoffel Hodell kommt in anderen Urfehdeverfahren vor, siehe Urfehdeeinträge Mergelin Trefftz, Stoffel Hodels zuo Muttentz eefrow (fol. 60 recto), Agtlj Trefftz von Muttentz (fol. 60 recto/ verso), Anna Trëfftz von Muttentz (fol. 60 verso) und Stoffel Hodell von Aristorff (fol. 73 recto) für andere Urfehdeverfahren Demnoch und er ettliche jar zuo Muttenz husshäblichen gesessen, sich liederlichen und übel gehalten, mercklich verschreyt das er den lüthen garben, ops, trübell und anders ent wert, ouch biderben lüthen das allmuossen das allmuossen abgnommen, und zuo Terwylen an ein brandt gehoüschen, doran er, die onworheit fürgeben, ouch sin eefrowen übel gehalten, mit siner stiefftdochter Anna TrefftzAnna Trefftz kommt in einem anderen Urfehdeverfahren vor, siehe Urfehdeeintrag Anna Trëfftz von Muttentz (fol. 60 verso) für anderes Urfehdeverfahren werck der unküsch heit understanden zetryben, und mit iren gar grob gehandlet, wie sollichs die gefasste kuntschafft usswysst. Ist er gfenck lichen harin gfürt und nochdem er durch die Syben herren verhört hatt man in uff Sambstag den achtisten tag Broch monats ditz 66ten jars, gnediglichen wider ussglossen, darby er ouch geschworen das er sich on allen verzug by morndriger tagzyt von statt und landt Basell, hinweg thuon, und darin onerloupt niemer mer kommen noch sich finden lossen solle, oder im werde ettwas uff den hals wachsen, das Im ze schwër sin werde, wie er dann yetztmals dess halsysens und der ruoten kum entrunnen. Niclaus Im Hoff Notarius subscripsit
Siebnerherren
Syben herren
° Agtlj Trefftz von Muttentz
Bylger – 1 ° Agtlj Trefftz von Muttentz Demnach undir stieffvatter Stoffell HodellStoffell Hodell kommt in anderen Urfehdeverfahren vor, siehe Urfehdeeinträge Mergelin Trefftz, Stoffel Hodels zuo Muttentz eefrow (fol. 60 recto), Stoffel Hodell von Aristorff (fol. 60 verso), Anna Trëfftz von Muttentz (fol. 60 verso) und Stoffel Hodell von Aristorff (fol. 73 recto) für andere Urfehdeverfahren, mit irer schwester +- Anna, werck der unküschheyt understanden zetryben, und gar grob mit iren gehandlet, und diese sy beyde funden und sollichs anzeigt, ist sy ouch gfencklichen harin geschickt, und noch dem sy durch die Sybenherren verhört, hatt man sy mit gmeyner urphet gnediglichen wider ussglossen, uff Sambstag den 8ten Junij anno 66. Niclaus Im Hoff Notarius subscripsit
Siebnerherren
Sybenherren
Ludj Ritter von Grolley Fryburger pieth uss Üchtlandt
Brucker – 1 ° Ludj Ritter von Grolley Fryburger pieth uss Üchtlandt Demnoch und er von statt und landt Basell fünff myl wegs verwyssen, so ist doch er über denselben eydt onerloupt frefenlich wider harin kommen, gon Schouwenburg zuom Meyger gangen, und demselben fürgeben, es habe in Wilhelm von Büren so ettwan by im im krieg gsin, er solle im sin sturmhuben so er hinder im ligen hab, verkouffen. Und als im der Meyger dieselb huben geben, und mit im den berg uffgangen und das gleyt geben, ist diser wider hindersich zuor frowen gangen, und ein schwert ouch gefordert, als sy aber im ein rappier geben, hatt er die huben do glossen und mit dem rappier hinweg zogen, und diewyl man nochmolen erfaren das er mit betrug umbgangen, und im nützit befolchen gsin, sonder das er solches vom hirten er faren, das Wilhelm von Büren, dem meyger von Schouwenburg ein harnist zuo behalten geben ist er zuo Rigentschwyl gfencklichen angnomen und harin gfürt, und nochdem er durch die Syben herren befrogt, hatt man in uff Mentag den 17 Brochmonats ditz 66 jors, mit gmeyner urphet gnediglichen wider ussglossen, hatt dorby ouch geschworen, das er sich on allen verzug von statt und landt Basell fünff myl wegs hinweg thuon und darin onerloupt niemer mer kommen noch sich finden lossen solle. By peen des schwerts. Niclaus Im Hoff Notarius subscripsit
Siebnerherren
Syben herren
Hans Pollj von Stein ob Schaffhussen dieser zyt zuo Zürich wonende
Brucker – 1 ° Hans Pollj von Stein ob Schaffhussen dieser zyt zuo Zürich wonende. Demnach und er uff Fritag nechstverschynen, am Kornmerckt onerloupt barchet by der ellen ussgeben, und ein ell umb dryzechen rappen geben, ist ein argwon uff in gfallen, (diewyl yetzt zuo Zurtzach vyl entwert worden) als ob er den barchet nit mit rechten zügen überkommen. Nochdem und aber er durch die Syben herren verhört und bericht geben, von wem er den barchet zuo Zuortzach erkoufft, und das es allein schrëntz barchet gsin, hatt man in uff Mentag den 17 des Brochmonats ditz 66 jars, mit gmeyner urphet gnediglichen wider ussglossen. Niclaus Im Hoff Notarius subscripsit
Siebnerherren
Syben herren
Zschan Bouson, von Losanna
Brucker – 1 °Zschan Bouson, von Losanna Diewyl er uff Frytag nechstverschynen, am Kornmerckt einer frowen inn seckell griffen, und ettlich gelt erwütscht, das er wider lossen fallen , wie er daran ergriffen, ist er inn gfenckniss gleyt, und nochdem er durch die Syben herren verhört, hatt man in uff Mittwochen den 19 des Brochmonats ditz 66 jars, mit gmeyner urphet gnediglichen wider ussglossen, hatt dorby ouch ge schworen, das er sich von statt und landt Basell hinweg thuon, und darin onerloupt nit wider kommen solle. By peen der ruoten und des halsysens. Niclaus Im Hoff Notariussubscripsit
Siebnerherren
Syben herren
Jocob Murer von Mylden
Brucker – 1 Uolj – 1 Bylger – 2 ° Jocob Murer von Mylden und Elsbeth ° Friderich von Willissouw sin eefrow, ° Hans Nicko von Lavodry uss Walliss ° ___ und Anna Friderich von Willissouw sin frow, taglöner und hubenstricker Demnoch einem uff dem hoff Rammlisperg inn Wallenburger vogty inns huss geprochen und by sechs moss ancken entwert worden, ist derselb dem sollichs begegnet, diewyl diss völcklin doselbst für zogen, inen nochgeylt, die crëtzen ersuocht und ettlichen ancken by inen funden, und desshalben sy zu Buobendorff gfencklichen annemmen lossen. Nochdem und aber sy durch die Sybenherren verhört, und sy bericht geben, das sy von einem zuo Schwertz by Willissouw, genant der Hincket Schnyder zwo moss ancken erkoufft, sindt sy uff Mittwochen den 27ten Junij ditz 66 jors mit gmeyner urphet gnediglichen wider ussglossen, habent dorby ouch sampt und sonders geschworen, das sy sich von statt und landt Basell hinweg thuon, und darin onerloupt nit kommen sollen. Niclaus Im Hoff Notariussubscripsit
Siebnerherren
Sybenherren
Jocob Keller der volterer
Eselthurn – 1 °Jocob Keller der voltererJocob Keller kommt in einem früheren Urfehdeverfahren vor, siehe Urfehdeeintrag Jocob Keller der vollterer (fol. 59 recto) für früheres Urfehdeverfahren Diewyl er uff Sambstag verschynen, die Sybenherren uff dem Thurn lossen warten, und nit gwartet sines diensts, ist er inn gfenckniss gleyt, und uff Mentag den 24 Julij ditz 66 jors, mit gmeiner urphet wider ledig glossen. Dorby ouch anzeigt, das er hinfürter flyssiger warten solle. Niclaus Im Hoff Notarius subscripsit
Siebnerherren
Sybenherren
Hans Brucker von Wylen, by Stein ob Schaffhussen, Züricher pieth
Uolin – 1 ° Hans Brucker von Wylen, by Stein ob Schaffhussen, Züricher pieth. Demnach und er uff Frytag nechstverschynen, am Kornmerckt, Ludj Harnisters stiefftochter, ein seckell halber abgehouwen, dorinnen zwen gulden gsin, und damit darvon wellen, ist er daran ergriffen. Desshalben er inn gfenckniss gleyt. Nochdem er aber durch die Sybenherren besybnet und an der marter erhalten das er sonst nützit entwert, ouch anzeigt, das er uff dem Schwartzwaldt inn der ërndt gsin, habe har inn herbst wellen, und das im dry gsellen, under Loufemberg im holtz begegnet, do haben die zwen zuo im gseyt, das der ein gëllt by im habe, er sige ein narr, haben in also überredt, das er mit inen gewettet und gespylt, und im vier gulden abgewonnen. Hatt man in uff Mentag den 9ten Septembris ditz 66 jars, mit gmeyner urphet gnediglichen wider ussglossen. Darby er ouch geschworen, das er sich von statt und landt Basell hinweg thuon, und darin onerloupt niemer mehr kommen solle. Niclaus Im Hoff Notariussubscripsit
Siebnerherren
Sybenherren
Peter Schmidt von Gransen
Bylger – 1 ° Peter Schmidt von Gransen Alsdann dry knaben wyldt Tuben har ze merckt tragen und dieselben verkoufft, ist dieser uff dem heysen stein an sy kommen, sy für Steinen thor usshin inn die wyden gelöcklet, daselbst er sy getrungen und zwungen das der ein, ein thaler der ander zwentzig toppell fierer und der dritt zwey ross, so sy uss tuben gelösst, fürher, gethan, sy mit einem gürtell wellen spylen leren, hatt also inen das gellt, sampt einem tegen, so dryssig plappart costet, fälschlichen abgwonnen. Desshalben er hie ergriffen, inn gfenckniss gleyt, und nochdem er durch die Sybenherren verhört, ist er uff Mittwoch den 30ten tag Octobris ditz 66 jars gnediglichen wider ussglossen, hatt den innhallt gmeyner urphet, dorby ouch geschworen, das sich mit siner eefrowen, von statt und + landt Basell hinweg thuon, und darin onerloupt niemer mer kommen noch sich finden lassen solle, by verlierung sines lybs und lebens. Niklaus Im Hoff Notarius subscripsit
Siebnerherren
Sybenherren
Barthlin Bolanus von Vivis den man den pfaffen nempt
° Barthlin Bolanus von Vivis den man den pfaffen nempt. Diser junger, (so vor vier jaren, inn Mindern Basell inn die schul gangen), ist zu Rynenberg gfencklichen angnommen, und harin geschickt, diewil er sich an bösj gsellschaft gehenkt, und geredt soll haben, wo er gfangen werde, so welle er denselben flecken anzünden, und das er ein lusch wyss par hosen zuo Rickenbach entwert soll han, das er im Kilchzymmer umb 12 ß versetzt, desglychen ein wambest darinnen 12 ß, ein gyppen, unnd ein wambest darinnen zwen schilling gstolen, wie dann Hanns Karrer von Neusinen Hanns Karrer kommt in einem anderen Urfehdeverfahren vor, siehe Urfehdeeintrag Hans Karrer von Neusinen hinder Jenff glegen, und Jacob More von Bentzingen, Bieler herschafft etc. (fol. 8 recto) für anderes Urfehdeverfahrenan der marter anzeigt, so diser alles, wie er besybnet, nitt geston wöllen, allein das er ein par zwilch hosen zu Rickenbach entwert, daruss er syben rappen gelösst, hatt uff Montag den fünfften Meygens, diss 67ten jars den inhallt gmeiner urphet darby ouch geschworen, das er sich von statt und landt Basell hinweg thun, unnd darin onerloupt nit khommen solle, by peen des halsysens, unnd der ruoten.
Siebnerherren
besybnet
Peter Clein Jocky von welschenn Nüwenburg, zu Riechen wohnhafft
° Peter Clein Jocky von welschenn Nüwenburg, zu Riechen wohnhafft. Demnach und er Jergen Meygers zuo Riechen tochter tochter verschreyt, und sy irer eeren solle anzogen haben, das er sy, so offt er gwelt an im gehept, unnd deshalben mitt Samuel Meyger alls er ein gellten wins tragen uneins worden im nachgangen, und gsagt, er solle sich sinen erweren alls man ouch im für die Bannherren gepotten, ist er nit erschinen, dorumb er in gfengknus gleyt und noch dem er durch die Sybenherren verhört, und sollcher reden nit geston wellen, sonder anzeigt, er wüsse von der tochter nützit anders, dann alle eehr, hatt man in uff Mittwoch den 21 Meigens diss 67 jars, mitt gmeiner urphet gnediglichen wider ußglassen, darby er auch geschworen hatt, wan im Jerg Meyer und sin tochterman mitt recht anlangen werden das er innen eins rechten sin wölle und hinfürter, denn Bannherren gehörig und gehorsam sin solle.
Siebnerherren
Sybenherren
Claus Nufer, von Müllhussen
Rorer – 1 ° Claus Nufer, von Müllhussen Demnach und er sin eefrowen gon Strassburg verdingt, und sin lybliche schwester irent eemann von Mülhussen gon Stassburg entfürt, sy beyde also sytzen lassen, hatt er sich gon Mülhussen verfügt, und von dannen ein trog mit wyber cleyder har gon Basell, füren lassen, und sich zu Herr Jacoben Rüdj dem zunfftmeister verdingen wellen. Als aber die Herren von Müllhussen unseren Gnedigen Herren sine sachen zuogeschriben, und das er inen getröwt habe, ist er gfencklichen angenommen und nochdem er durch die Syben Herren examiniert und verhört, hatt man in uff Frytag + den 11ten Höwenmonats ditz 67 jars, mit gmeiner urphet gnediglichen wider ussglossen, dorby er ouch geschworen, das er sich fünff myl wegs von statt und landt Basell hinweg thuon, und das er die Herren von Müllhussen worten und werckenhalb zuofriden und zeruowen lossen solle. Niklaus Im Hoff Notarius subscripsit
Siebnerherren
Syben Herren
Theus Rincker von Rieden Züricher pieth ein spettknecht
Hanss Rorer – 1 ° Theus Rincker von Rieden Züricher pieth ein spettknecht Demnach und er inn der herberg Zuom Schoff inn mindren Basell dem müller von Hëssingen, dryzechen schnapp hanen fünff münchsköpff, ein guldinen thaler und ein dicken pfening entwert, das verstossen, und als man doselbst gesoucht, ist es durch ander lüth hinweg gnommen. Desshalben er inn ge fenckniss gleyt, und nochdem er durch die Syben Herren verhört, hatt man in uff Sambstag den andren Augstmonats ditz 67ten jars, mit gmeyner urphet gnediglichen wider ussglossen darby er ouch geschworen, das er sich von statt und landt Basell hinweg thuon und darin onerloupt niemer mer kommen solle sonst wede im ettwas uff den hals wachsen, das im an sinem lyb zeschwër sin werde. Niklaus Im Hoff Notarius subscripsit
Siebnerherren
Syben Herren
Ursell Schellenbergerin – Hanssen Germüller genant BeckenhensslinsHanssen Germüller genannt Beckenhensslin kommt in einem anderen Urfehdeverfahren vor, siehe Urfehdeeintrag Hans Germüller genant Beckenhensslin (fol. 72 recto) für anderes Urfehdeverfahren, eefrow
Hanss Rorer – 1 Ursell Schellenbergerin – Hanssen Germüller genant BeckenhensslinsHanssen Germüller genannt Beckenhensslin kommt in einem anderen Urfehdeverfahren vor, siehe Urfehdeeintrag Hans Germüller genant Beckenhensslin (fol. 72 recto) für anderes Urfehdeverfahren, eefrow Diewyl und sy inn irem huss, tempffen und prassen losst, den lüthen zuo bübery uffenthallt gibt ist sy und ir eeman inn gfenckniss gleyt, und nochdem sy durch die Sybenherren verhört hatt man sy uff Sambstag den 16 des Augstmonats ditz 67 jars mit gmeyner urphet gnediglichen wider ussglossen.
Siebnerherren
Sybenherren
Hans Germüller genant Beckenhensslin
Hanss Rorer – 1 ° Hans Germüller genant Beckenhensslin Demnach und er liederlichen du übell husshaltet, nitt werckht sondern fülleryen und tëmpffen inn sinem huss ansicht, lüth in zücht und schnuory losst fürgon, als wann er ein frowen würth were, wie dann kurtzlichen, Anthonj Orell von Luckaris und Margreth Meygerj hieensyt geschriben by im inn sinem huss uffghept worden. Ist er inn gfenckniss gleyt und nochdem er durch die Syben Herren verhört, hatt man in uff Sambstag den 23ten Augstmonats ditz 67 jars, mit gmeiner urphet gnediglichen wider ussglossen, darby er ouch geschworen, das er sich von statt und landt Basell hinweg thuon, und darin onerloupt nit kommen solle, oder im wurde ettwas uff den hals wachsen, das im zeschwër sin werde. Niklaus Im Hoff Notarius subscripsit
Siebnerherren
Syben Herren
Moritz Bumann von Oberdorff uss Wallenburger ampt
Brucker – 1 ° Moritz Bumann von Oberdorff uss Wallenburger ampt Ist durch Junckher Hanns Jacob Hiltprandt den obervogt zuo Waldenburg gfencklichen harin gschickt, von wegen das er ob Walldenburg inn unserer Gnedigen Herren wyger, inn einem giessen, als die visch uff den leych zogen, nün vorenen, mit einem bëngell zetodt gschlagen, dieselben hinweg tragen, also das, das zechent stuck, dem Junckheren worden, und nochdem er durch + die Syben Herren verhört, hatt man inn uff siner verwandten fründen underthenige pitt, uff Sambstag den 6ten Septembris ditz 67 jars, mit gmeyner urphet gnediglichen wider ussglossen, und im 10 lb stebler zuor stroff uffgleyt, dorby er ouch geschworen hatt, das er hinfürter sölcher sachen abston, und biss Sambstag nechstkünfftig die bemellte stroff unsren Gnedigen Herren ans brett über antworten solle. Niklaus Im Hoff Notarius subscripsit
Siebnerherren
Syben Herren
Hans Schmid sesshafft uff Bruoderholtz
Hanss Rorer - 1 ° Hans Schmid sesshafft uff Bruoderholtz Demnach und er, den jungen Lamprechten und ander böss muot willig liederlich lüth, beherbergt und uffenthalten, und Ludj HütschinLudj Hütschin kommt in einem andern Urfehdeverfahren vor, siehe Urfehdeeintrag Ludj Hütschin (fol. 73 verso) für anderes Urfehdeverfahren, harnoch gemellt, uffgewysen soll haben, er solle sinem stieffvatter Peter Rippell ein huon, nemmen, und dasselb huon im uff Bruoder Holtz pringen, er wolle im ein anders geben. Dessglichen soller er sinem knaben und sonst ein jungen, ein enten inn stattgraben geheyssen han, tryben, und gseyt er welle znacht einen, an einem seyl abhin lossen und die enten reichen lassen. Desshalben er inn gfencknis gleyt und nochdem er durch die Syben Herren verhört, er aber des huons und der enten, nit gestendig sin wellen, ist er uff Sambstag den 13 des -septembris ditz 67 jars, mit gmeyner urphet gnediglichen wider ussglossen, und im darby mit allen ernst, anzeigt worden, das er niemants beherbergen noch uffenthalten sonder die lüth fürwysen, und anderst dann bisshar husshalten solle. Oder man werde in von statt und landt verwyssen. Niklaus Im Hoff Notarius subscripsit
Siebnerherren
Syben Herren
Ludj Hütschin
Brucker - 1 ° Ludj HütschinLudj Hütschin kommt in einem anderen Urfehdeverfahren vor, siehe Urfehdeeintrag Hans Schmid sesshaft uff Bruoderholtz (fol. 73 verso) für anderes Urfehdeverfahren Demnoch Jacob Hütschin selig, diesen jungen knaben, mit im uss dem krieg procht und in erzogen, ist er gantz muotwillig, und ongehorsam, will nienen plyben, desshalben er inn gfenckniss gleyt, und nochdem er durch die Syben Herren verhört, und sich erpotten er welle sinem vogt Hern Hanssen Gërnler vogt zuo Rammstein wann man in zuo einem handtwerck verdingen gehörig und gehorsam sin, hatt man in uff Sambstag den 13 des Septembris ditz 67 jars, mit gmeyner urphet wider ledig glossen. Niklaus Im Hoff Notarius subscripsit
Siebnerherren
Syben Herren
Hans Jocob Lamprecht von Basell
Hanss Rorer – 1 ° Hans Jocob Lamprecht von Basell Demnach und er vormalen fünff myl wegs, als er mit ruoten ussgehouwen worden, von statt und landt Basell verwysen, ist er über denselben + eydt fräfenlichen, onerloupt wider harin kommen, desshalben er zuo Bynnigen gfencklichen angnommen, harin gfürt, und als man in durch die Sybenherren examiniert hatt er bekannt, das er syderhar nochdem er im halsysen gstanden zuo Lutzern ein hembdt und ein par zwilch hosen, sodann by Colmar ein hembdt, das er yetzt antrage entwert, und zuo Attenschwyl, ein sammaten frowen gürtell, ein seckel und ein ring gestolen. Und wiewol unser Gnedig Herren, ab im mit dem schwert, noch vermög siner vordrigen urphet, hëtten mögen richten lossen, so habent doch Ire Gnaden und S. E. W. umb siner jugent willen, im uff diss mal barmhertzigkeit mittheylt, und in uff Sambstag den 20ten Septembris ditz 67ten jars mit gmeyner urphet der gfenckniss wider ledig glossen, doch mit solchem eydt, das er sich den nëchsten vom Thurn, zechen myl wegs schyben wyss von statt und landt Basell hinweg thuon, und innerthalb solchen zechen mylen sich nit finden solle lassen. Dann im mit allem ernst inn bysin Meister Hanssen Rorer des rhatsknechts anzeigt, wouerr er über disen eydt, ergriffen, werde man wider zuo im gryffen, und inn Esel thurn legen, und on einiche wythere urtell und berechtigung, dem nochrichter an die handt geben, und den nechsten vom Thurn, uff die Waldtstatt füren, und mit dem schwert vom leben zuom todt richten lassen. Niklaus Im Hoff Notarius subscripsit
Siebnerherren
Sybenherren
Rolandt Raffre von Parys
Thoubhüslin – 1 ° Rolandt Raffre von Parys Die allmuossen diener haben in inns Thoubhüslin legen lassen, dorum das er ein oug und ein achsslen verbunden, doran er aber kein schaden ghept, sonder damit ein falsch prucht. Nochdem er aber durch die Sybenherren verhört, ist er uff Mentag den 29 Septembris ditz 67 jars, mit gmeiner urphet gnediglichen wider ussglossen, darby er ouch geschworen, das er sich von statt und landt Basell hinweg thuon und darin onerloupt nit kommen solle. Niklaus Im Hoff Notarius subscripsit
Siebnerherren
Sybenherren
Ulrich Kleüw von Bürglen ze nechst by Fryburg inn Öchtlandt glegen ein taglöner
Brucker – 1 ° Ulrich Kleüw von Bürglen ze nechst by Fryburg inn Öchtlandt glegen ein taglöner Demnach und er zuo Holderbanck und inn andren dörffern trübel verkoufft, und von einem von Hölstein bescheiden das er im ein krätzen voll umb ettlich schilling geben welte, als aber derselb nit anheimsch gsin + ist er by Rammlisperg, inn die reben gangen, daselbst zweyhundert trübell abgeschnitten doran er ergriffen, und gon Waldenburg gfürt, und nochdem er gfencklichen har kommen, und durch die Sybenherren verhört, hatt man in uff Mittwochen den ersten Octobris ditz 67 jars, mit gmeyner urphet, gnediglichen wider ledig glossen, dorby er ouch geschworen, das er sich von statt und landt Basell hin weg thuon, und darin onerloupt nit kommen solle, by peen einer lybs stroff, und diewyl er Meister Joss Dürsten ein pfundt umb brot schuldig, hatt er geschworen, im dasselb uff das fürderlichst harin zeschicken. Niklaus Im Hoff Notarius subscripsit
Siebnerherren
Sybenherren
Peter Fërner der wynmann
Hans Rorer – 1 ° Peter Fërner der wynmann Demnach und er übell und gottloss husshaltet, mit fluochen, schweren das kein ruow noch frid umb in ist, sich an üppige wyber hëngt und schnuory trybt, und wiewol er von den Bannherren früntlichen davon abzeston gewarnet, er aber niener umb, nützit geben wellen, hatt man im für unser Gnedig Herren ein Ersamen Rhat gebotten, doruff er nit erschynen, sonder ettlich gellt zuo im gnommen, und sich zur statt ussgmacht. Desshalben er acht tag und acht necht inn gfenckniss gleyt, und nochdem er durch die Syben Herren verhört, ist er uff Mittwochen den 15 des Octobris ditz 67 jars mit gmeiner urphet gnediglichen wider ussglossen. Hatt darby ouch geschworen das er biss Sambstag nechstkünfftig zechen pfundt Basler werung, zuor stroff unseren Gnedigen Herren erlegen, und von einem rhat zuom andren warten, und was im daselbst wyther uffgleit wirt das er demselben trüwlichen nachkommen und gleben welle. Dann wouerr er wie bisshar mit sinem unfridsamen üblen husshalben fürfaren, werde man in von statt und landt Basell verwyssen. Niklaus Im Hoff Notarius subscripsit
Siebnerherren
Syben Herren
Hans Welsch von Rockwyl, inn Wanger vogty, Bern pieth
Hanss Rorer – 1 ° Hans Welsch von Rockwyl, inn Wanger vogty, Bern pieth, Demnach dieser junger knab so nit vyl über zwölff jar allt, und Hanssen Spëcklj dem metzger der schofen gehütet, uff Donstag ver schynen, durch ein loch inns zollhüslin uff der Rynbrucken gstigen, die zolbüchsen entwert, dieselb über Rhyn tragen, und wider harüber uff den Parfuosser platz, inn der steinhütten, die büchsen zerschlagen, und das gelt darus gnommen, darinnen vier gulden und acht schilling gsin, so by im funden worden. Desshalben er inn gfenckniss gleyt, und noch dem er durch die Syben Herren examiniert, und verhört, ouch bekantlich gsin das er sonst vyl cleiner stücken entwert, und bemeltem Hanns Specklj über ein kensterlj wollen prëchen, dorby ouch anzeigt, das in einer genan Jerg Schweblin uffgewysen, die zolbüchsen zenemmen, ist er umb siner jugent willen gnediglichen wider ussglossen, und durch den volterer im thurn mit ruoten gestrichen, hatt den innhalt gmeiner urphet und darby geschworen das er sich von statt und landt Basell hin weg thuon, und darin onerloupt niemer mer kommen solle, oder man werde in ins halsysen stellen und mit ruoten usshouwen, oder mit dem schwert sinem verdienen noch richten. Actum Mentag den 20 Octobris anno 67. Niklaus Im Hoff Notarius subscripsit
Siebnerherren
Syben Herren
Peter Guscha von Solnucourt by Mümpelgart glegen, ein taglöner
Hanss Rorer – 1 ° Peter Guscha von Solnucourt by Mümpelgart glegen, ein taglöner. Alsdann ein crämer von Paryss, genant Hanss Jung, inn der herberg Zuor Thannen, ein teschen darinnen by 32 gulden gsin, under dem houptküssj, entwert, und die teschen inn der Strytgassen funden worden, ist ein argwon uff disen jungen, (diewyl er dieselb nacht Zuor Tannen ze herberg glegen.) gefallen, desshalben er uff des bemellten Hanss Jungen begern, inn gfencknis gleyt. Nochdem er aber durch die Syben herren examiniert, ist er uff Mittwochen vor Martinj den fünfften tag Novembris ditz 67 jars, mit gmeyner urphet, wider ledig glossen, hatt dorby ouch geschworen, das er sich von statt und landt Basell hinweg thuon und darin onerloupt nit kommen solle, by pen des halsysens und der ruoten. Niklaus Im Hoff Notarius subscripsit
Siebnerherren
Syben herren
Thengj de Bola von Viuiss
Hanss Rorer – 1 ° Thengj de Bola von Viuiss Alsdann einer von Thono, einem steinmetzen, ein tegen ent wert, und nochmalen derselb tegen, disem jungen knaben, so nit vyl über zwölff jar alt ist, worden, und die becken buoben über in geschruwen, er habe den tëgen gstolen, hatt dieser den tëgen, bym Kalten Keller, hinder ein vass gstellt. Desshalben er gfencklichen angnommen. Nochdem aber er durch die Sybenherren verhört, und anzeigt das er dem von Thono, zwölff patzen gelychen, der habe in den bemelten tegen geben, ist er uff Mittwochen den fünfften tag Novembris ditz 67 jars, mit gmeyner urphet gnediglichen wider ussglossen, hatt darby ouch geschworen, das er sich von statt und landt Basell hinweg thuon, und nit wider harin kommen noch sich finden lassen solle by peen der ruoten und dess halsysens. Niklaus Im Hoff Notarius subscripsit
Siebnerherren
Sybenherren
Hans Pfënder von Strassburg
Hanss Rorer – 1 ° Hans Pfënder von Strassburg Alsdann diser junger knab so ongvorlichen by 15 jaren allt, Zuom Lowen inn mindren Basell, mit einem von Obeckenen zert, und die amptlüth denselben gfencklichen angnommen, ist dieser böss über die amptlüth gsin, und Gott übel glestert, desshalben dieser verargwont als ob er ouch sin gsell were, darum dieser ouch ingleyt, und nochdem er besybnet worden, hatt man in, uff Donstag den 20ten Novembris ditz 67ten jars, mit gmeyner urphet gnediglichen wider ussglossen, dorby er ouch geschworen, das er sich von statt und landt Basell hinweg thuon, und darin onerloupt nit kommen solle, und hinfürter sich böser gsellschafft abthuon, wie er dann sich erpotten, er welle heym ziechen, und wider zuo einem gartner dingen, wie dann sin vatter ouch ein gartner gsin sige. Niklaus Im Hoff Notarius subscripsit
Siebnerherren
besybnet
Moritz Barys von Sant Niclaus port
Brucker – 1 ° Moritz Barys von Sant Niclaus port Demnach diser junger, übernacht Zuor Gylgen, ze herberg glegen, und einer von Rufach sich erclagt, es sigent im vier dick pfennig entwert, diser habs im gnommen, sindt iren ettlich ersuocht, und diewyl dieser sin seckell under die stegen verporgen, denselben fürher procht, dorinnen ein cronen und ettlich dick pfennig gsin. Ist dieser inn ein argwon kommen gfencklichen angnommen, und sindt dem von Rufach vier dick pfennig uss dessen gellt geben worden, doruff der von Rufach sich darvon gmacht, und nochdem diser durch die Sybenherren verhört, und anzeigt, das der von Rufach gwüsst habe, das er gellt ghept, dann er by sinem vatter zuo Rufach gedient, er habe ouch in geheysen den seckell verpergen, ist diser uff Sambstag den 22ten Novembris ditz 67ten jars, mit gmeyner urphet gnediglichen wider ussglossen, und im dorby anzeigt, das er wider einem biderbmann dienen möge. Niklaus Im Hoff Notarius subscripsit
Siebnerherren
Sybenherren
Peter Berner von Mett by Byel
Rorer – 1 ° Peter Berner von Mett by Byel Alsdann inn der herberg Zuor Tannen, ein seckell ver loren, darinnen zechen rössler, dry münchsköpf und ein gulden gsin, ist ein argwon uff disen so acht jar zuo Bern gestudiert, gefallen, diewyl er doselbst zuo herberg glegen, und inn 14 tagen, inns Margraffen landt, drü mal gfencklichen gon Röteln gfürt. Desshalben er ingleyt, und nochdem er durch die Sybenherren verhört, ist er uff den nünten tag Jenners ditz 68 jars, mit gmeyner urphet gnediglichen wider ussglossen, hatt dorby ouch ge schworen das er sich von statt und landt Basell, an andere ort und endt hinweg th uon und unser Gnedig Herren, ongeirrt lossen, ouch onerloupt nit wider harin kommen solle. Niklaus Im Hoff Notarius subscripsit
Siebnerherren
Sybenherren
Ruodolff Ritter der bermenter
Rorer - 1 ° Ruodolff Ritter der bermenter Ruodolff Ritter kommt in einem anderen Urfehdeverfahren vor, siehe Urfehdeeintrag Ruodolff Ritter der bermenter (fol. 83 recto) für anderes Urfehdeverfahren Demnach und er durch die Bannherren beschickt, hatt er vor inen nitt erschynen wellen, sonder gseyt, er habe nützit mit inen zeschicken noch zeschaffen.Und diewyl er ouch farlësig und übell husshaltet, gross keüff über sich nimpt, die er losst zeschanden werden, das die würm darin kommen, und alsdann nëher muss geben, dann sy in costen. Dessglichen mit siner eefrowen unfridsam lëpt, inn wincklen sich füllt, und wann er darnoch heym kompt, gibt er böse wort, will sin stieffkindt nyenen tulden noch lyden. Desshalben er inn gfenckniss gleyt, und nochdem er durch die Syben herren verhört, ist er uff Sambstag den 28 + Hornungs, 68. jars, gnediglichen wider ussglossen, hatt darby ouch geschworen, das er sich gegen den Bannherren gehorsamlich stellen und sy umb verzychung pitten solle, zuom andren das er sich der grosen keüffen abthuon, und sines handtwercks acht nemmen und warten solle. Zuom dritten das er mit siner eefrowen und sinem stieffkindt, früntlich und tugentlich leben, und sine schuldtvorderer uff die zyl wie er inen verspricht zalen solle, nit wann sy in suochen das er nitt zuobetretten, sonder sich welle finden lassen. Und zuom vierdten das er von wegen siner vogty, belangen Haniball von Michellfelden seligen, gelossne kinder, uff das fürderlichst, den Wysen Herren rechnung solle geben. Niclaus Im Hoff Notarius subscripsit
Siebnerherren
Syben herren
Michell Müller von Rynfelden ein ziegler .
Rorer- 1 ° Michell Müller von Rynfelden ein ziegler . Demnach diser junger frëffler gsell, vor vierzechen tagen zuo Normalingen gfencklichen gon Varnsperg gfürt und hinweg gwysen, ist er den nechsten, gon Ougst kert, daselbsten zert, die fenster zerschlagen Gott übell glestert, und dem würt und volck im huss schmëchlichen zuogeredt. Ist er desshalben harin gschickt. Und nochdem er durch die Syben herren verhört, hatt man in, uff Mittwochen noch dem heyligen Palmtag ditz 68 jars, mit gmeyner urphet, gnediglichenn wider ledig glossen, dorby er ouch geschworen, das er sich von statt und landt Basell hinweg thuon, und darin onerloupt nit kommen noch sich finden lassen solle. Dann wo er über disen eydt ergriffen, werde im ettwas uff den hals wachsen, das im an sinem lyb zeschwër sin werde. Niclaus Im Hoff Notarius subscripsit
Siebnerherren
Syben herren
Thenge de Bola, so sich nempt weber oder moler, von Viviss ein junger knab,
Brucker- 1 Rorer- 1 ° Thenge de Bola, so sich nempt weber oder moler, von Viviss ein junger knab, ° und Peter Zschëckj von Wylar by Salin inn Burgundt glegen. Alsdann bemelter Thenge vor Wienachten ouch gfangen glegen ,und von statt und landt verwysen, so ist doch er und Peter Zschëckj, sampt Hanssen Porro Hans Porro kommt in einem anderen Urfehdeverfahren vor, siehe Urfehdeeintrag Hans Porro von Ryney by Grey inn Burgundt glegen (fol. 84 recto) für anders Urfehdeverfahren hieensyt genampsset, zuo Gelterkingen vor eines buren huss funden, und verclagt worden, das sy ettlich gelt sollten usstheylt haben. Desshalben sy gfencklichen harin gschickt, und nochdem sy durch die Syben herren verhört, und kein gelt by inen funden worden, sindt sy uff Mittwochen noch dem heyligen Palm tag ditz 68 jars, mit gmeyner urphet gnediglichen wider uss glossen, habent darby ouch sampt und sonders geschworen, das sy sich von statt und landt Basell, hinweg thuon, und dorin oner loupt nit kommen noch sich finden lassen sollen. Oder es werde inen ettwas uff den hals wachsen , das inen zeschwër sin werde, inn sonderheit obgenanten Thenge, dann es by siner vorgeschribnen urphet plyben werde. Niclauss Im Hoff Notarius subscripsit
Siebnerherren
Syben herren
Hans Porro von Ryney by Grey inn Burgundt glegen
Uolj - 1 ° Hans Porro von Ryney by Grey inn Burgundt glegen Hanssen Porro kommt in einem anderen Urfehdeverfahren vor, siehe Urfehdeeintrag Thenge de Bola so sich nempt weber oder moler, von Viviss ein junger knab, und Peter Zschëckj von Wylar by Salin inn Burgundt glegen (fol. 84 verso) für anderes Urfehdeverfahren Diewyl er ouch by der gsellschafft gsin, als sy zuo Gelterkingen vor eines buren gsin, truncken und ettlich gellt usstheylt sollen han, ist er mit denselben gfencklichen harin gschickt, und nochdem er durch die Sybenherren verhört, und er nützit geston wellen sonder onargwenig, hatt man in uff Mentag noch dem heyligen Palmtag den 12 Aprilis ditz 68 jars, mit gmeyner urphet, gnedig lichen wider ussglossen, hatt dorby ouch geschworen, das er sich von statt und landt Basell hinweg thuon, und darin onerloupt nit kommen solle. Oder im werde ettwas uff den halss wachsen, das im an sinem lyb zeschwër sin werde. Niclauss Im Hoff Notarius subscripsit
Siebnerherren
Sybenherren
Werlj Gysj von Leüffellfingen
Rorer- 1 ° Werlj Gysj von Leüffellfingen Demnach und Hanss Gysin sines vatters bruoder vor ettlichen jaren von wegen siner missthat, alhie, mit dem schwërt gerichtet worden und unsere Gnedigen Herren inen fünff verlassnen kinden, das guot uss gnaden glassen, und volgendts Michell Gysin, dess bemelten Werlins vatter, umb drühundert gulden, übergeben. Also das er die dry theyl dess gewerbs, innhaben, besitzen und nutzen möge, biss die kinder zuo iren tagen kommen, und wouerr dann einich kindt vorhanden, so dess gewerbs wider begeren wurde, das er alsdann denselben, den kinden wider umb die drühundert gulden zuohanden stellen solle. Noch lut eines brieffs so im 62 jar uffgericht. Diewyl und aber bemelter sin vatter, disem, die dry theyl des gwerbs, doch der gstallten wie er an in kommen, + übergeben, hatt er demselben zewider, der mertheyl, verkoufft, vertuscht daruff fünffhundert pfundt entlechnet, und 12C lb bar darus erlasst desshalben dann er mit herrn Hanss Jacoben Keller dem obervogt, als er wyther (onangesechen unserer G[nedigen] Herren verpott.) verkouffen wellen, und der obervogt im sollichs nitt gestatten wöllen, zuo unfriden kommen im schmëchlichen zuogeredt. Darumb er inn gfenckniss gleyt, und nochdem er durch die Sybenherren verhört ist er uff Sambstag den achtisten Meygens ditz 68 jars, gnediglichen wider ussglossen, hatt den innhallt gmeyner urphet darby ouch geschworen, das er vor einem Er samen Gericht zuo Leüffellfingen oder Buttken, wann er beschickt dem obervogt, dessglichen dem gantzen gericht, und allen denen er schmëchlichen zuogeredt, noch irer Eeren notturfft widerreden, und sich bekennen solle, das er sy als eeren, biderb lütz erkenne, er wüsse nützit anders von inen, dann alle eer liebs und guots. Das er ouch den bemellten gwërb und andere güter die er besitzt, weder versetzen, verkouffen, vertuschen, noch ettwas daruff entlechnen, sonder erwarten wann unser Gnedig Herren söllich guot selbs wider zuo iren handen nemmen, und denselben gwerb im oder andrenn verlychen werden. Darzuo ouch das er sich aller würtzhüser gentzlichen müssigen, ouch kein gastery, inn sin huss inziechen, sonnder allein doheymen by wyb und kinden plyben, und das er unseren G[nedigen] Herren zuo peen und stroff 20 lb stebler inn acht tagen erlegen solle. Niclaus Im Hoff Notarius subscripsit
Siebnerherren
Sybenherren
Hans Herrlich von Gusy, by Betterlingen glegen, ein rebknecht
Brucker- 1 ° Hans Herrlich von Gusy, by Betterlingen glegen, ein rebknecht Ist ouch by obgemeltem Symon Symon Müller kommt in anderen Urfehdeverfahren vor, siehe Urfehdeeinträge Steffan Le Banne (fol. 88 verso), Symon Müller von Alben us Westerrich ein ackerknecht (fol. 89 recto) und Barbell Stockerj von Rufach (fol. 89 recto) für andere Urfehdeverfahren , als das lynen tuoch gstolen, und sinen gsellen gsin. Dessglichen solle er by einer gsellschafft zuo Wytiss dorff by Altkilch, als ettliche cleyder entwert gsin sin, wiewol ers nit gston wöllen. Desshalben er inn gfenckniss gleyt, und nochdem er durch die Sybenherren verhört, hat man in uff Mentag den 14 Junij ditz 68 jars, mit gmeyner urphet, gnediglichen wider uss glossen, hatt dorby ouch geschworen, das er sich zechen myl wegs, von statt und landt Basell hinweg thuon, und darin onerloupt nit kommen solle, by peen dess schwerts. Niclaus Im Hoff Notarius subscripsit
Siebnerherren
Sybenherren
Symon Müller von Alben uss Westerrich ein ackerknecht
Rorer- 1 ° Symon Müller von Alben uss Westerrich ein ackerknecht Symon Müller kommt in anderen Urfehdeverfahren vor, siehe Urfehdeeinträge Steffan Le Banne von Montinand (fol. 88 verso), Barbell Stockerj von Rufach (fol. 89 recto) und Hans Herrlich von Gusy (fol. 89 recto) für andere Urfehdeverfahren Demnach und er inn der Schol, by achtzechen ellen lynen tuch entwert, ist er mit siner gsellschafft Zuor Thannen gfencklichen angnommen, und nochdem er durch die Syben herren verhört und anzeigt das in Barbell Stockerj Barbell Stockerj kommt in einem anderen Urfehdeverfahren vor, siehe Urfehdeeintrag Barbell Stockerj von Rufach (fol. 89 recto) für anderes Urfehdeverfahren harnoch genant habe uffgewyssen,dessen aber sy nit gston wöllen, hatt man in uff Mentag den 14 Junij ditz 68 jars, mit gmeyner urphet gnediglichen wider ussglossen, dorby er ouch geschworen, das er sich zechen myl wegs von statt und landt Basell hinweg thuon und dorin onerloupt nit kommen solle, by peen dess schwerts. Niclaus Im Hoff Notarius subscripsit
Siebnerherren
Syben herren
Martha Wolffin Jeronimuss Lynder dess schürlitzwebers eefrow
Rorer - 1 Brucker - 1 ° Martha Wolffin Jeronimuss Lynder dess schürlitzwebers eefrow,und Dorothe ° Lynderj, Uolrichen Ritter dess webers eefrow Demnach und diese zwey wyber, mit lästerlichen üppigen, und schandtlichen worten, an einandren geroten, wie sollichs die gefasste kuntschafft vermag, sindt sy beyde inn gfenckniss gleyt, und nochdem sy durch die Sybenherren verhört, hatt man sy uff den 18 Octobris ditz 68 jars,mit gmeyner urphet gnediglichen wider ussglossen, dorby sy ouch sampt und sonders ge schworen, das sy hinfürter einandren worten und werckenhalb nit antasten noch schmëhen, sonder einandren zefriden und ruowen lossen sollen. Und innsonderheit hatt Martha geschworen, das sy sich still und frombklich hallten, und wann sy für die Bannherren beschickt wirt, das sy dieselben, umb verzychung pitten solle. Niklaus Im Hoff Notarius subscripsit
Siebnerherren
Sybenherren
Heinrich Haller der gollermacher.
Rorer - 1 ° Heinrich Haller der gollermacher. Demnach und er inn Uolrichen Ëberlj dess truckersUolrichen Ëberlj kommt in einem anderen Urfehdeverfahren vor, siehe Urfehdeeintrag Ulrich Ëberlj der trucker von Ougsburg und Elssbeth Oschwaldin von Loupheim zwo myl von Ulm glegen, sin eefrow (fol 93 verso) für anderes Urfehdeverfahren, behussung frü und spot, sin zuogang ghept, demselben sin eefrowen gebuolt, und werck der unküscheyt, mit iren getryben, und nochmalen mit derselben frowen von wegen zweyer schuben die sy im solt entwert haben, (wie er sy gezygen) inn ein rechtshandell, gegen den fryden gewachsen, inn wellicher rechts übung er dem handell under glegen, und iren wider reden müssen. Ouch umb einendzwentzig mann unrecht gestrofft worden, wie sollichs die urtell an einem Ersamen Stattgericht ussgangen, vermag. Ist er inn gfenckniss gleyt, und wiewol unser Gnedig Herren, von sollicher siner begangnen misshandlung, innsonderheit diewyl er, einen schandt lichen, lasterlichen und schmëchlichen brieff, bemeltem trucker an sin hussthüren geschlagen,wie er dessen vor den Sybenherren bekantlich gsin, guot fuog und recht ghept, in für recht zestellen, haben sy doch in uff sin, und sines bruoders, ouch siner schwester und verwandten, fründen, underthenige pitt, desselben gnediglichen erlossen, im gnad bewyssen, und uff Sambstag den dryssgisten Octobris ditz 68 jars, mit gmeyner ruphet, der gfenckniss wider ledig glossen. Doch hatt er dorby ouch ge schworen, das er dem gmeynen guot, 40 gulden, zuor stroff erlegen, und das er inn monats frist nechstkünfftig, das sin verkouffen oder vertryben möge. Und demnoch sich, von statt und landt Basell, sechs myl wegs schyben wyss, hinweg thuon, und darin onerloupt, nit kommen noch wandlen solle, sonder hieruff, ein gestrackte uffrechte urphet worten und werckenhalb hallten. Niklaus Im Hoff Notarius subscripsit
Siebnerherren
Sybenherren
Jerg Brunysen der büchsenschmidt
Rorer - 1 ° Jerg Brunysen der büchsenschmidt Demnach und er umb Michaelis dess nechstverschynenen 67 jars sine gülltbrieff, und bargellt, zuo im gnommen, uss der statt hinweg zogen, sin wyb und kinder sytzen lossen, und erst yetzt wider harkommen, ist er gfencklichen angnommen, und nochdem er durch die Sybenherren verhört, hatt man in uff Sambstag + den 30ten Octobris,ditz 68 jors, mit gmeyner urphet, das mans noch ein mal, mit im versuochen wölle gnediglichen wider uss glossen. Hatt dorby ouch geschworen, das er sine kinder uff das fürderlichst bevögten, damit inen ir müterlich erb werde, das er ouch hinfürter sich anderst halten und tragen, sines mundts behuotsamer sin, und wann sin eefrow in mit recht an langen, das er iren red und antwort geben solle.Ouch unsseren Gnedigen Herren 10 lb zuor stroff erlegen, wie er dann dieselben bezalt hatt. Niklaus Im Hoff Notarius subscripsit
Siebnerherren
Sybenherren
Hans Gëlia von Weysela uss Burgundt vier myl von Bysantz, ein friess
Uolin- 1 ° Hans Gëlia von Weysela uss Burgundt vier myl von Bysantz, ein friess Hatt einer frowen, am Vischmerckt, zwey beschlagne messer usszogen, und dieselben inn ein vass gworffen.Dorumb er gfencklichen angnommen, und nochdem er durch die Sybenherren verhört, ist er uff Mentag noch Martinj ditz 68 jars, mit gmeyner urphet, gnediglichen wider ussglossen, hatt darby ouch geschworen, das er sich von statt und landt Basell hinweg thuon und darin onerloupt nit kommen solle, by peen dess halsysens und der ruoten. Niklaus Im Hoff Notarius subscripsit
Siebnerherren
Sybenherren
Marx Riecher der scherer
Ylidorffer -1 °Marx Riecher der schererMarx Riecher kommt in einem anderen Urfehdeverfahren vor, siehe Urfehdeeintrag Marx Riecher der schwerer (fol. 93 verso) für anderes Urfehdeverfahren Demnach und er mit siner eefrowen, gar unfridsam lept, unnütze liederliche gsellschafft, inn sin huss zücht tëmpfft und prasst, tag und nacht toll und voll, darnoch mit plossem gwer über sin frowen zuckt, sy übell schlacht und stosst, Gott übell lestert. Ist er inn gfenckniss gleyt, und nochdem er durch die Syben herren verhört, hatt man in uff Mittwochen den 18 Meygens ditz 69 jors, mit gmeyner urphet gnediglichen wider ussglossen, hatt dorby ouch geschworen, das er alle zünfft und gsellschafften würtz wyn und kochshüser, inn und usserthalb der statt vorab Hünigen, myden, nyenen anderswo essen noch trincken solle, dann allein daheymen inn sinem huss by siner eefrowen und uff siner eeren zunfft. zuo jors malen. Dessglichen das er weder tolchen tegen noch anders gwer, weder tags, noch nachts, nit by noch an im tragen solle, dann allein ein abbrochen brotmesser. Und das er der bösen gsellschafft müssig gon, sy nit behussen noch beherbergen solle. Sonder hinfürter husshallten solle, wie einem eemann gebürt. NiclausIm Hoff Notarius subscripsit
Siebnerherren
Syben herren
Barbell Han
Ylidorffer - 1 °Barbell Han, Peter Keller dess schnyders eefrow Alsdann ir muoter dem spittal vyl entwert, und übell hussgehallten, darumb sy dann sich geüssert, und zuo Lanser gfencklichen angnommen, ouch daselbst ertrenckt worden, ist diese ir tochter, durch sy angeben als ob sy ouch wüssens dorumb gehept. Desshalben sy inn gfenckniss gleyt, und besybnet, und nochdem man ir entschuldigung gehört, hatt man sy uff Sambstag den vierten Junij ditz 69 jars, mit gmeyner urphet, wider ledig glossen. Dorby sy ouch geschworen, das sy weder lyb noch guot, biss uff wytheren bescheidt, nit verenderen, und ihres mundts behuotsam sin solle. NiclaussIm Hoff Notarius subscripsit
Siebnerherren
besybnet
Margreth Hiltoch
Uolin - 1 °Margreth Hiltoch, Osswalt Müller dess schnyders seligen, gelossne wittfrow. Diewyl sy durch die spittal frowen angeben, und sich bereden lossen, das sy ein stuck tuoch, so hundert und sechsunddryssig ellen gsin, hindersich gnommen, welches sy Anna Thuonowerj verkouffen lossen, und iren zwölff schilling davon geben, so dann der spittal frowen 5 lb. Ist dise inn gfenckniss gleyt durch die Syben herren verhört, und uff Sambstag den vierten Junij diss 69 jars, mit gmeyner urphet, gnediglichen wider ussglossen, hatt darby ouch geschworen, das sy disen handell by iren selbs plyben welle lossen, und ihres mundts behuotsam sin. NiclaussIm Hoff Notarius subscripsit
Siebnerherren
Syben herren
Ludwig Mattler von Fryburg uss Üchtlandt, ein küffer und kübler.
✤Nüwe zal Jocob Ylidorffer °Ludwig Mattler von Fryburg uss Üchtlandt, ein küffer und kübler. Demnach und er zuo Hünigen im würtzhuss truncken, und ein frömbder so noch inn gfangenschafft ligt, ouch doselbst hin kommen und diser denselben gefrogt, wie es zuo Zurtzach gangen, ob man kein schelmen gfangen, hatt derselb frömbdt gseyt, es sigent etlich entloffen, doruff Lienhart Ehinger der soldnerLienhart Ehinger kommt in anderen Urfehdeverfahren vor, siehe Urfehdeeinträge Philipp Gënser der sattler (fol. 48 verso), Lienhart Ehinger der soldner (fol. 90 verso), Margret von der Hecken Lienhart Ehingers eefrow (fol. 91 recto) und Margreth von der Hecken, Lienhart Ehinger dess soldners eefrow (fol. 91 verso) für andere Urfehdeverfahren, an den frömden geroten, und gsagt, er hör wol, er sige ouch ein schelm, einandren mit fünsten gschlagen. Desshalben diser und der ander frömbt, ge fencklichen angnommen, harin gefürt, und nochdem er besybnet und anzeigt, das er von dess frömbden handlung, der eines mordts anzogen, nützit wüsse, ist diser uff Sambstag, den 25 Junij ditz 69 jors, mit gmeyner urphet, gnediglichen wider ledig glossenn. Niclauss Im Hoff subscripsit
Siebnerherren
besybnet
Eva Wyss von Zürich , Thoman Germüller dess küblers frow
Uolin – 1 °Eva Wyss von Zürich , Thoman Germüller dess küblers frowEva Wyss kommt in einem früheren Urfehdeverfahren schon vor, siehe Urfehdeeintrag Eva Wyss von Zürich, Thoman Germüller dess küblers eefrow (fol. 101 recto). Demnoch und sy kürtzlichen ouch gfangen glegen, wie hievornen am fünfften platt gschriben stot, ettliches lynenen tuochshalb, das sy entwert sollte haben, da sy gar unschuldig sin wellen, und sich gar lëtz gstellt, es bescheche iren onrecht, hatt sich syder- har erfunden, das sy dasselb tuoch entwert, wie sy dann yetzt inn der gfenckniss, vor den Sibenherren, luter bekantlich gsin, sy habe das selb tuoch inn dry stuck zerhouwen, und inn Ryn geworffen. Ist uff Mittwochen den 27 Julij ditz 69 jars, mit + gmeyner urphet, gnediglichen wider ussglossen, und domit ernstlich gwarnet, wo sy sich wyther inn cleinem oder grossem übersechen werde sy irem verdienen noch gestrofft, oder aber von statt und landt verwysen. Niclauss Im Hoff Notarius subscripsit
Siebnerherren
Sibenherren